வியாழன், 29 நவம்பர், 2018

தினமணி கவிதைமணி தந்த தலைப்பு வனவாசம் ! கவிஞர் இரா .இரவி !



தினமணி கவிதைமணி தந்த தலைப்பு 

வனவாசம் ! கவிஞர் இரா .இரவி !

வனவாசம் விரும்புகின்றது என்  மனம் 
வனத்தில் சுவாசம் எங்கும் நல்ல வாசம் !

நாட்டில் வாழும் மனித மிருங்கங்களை விட 
காட்டில் வாழும் மிருங்கங்கள் கொடியதன்று !

பசுத்தோல் போர்த்திய புலிகள் பெருகிவிட்டன 
பண்பாளர்கள் எண்ணிக்கை குறைந்துவிட்டன !

வனத்தில் சாதிமதச் சண்டைகள் இல்லை 
வனத்தில் ஏற்றத் தாழ்வுகள் இல்லை !

உண்ணும் உணவிற்கு பஞ்சம் இல்லை 
ஒருவரும் பொல்லாங்கு பேசுவது இல்லை !

விலங்குகளுடன்  நட்பாக   வாழலாம் 
பறவைகளுடன் நன்கு  பழகி மகிழலாம் !

செயற்கை உணவுகள் அங்கு இல்லை 
சிதைக்கும் நோய்களும் வருவதில்லை 

கோடிகள் கொள்ளையடிக்கும் கூட்டம் இல்லை 
கேடிகளின் அடாவடி அங்கு இல்லை !

தொல்லைதரும் தொலைக்காட்சி இல்லை 
துன்பங்கள் துயரங்கள் அங்கு இல்லை !

வரப்புச்சண்டைகள் அங்கு இல்லை 
வாய்க்கால் சண்டைகள் அங்கு இல்லை !

பெட்ரோல் அங்கு தேவையே இல்லை 
பெரும் தொல்லை இல்லவே இல்லை !

மாசுக்காற்று காட்டில் இல்லவே இல்லை 
மக்காத குப்பைகளும் அங்கு இல்லை !

வனவாசத்திற்கு யாரும் வருந்த வேண்டாம் 
வனவாசம் மனதிற்கு மகிழ்ச்சி தரும் !

நன்றி
அன்புடன்
கவிஞர் இரா .இரவி

http://tamil.pratilipi.com/kavignar-eraravi

முதுமுனைவர் வெ.இறையன்பு பொன்மொழிகள்

முதன்மைச்செயலர் முதுமுனைவர் வெ.இறையன்பு .இ. ஆ .ப. அவர்களின் பொன்மொழி

முதன்மைச்செயலர் முதுமுனைவர் வெ.இறையன்பு .
இ. ஆ .ப. அவர்களின் பொன்மொழி

கவிச்சுவை ! நூலாசிரியர் இரா. இரவி ! மதிப்புரை பேராசிரியர் முனைவர் ச. சந்திரா



கவிச்சுவை ! 

நூலாசிரியர்  இரா. இரவி !

மதிப்புரை பேராசிரியர் முனைவர் ச. சந்திரா


பக்கம் 186.விலை ரூபாய் 120.  
வெளியீடு : வானதி பதிப்பகம், 23, தீனதயாளு தெரு, 
 தியாகராய நகர், 
சென்னை-600 017. தொலைபேசி : 044 24342810, 24310769
மின்னஞ்சல் : 
vanathipathippakam@gmail.com

தோரண வாயில் :

       சங்க இலக்கியப் பொற்களஞ்சியங்கள் பதினெட்டு ; சங்கம் மழுவிய காலத்தில் உதித்தெழுந்த நீதிக் குவியல்கள் பதினெட்டு ; மனித குலத்திற்கு சித்தாந்தம் எது? வேதாந்தம் எது? என தெரிவித்த சித்தர்கள் எண்ணிக்கை பதினெட்டு ; ஆணினத்தோடு பெண்ணினமும் போட்டியிட்டு ஏறத் துடிக்கும் சபரிமலை சன்னதியின் படிகள் பதினெட்டு ; நாள்களில் எல்லாம் புனிதமான நாள் ; காவிரி அன்னை ஆர்ப்பரிக்கும் ஆடி பதினெட்டு.

 கவி இரவியின் இலக்கியச் சோலையில் பூத்த மலர்களின் எண்ணிக்கையும் பதினெட்டு.  ஆம்! இவரது நூல்களில் எல்லாம் சிறந்த நூல் இந்த ‘கவிச்சுவை நூல்.
ஏழு ஏழாய் ...

       மனித வாழ்வை எட்டு எட்டாகப் பிரிக்கச் சொன்னது ஒரு சித்தர் பாடல்.  ஹைக்கூ சித்தரான இரா.இரவியோ இந்த ‘கவிச்சுவை நூலை ஏழு ஏழாய்ப் பகுக்கிறார்.  அது அறுசுவை கடந்து ஏழுசுவையாய் நூலை வாசிப்போர் உள்ளத்தைத் திகட்ட வைக்கிறது.

எது முதல் எது வரை?

       ஆரம்பப் பள்ளி முதல் ஆக்ஸ்போர்டு பல்கலைக் கழகம் வரை. மனுநீதிச் சோழன் முதல் மகாத்மா காந்தி வரை, காகிதக் கப்பல் முதல் விண்வெளிக் கப்பலோட்டிய கலாம் வரை, சிட்டுக்குருவி முதல் சிதறடிக்கும் டயனோசர் வரை, உயிர்க்குயிராம் தமிழ்மொழி முதல் உருதுமொழி வரை, தித்திக்கும் மிட்டாய் முதல் திருநெல்வேலி அல்வா வரை, சிவகங்கை சீமை முதல் சிருங்கார ஜப்பான் வரை ; நூற்று எண்பத்தெட்டு பக்கங்கள் கொண்ட இந்த கவிச்சுவை நூல் ஆதி முதல் அந்தம் வரை சமூகத்தை அலசி ஆராய்ந்து செல்கின்றது.

மலரும் மகரந்தமும் :

       பழமொழியும், புதுமொழியுமாய், எதுகை, மோனை இயைபோடு, அநீதியைத் தட்டிக் கேட்டும், அர்த்தமுள்ளவற்றைத் தட்டிக் கொடுத்தும், விடுகதைகள் பங்கிற்கு விட்டுக் கொடுத்தும், ஆன்மீகம் தவிர்த்து, அறிவியல் இணைத்து, சமூகம் குறித்த சாதனையும், வேதனையுமாய் கவிச்சுவை நூல் நகர்கின்றது.  எங்கும் முரண் ; எதிலும் முரண் என்னும் விதமாய வரிக்கு வரி சுவை கூடுவதோடு, பக்கத்திற்குப் பக்கம் பெண்ணியமும் தலைகாட்டுகின்றது.
கவிஞரின் கரங்களில் ...

       இந்நூலில் மணல் வீடு கோட்டை ஆகின்றது! உப்பு மூட்டை, பஞ்சு மூட்டையாய் மாறி மனதை லேசாக்குகிறது.  கவிஞரின் கலைந்த கனவு கூட கரும்பாய் தித்திக்கிறது ; ஒற்றைச் சிறகு உயிர்பெற்று ஜெட் வேகத்தில் உயரப் பறக்க எத்தனிக்கிறது! கவிஞர் எழுதுகோலைக் கரத்தில் ஏந்தியவுடன் யுத்தம் கூட நிசப்தமாகி விடுகின்றது.  பட்ட மரம் துளிர்க்கின்றது.  பச்சை நிலமோ படம் காட்டுகின்றது.  ஓடுகின்ற குதிரை இருபுறமும் இறக்கை கட்டி பறக்கத் துவங்குகிறது.

சொல் விளையாடல்!

       “நிம்மதி என்பது பணத்தில் இல்லை!
       நின் மதியைப் பணத்திலிருந்து விலக்கு!
                   (ப. 43).

சாட்டையடி கவிதை :

       “இங்கிலாந்துக்காரன் மட்டுமே ஆண்டான் அன்று
       எல்லா நாட்டுக்காரனும் ஆளுகின்றான் 
 இன்று                        (ப. 66)

கல்வெட்டுக் கவிதை வரிகள் :

       “மானே! தேனே! என்று மயக்கியது போதும்
       மகளிருக்கான இட ஒதுக்கீட்டைத் 
தாருங்கள்!            
                  (ப. 28)

போகிற போக்கில் :

       தமிழென்னும் கடலில், புரட்சி என்னும் படகினில், இயற்கை, சமூகம் என இரு துடுப்பு கொண்டு, கவிதாதேவி வழிகாட்ட இலக்கியப் பயணம் மேற்கொள்ளும் ஹைக்கூ சித்தராம் இரா. இரவி அவர்களின் எழுத்துலகம் ஒளிரட்டும் என இணையதள வாசகியர் சார்பாக வாழ்த்துகிறோம்.
.

புதன், 28 நவம்பர், 2018

அதிசய மலர்கள் !

அதிசய மலர்கள் !









முதன்மைச்செயலர் முதுமுனைவர் வெ.இறையன்பு .இ. ஆ .ப. அவர்களின் பொன்மொழி

முதன்மைச்செயலர் முதுமுனைவர் வெ.இறையன்பு .இ. ஆ .ப. அவர்களின் பொன்மொழி.



ஒரு நாள், நாய் ஒன்று காட்டில் வழி தவறிவிட்டது.

ஒரு நாள், நாய் ஒன்று காட்டில் வழி தவறிவிட்டது.

அப்போது அங்கு சிங்கம் ஒன்று பசியோடு அலைவதைப் பார்த்த நாய் ஒரு நிமிடம் பதறி இன்றோடு நம் கதை முடிந்தது என்று எண்ணியது.

அப்பொழுது அங்கு கிடந்த எலும்பு துண்டுகளைப் பார்த்ததும் அருமையான திட்டம் ஒன்றை தீட்டியது.

சிங்கம் வரும் வழியில் திரும்பி உக்கார்ந்து கொண்டு எலும்பு துண்டுகளை சுவைக்க தொடங்கியது.
சுவைத்து கொண்டே சத்தமாக, "சிங்கத்தை கொன்று தின்பது எவ்வளவு சுவையாக உள்ளது, ஆனால் வயிறு நிறையவில்லை.
இன்னொரு சிங்கம் கிடைத்தால், ஆஹா! வயிறு நிறைந்து விடும்" என்று கூறியது.

இதைக் கேட்ட சிங்கம் "அய்யோ..! இந்த நாய் சிங்கத்தை அல்லவா கொன்று தின்கிறது" என்று நினைத்து பயந்து அங்கிருந்து ஓடிப் போனது.

இதையெல்லாம் மரத்தின் மேல் இருந்து குரங்கு ஒன்று பார்த்துக் கொண்டிருந்தது.
சிங்கத்தை ஏமாற்றிய இந்த நாயை சிங்கத்திடம் போட்டுக் கொடுத்தால், சிங்கத்தின் நடப்பை பெற்று வாழ் நாளெல்லாம் பயம் இல்லாமல் வாழலாம் என்று நினைத்தது.

உடனே சிங்கத்திடம் சென்று, நாய் செய்த தந்திரத்தைப் பற்றி சொன்னது.
அதை கவனித்த நாய் எதோ தப்பு நடக்க போகிறது என்று உணர்ந்தது!

குரங்கு சொன்னதைக் கேட்ட சிங்கம் கோபம் கொண்டு, "இப்பொழுது அந்த நாயை என்ன செய்கிறேன் பார்.
நீ என் முதுகில் ஏறிக் கொள்" என்று குரங்கை முதுகில் ஏந்திய படி நாய் இருந்த இடத்தை நோக்கி ஓடியது.

*இப்போது அந்த நாய் என்ன செய்திருக்கும் என்று உங்களால் கற்பனை செய்ய முடிகிறதா?

*"தன்னை நோக்கி சிங்கம் பாய்ந்து வருவதைப் பார்த்த நாய்*, *முன் போலவே திரும்பி உட்கார்ந்து கொண்டு,*
*"இந்த குரங்கை அனுப்பி ஒரு மணி நேரமாகிவிட்டது.*
*இன்னும் ஒரு சிங்கத்தைக் கூட ஏமாற்றி அழைத்து வரவில்லையே"* *என்று உரக்க கூறியது.*

*இதை கேட்டதும், சிங்கம் குரங்கைத் தூக்கி எறிந்து விட்டு திரும்பிக்கூட பார்க்காமல் ஓடியே விட்டது*.

நாம் பணிபுரியும் இடத்தில் பல குரங்குகள் நம்மை சுற்றி இருக்கலாம்,
அவர்களை அடையாளம் காண முயற்சி செய்யுங்கள்.

*"கடுமையாக உழைப்பதை விட திறமையாக உழைக்கக் கற்றுக்கொள்ளுங்கள்"*.

*நன்றி : இறையன்பு , இ.ஆ.ப.*

அறிவிப்பு

அறிவிப்பு

நன்றி ! ஆச்சி வந்தாச்சு ! மாத இதழ் !

நன்றி ! ஆச்சி வந்தாச்சு !  மாத இதழ் !




செவ்வாய், 27 நவம்பர், 2018

மதுரையின் பெருமைகளில் ஒருவராகியவர், மதுரை யாதவா கல்லுரியில் பயின்றவர், தமிழ்ஆர்வலர், தமிழ்மொழி ஆய்வாளர், பல நூல்களின் ஆசிரியர் ,சிறந்த பேச்சாளர், செயல்திறன் மிக்கவர், பண்பாளர் ,நேர்மையான அரசு உயர் அலுவலர், தலைமைச் செயலர் திரு ஆர் .பாலகிருஷ்ணன் இ .ஆ .ப .அவர்களுக்கு இனிய பிறந்த நாள் நல் வாழ்த்துகள் ! கவிஞர் இரா .இரவி

மதுரையின் பெருமைகளில் ஒருவராகியவர், மதுரை யாதவா கல்லுரியில் பயின்றவர், தமிழ்ஆர்வலர், தமிழ்மொழி ஆய்வாளர், பல நூல்களின் ஆசிரியர் ,சிறந்த பேச்சாளர், செயல்திறன் மிக்கவர், பண்பாளர் ,நேர்மையான அரசு உயர் அலுவலர், தலைமைச் செயலர் திரு ஆர் .பாலகிருஷ்ணன் இ .ஆ .ப .அவர்களுக்கு இனிய பிறந்த நாள் நல் வாழ்த்துகள் !
கவிஞர் இரா .இரவி 
  

கம்பனில் உணர்ச்சி மேலாண்மை - வெ. இறையன்பு சிறப்புரை

முதுமுனைவர் வெ.இறையன்பு நூல்கள்

மாமதுரைக் கவிஞர் பேரவை கவியரங்கம் . தலைமை கவிமாமணி சி .வீரபாண்டியத் தென்னவன் . நாள் ;25.11.2018. ( 5 )

மாமதுரைக் கவிஞர் பேரவை கவியரங்கம் .
தலைமை கவிமாமணி சி .வீரபாண்டியத் தென்னவன் .
நாள் ;25.11.2018.
இடம்; மதுரை வடக்குமாசி வீதி மணியம்மை பள்ளி .
. தனித்தமிழ் எழுத்து இயக்கத்தின் இரண்டாவது கவியரங்கத்தில் 'தலைப்பு கட்டமைப்புத் தமிழ்மொழியின் கவசத்தை உடைக்காதே!'

இனிய நண்பர் புகைப்படக் கலைஞர் ரெ .கார்த்திகேயன் கை வண்ணம் 



























தமிழ்த் தேனீ முனைவர் இரா .மோகன் அவர்களுக்கு விருது

தமிழ்த் தேனீ முனைவர் இரா .மோகன் அவர்களுக்கு  விருது