வியாழன், 30 ஜூன், 2011

கவியரசு கண்ணதாசன் கவிஞர் இரா .இரவி


கவியரசு கண்ணதாசன் கவிஞர் இரா .இரவி

எட்டாம் வகுப்பு வரை மட்டுமே படித்து
எட்டாத உயரம் உயரந்தவன் நீ

கவியரசு பட்டத்திற்கு முற்றிலும்
குவலயத்தில் பொருத்தமானவன் நீ

நான் நிரந்தரமானவன் என்று அறிவித்து
நிரந்தரமாக மக்கள் மனதில் நிலைத்தவன் நீ

உன் பாடல் ஒலிக்காத வானொலி இல்லை உலகில்
உன் பாடல் ஒலிக்காத வானொலி வானொலியே இல்லை

ஆறிலிருந்து அறுபது வரை அனைத்து வயதினரும்

அன்போடு ரசிக்கும் பாடல் உன் பாடல்

எனக்குப் பிடித்த மதம் தாமதம் என்றுரைத்து
சினம் கொண்ட அவையைச் சிரிக்க வைத்தவன் நீ

படைத்தவன் யார் ?என்பது முக்கியம் அல்ல
படைப்பைப் பாருங்கள் என்று அறிவுறுத்தியவன் நீ

உனக்கு இணையான ஒரு கவிஞன்
உனக்கு அடுத்து யாருமில்லை என்பதே உண்மை

உனக்கு நிகர் நீ மட்டுமே தான்
உன்னை விஞ்சிட எவருமில்லை உலகில்

தொகைக் குறிப்பிடாதக் காசோலைத் தந்தபோதும்
தொகைக் குறிப்பிட ஆசைப் படாதவன் நீ

பணத்திற்காக ஏங்கும இந்த உலகில்
பணத்திற்காக ஏங்காத நல்லவன் நீ

செருக்கோடு இருந்த திரை உலகில் பலரின்
செருக்கை அகற்றிய கவிஞன் நீ

கண்ணதாசனே உன் இயற்ப பெயர் முத்தையா
கற்கண்டென நீ வடித்த பாடல்கள் தமிழின் சொத்து ஐயா

எங்கு நீ கற்றாய் இத்தனை வித்தை
இனிய பாடல்கள் பதிந்து மனதில் விதையாக

காலத்தால் அழியாத கல்வெட்டு வரிகளை
காற்றினில் விதைத்த சகல கல வல்லவன் நீ

நீ குடித்து விட்டு எழுதியதாக அறியாதவர்கள் உளறினார்
நீ குடித்து விட்டு எதையும் எழுத வில்லை அறிந்தவர்கள் சொன்னார்கள்

மகாத்மா காந்தியடிகளின் சத்திய சோதனைப் போல
மன வாசம் வீசும் ரகசியம் இல்லா வனவாசம் படைத்தாய்

அத்திப் பூத்தது போல அதிசயமாகப் பூத்த கவிஞன்
அன்பில் குழந்தைப் போல உள்ளம் கொண்டவன் நீ

வானில் இருந்து வந்த தேவ தூதன் நன் என்று சொல்லாதவன்
மண்ணில் இருந்து பிறந்து மண்மக்களுக்காக் பாடியவன் நீ '

மதுக் குடிக்க உரிமம் கேட்டு நீ விண்ணப்பித்த போது
மறுத்தார் கக்கன்ஜி தமிழ் வாழ வேண்டும் என்பதற்காக

மது மட்டும் நீ குடிக்காமல் வாழ்ந்து இருந்தால்
மதுர கவி இன்னும் பல்லாயிரம் பாடி இருப்பாய்

இயேசு காவியம் எழுதிய காலங்களில் நீ
மிகத் தூய்மையாக இருந்ததாகப் பேராயர் கூறினார்

முன் பாதியில் உனக்கு இணையான நாத்திகன் இல்லை
பின் பாதியில் உனக்கு இணையான ஆத்திகன் இல்லை

சிறு கூடல் பட்டி என்ற சிற்றூரில் பிறந்த நீ
சிகாகோ வரை புகழ் பலப் பெற்றாய்

உன் பாடல் இல்லை என்று பொய் உரைத்தப் போதும்
உன் பாடல் தான் என்று அறுதியிட்டார் மக்கள் திலகம்

உடலால் உலகை விட்டு மறைந்த போதும்
பாடலால் மக்கள் மனங்களில் வாழ்பவன் நீ

உலகம் உள்ளவரை தமிழ் மொழி நிலைக்கும்
தமிழ் மொழி உள்ளவரை உன் புகழ் நிலைக்கும்

திங்கள், 27 ஜூன், 2011

மாமதுரைக் கவிஞர் பேரவையின் சார்பில் மதுரைத் திருவள்ளுவர் கழகத்தில் ,சிறப்புக் கவியரங்கம் நடைப்பெற்றது



மாமதுரைக் கவிஞர் பேரவையின் சார்பில் மதுரைத் திருவள்ளுவர் கழகத்தில் ,சிறப்புக் கவியரங்கம் நடைப்பெற்றது .கவிமாமணி சி வீரபண்டியத் தென்னவன் தலைமை வகித்தார் .கவிஞர் இரா .இரவி வரவேற்றார் .திருவள்ளுவர் கழகத்தின் செயலர் சுப .இராமசந்திரன் முன்னிலை வகித்தார். கவிஞர்கள் இரா .கல்யாண சுந்தரம் ,இராசி. பாண்டியன் .இராமப் பாண்டியன் ,ரேவதி ,இரா .இரவி உள்ளிட்டோர் கவிதை பாடினார்கள்

கண்ணகி நீதி கேட்ட மதுரையில் எழுச்சி

கண்ணகி நீதி கேட்ட மதுரையில் எழுச்சி

26.6.2011 மாலை6 மணிக்கு

உலக மனித சித்திரவதை எதிர்ப்பு நாளை முன்னிட்டு ஈழத்தில்உயிர் நீத்தவர்களுக்கு அஞ்சலி செலுத்தும் நிகழ்ச்சிக்கு ,சென்னை செல்ல வாய்ப்பு இல்லாதவர்களுக்கு மதுரையில் தமுக்கம் ,தமிழன்னை சிலை அருகில் ஈழத்தமிழர் கூட்டமைப்புகள்
மதுரை, சார்பில் மிகக் குறுகிய காலத்தில் ஏற்பாடு செய்யப்பட்ட நிகழ்விற்கு அனைத்து அமைப்புகள் சார்பாக பெருமளவில் கலந்து கொண்டு எழுச்சி முழக்கம் இட்டனர் .பொறியாளர் தளபதி, பாண்டியன் ,தமிழ் கூத்தன்,செந்தில் உள்ளிட்டோர் ஏற்பாடு செய்து இருந்தனர் .கவிஞர்கள் இரா .இரவி ,பொன் விக்ரம் உள்ளிட்டப் பலர் கலந்து கொண்டனர் .நாம் தமிழர், ம .தி .மு .க ,தமிழர் தேசிய பொதுவுடைமை ,பெரியார் தி .க உள்ளிட்ட பல கட்சிகளைச் சேர்ந்த தொண்டர்கள் பெருமளவில் கலந்து கொண்டனர் .குழந்தைகள் ,பெண்கள், முதியவர்கள் எனப் பலரும் கலந்து கொண்டனர் .உலக மகாக் கொலைகாரன் ராஜபட்சே உடனடியாகத் தூக்கில் இடப்பட வேண்டும். சேனல் 4 கொடூர காட்சியில் கண்டக் காட்சிகளுக்கு நீதி வேண்டும் .போர் குற்றவாளிகள் உடனடியாகத் தண்டிக்கப் பட வேண்டும் என்ற கோரிக்கைகள் எழுப்பப் பட்டது

மாமதுரைக் கவிஞர் பேரவையின் சார்பில் மதுரைத் திருவள்ளுவர் கழகத்தில் ,சிறப்பு கவியரங்கம் நடைப்பெற்றது

மாமதுரைக் கவிஞர் பேரவையின் சார்பில் மதுரைத் திருவள்ளுவர் கழகத்தில் ,சிறப்பு கவியரங்கம் நடைப்பெற்றது .கவிமாமணி சி வீரபண்டியத் தென்னவன் தலைமை வகித்தார் .கவிஞர் இரா .இரவி வரவேற்றார் .திருவள்ளுவர் கழகத்தின் செயலர் சுப .இராமசந்திரன் முன்னிலை வகித்தார் .கவிஞர்கள் இரா .கல்யாண சுந்தரம் ,இராசி. பாண்டியன் .இராமப் பாண்டியன் ,ரேவதி ,இரா .இரவி உள்ளிட்டோர் கவிதை பாடினார்கள்

கவிஞர் இரா .இரவி நேர்முகம் பார்த்து மகிழுங்கள்


29.6.2011அன்று புதன் கிழமை காலை 8 மணி முதல் 9மணி வரை கலைஞர் தொலைக்காட்சியில் சந்தித்த வேளை நிகழ்ச்சியில், கவிஞர் இரா .இரவி நேர்முகம் பார்த்து மகிழுங்கள் . கவிதை ,ஹைக்கூ ,இலக்கியம் ,இணையம் ,சமூகவிழிப்புணர்வு ,மனிதநேயம் தொடர்பான கருத்துக்களை விளக்கி உள்ளார் நேர்முகம் காண்பவர் .திரு .ரமேஷ் பிரபா

சனி, 25 ஜூன், 2011

மதுரையில் கவியரசு கண்ணதாசன் பிறந்தநாள் விழா நடைபெற்றது



மதுரையில் தியாக தீபம் பேரவை சார்பில் கவியரசு கண்ணதாசன் பிறந்தநாள் விழா நடைபெற்றது .பாலு தலைமை தாங்கினார் .மனிதத் தேனீ சொக்கலிங்கம் சிறப்புரை ஆற்றினார் .கவிஞர் இரா .இரவி உள்ளிட்ட பலர் கலந்து கொண்டு சிறப்பித்தனர்

வெள்ளி, 24 ஜூன், 2011

தமிழா தமிழா சொல் கவிஞர் இரா .இரவி


தமிழா தமிழா சொல் கவிஞர் இரா .இரவி

தமிழா தமிழா சொல் தினமும் நீ
தரணியில் பேசுவது தமிழா சொல்

உலகின் முதல் மொழி தமிழ் உணர்
உலக மொழிகளின் தாய் தமிழ்

ஊடகத்தில் நாளும் நடக்குது தமிழ்க்கொலை
உலகமே பார்த்துச் சிரிக்குது தமிழின் நிலை

நாளிதழ் வானொலி தொலைக்காட்சி அனைத்திலும்
நாளும் சிதைக்கின்றனர் நல்ல தமிழை

அழகு தமிழில் அம்மா இருக்கையில்
ஆங்கிலத்தில் மம்மி என்றழைக்கும் மடமை

அற்புதத் தமிழில் அப்பா இருக்கையில்
ஆங்கிலத்தில் டாடி என்றழைக்கும் கொடுமை

தமிழோடு பிற மொழி கலந்து
ப் பேசுவது பிழை
தமிழை தமிழாகப் பேசிட நீ பழகு

ஆங்கிலத்தில் பேசும்போது தமிழ் கலந்து
ஆங்கிலேயன் என்றும் பேசுவதில்லை

தமிழன்தான் தமிழ் பேசும்போது
தமிங்கிலம் பேசி உளறுகின்றான்

இரு கரம் குவித்து வணக்கம் சொல்
ஒரு கரம் தூக்கி குட்மோர்னிங் நிறுத்து
--

--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
eraeravi.wordpress.com
eraeravi.blogspot.com
http://eluthu.com/user/index.php?user=eraeravi இறந்த பின்னும்
இயற்கையை ரசிக்க

ண் தானம் செய்வோம் !!!!!

செயலாற்ற முடியாத செயலர் பான் கி மூன்


செயலாற்ற முடியாத செயலர் பான் கி மூன்
கவிஞர் இரா .இரவி

ஐ. நா. மன்றத்தின் பொதுச் செயலர் இவர்

செயல்படாத செயலருக்கு இரண்டாம் வாய்ப்பு

எதிர்ப்பு போட்டியின்றி ஏகமனதாகத் தேர்வு
எனக்கு வாய்ப்பு கிடைத்தால் எதிர்த்து இருப்பேன்

இலங்கைக் கொலைகாரனை இன்றுவரை
எதுவுமே செய்யாதச் செயலர் இவர்

தட்டிக் கேட்க அதிகாரம் இருந்தும்
தட்டிக் கேட்க தயங்குபவர் இவர்

அமெரிக்காவின் கைப் பாவையாக ஐ .நா .மன்றம்
ஐ நா மன்றத்தின் கைப் பாவையாக பான் கி மூன்
உலகின் மிகப் பெரிய பதவியில் இருக்கும்
உலகின் மிகச் சிறிய நபர் இவர்

இலங்கைக்கு எதிராக உலகமே குரல் தந்தும்
இன்று வரை உருப்படியாக எதுவும் செய்யாதவர்

முதல் முறையில் முத்திரைப் பதிக்காதவருக்கு
இரண்டாம் முறை வாய்ப்பு வழங்கியது தவறு

உலகமகாக் கொலைகாரன் ராஜபட்ஜேவை
உடனடியாகத் தூக்கிலிடு அல்லது பதவி விலகிடு

செயலாற்ற முடியாத செயலர் செயலராய் இருக்கும்
செயலற்ற ஐ. நா. மன்றத்தை இழுத்து மூடுங்கள்

வியாழன், 23 ஜூன், 2011

மதுரை தன்னம்பிக்கை வாசகர் வட்டத்தின் தன் முன்னேற்றப் பயிலரங்கம் நடைப்பெற்றது.




மதுரை தன்னம்பிக்கை வாசகர் வட்டத்தின் தன் முன்னேற்றப் பயிலரங்கம் நடைப்பெற்றது.வாசகர் வட்டத்தின் செயலர் கவிஞர் இரா .இரவி தலைமை வகித்தார். வாசகர் வட்டத்தின் தலைவர் ராஜராஜன் வரவேற்றார் .ஒருங்கிணைப்பாளர் திருச்சி சந்தர் முன்னிலை வகித்தார் .கலைஇலக்கியப் பெருமன்றத்தின் மதுரைத் தலைவர் கவிஞர் மு .செல்லா ,தன் முன்னேற்றப் பயிற்சி அளித்தார் .கவிஞர்கள் பேனா மனோகரன் .இரா கல்யாண சுந்தரம் ,ஜோதி மகாலிங்கம் ,விஸ்வநாதன் ,குமுதம் ஆறுமுகம் ,யமுனா ரகுபதி உள்ளிட்டோர் தன்னம்பிக்கை
தொடர்பான கவிதை படித்தனர் .சம்பத் நன்றி கூறினார்

செவ்வாய், 21 ஜூன், 2011

ஹைக்கூ கவிஞர் இரா .இரவி


ஹைக்கூ கவிஞர் இரா .இரவி

காவிரி போல
அரசியலானது
கல்வி

இனிமையானது
உற்றுக்கேளுங்கள்
ஓடும் நதியின் ஓசை

பெண்ணைவிட
ஆணே அழகு
மயில்

முடிந்தது சந்திப்பு
தொடர்ந்தது அதிர்வு
நினைவலைகள்

பிரித்தது இலைகளை
மரத்திலிருந்து
காற்று

குளத்தின் உயரம் கூட
தானும் வளர்ந்தது
தாமரை

உண்மையை விட
போலிகள் பொலிவாக
செயற்கைச் செடிகள்

கோலத்தை விட
கோலமிட்டவள்
கொள்ளை அழகு

தோற்றத்தை விட
குரல் அழகு
குயில்

சம்மதித்தனர்
வரதட்சணை
க் குறைக்க
சொத்து வரும் என்பதால்

வா வை விட
ஏ பொருந்தும்
வேலை வாய்ப்பு அலுவலகம்

வருட வருமானம் லட்சத்தில் அன்று
மாத வருமானம் லட்சத்தில் இன்று
நிம்மதி ?
பலன் இல்லை
பெயர் மாற்றுவதால்
எண்ணம் மாற்று

பலவீனம்
பறை சாற்றுதல்
சோதிடம் பார்த்தல்

மாதா பிதா
குரு
மனைவி

கோபத்தைக் குறைக்கும்
இதயத்தை இதமாக்கும்
இலக்கியம்

முக்காலமும் வாழ்பவர்
எக்காலமும் வாழ்பவர்
திருவள்ளுவர்

தமிழ் என்ற சொல்லின்றி
தமிழுக்கு மகுடம் சூட்டியவர்
திருவள்ளுவர்

தமிழன் என்ற சொல்லின்றி
தமிழினத்திற்கு பெருமை சேர்த்தவர்
திருவள்ளுவர்

உலகின் முதல்மொழி
மொழிகளின் தாய்மொழி
தமிழ்

இலக்கண இலக்கியங்களின்
இனிய சுரங்கம்
தமிழ்

யுகங்கள் கடந்தும்
இளமை குன்றாதது
தமிழ்

--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
eraeravi.wordpress.com
eraeravi.blogspot.com
http://eluthu.com/user/index.php?user=eraeravi இறந்த பின்னும்
இயற்கையை ரசிக்க

ண் தானம் செய்வோம் !!!!!

நீங்காத நினைவு கவிஞர் இரா .இரவி


நீங்காத நினைவு கவிஞர் இரா .இரவி
திருப்பதிக்கு
பல மணி நேரம் பயணித்து
சில நொடிகள் மட்டும்
தரிசித்து மகிழும்
பக்தனைப் போல
பல மணி நேரம் பயணித்து
சில நொடிகள் மட்டும்
தரிசித்து மகிழ்ந்தேன் நான்
சில நொடிகள் மட்டுமே
நிகழ்ந்த சிறு சந்திப்பு
சில ஆண்டுகள் நீ டித்து
இருக்கும் நீங்காத நினைவு

--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
eraeravi.wordpress.com
eraeravi.blogspot.com
http://eluthu.com/user/index.php?user=eraeravi இறந்த பின்னும்
இயற்கையை ரசிக்க

ண் தானம் செய்வோம் !!!!!

புதன், 15 ஜூன், 2011

முப்பாலின் ஒப்பரவு கவிஞர் இரா.இரவி


முப்பாலின் ஒப்பரவு

கவிஞர் இரா.இரவி

இந்த உலகில் பிறந்த மனிதர்கள் யாவரும் சமம். பிறப்பால், நிறத்தால், தொழிலால், மொழியால், இனத்தால் ஏற்றத்தாழ்வு இல்லை என அறிவித்த இலக்கியம் திருக்குறள். மனிதன் மனிதனுக்குச் சொன்ன வாழ்வியல் நூல் திருக்குறள். திருக்குறளின் பெருமையை உலகம் உணர்ந்து விட்டது. ஆனால் தமிழர்கள் தான் இன்னும் சரியாக உணரவில்லை. தடாகத்தில் மிதக்கும் தாமரையின் மணத்தை தூரத்தில் இருக்கும் வண்டுகள் உணர்ந்து தாமரையைத் தேடி வருகின்றனர். ஆனால் தடாகத்தின் உள்ளே உள்ள தவளைகள் தாமரையின் மணம் அறியாமல் கத்துகின்றன. இந்தத் தவளைகளைப் போலவே பல தமிழர்கள் திருக்குறளின் பெருமையை அறியாமலே இருக்கின்றனர்.

ஒரு பிச்சைக்காரர் தினமும் பிச்சை எடுத்து காலம் கழித்து வந்தாராம். அவர் இறந்த பின் அந்த இடத்திலேயே அவரைப் புதைத்து விடலாம் என்று தோண்டிய போது, மிகப்பெரிய புதையல் இருந்ததாம். தன் காலுக்கு அடியில் புதையல் இருப்பது தெரியாமலே பிச்சை எடுத்து காலம் கழித்து காலமானார். அதுபோல நமது திருக்குறள் என்ற புதையல் நம்மிடம் இருப்பதை உணராத சில தமிழர்கள் பிறமொழி இலக்கியங்களை உயர்வானது என்று பெருமை பேசிக் காலம் கழித்து வருகின்றனர். திருக்குறளுக்கு இணையான ஒரு நூல் இந்த உலகில் இதுவரை வரவில்லை, இனி வரப்போவதும் இல்லை. ஒப்பற்ற இந்த நூலை தேசிய நூலாக அறிவிப்பதற்கு நடுவண் அரசு இன்னும் மௌனம் சாதிப்பது வேதனை.

உலகின் முதல் மொழியான தமிழ் மொழியில் அச்சான முதல் தமிழ் இலக்கிய நூல் திருக்குறள். புனிதமாகக் கருதக்கூடிய வேதங்கள் எல்லாம் தாய் பசியோடு இருத்தால், எந்தவிதக் குற்றம் செய்தோ, தவறான வழியில் பொருள் ஈட்டியோ தாயின் பசி போக்கு என்று சொல்கின்றன. ஆனால் ஒப்பற்ற திருக்குறள் ஒன்று தான்,

ஈன்றாள் பசிகாண்பான் ஆயினும் செய்யற்க

சான்றோர் பழிக்கும் வினை 656

ஒருவன் பெற்ற தாய் பசியோடு வருந்தும் நிலையில் இருந்தாலும் அறிவுடையோர் பழிக்கக் கூடிய தூய்மையற்ற செயல்களைச் செய்யக் கூடாது. இந்த ஒரு திருக்குறள் போதும், உலகிற்கு அறத்தை உணர்த்துவதற்கு.

அமெரிக்க அதிபர் ஒபாமா கூட அடிக்கடி காந்தியத்தின் வழி நடப்பதாகக் கூறுகிறார். அவர் காந்தியத்தை கடைப்பிடிக்கவில்லை என்பது வேறு. ஒபாமாவின் குரு காந்தியடிகள். காந்தியடிகளின் குரு டால்ஸ்டாய். டால்ஸ்டாயின் குரு நம் திருவள்ளுவர். அறிஞர் பெர்னாட்ஷாவிற்கு மிகவும் பிடித்த திருக்குறள்,

கொல்லான் புலானை மறுத்தானைக் கைகூப்பி

எல்லா உயிரும் தொழும் 260

இன்றைக்கு மருத்துவர்கள் சைவ உணவு நல்லது என்கின்றனர். இதை ஈராயிரம் ஆண்டுகளுக்கு முன்பே நமது திருவள்ளுவர் கூறி விட்டார். புலால் உண்ணாமல் சைவ உணவு சாப்பிட்டு வந்தால் உலகில் உள்ள எல்லா உயிர்களும் கைகூப்பி வணங்கும் என்கின்றார். அதனால் தான் பெர்னாட்ஷாவிற்கு இந்தத் திருக்குறள் பிடித்தது. சிறந்த சிந்தையாளர் பேச்சாளர் திரு.வெ.இறையன்பு அவர்கள், திருக்குறளை ஆய்வு செய்து முனைவர் பட்டம் பெற்றார். ஆய்வோடு நின்று விடாமல் அதன்படி வாழ்வதால் முத்திரை பதிக்கின்றார்

செக்கோசேலிவியா நாட்டிலிருந்து தமிழ் படிப்பதற்கு ஓர் அறிஞர் வந்து இருந்தார். அவரிடம் அதற்கான காரணம் கேட்டபோது,

இனிய உளவாக இன்னாத கூறல்

கனியருப்பக் காய்கவர்ந் தற்று. 100

இனிய சொற்கள் இருக்கும் போது ஒருவன் கடுமையான சொற்களைக் கூறுதல் இனிய கனிகள் இருக்கும் போது காய்களைத் தின்பதைப் போன்றது.

இந்தத் திருக்குறளின் கருத்தை செம்மொழியில் ஒரு பக்கம் படித்து விட்டு இவ்வளவு சிறப்பு மிக்க திருக்குறளை அதன் மூல மொழியான தமிழ் மொழியிலே படித்து உணர்ந்து கொள்ள வேண்டும் என்பதற்காக தமிழ் படிக்க வந்தேன் என்றார் செக் மொழி அறிஞர். உலகில் தமிழையும், தமிழ்நாட்டையும் அறியாதவர்கள் கூட திருக்குறளை அறிந்து இருக்கின்றனர் என்பது உண்மை. திருக்குறளை மொழி பெயர்க்காத மொழி இல்லை. மொழி பெயர்க்காத மொழி, மொழியே இல்லை என்று சொல்லுமளவிற்கு உலக மொழிகள் அனைத்திலும் மொழி பெயர்க்கப்பட்ட ஒப்பற்ற நூல் திருக்குறள். தமிழ், தமிழன் என்ற சொல்லை பயன்படுத்தாமலேயே தமிழுக்கும் தமிழனுக்கும் உலகளாவிய பெருமையை ஈட்டித் தந்த உன்னதப் படைப்பு திருக்குறள். திருக்குறளுக்கு இவ்வளவு பெருமைகளும் எதனால்? என்பதைச் சிந்தித்துப் பார்த்தால், மனிதனை மனிதனாக மதித்து மனித நேயத்தை, மானுடத்தை, மனித குல சமத்துவத்தை, ஒற்றுமையை உணர்த்தியதன் காரணமாகவே திருக்குறள் உலகப் புகழ் அடைந்தது. காந்தியடிகள் திருக்குறளைப் படிப்பதற்காகவே, அடுத்த பிறவி இருந்தால் தமிழனாகப் பிறக்க வேண்டும் என்று ஆசைப்பட்டார்.

ஏழு சீர்களைக் கொண்ட எளிமையான வடிவமும் அறிவார்ந்த கருத்துக்களின் ஈர்ப்பும் உலக மக்களை வெகுவாகக் கவர்ந்த சிறப்பினைப் பெற்றது.

பிறப்பொக்கும் எல்லா உயிர்க்கும் சிறப்புஒவ்வா

செய்தொழில் வேற்றுமை யான் 972

உலகில் பிறந்த எல்லா மனிதர்களும் சமம் ஒன்று தான். செய்யும் தொழில்களை வைத்து உயர்ந்தவன், தாழ்ந்தவன் என்ற வேற்றுமைகள் கற்பிக்கப்பட்டன என்கிறார் திருவள்ளுவர். ஆதியில் இல்லை சாதி. சாதி என்ப கற்பிக்கப்பட்ட சதி என்பதை திருவள்ளுவர் உணர்த்துகின்றார்.

இந்த உலகில் உழவுத் தொழிலை உயர்ந்த தொழிலாக வலியுறுத்தியவர் திருவள்ளுவர். மதங்களில் உழவனை உயர்ந்த சாதியாகக் குறிப்பிடவில்லை, ஆனால் திருவள்ளுவர் உழவனுக்கு உயர்ந்த இடத்தை வழங்கி உள்ளார்.

உழதுண்டு வாழ்வாரே வாழ்வார், மற்றுஎல்லாம்

தொழுதுண்டு பின் செல்பவர் 1033

உணவளிக்கும் ஒப்பற்ற உழவனை அனைவரும் கைகூப்பி வணங்க வேண்டும் என்கிறார் திருவள்ளுவர். உழவன் சேற்றில் கால் வைக்காவிட்டால் நாம் சோற்றில் கை வைக்க முடியாது என்றனர் இன்று.

ஒத்தது அறிவான் உயிர்வாழ்வான் மற்றையான்

செத்தாருள் வைக்கப் படும். 214

உலகிற்கு உதவும் நற்பண்புகள் உள்ளவனே, உயிர் வாழ்பவன். மற்றவன் இறந்தவனுக்கு ஒப்பானவன்.

பிறந்ததன் பயனே பிறருக்கு உதவுவது தான். பிறருக்கு உதவாமல் சுயநலமாக வாழும் வாழ்க்கை வாழ்க்கையன்று. செத்தவனுக்குச் சமம் என்று வள்ளுவர் கோபமாக உரைக்கின்றார். பொதுநலம் பேண வேண்டும், பிறருக்கு உதவ வேண்டும் என்று இலக்கணம் கூறுகின்றார்.

1330 திருக்குறள் மனப்பாடமாகத் தெரியும் என்பதை விட ஒரே ஒரு திருக்குறள் வழி வாழ்கிறேன் என்பது தான் பெருமை.

மனத்துக்கண் மாசிலன் ஆதல் அனைத்துஅறன்

ஆகுல நீர பிற. 34

ஒருவன் மனத்தில் குற்றம் இல்லாதவனாக இருக்க வேண்டும். அதுவே அறமாகும். மனத்தூய்மை இல்லாத மற்றவை எல்லாம் ஆரவாரத் தன்மை உடையவையாகும். இந்த ஒரே ஒரு திருக்குறளை உலகம் கடைப்பிடித்தால் போதும். உலகில் அமைதி நிலவும். மனத்தில் குற்றம் இல்லாமல் மனச்சாட்சிக்கு பயந்து, நீதி நேர்மையுடன் வாழ்ந்தால் போதும். அது தான் சிறந்த அறம் என்கிறார் திருவள்ளுவர். மனசாட்சியை அடகு வைத்து விட்டுத் தீய செயல்களில் ஈடுபடுவதால் தான் உலகில் வன்முறை நிலவுகின்றது. அமைதி அழிகின்றது.

அழுக்காறு அவாவெகுளி இன்னாச்சொல் நான்கும்

இருக்கா இயன்றது அறம். 35

பொறாமை, ஆசை, கோபம், கடுஞ்சொல் ஆகிய இந்த நான்கு குற்றங்களையும் விட்டு நடப்பதே அறமாகும் என்கிறார் திருவள்ளுவர்.

ஒரு மனிதன் இன்னொரு மனிதன் மீது பொறாமை கொள்வது, பிறருடைய பொருளுக்கு ஆசைப்படுவது, கோபம் கொள்வது, கடுமையான சொற்களைப் பேசுவது, மண் ஆசை, பொன் ஆசை, பெண் ஆசை இவற்றின் காரணமாகவே வீட்டிலும், நாட்டிலும், உலகத்திலும் வன்முறை நிகழ்கின்றது. அதனால் தான் புத்தன், ஆசையே அழிவுக்குக் காரணம் என்றார். புத்தரை கடவுளாக வணங்கும் சிங்களவனின் ஆசையின் காரணமாக போர் மூண்டது. இலட்சக்கணக்காண தமிழ் உயிர்கள் மாண்டது. இந்தத் திருக்குறளை இராஜபக்சே கடைபிடித்து இருந்தால் மனிதநேயம் மலர்ந்து இருக்கும்.

திருக்குறள் நெறியைக் கடைப்பிடித்து வெற்றி பெற்ற மனிதர் மாமனிதர் அப்துல்கலாம். பேசும் இடங்களில் எல்லாம் திருக்குறளை உச்சரிப்பது மட்டுமன்றி அதன்படி வாழ்ந்து வருவதால் தான் உலகப்புகழ் அடைந்தார்.

இந்த உலகில் பிறந்த மனிதர்கள் யாவரும் சமம். உலகில் பிறப்பால் உயர்ந்தவர், தாழ்ந்தவர் இல்லை. நானே பெரியவன் என்ற அகந்தையை அழிக்க வேண்டும். யாரும் யார் மீதும் ஆதிக்கம் செலுத்தக் கூடாது. ஆளப்பிறந்தவன் என்றும் அடிமை என்றும் யாரும் இல்லை. பிறரை ஆட்டிப் படைத்து அடிமைப்படுத்தி ஆள நினைக்கும்போதுதான் அங்கே புரட்சி வெடிக்கின்றது.

பெரும்பான்மையினர் நாங்கள் என்று சொல்லிக் கொண்டு சிறுபான்மையினரை நசுக்கப் பார்ப்பது மூடத்தனம். ஒரு நாட்டில் சிறுபான்மையாக இருப்பவர்கள் உலக அளவில் பெரும்பான்மையினராக இருப்பார்கள். எனவே, சக மனிதனை மனிதனாக மதிக்க வேண்டும். நமக்கு உள்ள உரிமைகள் அனைத்தும் மற்றவருக்கும் உள்ளது என்பதை உணர வேண்டும். நாம் பிறர் எப்படி நம்மிடம் நடந்துகொள்ள வேண்டும் என்று எதிர்பார்க்கிறோமோ அது போலவே, பிறரிடம் நாம் நடந்துகொள்ள வேண்டும். இந்த உலகில் பிறந்த மனிதர்கள் யாவரும் மண்ணில் பிறந்தவர்கள் தான். வானிலிருந்து வந்தவர்கள் எவரும் உலகில் இல்லை. விண்ணிலிருந்து வந்தவன் நான் என்ற அகந்தையுடன் பிறரை ஆட்டிப் படைத்தவர்கள் எல்லாம் முடிவில் அழிந்து மண்ணில் போனதாகவே வரலாறு உள்ளது.

எப்பொருள் யார்யார் வாய்க் கேட்பினும் அப்பொருள்

மெய்ப்பொருள் காண்பது அறிவு 423

எந்தச் செய்தியை யார் கூறக் கேட்டாலும், கூறியவர் யார்? என்று பாராமல் அச்செய்தியில் உள்ள உண்மையை ஆராய்ந்து அறிவதே சிறந்த அறிவாகும். திருவள்ளுவரின் 1330 திருக்குறளில் எனக்கு மிகவும் பிடித்த திருக்குறள் இது.

கீதையில் கண்ணன் கூறியதாக, நான்கு வர்ணத்தை நானே படைத்தேன் என்று கூறி உள்ளனர். இதனைப் பலர் கடவுள் கண்ணனே கூறிவிட்டார் என அப்படியே நம்பிவிடும் மூடர்கள் உண்டு. இந்த இடத்தில்தான் திருவள்ளுவரின் திருக்குறள் நமக்குப் பயன்படுகின்றது. கண்ணன் கூறியதைக் கேட்டது யார்? சாட்சி யார்? ஒருவேளை கண்ணனே கூறினாலும் தவறு தவறுதான், கூறியது யார் என்பது முக்கியமல்ல. கூறிய கருத்து சரிதானா? உண்மையா? ஏற்புடையதா? என ஆராய வேண்டும். நெற்றியில் பிறந்தான், தோளில் பிறந்தான், தொடையில் பிறந்தான், காலில் பிறந்தான் என கற்பனைக் கதையை உலவ விட்டு நம்ப வைத்துவிட்டனர். திருவள்ளுவரின் திருக்குறள் உதவியோடு வள்ளுவரின் கண்ணாடி அணிந்து பார்க்கும்போது, கற்பனைக் கதைகள் தவிடு பொடியாகிவிடுகின்றன. பகுத்தறிவைப் பயன்படுத்த வேண்டும். நெற்றியிலும், தோளிலும், தொடையிலும், காலிலும் பிறக்க முடியுமா? உயர்சாதிக்காரர்கள் உழைக்காமல் உண்பதற்கு வசதியாக, கற்பனையாக கற்பிக்கப்பட்ட கதைதான் இது என்ற முடிவுக்கு வரமுடியும் அறிவின் துணையுடன். திருக்குறள் அறிவுநூல்.

சாதி என்பதே உயர்சாதிக்காரர்களின் சதி என்பதை உணர முடியும். இந்த உலகில் உள்ள உயிரினங்களில் ஆறறிவு பெற்றவன் மனிதன் தான். ஆறாவது அறிவான பகுத்தறிவைப் பயன்படுத்துவதே இல்லை. வெண்தாடி வேந்தர், பகுத்தறிவுப் பகலவன், ஈரோட்டுச் சிங்கம், தந்தை பெரியார் எதையும் ஏன்? எதற்கு? எப்படி என்று கேட்கச் சொன்னார். இராமாயணம், மகாபாரதம் படித்தவர் பெரியார். அவற்றை வெறுத்தார். தீயுக்கு இரையாக்க வேண்டும் என்றார். ஆனால் திருக்குறளை நேசித்தார். தமிழர்களின் இல்லங்களில் இருக்க வேண்டிய நூல் திருக்குறள் என்று சொல்லி திருக்குறள் மாநாடு நடத்தி பெருமை சேர்த்தார்.

தந்தை பெரியார், சாக்ரடீஸ் போன்ற பல உலக அறிஞர்களின் குரு நமது திருவள்ளுவர். திருவள்ளுவரின் கூற்று உலகில் பிறந்த மனிதர்கள் யாவரும் சமம், ஏற்றத்தாழ்வு என்பது கற்பித்தலே, கற்பனையே. ஏற்றத்தாழ்வு கற்பித்தல் காரணமாக உலக அமைதி அழிகின்றது. எனவே திருவள்ளுவரின் 'சமநோக்கு' ஒப்புரவு பார்வையோடு மனிதநேயத்தோடு சக மனிதனை மனிதனாக மதித்து வாழ்வோம். முக்காலமும் பொருந்தக் கூடிய முப்பால் நம் திருக்குறள். தமிழுக்கு மகுடம் சூட்டிய திருக்குறள் வழி நடப்போம். திருக்குறளின் மூல மொழியான தமிழ் மொழியை தாய்மொழியாகக் கொண்ட உலகத் தமிழர்கள் யாவரும் தமிழர்களாக பிறந்ததற்கு பெருமை கொள்வோம்.


--

ஞாயிறு, 12 ஜூன், 2011

படித்ததில் பிடித்தது


ஹைக்கூ- ச.சந்திரா

உயிரிருக்கும்வரை உழைக்கும்
உன்னத ஆயுதம்
எழுதுகோல்!

விதிமுறைக்கு மட்டுமே
கட்டுப்படும் அஃறிணைப்பிறவி
திறவுகோல்!

திறப்புவிழாவின் கதாநாயகன்!
தையற்காரனின் மூலதனம்!
கத்தரிக்கோல்!

கவிஞர் இரா .இரவி கவிதைகள்

கவிஞர் இரா .இரவி கவிதைகள்

http://www.lankasripoems.com/index.php?conp=list&poetId=194606

All About eraeravi.com - Website Valuation report

All About eraeravi.com - Website Valuation report

All About kavimalar.com - Website Valuation report

All About kavimalar.com - Website Valuation report

ஹைக்கூ கவிஞர் இரா .இரவி


ஹைக்கூ கவிஞர் இரா .இரவி


அமாவாசை நாளில்
நிலவு
எதிர் வீட்டுச் சன்னலில்

கடல் கரைக்கு
அனுப்பும் காதல் கடிதம்
அலைகள்...

மரபுக் கவிதை
எதிர்வீட்டு சன்னலில்
என்னவள்...

உயிரற்ற பொருளையும்
தாக்கியது வைரஸ்
கணினி

ஒலியைவிட ஒளிக்கு
வேகம் அதிகம்
பார்வை போதும்
விதவை வானம்
மறுநாளே மறுமணம்
பிறை நிலவு

முகம் பார்க்க வேண்டும்
என்னவளே உன்
முகத்தைக் காட்டு....

மானம் காக்கும் மலர்
வானம் பார்க்கும் பூமியில்
பருத்திப்பூ

வண்ணம் மாற வில்லை
மழையில் நனைந்தும்
வண்ணத்துப்பூச்சி

வண்ணம் மாறியது
கட்சி தாவியது
அந்தி வானம்

கோடை மழை
குதூகலப் பயணம்
திரும்புமா? குழந்தைப்பருவம்.

சாலையில் கவனம்
வழியில் மரணக்குழி
செய்தியாகி விடுவாய்

சந்திரன் அல்லி
நான் அவள்
காதல்

புத்தாடை நெய்தும்
நெசவாளி வாழ்க்கை
கந்தல்

தோற்றத்தை விட
குரல் அழகு
குயில்

ஏக்கத்தில் குழந்தை
உயரத்தில் பஞ்சுமிட்டாய்
வான் மேகம்.

ஆயத்தம்
டயர் வண்டி ஓட்டி
நாளைய விமானி

பிறரின் உழைப்பில்
பிரகாசிக்கும்
சோம்பேறி
முதலாளி


பறிக்க மனமில்லை
அழகாய் மலர்ந்தும்
விதைத்தது அவள்

பறக்காமல் நில்
பிடிக்க ஆசை
பட்டாம்பூச்சி


--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
eraeravi.wordpress.com
eraeravi.blogspot.com
http://eluthu.com/user/index.php?user=eraeravi இறந்த பின்னும்
இயற்கையை ரசிக்க

ண் தானம் செய்வோம் !!!!!

கவிஞர் இரா .இரவி படைப்புகள் படித்து மகிழுங்கள்

கவிஞர் இரா .இரவி படைப்புகள் படித்து மகிழுங்கள்

http://www.eelamwebsite.com/?p=12620

http://www.eelakkural.com/index.php?option=com_content&view=category&id=34&Itemid=14

http://www.tamilthottam.in/t16527-topic

http://www.tamilthottam.in/f16-forum

http://www.noolulagam.com/product/?pid=3996

http://www.noolulagam.com/product/?pid=3997

http://www.koodal.com/poem/tamil/writers.asp?author-name=Ravi
--
இணையங்களில் இலக்கியம் படித்து மகிழுங்கள் .
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
eraeravi.wordpress.com
eraeravi.blogspot.com

http://eluthu.com/user/index.php?user=eraeravi
இறந்த பின்னும்
இயற்கையை ரசிக்க

ண் தானம் செய்வோம் !!!!!

விருப்புக் குறியீடுகளில் விளைந்து நிற்கும் சொற்கள்! தொகுப்பாசிரியர் : கவிஞர் மயிலாடுதுறை இளையபாரதி ! நூல் விமர்சனம் : கவிஞர் இரா. இரவி !

விருப்புக் குறியீடுகளில்  விளைந்து நிற்கும் சொற்கள்! தொகுப்பாசிரியர் :   கவிஞர் மயிலாடுதுறை இளையபாரதி ! நூல் விமர்சனம் : கவி...