சனி, 31 ஜூலை, 2010

ஹைக்கூ – கவிஞர் இரா.இரவி

ஹைக்கூ – கவிஞர் இரா.இரவி



ஏவுகணை சோதனை வெற்றி
விலைவாசி குறைப்பில் தோல்வி
இந்தியா


அறிவு விளக்கை அணைத்து விட்டு
அணையா விளக்கு
காமராசருக்கு


தூரத்தில் தர்ம தரிசனம்
அருகில் நடப்பது
அதர்ம தரிசனம்


இலஞ்சம் ஒழிப்பவரே
இலஞ்சம் வாங்கி கைது
காவல்துறை


ஏறும் விலைவாசி
இறக்கிட யோசி
மக்கள் விருப்பம்


அன்று ஊறுகாய்
இன்று சாப்பாடு
திரைப்படங்களில் ஆபாசம்


நாட்டில் ஓடியது
தேனும் பாலும்
திருப்பதிக்கு தங்கக் கோபுரம்


பேச ஆரம்பித்தனர்
மதுவிலக்கு
அருகில் தேர்தல்


வெற்றி பெற்றன
ஊடகங்கள்
பண்பாட்டுச் சீரழிப்பில்


போதித்தன
மிருக குணம்
தொ(ல்)லைக்காட்சித் தொடர்கள்


குடிபோதையில்
குடும்பத்தலைவன்
தள்ளாடும் குடும்பம்


வந்தாரை வாழ வைத்தே
வீடு இழந்தவன்
தமிழன்


கூழ் இன்றி ஏழை
கோடிகளில் அரசியல்வாதி
வாழ்க இந்தியா


சக நடிகர் கைது
கண்டிக்காத திரைஉலகம்
சுயநலவாதிகள்


விந்தை மனிதர்கள்

https://mail.google.com/mail/?ui=2&ik=b81c859f46&view=att&th=12a244c89e2ca9ae&attid=0.1&disp=inline&realattid=f_gc4zavzy0&zw
விந்தை மனிதர்கள்


நூல் ஆசிரியர் : கவிஞர் மதுக்கூர் இராமலிங்கம்
நூல் விமர்சனம் : கவிஞர் இரா.இரவி


நூலின் அட்டைப்பட ஓவியம் சிறப்பாக உள்ளது. நூல் ஆசிரியர் மதுக்கூர் இராமலிங்கம் நாடறிந்த நல்ல பேச்சாளர். எழுத்து ஆற்றலும் வரும் என்று நிரூபித்து உள்ள நூல் இது. இந்நூலிற்கு சாகித்ய அகதெமி விருது பெற்ற எழுத்தாளர் மேலாண்மை பொன்னுச்சாமி, கலைமாமணி முனைவர் கு. ஞானசம்பந்தன் பெண்ணிய எழுத்தாளர் அ.வெண்ணிலா ஆகியோரின் அணிந்துரை அழகு சேர்க்கின்றது. ஒவியர் ஸ்ரீரசா அவர்களின் ஓவியங்கள் நூலிற்கு மேலும் அழகு சேர்க்கின்றன.
இயந்திமயமாகி விட்ட காலத்தில் மனித மனங்களும் இயந்திரமாகி விடுகின்றது. இயல்பான நிலைக்குத் திரும்ப இது போன்ற நகைச்சுவை விதைக்கும் நூல்கள் உதவுகின்றன. செம்மலர் இதழில் பிரசுரமானவற்றை தொகுத்து நூலாக வழங்கி உள்ளனர். நல்ல முயற்சி, பாராட்டுக்கள்.
கிராமத்து மனிதர்களை படம்பிடித்து, கிராமிய மொழியிலேயே வடித்து உள்ளார். ‘பாவாடை ராசு” முதல் கட்டுரை இவர் பற்றி, ‘ராசு அண்ணன் சட்டை போட்டிருந்து யாரும் பார்த்ததில்லை. அவர் கல்யாணத்தின் போது ஒரே ஒரு நாள் சட்டை போட்டிருந்ததாகவும், தாலி கட்டிய உடனேயே உடம்பெல்லாம் அரிக்கிறது என்று சொல்லி உடனே கழற்றி எறிந்து விட்டதாகவும் தகவல் உண்டு, இருந்தாலும் இதை நேரடியாகப் பார்த்ததற்கு இப்போது யாரும் சாட்சியில்லை”.
கிராமத்தில இன்றும் சட்டை போடாத மனிதர்கள் பலர் உண்டு. அவர்கள் நம் நினைவிற்கு வந்து விடுகின்றனர். ஒரு நாள் இரவு அவசரத்தில் துண்டுக்குப் பதிலாக மனைவியின் பாவாடையை தோளில் போட்டு சென்றதன் காரணமாக அவருக்கு பாவாடை ராசு என்று பெயர் வந்த காரணம் கட்டுரையில் உள்ளது. இரண்டு ரூபாய் சாப்பாடு என்று நினைத்து சாப்பிட்டவரிடம், கூச்சப்படாமல் சாப்பிடுங்க என்று சொல்லி, சின்னச் சின்ன கண்ணங்களில் கறி, கோழி, மீன் வைத்து இவை எல்லாம் தனிக்கணக்கு என்று ரூ.150 ஆகியதால், கடைசியில் ஊருக்கு நடந்த வந்த கதை. இப்படி சின்னச் சின்ன நிகழ்வுகளின் தொகுப்பில் நகைச்சுவை ஊருக்கு நடந்த வந்த கதை. இப்படி சின்னச் சின்ன நிகழ்வுகளின் தொகுப்பில் நகைச்சுவை விதைக்கிறார் நூல் ஆசிரியர். ஆனால் இன்றைக்கு அளவு சைவ சாப்பாடே 45 ரூபாய். விலைவாசி விலா எலும்பை முறிக்கும் காலம் இது.
‘கவர்மெண்டு கந்தசாமி”. கந்தசாமி வாயிலிருந்து ஒரு நாளைக்கு நூறு முறையாவது கவர்மெண்ட் என்கிற வார்த்தை வெளியே வந்து விடும். இன்றைக்கு தமிங்கிலம் நகரத்தை மட்டுமல்ல கிராமங்களையும் பிடித்து ஆட்டுகின்றது என்பதை அழகாகப் பதிவு செய்துள்ளார். இவரை வில்லங்கம் கந்தசாமி, சுருட்டல் கந்தசாமி என்றெல்லாம் அழைப்பது அவருக்குத் தெரியும். ஏனென்றால். ஏப்ப சாப்பையானவர்கள் பெயரில் நிலமிருந்தால் தனது பெயரில் அதை மாற்றிச் சுருட்டிக் கொள்வதிலும் யாராவது தன்னை எதிர்ப்பதாகத் தெரிந்தால் போலீசில் சொல்லி வில்லங்கத்தில் மாட்டி விடுவதிலும் அவர் பலே கில்லாடி.
கிராமத்தில் உள்ள பாமரர்களை கொள்ளையடிக்க ஒரு கூட்டம் உள்ளது என்ற கருத்தை நகைச்சுவை கலந்து விளக்குகின்றார் நூலாசிரியர். அய்யப்பனுக்கு மாலை போடுகிறேன் என்ற பெயரில் பலர் தாடி வளர்ப்பது, வண்ணத்துண்டு அணிவது என தோற்றம் மாறி காணப்படுவார்கள், ஆனால் சில காவல்துறை காவலர்களும் இந்தக் கோலத்தில் காட்சியறித்து விடுவதை கிண்டல் செய்யும் விதமாக ‘அய்யப்ப போலீஸ்” என்ற கட்டுரை உள்ளது. நமது அய்யப்ப போலீஸ் பனிரெண்டு மாதமுமே அய்யப்பன் கெட்டப்பில் தான் இருப்பார். டூட்டியின் போது காக்கி உடை போட்டிருந்தாலும், வீபதி, சந்தனம், குங்குமம் வைத்துக் கொள்வதோடு, ஒரு கலர் துண்டும் போட்டிருப்பார். இவர் எப்போது அய்யப்பனாக இருக்கிறார், எப்போது சாதாவாக இருக்கிறார் என்று கண்டுபிடிக்க முடியாது.
மதசார்பற்ற நாட்டின் காவல்துறைக் காவலர்களுக்கு இதுபோன்ற விதிவிலக்கு வழங்கக் கூடாது. பணியில் இருக்கும் போது இவற்றை அனுமதிக்கக் கூடாது என்று பல்வேறு சிந்தனைகளை விதைக்கின்றது. பல்பொடி வடுவாயி, எம்.ஜி.ஆர். கிழவி, எலக்சன் ஏகாம்பரம், பொடி பொன்னுசாமி, சிரிப்புக்காட்டி செல்லையா, சிலோன் ஜெயபால், பண்டிதர் பரமசிவம், நூலகர் பூவலிங்கம், உடுக்கு முனி இப்படி பல்வேறு பாத்திரங்களை அவர் கண்டு ரசித்த, கேள்விப்பட்ட நபர்களை மிகச் சிறப்பாக கட்டுரையாக்கி வழங்கி உள்ளார். பாத்திரங்கள் ஒவ்வொன்றும் ஒவ்வொரு விதம்.
கவிஞர் ஸ்ரீ ராசா ஓவியம் பாத்திரங்களுக்கு கூடுதல் பலம் சேர்க்கின்றது. நூலைப் படித்து முடிந்தவுடன் ஒவ்வொரு பாத்திரமும் நம் மனக்கண் முன் வந்து விடுகின்றனர். அது தான் ஒரு படைப்பாளியின் வெற்றி. கிழவி எம்.ஜி.ஆர் படம் பார்த்தால் அடுத்த படம் வருகிற வரை முதல் படத்தின் கதையையே சொல்லிக் கொண்டிருக்கும், எந்தப் படத்தில் எம்.ஜி.ஆர். எந்தக் காட்சியில் எந்த உடை அணிந்திருந்தார், எந்தச் செருப்புப் போட்டிருந்தார் என்ற புள்ளி விபரம் கிழவிக்கு அத்துப்படி, எம்.ஜி.ஆர். படக்கடை வசனத்தை கிழவி. அந்தப்பட இயக்குநரை விட சிறப்பாகச் சொல்லும். எம்.ஜி.ஆர். கண்ணாடி போட்ட கிழவி ஓவியம் மிகச் சிறப்பு.
உண்மைதான், இது போன்ற கிழவிகள் கிராமங்களில் வாழ்கிறார்கள். நானும் பார்த்து இருக்கிறேன், கேட்டும் இருக்கிறேன். எம்.ஜி.ஆரிடம் ஒரு கிழவி, யாரை கூட வைத்தாலும், நம்பியாரை கூட வைக்காதே என்று சொன்ன நிகழ்வு நினைவுக்கு வந்தது. எலக்சன் ஏகாம்பரம், இவர் வாக்களித்தால், வாக்களித்த நபர் தோற்று விடுவார் என்ற மூட நம்பிக்கை, அதன் காரணமாகக இவரிடம் யாரும் வாக்குக் கேட்பதில்லை. இது போன்ற பல மூட நம்பிக்கைகள் கிராமங்களில் இன்றும் உள்ளது. சாப்பாடு இலையில் தண்ணீர் தெளிப்பது தூசி போக, ஆனால் இரவில் இரவில் இலைக்குத் தண்ணீர் தெளிக்கக் கூடாது என்பார்கள். இப்படி மூடநம்பிக்கை உண்டு.
சிரிப்புக்காட்டி செல்லையா, மயான வெட்டியான் அவர் சொல்லும் வசனம், ‘எல்லாப் பயலும் கடைசியா எங்கிட்டாத் தான் வரணும்” இப்படி நூல் முழுவதும் மறக்க முடியாத கதாபாத்திரங்களை நகைச்சுவை கலந்து வழங்கி உள்ளார். பேச்சில் நகைச்சுவை எளிது, எழுத்தில் நகைச்சுவை கடினம், கடினமான பணியை மிக எளிதாகச் செய்து உள்ளார். மனம் இலகுவாக இந்த நூல் உதவும். மனபாரம், கவலை, சோர்வு உள்ளவர்கள் இந்த நூலைப் படித்து நகைச்சுவை உணர்வை, புத்துணர்வைப் பெறலாம். நூலாசிரியர் கவிஞர் மதுக்கூர் இராமலிங்கம் அவர்களுக்குப் பாராட்டுக்கள். கிராமங்களிலும் திமிங்கிலம் தவழ்வது உண்மை தான். ஆனால் படைப்பாளிகள் அவற்றைத் தவிர்த்து எழுத வேண்டும் என்பது எனது வேண்டுகோள்.

வெள்ளி, 30 ஜூலை, 2010

காலந்தோறும் கண்ணதாசன்

https://mail.google.com/mail/?ui=2&ik=b81c859f46&view=att&th=12a1279549ff3318&attid=0.1&disp=inline&realattid=f_gc1wjhrj0&zw








காலந்தோறும் கண்ணதாசன்

நூல் ஆசிரியர் : திரு.கே.ஜி.இராஜேந்திரபாபு
நூல் விமர்சனம் : கவிஞர். இரா. இரவி


புதுகைத் தென்றல் வெளியீடாக புதுகைத் தென்றல் மாத இதழில் வெளிவந்த கட்டுரைகளின் தொகுப்பு நூல் இது. நூல் ஆசிரியர் திரு. கே.ஜி. இராஜேந்திர பாபு வரலாற்று சிறப்பு மிக்க பச்சையப்பன் கல்லூரி மாணவர். பாரத மாநில வங்கியில் பணிபுரிந்து வருபவர். பட்டிமன்றப் பேச்சாளர், பன்முக ஆற்றலாளர், புதுகைத் தென்றல் இதழில் மாதா மாதம் ஆவலுடன் படித்த கட்டுரை என்றாலும் முழுமையாக நூலைப் படிக்கும் போது கவியரசு கண்ணதாசனின் பிம்பம் உயர்கின்றது. இந்நூலிற்கு தமிழ்த்தேனீ முனைவர் இரா. மோகன் அவர்களின் முத்திரை பதிக்கும் அணிந்துரை அழகு சேர்க்கின்றது. திரைப்பட இயக்குநர் திரு. எஸ்.பி. முத்துராமன் அவர்கள் தனது வாழ்த்துரையில் நூலாசிரியரக்கு முனைவர் பட்டம் வழங்கலாம் என்று பரிந்துரை செய்துள்ளார். புதுகைத் தென்றல் இதழாசிரியர் புதுகை தருமராசன் அவர்களின் மகிழ்வுரை மனதைத் தொடுகின்றது. கவியரசு கண்ணதாசனின் அரிய புகைப்படங்கள் அழகு சேர்க்கின்றன. கவியரசு கண்ணதாசன் பற்றிய மிகச்சிறந்த அவணமாக நூல் உள்ளது.
நூலின் ஆரம்ப வரிகளிலேயே கவியரசு கண்ணதாசனின் பன்முக ஆற்றலை படம் பிடித்துக் காட்டுகின்றார் நூல் ஆசிரியர்.
கவிஞர், செவியினிக்கப் பேசும் பேச்சாளர், உரைநடை எழுத்தாளர், திரைப்பட வசனகர்த்தா, கதாசிரியர், பத்திரிகை ஆசிரியர், படத் தயாரிப்பாளர், பாடலாசிரியர், அரசியல்வாதி, ஆன்மிகவாதி என்று பன்முக ஆற்றலோடு பவனி வந்தவர் கவியரசு கண்ணதாசன். ஒவ்வொரு துறை பற்றிய விளக்கம் அருமை.
சகலகலா வல்லவராகத் திகழ்ந்தார் என்பது உண்மை. நேரு பிரான் மறைந்த போது, ‘சாவே, உனக்கொரு நாள் சாவு வந்து சேராதா” என்று அவர் எழுதிய வரிகள் இரங்கல் கவிதையின் உச்சம். இப்படி பல தகவல்கள் நூலில் உள்ளது.
பாரதிக்கு சிந்து, பாரதிதாசனுக்கு எண்சீர் விருத்தம், கண்ணதாசனுக்கு அறுசீர் விருத்தம் கைவந்தவை, அவரது தென்றல் இதழ், புயலை உருவாக்கியது. மாறும் உலகின் மகத்துவம் அறிவேன், மாறாதிருக்க யான் வனவிலங்கல்ல என்று பாடியவர். இப்படி கவியரசு கண்ணதாசனை உள்வாங்கி, உணர்ந்து, ஆய்ந்து, தோய்ந்து கட்டுரை வடித்துள்ளார் நூல் ஆசிரியர்.
கவிஞன் தொலைநோக்கு சிந்தனையாளன். அதனால் கவிஞன் கணிப்பு பொய்ப்பதில்லை என்பது உண்மை.
‘நான் நிரந்தரமானவன் அழிவதில்லை – எந்த
நிலையிலும் எனக்கு மரணமில்லை”

கவியரசு கண்ணதாசன் எழுதிய வைர வரிகள் இன்றளவும் அவருக்குப் பொருந்துவதாகவே உள்ளது. நூலாசிரியர் இவ்வரிகளைக் குறிப்பிட்டுள்ளார்.
விருப்பமில்லாத வாழ்க்கை, வீணை கையிலே வெறுப்பு மனத்திலே, அதை விவரிக்கிறார் பாட்டிலே.
இதய வீணை தூங்கும் போது பாட முடியுமா?
இரண்டு கண்கள் இரண்டு காட்சி காண முடியுமா?

இப்படி கருத்தாழம் மிக்க அற்புத வரிகளை நூலில் மேற்கோள் காட்டிகண்ணதாசன் இன்றும் வாழவதை கட்டுரைகளில் நிலைநிறுத்தி உள்ளார் நூல் ஆசிரியர். காலத்தால் அழியாத கனியினும் இனிய அற்புதமான பாடல் வரிகளை மேற்கோள் காட்டி உள்ளார். இதனைப் படிக்கும் போது இன்றைய பாடல் வரிகள் என் நினைவிற்கு வந்தது. நிழலின் அருமை வெயிலில் தெரியும் என்பார்கள். கண்ணதாசனின் அருமையை இன்றைய பாடல் ஆசிரியர்கள் நமக்கு நன்கு உணர்த்தி வருகின்றனர்.
கவியரசு கண்ணதாசன் தமிழ் மட்டுமல்ல, ஆங்கிலத்திலும் சொல் விளையாட்டு நிகழ்த்துவார் என்பதற்கு ஒரு எடுத்துக்காட்டு நூலில் உள்ளது.
ஒரு நண்பரின் வீட்டுக் கதவைத் தட்டினார் கவிஞர். உள் இருந்தபடியே நண்பர் கேட்டார் who is outstanding ., கவிஞர் சொன்னார்.outsatnding poet.outsatnding ஆங்கிலத்திலும் அறிவார்ந்த சொல் விளiயாட்டு. கண்ணதாசன் பாட்டிலேயே பட்டிமன்றம் நடத்தியவர். எடுத்துக்காட்டு.
அன்னத்தைத் தொட்ட கைகளினால் – மதுக்கிண்ணத்தை
இனி நான் தொட மாட்டேன்
கன்னத்தில் இருக்கும் கிண்ணத்தை எடுத்து
மதுவருந்தாமல் விட மாட்டேன்

இப்படி திரைப்பாடல்களில் பல்வேறு உத்திகளைக் கையாண்டு பாடல் எழுதிய ஆற்றலை வியக்கின்றார் நூல் ஆசிரியர்.
உழைக்கும் கரங்களின் மகத்துவத்தைத் தனிப்பிறவி படத்தில் பாடுகிறார் கண்ணதாசன்.
உழைக்கும் கைகளே உருவாக்கும் கைகளே
உலகைப் புதுமுறையில் உண்டாக்கும் கைகளே

பொதுவுடைமை சிந்தனையும், கவியரசு கண்ணதாசனுக்கு உண்டு என்று நிரூபிக்கும் பாடல்.
எல்லாரும் எல்லாமும் பெற வேண்டும் – இங்கு
இல்லாமை இல்லாத நிலை வேண்டும்.

வல்லான் பொருள் குவிக்கும் தனியுடைமை நீங்கி
வர வேண்டும் திருநாட்டில் பொதுவுடைமை
.
கவியரசு கண்ணதாசன் கண்ட பொதுவுடைமைக் கனவு நனவாக வேண்டும். ஆனால் இன்று நாட்டில் நடப்பது, பணக்காரன் மேலும் பணக்காரன் ஆகின்றான், ஏழை மேலும் ஏழையாகின்றான். இந்த நிலை மாற வேண்டும்.
கவியரசு கண்ணதாசனுக்கு மனிதாபிமானம் மட்டுமல்ல, விலங்காபிமானமும் உண்டு என்பதை உணர்த்தும் பாடல்.
வளர்த்த பிள்ளையும் மாறி விடும்
வாழும் உறவும் ஓடி விடும்
வாயில்லாத உயிரை வளர்த்தால்
காடு வரைக்கும் கூட வரும்.

கண்ணதாசன் கம்பனைச் சாடிய காலகட்டத்திலேயே, கம்பன் மேல் உயர்வான கருத்தையே வைத்திருந்தார்.
வார்த்தை தமிழுக்கு வழங்கும் தமிழ்வேந்தன் கம்பன் என்கிறார் கண்ணதாசன்.
பாசம் என்ற படத்திற்கு கம்பன் பாணியிலேயே பாடல் எழுதியுள்ளார் கண்ணதாசன்,
பால் வண்ணம் பருவம் கண்டு
வேல் வண்ணம் விழிகள் கண்டு
மான் வண்ணம் நான் கண்டு வாடுகிறேன்
.
இப்படி கம்ப இராமாயணத்தில் தாக்கத்தை பல பாடல்களில் பயன்படுத்தி உள்ளதை நூலாசிரியர் திறம்பட எடுத்து இயம்புகின்றார்.
பத்திரிக்கைத் துறையிலும் முத்திரை பதித்தவர் கண்ணதாசன்.
கவியரசு கண்ணதாசன் தேர்ந்தெடுத்து பதிப்பித்த வெண்பாக்கள் நூலில் உள்ளது. சிறப்பாக உள்ளது, ரசனைக்குரிய இலக்கிய வரிகள்.
ஒருவரின் துடிப்பினிலே விளைவது கவிதையடா
இருவரின் துடிப்பினிலே விளைவது மழலையடா

பெண்ணுரிமைக்கும் குரல் கொடுக்கிறார் கவியரசு.

சித்திரத்தில் பெண்ணெழுதி சீர்படுத்தும் மாநிலமே!
ஜீவனுள்ள பெண் இனத்தை வாழவிட மாட்டாயோ!

காதல் ரசம் சொட்டச் சொட்ட, அதே நேரத்தில பண்பாட்டோடு எழுதுவதில் வல்லவர் கவியரசு.
ஆயிரம் மலரில் ஒரு மலர் நீயே!
ஆலயமணியின் இன்னிசை நீயே!
தாய்மை எனக்கே தந்தவள் நீயே!
தங்கக் கோபுரம் போல வந்தாயே!

தாய்மை எனக்குத் தந்தவள் நீயே என வித்தியாசமாக சிந்திக்கிறார்.


காலந்தோறும் கண்ணதாசன் உண்மை, கால காலத்திற்கு கண்ணதாசன் நிலைப்பது உண்மை, படைப்புகளால் இன்றும் என்றும் வாழ்வார். கண்ணதாசன் பற்றிய மிகச்சிறந்த ஆய்வு நூலாக வழங்கி உள்ள நூலாசிரியர் கவிஞர் கே.ஜி.இராஜேந்திரபாபு அவர்களுக்கும், இந்த அரிய படைப்பை நூலாக வழங்கிய புதுகை தருமராசன் அவர்களுக்கும் பாராட்டுக்கள்.

வியாழன், 29 ஜூலை, 2010

மனிதமன சோதனை தோல்வி – கவிஞர் இரா.இரவி


மனிதமன சோதனை தோல்வி – கவிஞர் இரா.இரவி

ஏவுகணை சோதனை வெற்றி
மனிதமன சோதனை தோல்வி


வல்லரசு ஆவது இருக்கட்டும்
நல்லரசு ஆக முற்படட்டும்


விலைவாசி குறைக்க வழி அறியவில்லை
வறுமையை ஒழிக்க முறை தெரியவில்லை


அரசியல்வாதிகளின் ஊழல் ஒழியவில்லை
அரசியல் வாரிசு சண்டை முடியவில்லை


தாரை வார்த்த கட்சத்தீவை மீட்கவில்லை
தரம் கெட்ட சிங்களனை ஒடுக்கவில்லை


அன்பு அறியாத மாநிலங்களைத் திருத்தவில்லை
அணைகட்டத் துடிக்கும் கேரளாவைத் தடுக்கவில்லை


காவிரி மறுக்கும் கர்னாடகத்தை கண்டிக்கவில்லை
பாலாற்றை விசமாக்கும் ஆந்திரத்தை எதிர்க்கவில்லை


எரிவாயு விலை உயர்வை நிறுத்தவில்லை
எரிபொருள் பெட்ரோல் விலை குறைக்கவில்லை


படித்த பட்டதாரிகளுக்கு வேலை கிடைக்கவில்லை
படிக்கக் கல்வி இலவசமாகக் கிட்டவில்லை


மதுவிலக்கு நாட்டில் எங்கும் அமுலாகவில்லை
மது குடித்து வீட்டில் நடக்குது பெரும் தொல்லை


விளைநிலங்களை பன்னாட்டினர் அடித்தனர் கொள்ளை
விவசாயி விவசாயம் செய்ய வழியே இல்லை


குடிதண்ணீர் விலைக்கு வாங்கும் அவலநிலை
குடிமக்களுக்கு அடிப்படை தேவை பூர்த்தியாகவில்லை

புதன், 28 ஜூலை, 2010

இதயத்தில் ஹைக்கூ

இதயத்தில் ஹைக்கூ

தமிழ் ஊடகங்கள் வழங்கிய மதிப்புரைகள்











இனிய நந்தவனம் வழங்கிய மதிப்புரை ; ( - - - - - - / பீர்முகம்மது)



ஹைக்கூ திலகம் எனப் பட்டம் பெற்ற கவிஞர் இரா.இரவியின் ஏழாவது ஹைக்கூ தொகுப்பு நூல் "இதயத்தில் ஹைக்கூ ". வினைபுரியும் வீரிய விதையாய் என்ற தலைப்பில் மு.முருகேஷ் அணிந்துரையும், ஹைக்கூவுக்கு அமுதென்று பேர் என்ற தலைப்பில் இரா.மோகன் அவர்கள் அணிந்துரையும் சிறப்பு. ஒவ்வொரு கவிதைக்கும் படங்கள் வைத்து கவிதையா, புகைப்படக் கண்காட்சியா என வியக்க வைக்கிறது 72 பக்கத்தில் 434 ஹைக்கூ கவிதைகளும். "அவள் நினைவலைகளில் நான், என் நினைவலைகளில் அவள் காதல் அலைவரிசை" என்ற கவிதையும், "இதழ் சொல்லும் விழிகள் சொல்லாது பொய்" என்ற காதல் ரசனைமிக்க வரிகள், "இனிக்கவில்லை வாழ்க்கை, கரும்பு நட்டத்தில் நட்டம்" என்ற விவசாயிகளின் கவலையின் வெளிப்பாடு, "அப்பா மது போதையில், அம்மா தொலைக்காட்சி போதையில், வாழ்க்கைப் போராட்டம் நடைபாதையில்" என சீரியல் மோகத்தை விளக்குகிறார். மதுரை ஆர்.ஆர். டிசைனர்ஸ் ஓவியமும் வடிவமைப்பும் புத்தகத்தை மேலும் மெருகூட்டுகின்றது.
கவிதை அல்ல விதை
கவிதை அல்ல விதை





தமிழ் ஊடகங்கள் வழங்கிய மதிப்புரைகள்












சிகரம் வழங்கிய மதிப்புரை ; ( - - - - - - / சந்திரா மனோகரன்)



கவிஞர் இரா.இரவியின் இலக்கியப் பயணத்தில் இது எட்டாவது மைல் கல் என்று அவரே தன் முன்னுரையில் குறிப்பிடுகிறார். அவருடைய இணையதளமான 'கவிமலர் டாட் காம்' -ல் பார்த்த இலட்சக்கணக்கான வாசகர்கள் பாராட்டிய கவிதைகளே இவை என்பது இன்னும் சிறப்பு. வித்தகக் கவிஞர் பா.விஜய் மற்றும் தமிழறிஞர் தமிழண்ணல் ஆகியோரின் அற்புதமான அணிந்துரைகள் இந்நூலினை மேலும் மெருகூட்டுகின்றன. 'ஹைக்கூவின் மறுபெயர்தான் இரவி' என்ற தமிழண்ணலின் பாரட்டுக்கு முற்றிலும் பொருத்தமானவர் தான் இந்நூலாசிரியர்.

தனது முதல் கவிதை குறளுக்கு அர்ப்பணம், தொடர்ந்து பாரதி (குடும்ப அட்டையில் 'எச்' முத்திரை குத்தியிருக்கமாட்டான், ஏன் தெரியுமா? / இன்றும் அவனது வருமானம் / அய்யாயிரத்திற்கும் கீழ்தான் இருந்திருக்கும். - பக்கம் 14 ) அப்புறம், பாரதிதாசன், நேதாஜி, காமராஜர், தெரசா என்று ... கவிதைத் தோரணம் நீளுகிறது. கலாம் அறிவுக்குச் சலாம் போடும் கவிதைப் புநையல்களில் மூழ்கிக் குளிக்கலாம். (கடுகு அளவும் கவலை நாளும் கொள்ளாதவரே - பக்.34 ) அவரது குடும்பத்தின் மக்களையும் கவிதைச் சாரலுக்குள் நனையவிட்டிருக்கிறார். எளிய நடையில், பொலிவான வடிவமைப்பு, மனதில் நெருப்பு உள்ள (நன்றி - பா.விஜய்) கவிஞர் இரா.இரவி இப்படைப்பின் மூலம் வாசகர்களைச் சுட்டு விடுகிறார்
இனிய நந்தவனம் வழங்கிய மதிப்புரை ; ( - - - - - - / பீர்முகம்மது)

கவிஞர் இரா.இரவியின் எட்டாவது படைப்பான கவிதைத் தொகுப்பு நூல் "கவிதை அல்ல விதை" கடந்தகால சமூக நிகழ்வுகளை வரிகளால் படம் பிடித்துக் காட்டும் பெட்டகமாக இலக்கியம் எப்படி இருக்கவேண்டும் என்பதற்கு இலக்கணம் வகுத்த வல்லவரே என்று தமிழின் இமயம் திருவள்ளுவர் என்று தொடங்கி தன்னம்பிக்கை வரை 70 கவிதை விதைகளை பதியச்செய்திருக்கிறார். தன்னம்பிக்கை குறித்த பொங்குமே வாழ்வு என்ற கவிதையும், விவேகமானவனுக்கு வெற்றியைக் கொடு, அதுவும் தொண்டு என்ற தொண்டு கவிதையும் மனதைத் தொடுவதாக உள்ளது. மண் பயனுறவேண்டும் என்றாய் அன்று, விளை நிலங்களெல்லாம் வீடுகளாது இன்று என்று பாரதியையும், பகுத்தறிவைப் பாடல்களில் தந்த பாட்டுச் சித்தர் என்ற கவிதைக்குள்ளும் மிகப்பெரிய பரிணாம மாற்றத்தை உண்டாக்கியுள்ளது என்றால் மிகையாகாது என்ற வித்தகக் கவிஞர் பா.விஜய் அணிந்துரையும், ஹைக்கூ கவிதைகளைக் கருவியாகக் கொண்டு தமிழுணர்வையும் பண்பாட்டையும் பரப்பி வருபவர் கவிஞர் இரவி என்று தமிழண்ணல் அணிந்துரையும் கூடுதல் சிறப்பு.

உங்கள் பாரதி வழங்கிய மதிப்புரை ; ( - - - - - - / ஆசிரியர் குழு

நூலாசிரியர் கவியரங்குகளில் வாசித்த கவிதைகளையும், அவர் நேசித்த தலைவர்கள், கவிஞர்கள் பற்றியும் எழுதிய கவிதைகளையும் நூலாக்கியிருக்கிறார். வித்தகக் கவிஞர் பா.விஜய், தமிழறிஞர் தமிழண்ணல் ஆகியோர் உரை வழங்கியிருக்காறர்கள். உலகப் பொதுமறை, தமிழின் இமயம் திருவள்ளுவர், மகாகவி பாரதியார், அன்னை தெரசா, கண்ணதாசன், வெல்லும் தமிழ் இனி வாழும், எயிட்ஸ் போன்ற தலைப்புளில் கவிதைகளைத் தந்துள்ளார். இலக்கணம் பார்க்காமல் கருத்துப் புதையல்களை சிவைக்கச் சரியான நூல்.

செவ்வாய், 27 ஜூலை, 2010

பார்த்தாலே வீரம் பிறக்கும்

www.RiteMail.Blogspot.com

பார்த்தாலே வீரம் பிறக்கும்
பார்வையில் அர்த்தம் இருக்கும்
பதுங்கிப் பின் பாயும்
பூனைகள் ஓடி ஒளியும்
ஆலை இல்லாத ஊரில்
இலுப்பைப் பூ சர்க்கரை
புலி இல்லாத காட்டில்
நரியின் நாட்டாண்மை
அழிந்து வரும் இனம் என்பர்
அழிந்து விட வில்லை
இந்தியாவின் தேசிய விலங்கு புலி
அஞ்சல் தலைகளிலும் புலி
குள்ள நரிகளை விரட்ட
காட்டுப் புலி ஒன்று போதும்
இரா .இரவி

சங்கச் சான்றோர் ஆளுமைத் திறன்

https://mail.google.com/mail/?ui=2&ik=b81c859f46&view=att&th=12a1279549ff3318&attid=0.3&disp=inline&realattid=f_gc1wjhrr2&zw

நூல் ஆசிரியர் : முனைவர் நிர்மலா மோகன்
நூல் விமர்சனம் : கவிஞர் இரா.இரவி


நூலின் அட்டைப்படம் வித்தியாசமான இயற்கைக் காட்சியாக உள்ளது. மதுரை செந்தமிழ் கல்லூரியில் பேராசிரியராக பணிபுரிந்து கொண்டே, இலக்கியத் துணையாக மட்டுமின்றி இல்லத் துணைவராக இருக்கும் முனைவர் இரா. மோகன் அவர்களுடன் பட்டிமன்றங்களிலும், கருத்தரங்குகளிலும், உரையாற்றி, முத்திரை பதித்து வரும் முனைவர் நிர்மலா மோகன் உரையாற்றிய 7 கட்டுரைகளின் தொகுப்பு நூல் இது. தமிழ் இலக்கியத்தின் பெருமையை பறைசாற்றும் விதமாக உள்ளது.
சங்க இலக்கியம் என்றால் கற்றறிந்த புலவர்களுக்கு மட்டுமே விளங்கும். நமக்கு விளங்காது என்று விளங்கிக் கொள்ளவும் பலர் முயற்சி செய்வதே இல்லை. ஆனால் சங்கத்தமிழ் எல்லோருக்கும் புரியும் வண்ணம் மிக, மிக எளிமையாகவும், இனிமையாகவும் எழுதி உள்ளார்கள். நூலாசிரியர் திருமதி. நிர்மலா மோகன் காதலித்து முனைவர் இரா. மோகன் அவர்களின் கரம் பிடித்து, காதல் திருமணத்தின் இலக்கணமாக வாழந்து வரும் மணி விழா கண்ட தம்பதியர்கள். நல்ல குறுந்தொகையில் உள்ள உலகப்புகழ் பெற்ற பாடலின் விளக்கம் மிக அருமை.
யாயும் ஞாயும் யாரோ கியரோ?
எந்தையும் நுந்தையும் எம்முறைக் கேளிர்?
இதற்கு முன் என் தாயும், நின் தாயும் எத்தகைய தொடர்பேனும் உடையவரா? என் தந்தையும், எந்த முறையில் உறவினர்? நானும் நீயும் ஒருவரை ஒருவர் எப்படி அறிந்து கொண்டோம்? செம் மண் நிலத்தில் பெய்த மழைநீர் அம்மண்ணோடு கலந்து அதன் நிறத்தையும், சுவையையும் பெற்று ஒன்றுபடுவது போல் அன்புடைய நம் நெஞ்சம் தாமே இயற்கையாகக் கலந்தன என்கிறான் தலைவன். சிறப்பான பாடலுக்கு மிகச் சிறப்பான விளக்கம். இந்தப் பாடலை உலகக் காதலர்களுக்கு காதல் பாடலாக அங்கீகரிக்கலாம். காதலைப் பற்றி இவ்வளவு அற்புதமாக எந்தப் பாடலிலும் இதுவரை கூறவில்லை என்று அறுதியிட்டுக் கூறலாம்.
நற்றிணைப் பாடல்
விளையோடு ஆயமொடு வெண்மணல் அழுத்தி
மரத்தை சகுந்தலை நீருற்றி மட்டுமே வளர்த்தாள். நற்றிணைப் பாடலில் வரும் தமிழ்மகளோ பாலும், தேனும் ஊற்றி வளர்க்கிறாள். இயற்கையுடனான உறவைத் தான் மட்டுமின்றித் தன் மகளும் கொண்டாடுமாறு செய்கிறாள்.
இயற்கையை நேசிக்கும் தமிழ்ப்பண்பை உணர்த்தும் பாடல். தன் தாயால் வளர்க்கப்பட்ட மரத்தை அக்காவாகக் கருதி அந்த மரத்தின் முன் தலைவன் கரம் பிடிக்கத் தயங்குகிறாள். மிகச்சிறந்த இயற்கை நேசத்தை பண்பாட்டை விளக்கிடும் அருமையான பாடலின் விளக்கம் மிக அருமை. இதைப் படித்த போது சங்க காலத்தில் வாழ்ந்த பெண்ணிற்கும், இன்றைக்கு நாட்டில் நடக்கும் அவலத்திற்கும் ஒப்பீடு செய்து பார்த்தேன். சங்க காலம் இங்கே மீண்டும் திரும்ப வேண்டும்.
ஒவ்வொரு சொல்லிலும், தொடரிலும் ஆழ்ந்த கருத்தின் திட்பமும் வாழ்க்கை அனுபவத் தெளிவும் விளங்கக் கணியன் ப+ங்குன்றனார் பாடிய ஒரே பாடல் இன்றும் நிலைத்து நிற்கின்றது. உலக ஐக்கிய நாடுகளின் சபையிலும் அப்பாடல் வரி இடம் பெற்றுள்ளது என்றால் தமிழரின் பெருமை நினைத்து நினைத்து போற்றுதற்குரியது. அப்புறப்பாடல் வருமாறு,
யாதும் ஊரே, யாவரும் கேளிர்
உலக மனிதர்களை எல்லாம் உற்றவர்களாக, உறவினர்களாக பார்க்கும் பரந்த பார்வை தமிழனைத் தவிர உலகில் யாருக்கும் இல்லை. அதனால் தான் உலகம் முழுவதும் பரந்து விரிந்து தமிழினம் வாழ்கின்றது.
அகம் புறம் அற்புதமாகப் பாடினார்கள் நம் சங்கப் புலவர்கள். பல்லாயிரம் பாடல்களில் தேர்ந்தெடுத்த முத்துமாலையாக வழங்கி உள்ளார் நூலாசிரியர் முனைவர் நிர்மலா மோகன். இலக்கிய ஆளுமைக்கு எடுத்துக்காட்டாக நூல் உள்ளது.
சங்கத்தமிழ் என்ற கனியிலிருந்து அற்புத கனிச்சாறாக நூலை வழங்கி உள்ளார்கள்.
சங்கத்தமிழ் முழுவதையும், படிக்க முடியாதவர்களுக்கும், பொருள் விளங்காதவர்களுக்கும், இலக்கிய விருந்தாக வந்துள்ளது. உரையின் தொகுப்பு நூல் என்றாலும், உரை போல் இல்லை, கட்டுரை போல் தௌ;ளத் தெளிவாக உள்ளது. மலரிலிருந்து தேன் எடுப்பது போல சங்கத்தமிழ் நூல்கள் எனும் மலர்களிலிருந்து தேன் எடுத்து வழங்கி உள்ளார்கள்.
சங்க இலக்கியம் தந்த சான்றோர்கள் ஒவ்வொருவரும் கல்விச்சிறப்பின் காரணமாகச் சென்றவிடமெல்லாம் சிறப்புப் பெற்றவர்களாக செல்வாக்கும், சொல்வாக்கும் நிறைந்தவர்களாக விளங்கினார்கள்.
நெஞ்சத்து நல்லம் யாம் என்னும் நடுவு நிலைமையால் கல்வியழகே அழகு என்பதற்கேற்ப நல்லவர்களாக, நடுநிலையாளராக விளங்கினார்கள். புவியாளும் மன்னர்களால் போற்றப்பட்டார்கள். கவியாளும் புலவரால் பாராட்டப்படுவதையே மன்னர்களும் விரும்பினார்கள். இந்த நிலை இன்றும் தொடர்வதைக் காண்கின்றோம். அன்றைய நக்கீரன் போல இன்றைக்கும் சமரசத்திற்கு இடமின்றி ஆட்சியாளர் தவறு செய்தால் தட்டிக் கேட்கும் கவிஞர்கள் சிலர் உண்டு. மொத்தத்தில் தமிழர் யாவரும் தமிழராகப் பிறந்ததற்கு பெருமை கொள்ளும் விதமாக நூல் உள்ளது.

திங்கள், 26 ஜூலை, 2010

விலங்காக மாறும் மனிதர்கள்

www.RiteMail.Blogspot.com

சேர்ந்து வாழும் விலங்குகள்
மோதி வீழும் மனிதர்கள்
சுனாமி அறிந்த விலங்குகள்
சுனாமி அறியாத மனிதர்கள்
பொது நலத்துடன் விலங்குகள்
சுய நலத்துடன் மனிதர்கள்
சாதி இல்லா விலங்குகள்
சாதி பார்க்கும் மனிதர்கள்
சதி அறியாத விலங்குகள்
சதி அறிந்த மனிதர்கள்
மனிதாபிமானத்தோடு விலங்குகள்
விலன்காபிமானம்மின்றி மனிதர்கள்
மனிதனாக மாறும் விலங்குகள்
விலங்காக மாறும் மனிதர்கள்

இரா .இரவி

மலர்களின் ராஜா அழகிய ரோஜா

மலர்கள் ஆயிரம் உண்டு
உனக்கு நிகர் உண்டோ?
காதல் உணர்த்தும் மலர் நீ
காதலர் போற்றும் மலர் நீ
ஏற்றுமதி ஆகும் மலர் நீ
ஏற்றம் மிக்க மலர் நீ
வனப்பு மிக்க மலர் நீ
வஞ்சியர் விரும்பும் மலர் நீ
முள்லில் மலர்ந்த மலர் நீ
முல்லையை வென்ற மலர் நீ
கன்னியர் விரும்பும் மலர் நீ
காளையர் விரும்பும் மலர் நீ
புத்துணர்வு விரும்பும் மலர் நீ
புதுத் தெம்பு தரும் மலர் நீ
இரா .இரவி






























ஞாயிறு, 25 ஜூலை, 2010

சனி, 24 ஜூலை, 2010

infosys நாராயணமூர்த்தி, நூல் விமர்சனம் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=12a0403863ef8402&attid=0.2&disp=inline&realattid=f_gc0bl6e6&zw


infosys நாராயணமூர்த்தி, நூல் விமர்சனம் : கவிஞர் இரா.இரவி


நூல் ஆசிரியர் : திரு.என்.சொக்கன்


1981-ஆம் ஆண்டு தொடங்கப்பட்ட இன்போசியஸ் நிறுவனம் ரூ.10,000 முதலீட்டுடன் தொடங்கி, இப்போது ரூ10,000 கோடி வருமானத்தை நோக்கி சென்று கொண்டிருக்கிறது.இந்த அசுர வளர்ச்சிக்குக் காரணமான திரு.நாராயணமூர்த்தியின் வரலாற்றை திரு.என்.சொக்கன் மிகச் சிறப்பாக பதிவு செய்துள்ளார்.இளைய தலைமுறை படித்து உணர வேண்டிய சிறந்த நூல்.

உழைத்து உயர வேண்டும், இலட்சியம் அடைய வேண்டும் என்ற தேடல் வேட்கை உள்ளவர்களுக்கு வழிகாட்டும் விதமாக நூல் உள்ளது. திரு.நாராயணமூர்த்தியின் அப்பா ஆசிரியர் என்பதால் அவர் சராசரி தந்தையாக மட்டும் இல்லாமல் ஆசிரியரகாவும்,பலவற்றை புகட்டினார். குழுவாக இசைக்கும் சிம்பொனி பற்றி தந்தை விளக்கியதன் விளைவாக, பின்னர் அந்த விதை, கணிப்பொறி உலகில் ஒரு சிறந்த குழு மனிதராக, குழு வேலை என்ற யுத்திக்கு உதவியது. பத்தாம் வகுப்பு பொதுத் தேர்வில் மாநிலத்தின் 4 வது இடம் பெற்றதற்காக தந்தை பாராட்டவில்லை. முதல் மூன்று இடங்கள் என்னாச்சு? என்றார்,அடுத்த பொதுத் தேர்தலில் மாநிலத்தில் மூன்றவாதாக வந்தார். அப்போதும் அவர் தந்தை பாரட்டவில்லை. மூன்றாவது இடம் தானா? என்று உதட்டை பிதுக்கினர். பிறகு தான் அவருக்கு புரிந்தது,எதிலும் முதல் இடம் அடைய வேண்டும் என்பதே தந்தையின் விருப்பம். எனவே எதிலும் முதல்நிலை அடைவதே இலட்சியம் என உழைக்கத் தொடங்கினார். முதல்நிலை அடைந்தார்.

ஆங்கில நூல்கள் வாசிக்கும் பழக்கத்தையும், ஷேக்ஸ்பியரை வாசிக்கவும் தந்தை பழக்கினார். திரு.நாராயணமூர்த்தி வெற்றியில் அவரது பெற்றோர்களுக்கும் பங்கு உள்ளது என்பதை இந்நூலின் மூலம் நன்கு உணர முடிகின்றது. தன் மகன் சாதனையாளராக வர வேண்டும் என்றால் பெற்றோர்களும் ஊக்கம் தர வேண்டும் என்பதை உணர்த்துகின்றது நூல்."ஒவ்வொரு பிரச்சனை எதிர்ப்படும் போதும், அதைச் சமாளிப்பதற்காக தனது உழைப்பைப் பல மடங்காகப் பெருக்கிக் கொள்வதன் மூலம் அந்தத்; தடைகளைத் தாண்டி விடலாம் " என்று அவர் உறுதியாக நம்பினார்.

வருங்கால சாதனையாளர்கள் அனைவரும் கடைபிடிக்க வேண்டிய கல்வெட்டு வார்த்தை நூலில் உள்ளது. மனதில் பதியும் மந்திரச் சொற்கள் போல பல கருத்துக்கள் நூலில் உள்ளது. ஒரு வெற்றியாளரின் உண்மை வரலாற்றைப் படிக்கும் போது படிக்கும் வாசகர்களின் உள்ளத்தில் நாமும் வெற்றியாளராக வேண்டும் என்ற உத்வேகம் தருகின்றது.

குடும்ப சூழ்நிலை காரணமாக தனது ஐ.ஐ.டி. கனவை விடுத்து மைசூர் பல்கலைக் கழகத்தைச் சேர்ந்த தேசிய பொறியியல் கல்லூரியில் இளநிலை பொறியியல் வகுப்பில் சேர்ந்தார் நாராயண மூர்த்தி. பின்னர் கான்பூரிலிருந்து ஜ.ஜ.டியில் முதுநிலைப் படிப்புக்குச் சேர்ந்தார் என்ற தவல் நூலில் உள்ளது.

இங்கு தான் கணிப்பொறியை முதன்முதலாகப் பார்த்து நம்ப முடியாத ஆச்சிரியத்தோடும், பரபரப்பு கலந்த ஆவலோடும் அதைப் பற்றிக் கேட்டுக் கொண்டிருந்தார். ஆனால் இன்றைக்கு ஆரம்பக் கல்வியிலேயே கணிப்பொறி அறிமுகம் செய்து வைத்து விட்டார்கள். இன்றைய தலைமுறைக்கு சகல வசதிகளும் மிக எளிதாக கிடைத்து விட்டது.

1969ஆம் ஆண்டு அகமதாபாத் மேலாண்மை கல்வி நிறுவனத்தின் கணினித் துறையில் பணிக்கு சேர்ந்தார். அங்கே அவருடைய முதல் சம்பளம் மாதத்துக்கு எண்ணூறு ரூபாய் மட்டுமே. ஆனால் இன்றைக்கு இலட்சக்கணக்கில் ஊதியம் பெறுகின்றனர். இப்படி அவர் வாழ்வில் நடந்த சுவையான சம்பவங்களின் தொகுப்பு நூலில் உள்ளது. அவருக்கும் சுதாவிற்கும் ஏற்பட்ட காதல், சுதாவின் தந்தையிடம் ஏற்பட்ட முரண்பாடு, தானும் ஆறு நண்பர்களுடன் இணைந்து ஒரு நிறுவனத்தை உருவாக்குவது என்று முனைப்போடு இறங்கினார். இதற்கு அவரது மனைவி சுதா கூட சற்று தயங்கினார். இருந்தபோதும் சுதா அம்மா சொன்ன அறிவுரைப்படி, அலமாரியில் சேர்த்து வைத்திருந்த பணத்தை கணவருக்கு தந்து உதவினார். அந்த சிறுதுளி தான் பெருவெள்ளமானது.

" சிறிய சேமிப்பு தான் அவசரத்திற்கு உதவும் " என்ற சுதாவின் அம்மா அறிவுரை நமக்கும் உதவும். சேமிப்பு என்பது மிகவும் அவசியம். அவசர, அவசிய காலங்களில் அது உதவும் என்பதை உணர்த்துகின்றது. அந்த சிறிய சேமிப்பு தான் முதலீடு ஆகி பல கோடிகளாகப் பெருகிட உதவியது.

ஏழு பேர் வெற்றிக் கூட்டணியின் பெயர்கள் 1)நாகவர ராமராவ் நாராயணமூர்த்தி, 2) நந்தன் நீலகனி, 3)கே.தினேஷ், 4)எஸ். கோபாலகிருஷ்ணன், 5)என்.எஸ்.ராகவன், 6)எஸ்.டி.ஷிபுலால், 7)அஷோக் அரோரா.

இவர்கள் அனைவரும் 1980 ஆண்டு இறுதியில் தங்களின் வேலையைத் துறந்தார்கள். 1981ம் ஆண்டு ஜீலை மாதம் புதிய நிறுவனம் தொடங்கி வெற்றிக் கொடி நாட்டினார்கள், இப்படி பல்வேறு தகவல்கள் நூலில் உள்ளது.

திரு.நாராயணமூர்த்தி பெற்ற விருதுகளின் பட்டியல், பதவி வகித்த நிறுவனங்களின் பட்டியல், இன்போசியஸ் நிறுவனம் பெற்ற விருதுகளின் பட்டியல், இன்போசியஸ் அறக்கட்டளை பொறுப்பாளர் சுதாமூர்த்தி பெற்ற விருதுகளின் பட்டியல் யாவும் நூலில் உள்ளது. நூலின் கடைசிப்பகுதியில் திரு.நாராயணமூர்த்தி சொன்னவை என்ற தொகுப்பும் உள்ளது.

தியாகம் செய்யத் தயாராக இருப்பவர்கள் தான் நல்ல தலைவர்களாக முடியும்
தயாராக இருக்கிறவர்களுக்குத் தான் வாய்ப்புகள் கிடைக்கின்றன
எந்த சூழ்நிலையிலும் யாருக்காகவும், எதற்காகவும்,
நாம் கொண்டிருக்கும் மதிப்பீடுகளை விட்டுத்தரக்கூடாது
தடைகளைக் கூட நம்மை நிரூபிப்பதற்கான வாய்ப்புகளாகப் பார்க்க வேண்டும்

திரு.நாரயணமூர்த்தியின் வெற்றியின் ரகசியத்தை பறைசாற்றும் விதமாக மிகச் சிறப்பாக நல்ல நடையில் எழுதிய நூல் ஆசிரியர் திரு.என்.சொக்கன் பாராட்டுக்கு உரியவர், அவரது உழைப்பை உணர முடிகின்றது.

நூலின் பெயர் : ஆகாயச்சிறகுகள் ,நூல் விமர்சனம் : கவிஞர் இரா.இரவி





https://mail.google.com/mail/?ui=2&ik=b81c859f46&view=att&th=12a0403863ef8402&attid=0.1&disp=inline&realattid=f_gc0bkuz5&zw












நூலின் பெயர் : ஆகாயச்சிறகுகள் ,நூல் விமர்சனம் : கவிஞர்
இரா.இரவி

நூல் ஆசிரியர் : எழுத்தாளர் மேலாண்மை பொன்னுசாமி

நூலின் அட்டைப்படம் அற்புதமாக உள்ளது. நூலை தமிழக ஜனநாயக மாதர் சங்கத்தை
நிறுவியவர்களில் முக்கியமானவரான கே.பி. ஐhனகியம்மாளுக்கு காணிக்கையாக்கி
இருக்கின்றார். நூலாசிரியர் மேலாண்மை பொன்னுசாமி அதிகம் படிக்காதவர். ஆனால்
சாகித்ய அகதெமி பரிசை வென்றவர். ஆவருடைய பெயரில் மேலாண்மை இருப்பதால் இவர்
மேலாண்மை படித்தவர் என்று தவறாக எண்ணி விடக் கூடாது. “ மேலாண்மறை நாடு “ என்பது
அவர் ஊர் பெயர் அதன் சுருக்கமே மேலாண்மை ஆகும். இவரது வெற்றிக்கு காரணம் மக்கள்
மொழிலேயே நாவல் எழுதுவது தான் இவரது தனிச்சிறப்பு. இவரது கதையை பெரிய அறிஞர்கள்
முதல் சாதாரண பாமரர் வரை யார் படித்தாலும் எளிதில் புரியும் எளிய நடை.

நூல் ஆசிரியர் எழுத்தாளர் மேலாண்மை பொன்னுசாமி கதை சொல்லும் விதத்தில் வாசகர்
மனதில் காட்சிப்படுத்தி உண்மை நிகழ்வை பார்ப்பது போன்ற உணர்வை ஏற்படுத்தி
விடுகின்றார். நாவலின் கதாநாயகன் பால்ச்சாமி, பொதுவுடைமை சிந்தனையில்
ஈடுபாட்டுடன் நூல் ஆசிரியர் இருப்பதால் தன் வாழ்வில் நடந்த உண்மை நிகழ்வுகளை
கோர்த்து கதையாக வடித்து உள்ளார்.

முயற்சி திருவினையாக்கும் என்பதை ஒரே நாளில் கதாநாயகன் நீச்சல் பயின்ற நிகழ்வை
கதையில் அவரது மொழியிலேயே காண்க.

பால்ச்சாமி முழுசாகத் தேறி விட்டான், அவனும் பம்ப்செட் ரூமின்
உச்சியிலிருந்து குதித்தான். பல்டியடித்துக் கொண்டே குதித்தான்,
தலைகீழாக, அம்பாகக் குதித்தான்,
முங்கு நீச்சலில் மீனை விட லாவகமாய விரைவின்
வீச்சாய்…
கூட இருந்த பையன்களெல்லாம் பிரமித்தனர்.
ஒரே நாளில் இம்புட்டுத் தேர்ச்சியா?
ஆர்வந்தான், முயற்சிதான்,
அதெல்லாத்தையும் விட ஒங்கிட்டேயிருக்கிற தீவிரம்
தான் இந்த வேகத்துக்குக் காரணம்
அது தான் பால்ச்சாமி. பால்ச்சாமியின் சுபாவம். இந்தச்
சுபாவம் தான் இவனைப் பல சிரமங்களுக்குள் தள்ளவும்
செய்தது.

பல நாள் முயன்றும் நீச்சல் தெரியாத நபர்கள் பலர் உண்டு. ஈடுபாட்டுடன் செய்யும்
எந்த செயலிலும் வெற்றி கிடைக்கும் என்பதை நன்கு உணர்த்துகின்றார் கதை ஆசிரியர்.
கடவுள் நம்பிக்கை இல்லாh சிறந்த நடிகர் கமலஹாசன் பற்றியும், சலங்கை
ஒலிப்படத்தில் அவரது நடிப்பு பற்றியும் பல நிகழ்வுகள் காட்சியாக வருகின்றது.
கமலின் நடிப்பை பார்த்து பிரமித்து, மாலைக்காட்சி பார்த்தவன் திரும்பவும்,
இரவுக்காட்சி பார்ப்பது போல கதையில் வருகின்றது. இந்தக் கதையை படிக்கும் போது
சலங்கை ஒலி படத்தை நானும் இரண்டாவது முறை பார்த்து ரசித்த நிகழ்வு என்
நினைவிற்கு வந்தது. ரசிகர் மன்றங்கள், ரத்த தானம் செய்யும் நல்ல தகவல் உள்ளது.
அவர்களை ஆற்றுப்படுத்தினால் நல்ல செயலில் ஈடுபடுவார்கள் என்ற தகவலும் கதையில்
உள்ளது.

நம் நாட்டில் அரசாங்கம் ஒரு கிலோ அரிசி சிலருக்குத் தரும், ஆனால் கழிவறைக்
கட்டணம் இரண்டு ரூபாய் வசூலிப்பார்கள், என்ன கொடுமை இது! என்று மனம் நொந்தால்,
இதற்கு காரணம் உலக வங்கி என்ற காரணத்தை கதையின் நடையிலேயே நமக்கு விளக்கி
விடுகின்றார். கண்டனத்தை பதிவு செய்து விடுகின்றார். தமிழகம் முழுவதும்
கழிப்பிடங்களில் கட்டணம் வசூலிக்கும் அவலம் ஒழிக்கப்பட வேண்டும். வெளிநாட்டவர்
சிரிக்கின்றனர் நம்மைப் பார்த்து. காட்சிகள் வர்ணனை மிக நுட்பமாக ரசிக்கும்படி
எழுதுகிறார், இதோ!

பால்ச்சாமி பார்த்தான் நல்ல கரும்பு, அண்டங்காக்கா கருப்பில்லை
அட்டக்கரியில்லை, பவுடர் பூசி மாதிரியான வெளிர்க்கரும்பு
லட்சணமான கரும்பு, அவளைப் பார்த்த முதற் பார்வையில்
அவனைக் கவர்ந்தது, செழுமையான கன்னக் கதும்பும்,
குவிந்தமைந்த கச்சிதமான கனிந்த உதடுகளும் தான்,

இதைப் படித்து முடித்தவுடன், கருப்பில் இத்தனை கருப்பா? ‘கரும்பு தான் எனக்குப்
பிடித்த கலரு” என்ற பாடலில் வித்தகக் கவிஞர்; எழுதிய பாடல் நினைவிற்கு வந்தது.
கம்ப இராமாயணக் காட்சியான அவளும் நோக்கினாள், அண்ணலும் நோக்கினான், நினைவிற்கு
வந்தது.

நூல் ஆசிரியருக்கு கிராமிய மொழி நன்கு வருகின்றது. இன்றைக்கு கிராமங்களிலும்
ஊடங்களின் தாக்கத்தின் காரணமாக கிராமிய மொழி சிதைந்து வரும் காலத்தில் இக்கதை
படிக்கும் போது பண்பாட்டை மக்கள் வாழ்க்ககையை எடுத்து இயம்புவதாக கதை உள்ளது.
வாசிக்கும் வழக்கம் வழக்கொழிந்து வரும் காலத்தில் இது போன்ற கதைகளை படிக்கும்
போது இதயம் இலகுவாகின்றது. “ வாசிப்பு சுகம்” என்பதை உணர்த்துவதாக இக்கதை
உள்ளது. அவருக்கே உரிய தனி நடையில் ...

வெள்ளி, 23 ஜூலை, 2010

அனைத்து நண்பர்களுக்கும் ஒரு அன்பான வேண்டுகோள் . மறக்காமல் உங்களின் கருத்துகளை பதிக

அனைத்து நண்பர்களுக்கும் ஒரு அன்பான வேண்டுகோள் . மறக்காமல் உங்களின் கருத்துகளை பதி

இரா.இரவி யின் படைப்புகள் பிற இணையங்களில்

http://tamilbookmarket.com/archives/category/6

http://tamilparks.50webs.com/tamil_padaipugal/ravi_madurai.html

http://www.lankasripoems.com/?conp=list&poetId=194606&15

http://www.vaarppu.com/poet/474/

http://www.eegarai.net/-f67/---t34139.htm

http://tamilparks.nsguru.com/-f1/-t199.htm

http://todayswiss.com/?p=8926

இரா. இரவி கட்டற்ற கலைக்களஞ்சியமான விக்கிபீடியாவில் இருந்து

இரா. இரவி

கட்டற்ற கலைக்களஞ்சியமான விக்கிபீடியாவில் இருந்து



http://ta.wikipedia.org/wiki/%E0%AE%87%E0%AE%B0%E0%AE%BE._%E0%AE%87%E0%AE%B0%E0%AE%B5%E0%AE%BF

வியாழன், 22 ஜூலை, 2010

அமெரிக்க அதிபர் ஒபாமாவின் “சிகரம் தொட்ட சிந்தனைகள் “ * மதிப்புரையாளர் : கவிஞர் இரா. இரவி

https://mail.google.com/mail/?ui=2&ik=b81c859f46&view=att&th=129fdccfd6a94cf1&attid=0.1&disp=inline&realattid=f_gbylkz8x0&zw
அமெரிக்க அதிபர் ஒபாமாவின் “சிகரம் தொட்ட சிந்தனைகள் “ * மதிப்புரையாளர் : கவிஞர் இரா. இரவி

* நூல் ஆசிரியர் : டாக்டர் செல்வின் குமார்


நூலின் அட்டைப் படத்தில் ஒபாவின் உரையாற்றும் புகைப்படும் நம்மை வரவேற்கின்றது. நூலாசிரியர் தமிழ்க்குரிசில் முனைவர் எஸ்.செல்வின்குமார் உலகத் தமிழர் பல்கலைக்கழகத்தை அமெரிக்காவின் நிறுவி பல்லாண்டுகள் அமெரிக்காவில் வாழ்ந்து வருவதால், ஒபாமாவின் சிந்தனைகளை நன்கு உள்வாங்கி, கருத்துக் கருவூலமாக சிந்தனை பெட்டகமாக நூலை வழங்கி உள்ளார்.

வெற்றியின் மீது வேட்கை உள்ள அனைவரும் படிக்க வேண்டி அற்புத நூல் நூலின் அளவு மட்டுமல்ல, உள்ளே உள்ள கருத்துக்களும் பெரியது தான். ஒபாமா 1961ம் ஆண்டு ஆகஸ்டு மாதம் 4ம் நாள் பிறந்தவர் என்று தொடங்கி, அமெரிக்க அதிபர்களின் சிந்தனை துளிகளைத் தொகுத்து மிகச் சிறப்பாக எழுதி உள்ளார். நூல் ஆசிரியர் முனைவர் செல்வின் குமார். அமெரிக்காவில் பல ஆண்டுகள் வாழ்ந்த வாழ்க்கை இந்த அரிய நூல் படைக்க உதவியாக இருந்துள்ளது.

பராக் ஒபாமா இரண்டு வயது குழந்தையாக இருக்கும் போதே அவரது பெற்றோர்கள். விவாகரத்து செய்து கொண்டனர் என்ற தகவல் தொடங்கி, பல்வேறு தகவல்கள் நூலில் உள்ளது. சிறு வயதிலேயே பெரிய மனக்காயங்கள் ஏற்பட்ட போதும்,தகவல்கள் நூலில் உள்ளது. சிறு வயதிலேயே பெரிய மனக்காயங்கள் ஏற்பட்ட போதும், கடின உழைப்பின் முயற்சியால் வெள்ளை மாளிகையில் ஒரு கருப்பு நிலாவாக உலா வர முடிந்ததை உணர்த்துகின்றது நூல் 2009ஆம் ஆண்டு ஜனவரி மாதம் 22ஆம் நாள் பராக் ஒபாமா, அமெரிக்காவின் 44வது அதிபராக பதவிப்பிராமாணம் ஏற்று அதிபராக திகழ்கிறார்.

அமெரிக்க அதிபராக பராக் ஒபாமா வந்ததில் உலகில் உள்ள ஒடுக்கப்பட்ட நசுக்கப்பட்ட மக்கள் அனைவரும் மகிழ்ச்சி அடைந்தது முற்றிலும் உண்மை. ஆனால் இலங்கைத் தமிழர்களை காப்பாற்றும் விசயத்தில் நாம் எதிர்பார்த்தப்படி ஒபாமா நடந்து கொள்ளவில்லை என்ற வருத்தம் உலகத்தமிழர் அனைவருக்கும் உண்டு. இருப்பினும் ஆதிக்க மனம் படைத்த வெள்ளையர்களை ஆளும் அதிபர் பதவிக்கும் ஒடுக்கப்பட்ட இனத்தைச் சேர்ந்த உயர்ந்த மனிதன் வந்ததில் மகிழ்ச்சி

அமெரிக்காவின் 44 ஆதிபர்களின் சிந்தனைத் துளிகள் உள்ளது. நூலிற்கு கூடுதல் சிறப்பு. இவை முழவதையும் தொகுக்க ஆசிரியர் எத்தனை நூல்களில் இருந்து இவற்றைத் திரட்டி இருக்க வேண்டும் என்று எண்ணிப் பார்க்கும் போது வியப்பாக உள்ளது.

ஜார்ஜ் புஷ் ஈராக்கிற்கு அமெரிக்கப் படைகளை அனுப்பி சதாம் உசைனைக் கொன்ற நிகழ்வின் காரணமாக உலக அரங்கில் ஒரு வில்லனாகவே காட்சி தந்தார் என்பது உண்மை. அவரைப் பற்றி ஒபாமா சொன்ன கருத்து இதோ!

ஜார்ஜ் புஷ் அதிபராக ஏற்று நடத்தும் ஆட்சி
அமெரிக்க மக்களின் எண்ணத்திற்கு முரண்படானது
எவராலும் ஏற்றுக் கொள்ள இயலாதவற்றை செயல்படுத்த
முயலும் ஒரு நியாயமற்ற நிர்வாக அமைப்பாகும்

கல்வெட்டு வார்த்தைகள் ஜார்ஜ் புஷ் பற்றி மிகச்சிறந்த விமர்சனம் செய்ததன் காரணமாகவே ஒபாமாவிற்கு வெற்றி கிட்டியது என்றால் மிகையன்று. அமெரிக்க மட்டுமல்ல உலக மனிதநேய ஆர்வலர்கள் யாருமே விரும்பவில்லை. ஜார்ஜ் புஷ்ஷின் தான் தோன்றித் தனமான அணுகுமுறையை

இன வேறுபாடுகள் சமுதாயத்தில் நிலவுகிறதா? என்ற கேள்விக்கு ஆம்! என்று கூறுகிறார் ஒபாமா. இலங்கையில் இன வேறுபாடு தலைவிரித்து ஆடியது ஒரு கண்ணில் வெண்ணெயையும், மறு கண்ணில் சுண்ணாம்பு வைத்த முரண்பாட்டின் காரணமாகவே அங்கே இனக் கலவரம் உண்டானது என்பது மறுக்க முடியாத உண்மை.

செய்தித்துறை பற்றி, ஒபாமாவின் விளக்கம் மிக நுட்பமாக உள்ளது. செய்தித் துறையைப் பொறுத்த வரையில் எல்லோர் கையிலும் வெட்டி வீழ்த்தும் கோடாரி ஒன்று இருப்பது போன்ற அசுதர பலம் இருக்கிறது. என்னுடைய கருத்தோ பத்திரிக்கை உலகம் தனது பணியை முறையாக, சிறப்பாக செயல்படுத்த வேண்டும் என்பதே”

இப்படி நூல் முழுவதும் ஒபாமாவின் சிகரம் தொட்ட சிந்தனைகளை நூல் ஆசிரியர் அழகு தமிழில் எல்லோருக்கும் புரியும் வகையில் மிக எளிய நடையில் வழங்கி உள்ளார். ஒபாமா சிந்தனையின் காரணமாகவே சிறப்பாக செயல்பட்டு உரையாற்றி, சிகரம் அடைந்து உள்ளார். ஒடுக்கப்பட்ட இனம் அனைவரும் பெருமை கொள்வோம். ஓபாமா உச்சம் அடைந்து போல நாமும் ஒரு நாள் உச்சம் அடைவோம் என்பது நிச்சயம். தொடர்ந்து போராடுவோம், ஆதிக்க சக்திகளின் ஆக்கம் அதற்கு இந்த நூல் உதவும்.

ஓபாமா பதவி ஏற்றதன் காரணமாக மாற்றம் என்ற பெயரில் பலர் தமிழர்கள் இந்தியர்கள் வேலை இழந்து தாயகம் திரும்பினார்கள் என்ற வருத்தம் ஒரு புறம் இருந்தாலும், அவருக்கு உள்ள தாய் மண் பற்றின் காரணமாக இது போல் நடந்து கொள்கிறார். அது போல நம்மில் அனைவருக்கும் தாய் மண் பற்று வர வேண்டும்.

மொத்தத்தில் ஒபாமாவின் சிந்தனை மட்டுமின்றி அமெரிக்க அதிபர்கள் அனைவரின் சிந்தனைத் துளிகளையும் வழங்கி மிகச் சிறப்பான நூலை வழங்கி உள்ள முனைவர் செல்வின் குமார் அவர்கள். அமெரிக்காவில் தமிழுக்காக, தமிழை வளர்ப்பதற்காக உலகத்தமிழ் பல்கலைக்கழகம் நிறுவி, தமிழ்த் தொண்டு புரிந்து வரும் நூலாசிரியர் சங்கம் வைத்து தமிழ் வளர்த்த நான் பிறந்த மதுரை மண்ணிலிருந்து அமெரிக்க சென்றவர் என்பது பெருமை. வெற்றி பெற துடிப்பவர்களுக்கு இந்த நூல் ஒரு அரிய பொக்கிஷம்.

மனிதனைத் தேடி , நூல் விமர்சனம்: கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129fdccfd6a94cf1&attid=0.3&disp=inline&realattid=f_gbyll5uk2&zw

மனிதனைத் தேடி , நூல் விமர்சனம்: கவிஞர் இரா.இரவி

நூல் ஆசிரியர் : கவி வேந்தர் மு.மேத்தா-


நூலின் அட்டைப்படத்தில் புதுக்கவிதையின் தாத்தா கவிஞர் மேத்தா-வின் புகைப்படம் அலங்கரிக்கின்றது. “மனிதனைத் தேடி ” கவிதை நூலின் தலைப்பு இன்றைக்கு மிகப்பொருத்தமாக உள்ளது. மேல்நாட்டு அறிஞர்கள்,”கையில் விளக்குடன் மனிதனைத் தேடுகின்றேன்” என்று தேடுவதைப் போல,இன்றைக்கு மனிதாபிமானமிக்க மனிதனாக வாழக்கூடிய நல்ல மனிதனை,தேடித்தான் கண்டுபிடிக்க வேண்டிய நிலை உள்ளது. இந்தக் கருத்தை வலியுறுத்தும் விதமாக பல்வேறு இதழ்களில் பிரசுரமான கவிதைகளின் தொகுப்பாக வந்துள்ளது.


மனிதம் மறந்து,சாதிமதக் கலவரத்தில் ஈடுபட்டு,வன்முறை வளர்க்கும் மனித விலங்குகளை,மனிதனாக்கும் விதமாக கவிதைகளைப் படைத்து உள்ளார் கவிஞர் மு.மேத்தா,21.03.1999 அன்று எழுதிய கவிதையில் இணையம் பற்றியும்,மின்னஞ்சல் பற்றியும் குறிப்பிட்டு உள்ளார் தொலைநோக்கு சிந்தனையாளர் கவிவேந்தர் மு.மேத்தா. மு.மேத்தா என்றால்,புதுக்கவிதையின் முன்னோடி என்று பொருள். நூலில் அணிந்துரை,என்னுரை என்ற பெயரில் பக்கங்களை விரையம் செய்யாதல் நேரடியாக கவிதைகளை அச்சிட்டு உள்ளனர்.


வெளிநடப்பு
ஆயுதம் ஏந்துகிறார்கள் பக்தர்கள்
ஆலறி ஓடுகிறான் கடவுள்


கவிதையின் கடைசி இரண்டு வரிகள் நம்மை சிந்திக்க வைக்கின்றன. வன்முறை வெறியாட்டம் நடத்தி கடவுளுக்கு ஆலயம் கட்ட வேண்டிய அவசியம் இல்லை. அவ்வாறு கட்டினால்,கடவுள் அலறி ஓடி விடுவார் என வன்முறையாளர்களுக்கு புத்திப் புகட்டும் விதமாக கவிதை உள்ளது.


சுயவரம்


சிறகுகள் உனக்கு சீதனமாய் வந்தன
நீ சிலுவைகளை தயாரித்துக் கொண்டாய்
பாரம் சுமப்பதாய்ப் பறைசாற்றுகிறாய்
வரங்களே உனக்கு வழங்கப்பட்டன அவற்றை
சாபங்களாய் மாற்றி ஏன் சங்கடப்படுகிறாய்?ஸ


சுயவரத்தில் தவறானவர்களைத் தேர்வுசெய்து விட்டு தவிக்கும் பெண்களின் சோகத்தை சொற்களால் வடித்து உள்ளார்.


நாதன் உள் இருக்கையில்,நட்டக் கல்லும் பேசுமோ என்ற சித்தர் பாடல்களை நினைவூட்டும் விதமாக ஒரு கவிதை உள்ளது.


தேடல்


கோவில் கோவிலாய் யாரைத் தேடுகிறாய்? கடவுளை
உனக்குள் இருப்பவரை நீ எப்படி வெளியே பார்க்க முடியும்?
அங்கே மனிதர்கள் இருக்கிறார்கள் ஆனால் மனிதர்களாக இல்லை!
நான் மனிதனாக இருக்கும் மனிதனைத் தேடுகிறேன்.


மனிதன் மனசாட்சியை தன்னையே கடவுளாகக் கொண்டு வாழ்ந்தால் வாழ்க்கை இனிக்கும். மனிதனைத் தான் மனிதனாக இரு என்று அறிவுறுத்த வேண்டிய அவல நிலை.விலங்கிலிருந்து வந்தவன் தான் மனிதன். அதற்காக மனிதன் விலங்காக மாறக் கூடாது என எச்சரிக்கை செய்ய வேண்டி உள்ளது. இன்றைய படைப்பாளிகளின் முக்கியக் கடமை என்னவென்றால்,மனிதனை மனிதனாக வாழ அறிவுறுத்தும் படைப்புகளே இன்றைய தேவையாக உள்ளது.


பரமனுக்கு நீ தான் பாதுகாவலனா?
கறுப்புப் பூனைப் படையுடன் காட்சியளிக்க
கடவுள் என்ன கட்சித் தலைவனா?


உண்மை தான்.இப்போது பிள்ளையார் சதுர்த்தி ஊர்வலங்களின் போது கட்சித் தலைவருக்கு உரிய பாதுகாப்பை விட கூடுதல் பாதுகாப்பு வழங்கி வருகின்றனர். அப்படி இருந்தும் விரும்பத்தகாத மோதல்கள் நடைபெற்று வருகின்றன. மசூதி வழியாகத் தான் செல்வோம் என்பதும்,மசூதி முன்பு உரக்க மத்தளம் அடித்தல்,வம்பு இழுத்தல் வன்முறை வளர்த்தல் வாடிக்கையாகி வருகின்றது வேதனை.


மலர்களை உதிர்க்கும் காற்றைக் கூட மன்னிக்க மனம் வராது
மனிதர்களை உதிர்க்கும் மதவெறிகளுக்கு மண்ணில் இடம் ஏது?


எந்த ஒரு தாயும் தன் மகன் நல்லவனாக இருக்க வேண்டுமென்றே விரும்புவான். அவன் கெட்டவன் ஆகி விட்டால் கொதித்துப் போவாள்.


தலைப்புச் செய்தி


விபத்தில் தப்பித்துக் கொண்ட தாய்
செய்தி கேட்டுச் செத்துப் போனால்
ரயிலுக்கு வெடி வைத்தவன் மகன்!


தீபங்களை அணைத்து விட்டு,தீப்பந்தங்களை உயர்த்திப் பிடித்தபடி ஊருக்குள் புகுந்தது ஒரு மதவெறிக் குமபல். இந்திய தொழுநோய்க்கு மருத்துவம் பார்க்க வந்த ஆஸ்திரேலிய மூலிகை அதன் தங்கத் தளிர்களுடன் சாம்பல் ஆனது.


ஓரிசாவில் ஸ்டீவர்ட் ஸ்டெயின்ஸ் என்ற பாதிரியாரை குழந்தைகளுடன் எரித்துக் கொன்ற மனிதாபிமானமற்ற காட்டுமிராண்டிச் செயலுக்கான கண்டனத்தை கவிதைகளில் பதிவு செய்துள்ளார்.


யாதும் ஊரே


சாதிமத சமயப்பூசல்கள் ஆயிரமாயிரம் ஆண்டுகளுக்கு
முந்திய அழுக்கு நாட்காட்டிகள்
மூலையில் வீச வேண்டிய அவற்றிலா முகம் பார்த்துக் கொண்டிருக்கிறாய்?


பெரியகுளத்தில் பிறந்த கவிவேந்தர் மு.மேத்தா பெரிய உள்ளத்திற்குச் சொந்தக்காரர். சாதிமத மோதல்களை விடுத்து மனிதன் மனிதனாக வாழவேண்டும் என்று மனிதநேயம் வலியுறுத்தும் விதமாக இந்த “மனிதனைத் தேடி” நூலை எழுதி உள்ளார். புதுக்கவிதை ரசிகர்களுக்கு பலா இந்த நூல். கண்ணீர்ப் பூக்கள் என்ற முதல் நூலி;ன் மூலம் பல்வேறு பதிப்புகள் வர காரணமாக இருந்த சாதனையாளர்,சாகித்ய அகதெமி விருது பெற்ற கவிஞர் மு.மேத்தா அவர்களின் தரமான படைப்பு. வளரும் கவிஞர்கள் அவசியம் வாங்கி வாசிக்க வேண்டிய நூல். கவி வேந்தர் என்ற பந்தா இல்லாத எளிமையான மனிதர். பழகுவதற்கு இனிமையான மனிதர். புதுக்கவிதைக்கு புதுப்பாதைப் போட்டவரின் பூபாளம் இந்நூல்.

தமிழ்க்களஞ்சியம் 10000 * மதிப்புரையாளர் : கவிஞர் இரா. இரவி

https://mail.google.com/mail/?ui=2&ik=b81c859f46&view=att&th=129fdccfd6a94cf1&attid=0.2&disp=inline&realattid=f_gbyll3om1&zw

தமிழ்க்களஞ்சியம் 10000 * மதிப்புரையாளர் : கவிஞர் இரா. இரவி
* நூல் ஆசிரியர் : நகைச்சுவை அருவி விளாங்குடி விநாயகமூர்த்தி


“தமிழ்க் களஞ்சியம்” என்ற பெயருக்கு ஏற்றபடி உண்மையிலேயே தமிழ்க் களஞ்சியமாக உள்ளது. உண்மையிலேயே 10,000 வினா விடைகள் உள்ளது. வரிசையாக சோதனை செய்து பார்த்தேன். என்சைக்ளோபீடியா போல உள்ளது. மாணவர்களுக்கு மட்டமல்ல, தமிழ் ஆர்வலர்களுக்கும் பயனளிக்கும் அற்புத நூல். தமிழின் பெருமையை பறைசாற்றும் விதமாக உள்ளது. படித்து முடித்தவுடன் தமிழனாகப் பிறந்ததற்காக ஒவ்வொரு தமிழனும் பெருமை கொள்ளும் விதமாக உள்ளது.
10,000 கேள்விகளையும், அதற்கான சரியான விடைகளையும், நூல் ஆசிரியர் விளாங்குடி விநாயகமூர்த்தி தொகுத்ததை எண்ணிப் பார்க்கவே வியப்பாக உள்ளது. பட்டிமன்ற நடுவராக, தொலைக்காட்சிகளில்; நகைச்சுவை அருவியாக, பள்ளி ஆசிரியராக, தனி முத்திரை பதித்தவர், நூல் ஆசிரியராகவும் சிறப்பான முத்திரை பதித்து உள்ளார். பாராட்டுக்கள். இந்நூலை படித்த மாணவர்கள் வெல்வது உறுதி.

இதில் உள்ள எத்தனை கேள்விகளுக்கு நமக்கு விடை தெரிகின்றது ? என்று நம்மை நாமே சோதித்துக் கொள்ள உதவுகின்றது. நமக்கு விடை தெரியாத கேள்விகள் பல உள்ளன. இந்த நூலைப் படிக்க உலகின் முதல் மொழியான தமிழ் மொழி பற்றிய அறிவு, விரிவடைகின்றது. எத்தனை நூற்றாண்டுகள் கடந்தாலும் ஒப்பற்ற தமிழ் மொழிக்கு அழிவே இல்லை என்பதை உணர முடிகின்றது.

காக்சிச் சட்டைக்குள் இலக்கிய இதயம், இனிய நண்பர், கவிஞர், காவல் ஆய்வாளர் ஆ. மணிவண்ணன் அவர்களின் அணிந்துரை முத்தாய்ப்பாக உள்ளது. சங்க இலக்கியம் தொடங்கி முக்கிய நாட்கள் வரை தகவல் களஞ்சியமாக உள்ளது. முக்கிய நாட்கள், பாடத் திட்டம், விளக்கம் இவை எல்லாம் 10000-ல் அடங்காமல், கூடுதல் சேர்க்கையாக உள்ளது. இந்த நூலைப் படித்து விட்டு தேர்வுகளில் வெற்றி பெற்றவர்களின் மடல்களும் உள்ளது. மதுரையின் பெருமைகளில் ஒன்றாகி விட்டது இந்த நூல்.

கண்ணில் விளக்கு எண்ணெய் ஊற்றிக் கொண்டு, நூலில் தவறு ஏதும் உள்ளதா? என ஆராய்ந்து பார்த்தேன்? பட்டினத்தார் இயற்பெயர் என்ன? என்ற கேள்வி பதில் மட்டும் கவனக்குறைவாக மூன்று முறை வந்துள்ளது. வேதநாயகம் பிள்ளை பற்றி பல அரிய தகவல்கள், தமிழறிஞர்கள் பற்றி, தமிழ் இலக்கியங்கள் குறித்து, தமிழ் மொழியின் தொன்மை குறித்து, எண்ணிலடங்கா தகவல்களின் சுரங்கமாக நூல் உள்ளது. தமிழாசிரியர்கள் அனைவரும் இந்த நூலை அவசியம் படிக்க வேண்டும். இதைப் படித்தால் தான் மாணவர்களுக்கு பயிற்றுவிக்க எளிதாக இருக்கும். தமிழர்களின் இல்லங்களில் அவசியம் இருக்க வேண்டிய ஆவணம் இந்த நூல்.

தமிழறிஞர் ஆ. கார்மேகக் கோனார் இயற்றிய நூல்கள் யாவை?
காப்பியக் கதைகள், நல்லிசைப் புலவர்கள், ஆபுத்திரன் வரலாறு

தமிழில் தோன்றிய முதல் சிறுகதை எது?
குளத்தங்கரை அரசமரம்

விடியுமா? என்ற சிறந்த சிறுகதையை எழுதியவர் யார்?
கு.ப. இராஜகோபாலன்

தமிழ் பல்கலைக்கழகத்தின் அய்ந்து புலங்கள் யாவை?
1.அறிவியல் புலம் 2. வளர்தமிழ்ப் புலம் 3. கலைப் புலம்,4. இலக்கியப் புலம் 5. சுவடிப் புலம்

கல்கி எழுதிய முதல் நாவல் எது?
விமலா

தமிழ்நாட்டில் முதன் முதலில் அச்சு இயந்திரம் மூலம் அச்சிட்ட இடம் எது?
தரங்கம்பாடி

தமிழின் முதல் நாளிதல் எது?
சுதேசமித்திரன்

முல்லை பாட்டின் ஆசிரியர் யார்?
நம்பூதனார்

நிலையாமை பற்றி கூறும் திணை எது?
காஞ்சி

தமிழின் மிகப் பழமையான இலக்கண நூல் யாது?
அகத்தியம்

மலையாள எழுத்துக்கள் எதை ஒட்டி அமைக்கப்பட்டவை?
தமிழ் கிரந்த எழுத்துக்களை ஒட்டி

முக்கிய நாட்கள்

தேசிய தூய்மை தினம் எது?
ஜனவரி 30
உலக நீர் தினம் எது?
மார்ச்22
உலக வன நாள் எது?
மார்ச்21
உலக புகையில்லா நாள் எது?
மே31
உலக சுற்றுச்சூழல் தினம் எது?
ஜூன்5

பெண்கள் சமத்துவ நாள் எது?
ஆகஸ்ட் 26

நினைவில் நீ , நூல் விமர்சனம் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129fae274dcc4cdf&attid=0.2&disp=inline&zw
நினைவில் நீ , நூல் விமர்சனம் : கவிஞர் இரா.இரவி


தொகுப்பாசிரியர் : கவிஞர் மணிமேகலை நாகலிங்கம்


“இந்நூல் உணர்வுகளை புரிந்து கொள்ளும் உயரிய உள்ளங்களுக்கு” என்று காணிக்கை செய்துள்ளார். உண்மை தான் மனைவி இறந்த வீட்டிலேயே மறுமணத்திற்கு பெண் தேடும் மாப்பிள்ளைகள் மலிந்து விட்ட காலம் இது. ஆனால் எங்கோ பிறந்து, வளர்ந்து, வந்து, கணவன், குழந்தைகள் என தியாக வாழ்க்கை வாழ்ந்து மறைந்த மனைவியின் நினைவாக கவிஞர் மணிமேகலை நாகலிங்கம் தொகுத்து உள்ள ஹைக்கு கவிதை நூல். முன்னனி ஹைக்கூ கவிஞர்களின் தலா மூன்று கவிதைகள் நூலில் உள்ளது. தலா ஒரு ஹைக்கூ மட்டும் தங்களின் ரசனைக்காக எழுதி உள்ளேன்.


என்னைப் பொருத்தவரை ஒரு பெண் இளம் வயதில் விதவையானால் அவளுக்கு மறுமணம் அவசியம். ஆனால் ஓர் ஆண், குழந்தைகள் இருக்கும் போது மனைவி இறந்து விட்டால், மறுமணம் செய்யாமலே அவரின் நினைவாகவே வாழ்வது தான் சிறந்த வாழ்க்கை. குழந்தைகளுடன் ஒரு தந்தை மறுமணம் செய்யும் போது குழந்தைகளின் வாழ்க்கை கேள்விக்குறியாகி விடுகின்றது. தந்தையின் மறுமணத்தின் காரணமாக அல்லல்பட்ட குழந்தைகள் எண்ணிலடங்காதவை.என் வாழ்வில் நடந்த உண்மை. என் தாத்தா மறுமணம் செய்து கொண்டதால் பேரனாகிய என் வாழ்க்கை வரை அந்த பாதிப்பு தொடர்ந்தது. அந்த வலி என் நெஞ்சை விட்டு அகலவே இல்லை. மறுமணம் செய்யும் ஆண்களையே வெறுத்தேன். ஹைக்கூ கவிதை சிறந்த வடிவம் என்பதை உணர்த்திடும் நூல். மனைவியின் மேன்மையை மகாகவி பாரதி சொன்ன வைர வரிகள் நூலின் பின் அட்டையில் உள்ளது.


ஓ மனிதர்களே மண்ணுக்குள் எல்லா உயிர்களும்
தெய்வமென்று பேசுகிறீர்கள் அது உண்மையென்றால்
நீங்கள் மாலையிட்டு கைபிடித்த மனைவியும் ஒரு தெய்வமில்லையா?


கவிஞர் மணிமேகலை நாகலிங்கம் மறைந்து விட்ட மனைவியின் நினைவாக இந்த கணவன் கவனத்தில் கொள்ள வேண்டிய செய்தி இது. மனைவியின் நினைவு நாட்களில் ஏதாவது தொண்டு செய்யுங்கள்.


புத்தகம்
உள்ளே மயிலிறகு
கண்ணாய் நீ – ஒவியக்கவிஞர் அமுதபாரதி


உதிரும் ஒவ்வொரு பொழுதும்
மீண்டும் வரப் போவதில்லை
உன்னை மாதிரி – வண்ணை சிவா


வருடங்கள் கழிந்தும்
சரியாய் அடையாளம் சொன்னது
அவளின் ஓரப்பார்வை – ஜி.மாஜினி


மரணம் செத்துப் போனது
காதல் முன்னே
யமுனைக்கரை தாஜ்மகால் – துறவி


ஒருவருக்கும் தெரியாமல்
ஒளிந்திருக்கிறாள்
மனதுக்குள் அவள்-சிவபெருமான்


உளி வடிக்கா
உயிர் சிலை
இதயத்தில் அவள் – உ.பாலஹாசன்


எப்படிப் பாதுகாக்க
குடைக் கம்பியில்
உன் ரேகை -அறிவுமதி


நானும் அவளும்
பிரிவதில்லை
புகைப்படத்திலிருந்து – அய்யப்பன்


அறைகிறேன் என்னையே
ஆனந்தமாய் உன்
ஞாபகச் சிலுவையில் – கோ.பாரதி மோகன்


கனவைக் கிள்ளிப் போனாய்
வலிக்கத்தான் செய்கிறது
நீயில்லாத பகல் – மு.முருகேஷ்


உள்ளதை நேசிக்காமல்
உள்ளத்தை நேசிப்பவள்
மனைவி – எஸ்.பி.என்


சமாதியும்
சன்னதி தான்
தெய்வமாய் மனைவி – கலையருவி


எனக்குப் பயன்படாது
எதற்கும் என்னிடம் இருக்கட்டும்
உன் ஒட்டுப்பொட்டு – ஆர். எஸ்.நாதன்


இதயத்தில் இன்னும்
ஈரமாய்
அவள் தந்த முத்தம் – பாலபாரதி


என் பாதங்கள்
சுவடு பதிக்கும்
உன் பாதையில் – தமிழ்நெஞ்சன்


கண்மூடி ரசித்தேன்
உருண்டு விளையாடும்
அவள் விழியை – பா.உதயக்கண்ணன்


வீடு நிறைந்திருந்தும்
மனம் காலியாகவே
அவள் இல்லாமல் – முகவை முனியாண்டி


நீ ஒருமுறை இறந்தாய்
நான் தினம் தினம்
புதைக்கப்படாமல் – ச.காவியன்


காலி செய்த வீடு
மறக்காமல் எடுத்து வந்தேன்
பழகிய நாட்களை – நா.கவிக்குமார்


அடையாளம் தெரியும்
தூரமாய் இருந்தாலும்
அவளின் நடை – ஆலா


சோகம்
அதுவும் சுகம் தான்
நினைவில் நீ – மணிமேகலை நாகலிங்கம்


ஒவ்வொரு ஹைக்கூ கவிதையும் ஒவ்வொரு உணர்வுகளை ஏற்படுத்துகின்றன. மலரும் நினைவுகளை உருவாக்குகின்றன. இந்த ஹைக்கூ கவிதைகளைப் படிக்கும் போது வாசகர்களின் நினைவிற்கு காதல் மனைவியின் நினைவு வருவது நிச்சியம். இந்நூல் பற்றி கவிஞர் வெண்ணிலா ஆணாதிக்க சிந்தனையின் வெளிப்பாடு என்று குறை சொல்லி உள்ளார். அதுவும், அதற்கான மறுப்பும் நூலில் உள்ளது கூடுதல் சிறப்பு. இன்று விமர்சனங்களை ஜீரணித்து கொள்ளும் பண்பு பலருக்கு இருப்பதில்லை. ஆனால் தொகுப்பாசிரியருக்கு இப்பண்பு நிறையவே உள்ளது என அறிய முடிகின்றது. காதலியை, மனைவியே வெறும் போகப் பொருளாகப் பார்க்காமல் உயிருள்ள சக மனுசியாக மதித்து அவளது உழைப்பை, தியாகத்தை உணர்ந்து அவளின் நினைவாக வாழ்வதே வாழ்க்கை.

www.tamilauthors.com இணையத்தில் கவிஞர் இரா. இரவி, மதுரை அவர்களின் படைப்புகள்

http://www.tamilauthors.com/writers/india/Era.Ravi.html

http://www.tamilauthors.com/04/101.html

http://www.tamilauthors.com/04/96.html

http://www.tamilauthors.com/04/80.html

http://www.tamilauthors.com/04/77.html


http://www.tamilauthors.com/01/125.html

http://www.tamilauthors.com/01/114.html

http://www.tamilauthors.com/01/109.html

http://www.tamilauthors.com/01/93.html

http://www.tamilauthors.com/01/81.html

http://www.tamilauthors.com/01/78.html

http://www.tamilauthors.com/01/73.html

http://www.tamilauthors.com/01/51.html

http://www.tamilauthors.com/01/35.html

http://www.tamilauthors.com/01/34.html

http://www.tamilauthors.com/01/32.html

http://www.tamilauthors.com/03/Eraravi20.html

http://www.tamilauthors.com/03/Eraravi19.html

http://www.tamilauthors.com/03/Eraravi18.html

http://www.tamilauthors.com/03/Eraravi17.html

http://www.tamilauthors.com/03/Eraravi16.html

http://www.tamilauthors.com/03/Eraravi15.html

http://www.tamilauthors.com/03/Eraravi14.html

http://www.tamilauthors.com/03/Eraravi12.html

http://www.tamilauthors.com/03/Eraravi11.html

http://www.tamilauthors.com/03/Eraravi10.html

http://www.tamilauthors.com/03/Eraravi08.html

http://www.tamilauthors.com/03/Eraravi07.html

http://www.tamilauthors.com/03/Eraravi06.html

http://www.tamilauthors.com/03/Eraravi05.html

http://www.tamilauthors.com/03/Eraravi04.html

http://www.tamilauthors.com/03/Eraravi03.html

http://www.tamilauthors.com/03/Eraravi02.html

http://www.tamilauthors.com/03/Eraravi01.html


era.eravi editor www.kavimalar.com

கைக்குட்டைக்குள் தொலைந்த வானம் நூல் விமர்சனம் : கவிஞர் இரா.இரவி

  • q.jpg





கைக்குட்டைக்குள் தொலைந்த வானம் நூல் விமர்சனம் : கவிஞர் இரா.இரவி


நூல் ஆசிரியர் : கவிஞர் துளிர்
நூல் விமர்சனம் : கவிஞர் இரா.இரவி

நூலின் தலைப்பைப் போலவே அட்டைப்படமும் வித்தியாசமாக உள்ளது. இந்நூல் தாய்க்கும், தமிழுக்கும் என்று காணிக்கையாக்கி, தாய்ப்பற்றையும், தமிழ்ப்பற்றையும் பறைசாற்றியுள்ளார் நூலாசிரியர் கவிஞர் துளிர். மாற்றுத் திறன் உடைய சகோதரர் கவிஞர் துளிர், கவிஞர் மட்டுமல்ல, சிறந்த பேச்சாளர் என்பதையும் பதிவு செய்தார். தன்னம்பிக்கை வாசகர் வட்டத்தில் செந்தமிழ்க் கல்லூரி முதல்வர் பட்டிமன்ற நடுவர் க.சின்னப்பா அவர்களின் அணிந்துரை முத்திரை பதிக்கின்றது. திரைப்படப் பாடலாசிரியர் விவேகா, புனித பிரிட்டோ மேல்நிலைப்பள்ளி முதுகலைத் தமிழாசிரியர் மா.ஜெயராஜ் ஆகியோரின் அணிந்துரை நூலிற்கு அழகு சேர்க்கின்றது.

நூலின் தலைப்பிற்கான கவிதை இதோ!

கடித்த கடலை மிட்டாயிலும்
மடித்த கைக் குட்டையாலும்
ஒவ்வொரு
அம்மாவின் கைக் குட்டையாலும்
அந்த அழகான வானம் திருடப்பட்டிருக்கிறது.

இருட்டு இதிகாசம்

உறக்கத்தில் எழு! ஏழுதுகோலால் உழு!
கவிதையைத் துடைத்து காகிதத்தில் படை

இப்படி இவர் இளமைக் காலத்தில், காகிதத்தில் படைத்த படைப்புகளை நூலாக்கி உள்ளார்.ஹைக்கூ கவிதைகளும் நூலில் உள்ளது கூடுதல் சிறப்பு.

மாநாடு

வறுமை ஒழிப்பு மாநாடு
அறிவிப்புப் பலகையில்
பிச்சைக்காரர்கள் நுழையத் தடை

இனிப்பு

அன்னையர் தின விழாவில்
அனைவருக்கும் இனிப்பு வழங்குகிறது
அனாதை இல்லத்திலுள்ள குழந்தை

இந்த ஹைக்கூ படித்தவுடன் சிந்தையில் சிறு மின்னல் வருகின்றது. அது தான் படைப்பாளியின் வெற்றி.

ஆசை

கரைந்து போகும் கிராமத்துப் பண்பாட்டை
கருவறையில் சேமிக்க ஆசை
தொலைந்து போன தொன்மைக் கலைகளை
தோண்டியெடுக்க ஆசை

உலகமயம் தாராளமயத்தால் தமிழன் இழந்து வரும் அடையாளத்தை பதிவு செய்கின்றார்.

வெற்றுத் தாளாய் இரு

வெற்றுத் தாளாய் இரு மனிதா
அங்கு தான் நீ நிரப்பப்படுகிறாய்

உண்மையிலும் உண்மை வைர வரிகள். எல்லாம் தெரிந்தவன் என்று ஏற்கெனவே எழுதப்பட்ட தாளாக இருந்தால் பதிதாக எழுதிட இடம் கிடைப்பதில்லை. மிகப் பெரிய கருத்தை மிக எளிதாக விளக்கி உள்ளார்.

நூலில் சிந்தனை விதைக்கும் கவிதைகள் உள்ளது, காதல் கவிதைகளும் உள்ளது. ஹைக்கூ விற்கு தலைப்பு போடாமல் 3-வது வரியில் தலைப்புக் கொண்டு வந்தால் ஹைக்கூ சிறக்கும். கவிஞர் துளிர் எதிர்காலத்தில் ஹைக்கூவை நன்கு உள் வாங்கிக் கொண்டு இன்னும் சிறப்பாக படைக்க வேண்டும் என்பது என் ஆசை. துளிர்க்கும் கவிஞரின் கன்னி முயற்சி முதல் படைப்பு. பாராட்டுக்குரிய படைப்பு. தொடர்ந்து பல நூல்களை படைக்க வேண்டும். பகுத்தறிவுப் பகலவன் தந்தை பெரியார், முழு மனிதன் என்பதற்கு கூறும் இலக்கணத்திற்கு ஏற்ப கவிஞர் துளிர் நூல் எழுதி வெளியிட்டமைக்குப் பாராட்டுக்கள்.

நிறைய கவிதைகள் எழுதி வைத்துக் கொண்டு, நூலாக்கத் தயங்கும் கவிஞர்கள் ஏராளம். ஆனால் கவிஞர் துளிர் உடன் நூலாக்கிய துணிவிற்குப் பாராட்டுக்கள். நிறைய வாசியுங்கள். குறைவாக எழுதுங்கள்.

இன்னும் பல கவிதை நூல்களை உங்களிடமிருந்து எதிர்பார்க்கின்றது இலக்கிய உலகம் தொடர்ந்து படைத்து முத்திரை பதிக்க வாழ்த்துக்கள். உலக அளவில் மாற்றுத் திறன் உடையவர்கள் வியக்கத்தக்க வகையில் சாதனை படைத்து வருகின்றனர். அந்த வரிசையில் கவிஞர் துளிர். கவிதை நூல் வெளியிட்டு சாதனை படைத்துள்ளார்.

செவ்வாய், 20 ஜூலை, 2010

கவிமுகில் கவிதைகள்* மதிப்புரையாளர் : கவிஞர் இரா. இரவி

https://mail.google.com/mail/?ui=2&ik=b81c859f46&view=att&th=129ef654acb7e5f0&attid=0.1&disp=inline&realattid=f_gbulp99q0&zw
கவிமுகில் கவிதைகள்* மதிப்புரையாளர் : கவிஞர் இரா. இரவி
நூல் ஆசிரியர் : கவிஞர் கவிமுகில்



கவிஞர் கவிமுகில் அவர்களின் புகைப்படம் தாங்கி,அட்டைப்படமே அற்புதமாக

உள்ளது பின் அட்டையில் உடலால் மறைந்தாலும் பாடல் வரிகளால் வாழ்ந்து
கொண்டிருக்கும் கவிஞாயிறு தாராபாரதி அவர்களின் அணிந்துரை சுருக்கமும் அழகு
செய்கின்றது.உலகத்தரம் வாய்ந்த அச்சு நூலை கையில் எடுத்தாலே வாங்க வேண்டுமென்ற
ஆவலைத் தூண்டும் வண்ணம் வடிவமாக அமைக்கப்பட்ட நூல் கவிதை ரசிகர்கள் அனைவரும்
படிக்க வேண்டிய சிறந்த நூல்.

”வெறுங்கை என்பது மூடத்தனம் உன் விரல்கள் பத்து மூலதனம்”என்ற வரிகளால். உலகம்
முழுவதும் அறியப்பட்ட கவிஞாயிறு தாராபாரதியின் சீடர் கவிஞர் கவிமுகில்.தனது
குருவின் பெயரில் அறக்கட்டளை நிறுவி, சிறந்த ஹைக்கூ கவிதை நூல்களுக்கு
விருதுகள் வழங்கி தனது நூல்களின் வெளியீட்டு விழாவையும் சென்னையே வியந்து
பார்க்கும் வண்ணம் மிக பிரமாண்டமாக நடத்தினார்கள்,விழாவிற்கு நானும் சென்று
எனது இதயத்தில் ஹைக்கூ நூலிற்கு தாராபாரதி விருது பெற்று வந்தேன்.விழாவில்
ஆசிரியர் கி.வீரமணி கவியருவி ஈரோடு தமிழ்பன், கவிஞர் தமிழச்சி தங்கப்பாண்டியன்
என பலரும் இலக்கிய உரை தந்து மகிழ்வித்தனர்.

கவிஞாயிறு தாராபாரதியின் அணிந்துரை நூலிற்கு மகுடமாக உள்ளது.சிறந்த
சிந்தனையாளர் சுப.வீரபாண்டியன் வாழ்த்துரை முத்திரை பதிக்கின்றது. இந்த நூலின்
தனிச்சிறப்பு என்னவென்றால் பிண எரியூட்டி திரு. செம்பன் எரியுரை, காலணி
தைப்பவர் திரு.சிவராஜ் நடப்புரை,துப்புரவாளர் பென்சில்யாவின் கழிவுரை என
வித்தியாசமாக அவர்களின் கருத்தையும் பதிவு செய்து இருப்பது பாராட்டுக்குரிய
புதிய முயற்சி

கவிதைகளின் இலக்கண நயங்களை விட வாழ்வியல் கருத்துக்கள் ஓங்கி ஒலிக்கின்றன.
மிகவும் இயல்பாக உணர்ச்சிமிக்க வரிகளை மிக அழகாக பதிவு செய்து உள்ளார் நூல்
ஆசிரியர். இன்றைக்கு கணிப்பொறியாளர் என்ற கனவில் எல்லோரும்
முழ்கிவிட்டனர்.கட்டுக்கட்டாக பணம் வந்தபோதும் கட்டுப்பாடு இன்றி சிலர்
பண்பாட்டை சிதைத்து வருகின்றனர் என்ற உண்மையை நன்கு பதிவு செய்யும் கவிதை
வரிகள் இதோ.

மென்பொருள்வேலைகளில்
நன்பொருள் இழப்புக்குத்
தயாராய் இருபாலரும்
கைமீறிய பணக்கட்டுகளில்
கைமீறிப் போன
மனக்கட்டுப்பாடுகள்

கவிஞர்.கவிமுகில் மகிழுந்து நிறுவனம் வைத்திருக்கும் மிக சுறுசுறுப்பான மனிதர்
இவருக்கும் கலிதை எழுத நேரம் எப்படி வாய்க்கிறது என்பது வியப்பானது.
உயிர்காக்கும் உன்னதப்பணி செய்யும் உயர்ந்த மருத்துவத்துறை இன்று பணத்தாசை
பிடித்து அலைந்து தேவை இல்லாத செலவுகளை இழுத்துவிட்டு பணம் பறிக்கும்
கொள்ளைக்கூடமக மருத்துவமனைகள் மாறி வருவதை பதிவு செய்யும் வைர வரிகளிள் இதோ

தைலங்களில் போக்கப்படும்
தலைவலிகளுக்கு
சி.டி,ஸ்கேன்கள்
பணம் பண்ணும் சிறப்புகள்

நமது துப்புரவுத் தொழிலாளர்களின் உழைப்பு சமுதாயத்தில் மதிக்கப்படவில்லை என்பதை
உணர்த்தும் கவிதை

தன் குழந்தைக் கழிவைத் தாய் எடுக்க
அருவருக்கும் சூழலில்
சமுக மருத்துவர்களான எங்கள் சமுதாயப் பார்வைகளில்
தென்படாத மனிதங்கள்

திருநங்கைகள் வாழ்வில் குழந்தை முதல் இன்று வரை அவர்கள் சந்திக்கும் இன்னல்
வார்த்தைகளில் சொல்லிட முடியாது. திருநங்கைகளை சக மனிதர்களாக மதிக்கும்
மனப்பான்மையே இப்போதுதான் விதைக்கப்பட்டு வருகின்றது. திருநங்கைகளின் உள்ளத்து
உணர்வுகளை நன்கு பதிவு செய்துள்ளார்.காரணம் கவிஞாயிறு தாராபாரதியின்
பாடல்களுக்கு நடனமாடும் திருநங்கை நர்த்தகி நடராஜ் பற்றி கவிஞர் கவிமுகில்
அறிந்திருந்த காரணத்தால் கவிதையில் நன்கு பதிவு செய்துள்ளார்.

சென்னையில் நடந்த கவிஞாயிறு தாராபாரதி அறக்கட்டளை ஆண்டுவிழாவில் மதுரையில்
பிறந்து வளர்ந்து உலக நாடுகள் எல்லாம் சென்று நாட்டியமாடும் திருநங்கை நர்த்தகி
நடராஜ்க்கு தாராபாரதி விருது வழங்கி கௌரவித்தார்கள்.திருநங்கைகள் பற்றிய கவிதை.

இரண்டில் ஒன்றாக மாறவேண்டிய
இக்கட்டில் மன விரும்பலின்படியே
விரக்தியின் விசும்பலில் கரையாமல்

கற்காலம்.பொற்காலம் போய் இன்று தொடர்கள் காலம் என்றாகி விட்டது.எங்கு
பார்த்தாலும் தொடர்கள் பார்த்து சோம்பேறிகளாகி விட்டனர். மனிதர்கள் தொடர்களில்
நடக்கும் நிழல்களை நிஜங்களாக எண்ணி பலர் குழம்பி மனநோயாளிகளாக மாறி வருகின்றனர்
என்பது மருத்துவர்களின் கருத்து.மனநல மருத்துவர் பேராசிரியர். பெரியார்தாசன்
சொன்ன கருத்து இது.தொடர்கள் பெருகிய காரணத்தால் மனநோயாளிகன் பெருகிவிட்டனர்
என்றார்கள்.கவிமுகிலின் கவிதை வரிகள்.

அந்த சீரியல்ல வர்றவன் மாதிரியே
நம்ம புருசனும்
அங்க போயிட்டு வந்திரப்பானோ?

இப்படி மனைவி கணவனைச் சந்தேகப்படுவதும். கணவன் மனைவியையும் சந்தேகப்படுவதும்,
வக்கிரமான எண்ணங்களை வளர்த்து விடும் பணியினை தொடர்கள் செய்கின்றன. நீதிநெறி
போதித்து சமூகத்தை செம்மைப்படுத்தவேண்டிய ஊடகங்கள் பழிக்குப்பழி வாங்கும்
உணர்வை வன்முறையை வளர்த்து விடுகின்றன.

அசையும் கல்லாய் நான்
அசையாக் கல்லாய் சாமி

இப்படி சிந்திக்கவைக்கும் கல்வெட்டு வரிகள் நூல் முழுவதும் ஏராளம் உள்ளது.

நெருக்கம்
நெருக்கத்தை விலக்கிவைக்கும்
குழந்தை

நம் வாழ்வில் நடக்கும் நிகழ்வுகளை நினைவூட்டும் வரிகள்

கல்லைக் கடவுளெனச் சொல்லாதே மானிடனே
சொல்லே கடவுளெனச் சொல்வாய் திராவிடனே

என்ற வரிகள் சொல் என்பது எவ்வளவு முக்கியம் என்பதை உணர்த்துகின்றது

கவலை கொள்ளாதேஒரு
புதிய விடியலில்
உனக்கு பிரசவம் நிச்சயம்

தன்னம்பிக்கை விதைக்கும் கவிதை வரிகள் காலத்தின் பதிவு இலக்கியம் என்பார்கள்.
கும்பகோணம் தீ விபத்து.சுனாமியின் கொடூரத்தாக்குதல் இப்படியும் எதையும் விட்டு
வைக்காமல் சகல தளங்களிலும் தனது கவியாற்றலை வெளிப்படுத்தி உள்ளார் கவிஞர்.
கவிமுகில் ஒரு பகுத்தறிவுவாதி என்பதால் கருத்துக்குப் பஞ்சமில்லை அறிவார்ந்த
கருத்துக்கள் ஆயிரம் உள்ளது நூல் கனமாக உள்ளது. படித்து முடித்ததும் நமது
மனமும் கனமாகி விடுகின்றது. கவிஞாயிறு தாராபாரதியின் வரிகளைச் சொல்லி நிறைவு
செய்கிறேன்.

கவிதைச் சுவைஞர்கள் கைகளில் தவழவேண்டிய நூல் இது. விழிகளைத் திருப்புங்கள்
விரல்களால் புரட்டுங்கள். சிறந்த வரிகளை உங்கள் சிந்தனைப் புலத்தில்
சேமியுங்கள்

மதகுப் பலகைகள் மதிப்புரையாளர் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129ef64334259479&attid=0.1&disp=inline&realattid=f_gbulnr8j0&zw
மதகுப் பலகைகள் மதிப்புரையாளர் : கவிஞர் இரா.இரவி
நூல் ஆசிரியர் : கவிஞர் கவிமதி

நூலின்அட்டைப்படமே வித்தியாசமாக உள்ளது. நன்றி புதுச்சேரித் தோழர்களுக்கும் புலம் பெயர்ந்த தோழர்களுக்கும் என ஆரம்பமே அமர்க்களமாக உள்ளது. சிறுகதை ஒரு காலத்தில் கொடி கட்டிப் பறந்தது இன்று சிறுகதை நசிந்து விட்டதோ? என்று எண்ணுமளவிற்கு சுருங்கிவிட்டது. ஒரு நிமிடக் கதை, அரை நிமிடக் கதை, அஞ்சல் அட்டைக் கதை என சுருங்கி நகைச்சுவைத் துணுக்ககை கதை என்று சொல்லும் காலத்தில் சிறுகதை எப்படி? எழுத வேண்டும் என இலக்கணம் கூறுவது போல இந்நூல் வந்துள்ளது. நூல் ஆசிரியர் கவிமதி துபாயில் வாழ்ந்தாலும் தனது குழந்தைப் பருவத்து நிகழ்வுகளை உணர்வுகளை சிறுகதையாக்கி இருக்கிறார்கள். 21 சிறுகதைகள் இந்நூலில் உள்ளது. ஒவ்வொரு சிறுகதையையும் ஒருவரியில் சொல்வதென்றால், 1) கும்பகோணம் தீ விபத்து நினைவூட்டுவது 2) உலகமயம் தாராளமயம் காரணமாக அடையாளத்தை தொலைத்தது, 3) பண்பாட்டுச் சீரழிவு செய்வோருக்கு சவுக்கடி 4) பேராசை பெருநஷ்டம், நஷ்டத்திலும் சில நன்மை. 5) இனிமையான இலங்கைக் தமிழ் பேச்சு கற்கண்டு தோற்றுப் போச்சு 6) பெண்களை ஏமாற்றும் ஆண்களுக்கு கன்னத்தில் அரை, இப்படியே நூலில் உள்ள ஒவ்வொரு கதை பற்றியும் சொல்லிக்கொண்டே போகலாம். ஆசிரியரின் நல்ல முயற்சி இலக்கியம் என்பது நடைமுறை வாழ்வை எடுத்து இயம்புவது மட்டுமல்ல மனிதனை செம்மைப்படுத்துவதாகவும் இருக்க வேண்டும்.

ஒவ்வொரு கதையிலும் ஒவ்வொரு செய்தி உள்ளது. மனிதனை நெறிப்படுத்தும் வாழ்வியல் கருத்துக்களின் பெட்டகமாக உள்ளது. இவருடைய நடை, தனி நடை எவரையும் பின்பற்றாத புதிய நடை அது மட்டுமல்ல எளிதில் அனைவருக்கும் புரிந்திடும் எளிய நடை, இதற்காகவே கதை ஆசிரியரை பாராட்ட வேண்டும். கவிமதி என்பது புனைப் பெயர் தான் என்றாலும் காரணப் பெயரோ? என எண்ணத் தோன்றுகிறது. கவிதை நடையில் கதை சொல்கிறார். கவிதை படிக்கும் போது கிடைக்கும்

இன்பம் கதை படிக்கும் போதும் கிடைக்கின்றது. அது தான் நூலின் வெற்றி நவீன கதையாசிரியர்கள் இன்று வலிய ஆங்கிலச் சொற்களை கலந்து கதை எழுதுவதை பார்க்கிறோம். ஆனால் நூலாசிரியர் கவிமதி ஆங்கில சொற்களை வலிந்து பயன்படுத்த வில்லை இதற்காகவே பாராட்ட வேண்டும். ஆங்கிலச் சொற்களைக் கலந்தால் தான் கதை இயல்பாக இருக்கும் என வரட்டுத்தனமாக வாதிடுபவரின் தலையில் கொட்டும் வண்ணம் நல்ல தமிழில் நடையில் வந்துள்ளது. சிறுகதை பிரியர்களுக்கு இந்நூல் ஒரு இலக்கிய பலா.கதைகளிடையே வாசிப்பு உலா சென்றால் உள்ளம் மகிழ்ந்திடும். சிறுகதைகளின் பெயரையே தனியாக ஆய்வு செய்யலாம்.

இலக்கியத்தரமான தலைப்புகள் இக்கதைகளில் சில நிகழ்வுகள் ஆசிரியர் தன் வாழ்வில் நடந்த சில உண்மை நிகழ்வுகளையும் கதையாக்கி இருப்பதால் கதைகள் உயிரோட்டமாக இருக்கின்றன. படிக்கும் வாசகர்களுக்கு போரடிக்காமல் எப்படி? கதை சொல்ல வேண்டும் என்ற வித்தையை நன்கு கற்று இருக்கிறார். ஆசிரியரின் திறமைக்குச் பறை சாற்றும் விதமாக உள்ளது பாராட்டுக்கள். நல்ல தமிழ் சொற்களை ஆசிரியர் பயன்படுத்தி இருப்பதற்கு பதச்சோறு போல ஒரு உதாரணம் “பதிவுக்காக” என்ற 18வது கதையில் “பாஸ்போர்ட்” என்ற ஆங்கில சொல்லை பயன்படுத்தாமல் “கடவுச்சீட்டு” என்ற நல்ல தமிழ்ச்சொல்லை பயன்படுத்தி இருக்கிறார். கதை படிப்பது போல இல்லை நேரடியாக காட்சிகளைப் பார்ப்பது போன்ற உணர்வை ஏற்படுத்தி விடுகின்றார். கதையில் வரும் பாத்திரங்கள் நம் மனக்கண் முன்னே வந்து விடுகின்றன. சிறுகதை உலகில் சிறந்த இடம் உறுதியாக உண்டு ஆசிரியருக்கு தொடர்ந்து எழுதுங்கள்

ஊனமுற்றோரின் உயரிய சாதனைகள் மதிப்புரையாளர் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129ef633a0415093&attid=0.1&disp=inline&realattid=f_gbulmcec0&zwநூல் ஆசிரியர் : கவிஞர் ஏகலைவன்
ஊனமுற்றோரின் உயரிய சாதனைகள் மதிப்புரையாளர் : கவிஞர் இரா.இரவி

அட்டைப்படமே அற்புதமாக உள்ளது. ஊனமுற்றவர்களின் எழுச்சிக்காக பாடுபடும் திரு.சிதம்பரநாதன், எளிமையின் சின்னமாகத்திகழும், மதுரையின் பெருமைகளில் ஒன்றாக விளங்கும் எழுத்தாளர் திரு.கர்ணன் புகைப்படங்கள் நூலின் அட்டைப்படத்தை அலங்கரிக்கின்றது.பின் அட்டையில் மதுரையில் ஊனமுற்றவர்களின் உயர்வுக்காக உழைக்கும் அமுதசாந்தி முதல் மரண காணா விஜய் வரை எட்டு பேரின் புகைப்படமும் சிறப்பாக உள்ளது.

நல்ல வடிவமைப்பு குடத்து விளக்காக இருந்த ஊனமுற்ற சாதனையாளர்கள் 10 பேரை குன்றத்து விளக்காக ஒளிர்ந்திட செய்திடும் முயற்சியில் நூல் ஆசிரியர்

கவிஞர் ஏகலைவன் வெற்றி பெற்றுள்ளார். நூலாசிரியர் புகைப்படம் நூலின் அட்டையில் இல்லை. வருங்காலங்களில் வெளியிடும் நூல்களில் நூல் ஆசிரியர்

புகைப்படமும் இடம் பெறட்டும். ஏதோ பிறந்தோம் வாழ்ந்தோம் என்று இல்லாமல் ஏதாவது சாதிக்க வேண்டுமென்ற வேட்கை உள்ள 10 நபர்களின் சாதனைகளைப் படம்பிடித்து காட்டி உள்ளார்.

மாமனிதர் அப்துல்கலாம் அவர்களுக்கு இந்நூலை சமர்ப்பணம் செய்து இருப்பது சிறப்பு. கனவு காணுங்கள், திட்டமிடுங்கள், செயல்படுங்கள், சாதனை நிகழ்த்துங்கள் எனப்புகட்டிய நல்லவர். அவரிடம் நீங்கள் வாழ்வில் மகிழ்ச்சியடைந்த நேரம் எது? என்று கேட்ட போது “ஊனமுற்ற சகோதரர்களுக்கு மிகவும் குறைந்த எடையில் செயற்கைக்கால்கள் கண்டுபிடிக்கப்பட்ட நேரம்” என்று சொன்னார். அத்தகைய மனிதநேயம் மிக்க அற்புத மனிதர் அப்துல்கலாமிற்கு நூலை சமர்ப்பணம் செய்தது.

நூலாசிரியர் கவிஞர் ஏகலைவனின் கலாம் பற்று புலனாகின்றது.புதுமையின் முதல்வர் திரு.ந.ரங்கசாமி, சேலம் சட்டமன்ற உறுப்பினர் திரு.இரா.இராஜேந்திரன், அமர்சேவா சங்கம் திரு.எஸ்.இராமகிருஷ்ணன், பெரியார் பல்கலைக்கழகத்தின் துணைவேந்தர் முனைவர் மு.தங்கராசு, நடமாடும் தகவல் களஞ்சியம் தென்கச்சி கோ.சுவாமிநாதன் ஆகியோரின் அணிந்துரையும், வாழ்த்துரையும் நூõலிற்கு மேலும் பெருமை சேர்க்கின்றன. நூலாசிரியரின் திறமையை பறை சாற்றுகின்றன.

நூலாசிரியர் என்னுரையில் நூலின் நோக்கத்தை முத்தாய்ப்பாக பதிவு செய்துள்ளார். இரு கைககள், இரு கால்கள் நன்றாக உள்ள மனிதர்கள் கூட வாழ்க்கையில் விரக்தி ஏற்பட்டு, சோர்ந்து விடுகின்றனர். ஆனால் நூலாசிரியர் தொடர் வண்டி விபத்தில், ஒரு கால், ஒரு விரல் இழந்த போதும் ஊனத்தை பொருட்படுத்தாமல் மனதில் தைரியத்தை, தன்னம்பிக்கையை வரவழைத்துக் கொண்டு இவர் வசிப்பது சேலத்தில். ஆனால் எழுத்தாளர் கர்ணன், அமுதசாந்தி வசிப்பது மதுரையில். இப்படி பத்து ஊனமுற்ற சாதனையாளர்களும் தமிழகத்தில் பல்வேறு ஊர்களில் வாழ்ந்த போதும் அவர்களின் சாதனையை பற்றி அறிந்த தேடிச் சென்று பேட்டி எடுத்து ஆவணப்படுத்தி இருக்கிறார். நூலாசிரியரின் தன்னலமற்ற தொண்டு பாராட்டுக்குரியது. இயந்திரமயமான இன்றைய உலகில் சராசரி மனிதர்கள் எல்லாம் இயந்திரமாகவே மாறிவிட்டனர். தன்வீடு, தன் குடும்பம், தன் தொலைக்காட்சி எனச் சுருங்கி விட்டனர்.

பொதுநலனில் விருப்பம் இல்லை. மனிதநேயம் இல்லை.ஆனால் நூலாசிரியர் மனித நேயத்துடன் தான் ஊனமுற்று இருந்தாலும் அதை எல்லாம் பொருட்படுத்தாது ஓடி ஓடி உழைத்த உழைப்பின் வெளிப்பாடு இந்நூல். என் இனிய நண்பர் வித்தகக்கவிஞர் பா.விஜய் சொல்வார்கள் “அவமானங்களை சேகரித்து வையுங்கள் அது முன்னோக்கி செல்வதற்கான சக்கரம்” என்று ஆம் அவமானப்படுத்தியவர்களை மறக்காமல் போய் கத்தியால் குத்துவதோ! வெட்டுவதோ! அல்ல “உன்னால் இது முடியாது” “உனக்கு எதற்கு? இந்த வேலை” அவமானப்படுத்தியவர்களின் முன், என்னால் முடியும் எதையும் சிறப்பாக செய்ய முடியும் என நிரூபித்து வெற்றி பெற வேண்டும். அவமானங்கள் நமக்கு உந்து சக்தியாக இருப்பதை உணர முடியும். பத்து பேரின் பேட்டியை படிக்கும் போது நமக்கு. ஊனத்தை உதாசினப்படுத்தி விட்டு இலட்சியத்தை இலட்சியம் செய்து உழைத்து வெற்றி பெற்றதை உணர முடிகின்றது.

பத்து முத்துக்களைக் கோர்த்து மாலையாக்கி இருக்கிறார். பத்து சாதனையாளர்களில் மதுரை சாதனையாளர்கள் இருவரை நான் நன்கு அறிவேன். இந்நூல் படிக்கும் வாசகர்களுக்கு டானிக், உரம், படிக்கும் வாசகர் ஊனமுற்றவராக இருந்தால் அவரது மனக்காயத்திற்கு மருந்தாக இருக்கும் இந்நூல். ஊனமுற்றவர்களாக இருந்தால் நாம் ஏன்?சாதனை செய்யக்கூடாது வாழ்ந்த வாழ்க்கைக்கு சுவடு பதிக்க வேண்டுமென்ற உத்வேகத்தை தரும் உன்னத நூல். நூலின் கடைசி பக்கங்களில் ஊனமுற்றவர்களுக்கு உதவிடும் அமைப்புகளின் முகவரிகள் தகவல் களஞ்சியம்

அறிவுக்கோர் ஆவணம் மதிப்புரையாளர் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129ef628b71572eb&attid=0.1&disp=inline&realattid=f_gbullb6z0&zw
அறிவுக்கோர் ஆவணம் மதிப்புரையாளர் : கவிஞர் இரா.இரவி
நூல் ஆசிரியர் : பொன்.குலேந்திரன்


“அறிவுக்கோர் ஆவணம்” நூலின் பெயர் மட்டுமல்ல காரணப்பெயர் என்றே கொள்ளலாம். உண்மையிலே அறிவுக்கோர் ஆவணமாக நூல் திகழ்கின்றது. தகவல் களஞ்சியமாக ஆவணப்படுத்த வேண்டிய அற்புத நூல். இந்நூலிற்கு பெருங்கவிக்கோ தனது வைர வரிகளால் கவிதையால் வாழ்த்துரை வழங்கி இருப்பது நூலிற்கு மேலும் அழகு சேர்க்கின்றன. அறிஞர் சாமி அப்பாத்துரையின் அணிந்துரை முத்தாய்ப்பாக உள்ளது. முத்திரை பதிக்கின்றது.

இன்றைக்கு உலக அளவில் ஆங்கிலத்திற்கு அடுத்தபடியாக இணையதளம் அதிகம் உள்ள மொழி தமிழ் மொழி உலக அரங்கில் இந்தப் புகழை தமிழுக்கு தேடித்தந்தவர்கள் புலம் பெயர்ந்த தமிழர்கள் குறிப்பாக இலங்கைத் தமிழர்கள். தமிழ் உயர்தனிச் செம்மொழியாக அறிவித்துள்ள நாளில் உலக அளவில் இணையத்தின் மூலம் தமிழை உயிர்த்தெழ வைத்தவர்கள் இலங்கைத் தமிழர்கள் என்றால் மிகையன்று. உலகில் உள்ள பெரும்பாலான தமிழ் இணையதளங்களை இயக்குபவர்கள். நடத்துபவர்கள் இலங்கைத் தமிழர்கள் சொந்த மண்ணில் உரிமைக்கு போராடிக் கொண்டும் இணையம் நடத்துகின்றனர். குடும்ப சூழ்நிலை காரணமாக புலம் பெயர்ந்த போதும் மண்ணையும், மொழியையும் மறக்காமல் தமிழ் வளர்க்கும் வல்லுனர்களில் ஒருவர் தான் பொன் குலேந்திரன். இவர் குவியம் என்ற இணையத்தின் மூலம் தமிழ் வளர்த்தவர். படைப்பாளியால் சோம்பேறியாக சும்மா இருக்க முடியாது. பொன் குலேந்தின் அவர்கள் மதுரை வரும் செய்தியை பெருங்கவிக்கோ தொலைபேசி மூலம் தெரிவித்தவுடனேயே இவருக்கு சிலமணிநேரத்திற்குள் பாராட்டு விழாவை இலக்கியப்பறவைகளின் வேடந்தாங்கலான மதுரை நியூ காலேஜ் ஹவுசில் பொன்மனம் படைத்த புரவலர் மணிமொழியனார் முன்னிலையில் ஏற்பாடு செய்தோம். நூல் ஆசிரியர் மனம் மகிழ்ந்தார்கள் சிறந்த உரை திகழ்த்தினார்கள். ஆற்றிய உரையில் சிலவற்றை இந்த நூலிலும் சேர்த்து இருக்கிறார்கள்.

இந்நூலை ஆராய்ச்சி மாணவர்களுக்கு பாடநூலாக்கலாம். எந்த நுலிலும் படித்திராத புதிய செய்திகள், ஆய்வுக் கட்டுரைகள் குவியம் இணைய இதழில் நான் படித்த பல கட்டுரைகளை நூலாகப் படிக்கும் போது பரவசம் அடைந்தேன். நல்ல நடை, எளிய நடை ஆசிரியரின் மொழிப்பற்று,மொழியறிவு நன்கு புலப்படுகின்றது.

மகாகவி பாரதியார் சொன்ன கருத்துக்களை நடைமுறைப்படுத்தும் விதமாக அறிவியல் கருத்துக்களை அழகு தமிழில் எளிதில் புரியும் வண்ணம் அற்புதமாக வடித்து

இருக்கிறார். கனடாவில் வாழ்ந்த போதும் கண்டியை மறக்காதவர்.

தேமதுரத் தமிழோசை உலகெலாம் பரப்பி வருபவர். இலங்கைப் பரங்கியர் என்ற முதல் கட்டுரையில் தொடங்கி தீக்குளிப்பு என்று முடியும் கட்டுரை வரை 38 கட்டுரைகளை ஆதாரங்களுடன் ஆணித்தரமாக மறுப்பு யாரும் சொல்ல முடியாத அளவிற்கு வரலாற்று ஆவணமாக சுவடு பதித்து இருக்கிறார் ஆசிரியர். இணைய இதழின் ஆசிரியர் என்பதால் கட்டுரை எப்படி? எழுத வேண்டும் என்ற சூத்திரம் அறிந்தவர் என்பதனால் கட்டுரையை மிகச்சிறப்பாக எழுதி உள்ளார். படிக்கின்ற ஆர்வத்தை தூண்டும் வண்ணம் மிகச்சிறப்பாக எழுதி உள்ளார். படித்து விட்டு தூக்கிப் போடும் சராசரி புத்தகம் அல்ல இது. இலங்கையைப் பற்றி தெரியாதவர்கள் தெரிந்து கொள்ளவும். தெரிந்தவர்கள் மகிழ்ந்து கொள்ளவும் உதவுகின்ற உன்னத நூல். உலகத் தமிழர்கள் அனைவரும் படிக்க வேண்டிய நூல்.

இலங்கையில் சிங்களர்தான் பெரும்பான்மையினர் என்று உலகம் நம்பிக் கொண்டு இருக்கிறது.ஆனால் நூலாசிரியர் தமிழர்கள் மற்றும் நிட்டாவோ, பரங்கியர்கள், காப்பிரிகள், பட்டாணியர்கள் இப்படி பல இனத்தவர் நிறைந்து உள்ளதென ஆதாரங்களுடன் எடுத்து இயம்புகின்றார். கொழும்பில் செட்டிமார் கட்டிய கோயில்கள், இப்படி பல தகவல்கள், சிங்கள இனத்தில் மேல்நாட்டு சிங்களவர், கீழ்நாட்டு சிங்களவர் என இரு பகுதிகள் இருப்பதை உணர்த்துகிறார். முத்துக்குளித்தல் செய்து முத்து எடுத்தவர்களுக்கு முக்குவர்கள் என்று பெயர் இப்படி இலங்கையில் வாழ்ந்தவர்களின் வரலாற்றை விரிவாக விளக்குகிறார்.

மனிதனை வைத்து மனிதன் இருக்கும் ரிக்ஷோ என்பது ஏகாதிபத்தியத்தின் சின்னம் என்பதை விளக்கி மனித நேயத்தை பறைசாற்றுகிறார். இலங்கையில் தற்போது ரிக்ஷோ மறைந்து விட்டது என்பதை உணர்த்துகிறார்.

இயற்கையில் உருமறைப்பு என்பது ஏமாற்று வித்தை என்பதை அறிவியல் கருத்துக்களை வாசகர்களுக்கு எளிதில் புரியும் வண்ணம் விளக்குகின்றார். பொதுவாக இலங்கைத் தமிழர்களின் தமிழ் இனிக்கு இன்றைக்கு மொழிக் கலப்படமின்றி தமிழைத் தமிழாகவே பேசுவதில் வல்லவர்கள் இலங்கைத் தமிழர்கள். பேசுவதில் மட்டுமல்ல பிறமொழி கலப்பின்றி அழக தமிழில் அறிவியல் கட்டுரைகள் எழுதுவதிலும் வல்லவர்கள் நாங்கள் என்பதை பறைசாற்றி உள்ளார். பொன். குலேந்திரன்.

முதலைக் கண்ணீர் கேள்விப்பட்டு இருக்கிறோம் ஆசிரியரின் அறிவியல் விளக்கம் அருமை.

கொடூர சுனாமியை யாரும் அவ்வளவு எளிதில் மறந்து விட முடியாது. இந்தியாவையும், இலங்கையையும் சுனாமி புரட்டிப் போட்டது. துக்கத்தில் ஆழ்த்தியது பலரை பலி கொண்டது. சேதங்கள் பல கோடிகளைத் தாண்டியது “கடற்கோள்கள்” கட்டுரையில் புள்ளி விபரங்களுடன் மிக நுட்பமாக விளக்கி உள்ளார். இலங்கை தீவாக இருக்கின்ற காரணத்தால் கடல் எளிதில் உட்புகுந்து விடுகின்றது.

ஐய்ந்தறிவு ஜீவன்கள் என மிருகங்களை நாம் இழிவாக எண்ணுகின்றோம். ஆனால் யாருடைய அறிவிப்பையும் எதிர்பாராமல் தாமாவே மிருகங்களும் பறவைகளும் வரப்போகும் பூகம்பத்தை முன்கூட்டியே அறியக்கூடிய அறிவுத்திறன் மிக்கவைகளாக இருப்பதை விளக்குகின்றார் நூலில் கண்டி ராஜ்ஜியம் தமிழ்நாட்டு நாயக்கர் வசம் இருந்ததை விளக்குகிறார்.

ஈழத்தின் பண்டைய துறைமுகங்கள் பற்றி சோழ ஆட்சி பற்றி மாந்தை துறைமுகம் சாம்பு கோவளம் துறைமுகம் பற்றி கட்டுரையில் பதிவு செய்துள்ளார். ஒலி பற்றி அனைவரும் அறிவோம். ஒலி பற்றி இத்தனை சிறப்பான விளக்கத்தை இது வரை நான் எந்த நூலிலும் படித்தது இல்லை. ஒலியின் பயனை எடுத்து இயம்புகின்றார் மிகவும் ரசனையோடு.

தந்தை பெரியாராலும் டாக்டர் முத்துலெட்சுமி ரெட்டியாலும் ஒழிக்கப்பட்ட தேவதாசி முறையை விளக்கி இருக்கிறார். யாழ்ப்பாணத்தில் கோயில் திருவிழாக்களில் ஆடும் பெண்களை சின்ன மேளம் என்று அழைத்து இருக்கிறார்கள்.தமிழ்நாட்டில் சின்ன வீடு என் சொல் போல என்பதையும் குறிப்பிடுகிறார். மூட நம்பிக்கைகளை சாடுகிறார். பகுத்தறிவை ஊட்டுகிறார். அறியாமையை அழிப்போம் என்ற தலைப்பிட்டு கட்டுரையை முடிக்கிறார். ஒரு படைப்பாளியின் கடமையை செவ்வன செய்துள்ளார். சமூகத்தை சீர்படுத்தும் நோக்கம் உள்ளது ஆசிரியருக்கு. தேடல் உள்ளவர்கள் வாழ்வில் வெற்றி பெறுகிறார்கள். தேடுலம் பகிர்தலும் கட்டுரை தேடலின் விதத்தையும் அவசியத்தையும் விளக்குகின்றது. இணையதளத்தில் உள்ள புகழ்பெற்ற தேடுதளங்களான கூகுள், யாகு, எம்எஸ்என், ஆல்டாவிஸ்டா, ஹாட்பாட், வரிசைப்படுத்தி வாசகர்களுக்கு பயனுள்ள பலதகவல்களை தொகுத்து வழங்கி உள்ளார். ஆசிரியரின் கடின உழைப்பு உணரமுடிகின்றது. சாதித்தீட்டு இருந்ததை சாடுகின்றார். யாழ்குடா நாட்டின் பண்டைய கட்டடக்கலையை தமிழ் நாட்டிற்கும், கேரளாவிற்கும் இருந்த தொடர்பு பற்றி கூறுகிறார். கிராமிய வீடுகள் கலை அம்சத்துடன் இருந்தது பற்றி விளக்குகிறார். ஆங்கிலக் கட்டுரையை தமிழில் மொழி பெயர்த்து வழங்கி உள்ளார்.

சிங்களர்கள் புத்தரை வணங்கினாலும் புத்தர் சொன்ன ஆசையே அழிவுக்கு காரணம் என்ற பொன்மொழியை உணருவதில்லை. அவர்கள் புத்தரை மட்டுமல்ல கண்ணகி, திரௌபதி, மாரியம்மன் போன்ற தெய்வங்களை வணங்கும் பழக்கம் உள்ளவர்கள் என்று நூலாசிரியர் பதிவு செய்கிறார். தெய்வங்களை வணங்குவது முக்கியமல்ல மனிதனை மதிக்க வேண்டும் என்பதை உணர்ந்தால் இலங்கையில் அமைதி நிலவும். இந்த நூல் அறிவுக்கோர் ஆவணம் என்பதில் எள்ளளவும் சந்தேகமில்லை வாங்கி படித்துப் பாருங்கள் அறிவை விரிவு செய்யுங்கள்

உறவில் சலனம் * மதிப்புரையாளர் : கவிஞர் இரா.இரவி

https://mail.google.com/mail/?ui=2&ik=b81c859f46&view=att&th=129ef61e03e504ab&attid=0.1&disp=inline&realattid=f_gbulk6bd0&zw


உறவில் சலனம் * மதிப்புரையாளர் : கவிஞர் இரா.இரவி

நூல் ஆசிரியர் : திரு. எக்ஸ்.பி.ஒய்ட்


ஊடகங்களின் தாக்கத்தால்,உலகமயத்தால்,பண்பாட்டுச் சீரழிவால் இன்று நீதிமன்றங்களில் மணமுறிவு வழக்குகள் குவிந்து உள்ளது. உறவில் சலனம் வருவதால்தான் மண முறிவுகள் பெருகுகின்றன. உளவியல் ரீதியாக உறவில் சலனம் வராமல் இருக்க என்ன வழி என்பதை மிகச் சிறப்பாக விளக்கி இருக்கிறார் நூல் ஆசிரியர் திரு.எக்ஸ்.பி.ஒய்ட்.

நூலாசிரியருக்கு இது இரண்டாவது நூல். இன்றைய சூழ்நிலையில் பலருக்கும் தேவையான நல்ல கருத்துக்கள் அடங்கிய நூல் ஒருவனுக்கு ஒருத்தி என்ற உயர்ந்த தமிழ்ப்பண்பாட்டை வலியுறுத்தும் நூல். அட்டைப்படம் அற்புதம், மிக நேர்த்தியான வடிவமைப்பு. முதல் நூலில் இருந்த குறைகளை எல்லாம் நீக்கி விட்டு மிக நிறைவாக வந்துள்ள நூல். நூலை வடிவமைத்த அரிமா.திரு.ஆர்.என்.முத்து அவர்களுக்கு மறக்காமல் நன்றி கூறி உள்ளார் ஆசிரியர்.

நிலை உயரும் போது பணிவு வந்தால்
உலகம் உன்னிடம் மயங்கும்

இப்படி புகழ்பெற்ற வைர வரிகளை எல்லாம் மேற்கோள் காட்டி, குடும்ப உறவு பற்றி நன்கு விளக்கி உள்ளார்.இந்நூலிற்கு அணிந்துரை வழங்கி உள்ள மதுரை வானொலியின் தலைமை நிகழ்ச்சிப் பொறுப்பாளர் திருமதி.ஜோதிமணி இளங்கோவன் பாராட்டுக்கு உரியவர்.இனிய சொல் பயன்படுத்த வேண்டிய அவசியத்தை எழுதி உள்ளார். விட்டுக் கொடுத்தல் பண்பை உருவாக்குவது பிறந்து வளர்ந்த சூழ்நிலை தான் என்கிறார். அவ்வப்போது ஆங்கில மேற்கோள்களும் நூலில் இடம் பெற்றுள்ளது.

“ceaser�s wife should be above suspicion”�சீசரின் மனைவி சந்தேகத்துக்கு அப்பாற்பட்டவராக இருக்க வேண்டும்.

ஆண்,பெண் என்ற பேதமில்லை. இருவருமே சந்தேகத்திற்கு அப்பாற்பட்டவர்களாகத் தான் இருக்க வேண்டும். இந்த சந்தேகப் பேய் நுழையாமல் காப்பதும் உரையாடல்தான். இப்படி பல்வேறு தகவல்கள் நூலில் உள்ளது.

உறவில் விரிசல்கள் தொடங்கி,பின்னுரை வரை 13 கட்டுரைகளின் தொகுப்பு இந்த நூல் தன் வாழ்வில் சந்தித்த இணையர்களுக்கு நிகழ்ந்த உண்மை நிகழ்வுகளை எடுத்துக் கூறி நிம்மதியான வாழ்க்கைக்கு தீர்வும் கூறி உள்ளார். மிக எளிய உதாரணங்களுடன் குடும்பத்தில் தினசரி நடக்கும் உரையாடல்களுடன் நன்கு விளக்கி உள்ளார். விட்டுக் கொடுத்து வாழ கற்றுத் தரும் நல்ல நூல் இது.

பாலுணர்வு அற்றுப் போயிருந்தால் நிச்சயம் உடல் குறையோ,மனக்குறையோ உள்ளதென்பது தெளிவு. இந்தக் குறைகள் தான் நரம்பு மண்டலத்தை ஊடுருவி நோய்க் குறியீடுகள் தொடரக் காரணியாகின்றன.

உளவியல் மருத்துவர் போல மிகச்சிறப்பாக நூல் முழுவதும் நன்கு விளக்கி உள்ளார். படித்து விட்டு தூக்கிப் போடும் சராசரி புத்தகம் அல்ல இது. படித்துப் பயன்பெறும் நூல் இது. பண்பாடு உணர்த்தும் நூல்,தாம்பத்யம் உணர்த்தும் நூல்.

பாலுறவு ஒரு செயல் என்றல்,அதன் எதிர் செயல் தான் புத்துணர்ச்சி.மனச் சோர்வை முற்றிலும் நீக்கும் ஆற்றல் கொண்டது இந்தப் பாலுறவு. அன்பு தான் உறவு,உறவு தான் அன்பு என மிகத் தெளிவாக, நாகரிகமாக உறவுகள் பற்றியும் பதிவு செய்துள்ளார்.

குழல் இனிது யாழ் இனிது என்பர் தம்மக்கள்
மழலைச் சொல் கேளாதவர்

உலகப் பொதுமறையாம் திருக்குறளை மேற்கோள் காட்டி விளக்குகின்றார்.

மனம் என்ற மரத்தை, காற்று என்ற சூழ்நிலை அசைக்கிறது,ஒழுக்கம் என்ற வேர் ஆழமாக வளர்ந்திருந்தால் தடுமாற்றம் ஒரு போதும் வராது.

கல்வெட்டு வார்த்தைகள்,இதைக் கடைப்பிடித்தால் உறவில் சலனம் வராது.நூலின் பின் அட்டையில் உள்ள அரிய வாசகம் இதோ!

என் துணைவரை துணைவியை நான் தான் மிகச் சரியாகப் புரிந்து கொண்டு ஏற்றுக் கொள்ள முடியும் என்று இறைவன் எண்ணியதால் எனக்கு இந்தச் சுமையைக் கொடுத்திருக்கிறான். சுகமான இந்தச் சுமையை விரும்பி ஏற்றுக் கொண்ட நான் முழு விருப்பத்துடன் தொடர்ந்து சுமப்பேன்.

இப்படி வாழ்க்கைத் துணையை ஒருவரை ஒருவர் புரிந்து கொண்டு வாழ்ந்தால்,வாழ்க்கை இனிக்கும்.எண்ணங்களைப் பகிர்ந்து கொள்ளுங்கள்,மனதிற்குள் வைத்து நோய் உருவாகக் காரணமாக்கி விடாதீர்கள் என பல்வேறு தகவல்களைப் பயனுள்ள ஆலோசனைகளை ஆசிரியர் பட்டறிவுடன் மிகவும் உணர்ந்து எழுதி உள்ளார். படிக்கும் வாசகர்களைப பக்குவப்படுத்தும் நூல். சில சந்தேகங்களைப் போக்கும் நூல்.

வாழ்க்கை ஒருவனுக்குப் போராட்டம்
வாழ்க்கை மற்றவருக்குத் தேரோட்டம்

வாழ்க்கை ஒருவருக்கு வேதனை
வாழ்க்கை மற்றவருக்கு சாதனை.

நம் வாழ்க்கை நம் கையில்,வாழ்க்கையை ரசித்து,ருசித்து, இன்புற்று வாழுங்கள். ஒழுக்கமாக வாழுங்கள் என உணர்த்தும் உன்னத நூல்…

கல்வி வள்ளல் கலசலிங்கம் வாழ்க்கை வரலாறு * மதிப்புரையாளர் : கவிஞர் இரா. இரவி

https://mail.google.com/mail/?ui=2&ik=b81c859f46&view=att&th=129ef5be24a89dcd&attid=0.6&disp=inline&realattid=f_gbulby9j5&zw
கல்வி வள்ளல் கலசலிங்கம் வாழ்க்கை வரலாறு * மதிப்புரையாளர் : கவிஞர் இரா. இரவி

* நூல் ஆசிரியர் : எஸ்.எம்.நயினார் பி.காம்.,


உழைப்பால் உயர்ந்த உன்னத மனிதர் கல்வி வள்ளல் கலசலிங்கம் புகைப்படம் முன் அட்டைப்படத்தை அலங்கரிக்கின்றது. பின் அட்டையில் அவரது குடும்பத்தினர் புகைப்படமும் உள்ளது. ஒரு சிலரின் வரலாற்றைப் படிக்கும் போது நமக்குள் சக்தி பிறக்கும். மண்ணில் பிறந்தோம், இறந்தோம் என சராசரி வாழ்க்கை வாழாமல், பிறந்தோம், சாதித்தோம் என சாதனை வாழ்க்கை வாழத் தூண்டுகோலாக இந்த நூல் உள்ளது. நூலாசிரியர் எஸ்.எம். நயினார் பாராட்டுக்குரியவர். கல்வி வள்ளல் கலசலிங்கம் வாழ்க்கை வரலாறு அறிந்து, உள் வாங்கி, உணர்ந்து எழுதி உள்ளார். நூல் படிக்கும் வாசகர்களின் உள்ளத்தில் தன்னம்பிக்கை விதை விதைத்து, இரசாயண மாற்றத்தை நிகழ்த்துகின்றது. அது தான் நூலின் வெற்றி.ள பட்டுக்கோட்டையின் பாடல் வரியான �அல்லும் பகலும் தெருக்கல்லாய் இருந்து விட்டு அதிர்ஷ்டம் இல்லை என்று அலட்டிக்கொள்ளும் மனிதர்கள்� அவசியம் படித்துத் திருந்த வேண்டிய அற்புத நூல்.

உழைப்பால் உயர்ந்தவரின் வரலாற்று நூலிற்கு, உழைப்பால் உயர்ந்த டாக்டர் நல்லி குப்புசாமி செட்டியாரின் அணிந்துரை மிகப் பொhருத்தமாக உள்ளது. அவரது அணிந்துரையில் உள்ள வைர வரிகள், �நெசவுக் குடும்பத்தில் பிறந்து, உயர்கல்வி கற்க வழியில்லாத நிலையில் சக மாணவர்களிடமே சிலேட்டுக்குச்சி, மிட்டாய் போன்றவற்றை விற்றுச் சிறுகச் சிறுக காசு சேர்த்த சாமர்த்தியம், பின்னாளில் அவரை ஒரு பெரிய தொழிலதிபர் ஆக்கியது. செய்யும் தொழிலோடு நின்று விடாமல் கல்விப் பணியும் செய்ய வேண்டும் என்ற ஆர்வத்தினால், அவர் பல கல்விக்கூடங்களைத் தொடங்கிச் சிறப்பாக நடத்தி வருவதை ஆசிரியர் சுவைபடக் குறிப்பிட்டிருக்கிறார்� அதற்காக அவரைப் பாராட்டுகிறேன். 16 தலைப்புகளில் நூலாசிரியர் எழதிய வரலாற்றுக் கட்டுரையை சில வரிகளில் அணிந்துரையில் அழகாக குறிப்பிட்டுள்ளார் டாக்டர் நல்லி குப்புசாமி செட்டியார். �தூங்கும் போது காண்பதல்ல கனவு, தூங்க விடாமல் செய்வதே கனவு� என்ற அப்துல்கலாமின் வைர வரிகளுக்கு விளக்கம் இந்த நூல்.

நூலாசிரியர் பல நூல்களைத் திரட்டி திரட்டுப் பாலாக சுவைபட எழுதி உள்ளார். நூலாசிரியர் எஸ்.எம். நயினார் புராணங்களைப் படித்து அனுபவம் இருப்பதால் புராணக் கதைகளுடன் நன்கு தொடங்கி உள்ளார். எடுப்பு, தொடுப்பு, முடிப்பு என முத்தாய்ப்பாக உள்ளது. இராமச்சந்திராபுரம் என்ற சிற்றூரில் பிறந்த கல்வி வள்ளல் கலசலிங்கம், அவர் நினைத்து இருந்தால் கல்வி நிறுவனங்களை சென்னையிலோ மும்பையிலோ தொடங்கி இருக்க முடியும். ஆனால் பிறந்த மண் பாசத்தோடு பிறந்த மண்ணை ஒட்டியுள்ள கிருஷ்ணன் கோயிலில் கல்வி நிறுவனங்களைத் தொடங்கி அழியாப் புகழை பிறந்த மண்ணிற்கு சேர்த்து உள்ளார். எண்ணிலடங்காத மாணவ, மாணவியரை பொறியாளர்-களாக்கி அனுப்பி வைத்து, நாட்டிற்கும் ஏன் உலகிற்கும் அளப்பரிய பணியை செய்து வருகின்றார். இந்திய முழுமைக்கும் கிருஷ்ணன் கோயில் என்றால் அறியும் அளவிற்கு கல்வி நிறுவனங்கள் புகழ் பெற்று உள்ளது. முன்னாள் குடியரசுத் தலைவர் மாமனிதர் அப்துல்கலாமின் பாராட்டைப் பெற்றுள்ள சிறந்த கல்வி நிறுவனத்தின் கல்வி வள்ளல் கலசலிங்கம் வரலாறு இளைய தலைமுறைக்கு பாடமாகும்.

கல்வி வள்ளல் கலசலிங்கம் அவர்கள் வரலாறு படிக்கும் போது, பாட்டுக்கோட்டையான பட்டுக்கோட்டை கல்யாணசுந்தரம் என் நினைவிற்கு வந்தார். அவர் வாழ்க்கைக்காக பல தொழில்கள் புரிந்தவர். வாழ்ந்த காலம் குறைவு, வடித்த பாடல்கள் நிறைவு. கல்வி வள்ளல் கலசலிங்கம் அவர்கள் காய்கறி வியாபாரம், ஐவளிக்கடை, தையற்கடை, வெற்றிலை பாக்குக்கடை, கதர் சங்கத்தில் வேலை, கதர் கூட்டுறவு சங்கத்தில் இருமறை செயலர், மது விலக்கில் ஈடுபாடு, கதர் நூல் பயிற்சி, படிப்பு, வருவாய் துறையில் பணி, வருவாய், ஆய்வாளார் பதவி, இரயில்வேயில் பணி, தபால் துறையில் பணி, ரியல் எஸ்டேட், ஆனந்த் பில்டர்ஸ் நிறுவனம், ஆரம்ப பள்ளியை மேல்நிலைப்பள்ளியாக உயர்த்துதல் கலசலிங்கம் ஆனந்தம்மாள் அறநிலையம் தொடங்குவதல் இப்படி இவர் பல்துறை வித்தகராக இருந்த காரணத்தால் தொடங்கிய அனைத்திலும் வெற்றி. காலத்தால் அழியாத கல்வியை வழங்கும் வள்ளல்.

புகழ்பெற்ற எழுத்தாளர் திரு.வெ.இறையன்பு இஆப குறிப்பிடுவார்கள். �எந்த ஒரு செயலையும் முழு ஈடுபாட்டோடு செய்தால் வெற்றி நிச்சயம்� அது போல இந்த நூலின் நாயகர் கல்வி வள்ளல் கலசலிங்கம் எந்த ஒரு செயலையும் முழு ஈடுபாட்டோடு செய்த காரணத்தால் தொடர்ந்து வெற்றிகளை குவித்துக் கொண்டு இருக்கிறார்கள். ஜாடிக்கு ஏற்ற மூடி என்பது போல அவர்தம் ஒரே புதல்வர் திரு.ஸ்ரீதரன் அவர்களும் அப்பாவின் புகழுக்கு மேலும் புகழ் சேர்ப்பதாகNவு செயல்பட்டு வருகிறார். பேராசிரியர்களும் பெரும் புகழ் சேர்த்து வருகிறார்கள். முதல்வரும் முத்திரை பதித்து வருகிறார்.

கல்வி வள்ளல் தனது மூன்றாம் வயதிலேயே தாளை இழந்தவர். தாய் இல்லாத பிள்ளை தறி கெட்டுப் போகும். என்று பழமொழி கூட உண்டு. தறி நெய்திடும் குடும்பத்தில் பிறந்து தாயின்றி வளர்ந்து உழைப்பால் உயர்ந்த பெருமகனார். இன்று மிக பிரபலமாக உள்ள யோகாவை அன்றே பயின்றவர். குழந்தைப் பருவத்திலும் வீட்டில் தறி நெசவு நெய்வார். சுதந்திரப் போராட்ட துண்டுப் பிரசுரங்கள் அச்சிட்டு விநியோகம் என நாட்டுப்பற்றுடன் திகழ்ந்தார். இப்படி அவரது வாழ்வில் நடந்து பல்வேறு சுவையான நிகழ்வுகளை நம் கண்முன் கொண்டு வந்து காட்டி வெற்றி பெற்று விடுகிறார் நூலாசிரியர்.

இவர் கால் பதிக்காத துறை இல்லை என்று சொல்லுமளவிற்கு சகல துறை அனுபவம் உள்ளது. குறிப்பாக கல்வித்துறையில் அளப்பரிய சாதனைகள் நிகழச்சி உள்ளார். கிருஷ்ணன் கோயில் ஆனந்த நகரில் பிரம்மாண்டமாக உயர்ந்துள்ள கட்டிடங்களைப் பார்க்கும் போது கல்வி வள்ளல் கலசலிங்கம் அவர்தம் அருமைப் புதல்வர் திரு. ஸ்ரீதரன் அவர்களின் உழைப்பை உணர முடியும். உலகத் தரம் வாய்ந்த கல்வியை வழங்கி வருகின்றனர்.

ஓடிக் கொண்டே இருப்பது தான் நதி. இயங்கிக் கொண்டே இருப்பவன் தான் மனிதன். மூச்சு விடுபவன் மனிதன் அல்ல. முயற்சி செய்பவனே மனிதன். இப்படி பல்வேறு மந்திரச் சொற்களின் விரிவாக்கமாக இந்த நூல் உள்ளது. உழைப்புச் செம்மல், கல்வி வள்ளல் வரலாறு படிக்கும் போது ஒவ்வொரு வாசகர்கள் உள்ளத்திலும் உழைப்பின் மேன்மை விதைக்கப்படுகின்றது. முன்னேற வேண்டும் என்ற வேட்கை உள்ள அனைவருக்கும் இந்த நூலைப் படித்துப் பாருங்கள். வெற்றி நிச்சயம் இந்த நூல் தனி மனிதன் வரலாறு அல்ல. ஒவ்வொரு மனிதனுக்கமான பாடநூல்

விருப்புக் குறியீடுகளில் விளைந்து நிற்கும் சொற்கள்! தொகுப்பாசிரியர் : கவிஞர் மயிலாடுதுறை இளையபாரதி ! நூல் விமர்சனம் : கவிஞர் இரா. இரவி !

விருப்புக் குறியீடுகளில்  விளைந்து நிற்கும் சொற்கள்! தொகுப்பாசிரியர் :   கவிஞர் மயிலாடுதுறை இளையபாரதி ! நூல் விமர்சனம் : கவி...