திங்கள், 30 செப்டம்பர், 2013

பற ... பற ... நூல் ஆசிரியர் கவிஞர் வசீகரன் ! நூல் விமர்சனம் கவிஞர் இரா .இரவி !

பற ...  பற ...  

நூல் ஆசிரியர் கவிஞர் வசீகரன் !

நூல் விமர்சனம் கவிஞர் இரா .இரவி !
 
வெளியீடு மின்னல் கலைக்கூடம் 117.எல்டாம்ஸ் சாலை தேனாம்பேட்டை ,சென்னை .18.விலை ரூபாய் 30.
தொலைபேசி 9841436213.

இனிய நண்பர் நூல் ஆசிரியர் கவிஞர் வசீகரன் அவர்கள் பொதிகை மின்னல் மாத இதழ் ஆசிரியர் .பல படைப்பாளிகள் இதழ் தொடங்கியதும் படைப்பதில் தொய்வு வரும் .ஆனால்  இவரோ  படைப்பு , பத்திரிக்கை என்ற இரண்டு குதிரையிலும் லாவகமாக பயணிப்பவர் .ஆற்றல் மிக்கவர் .சிறந்த பண்பாளர் .மனித நேயம் மிக்கவர் . மதுக் கடைகளை மூடு என்ற தலைப்பில் கவியரங்கம் நடத்தி கவிதைகளை தனது மின்னல் கலைக்கூடம் சார்பாக நூலாக வெளியிட்டவர் .புகையிலை ஒழிப்போம் என்ற தலைப்பில் கவியரங்கம் நடத்தி கவிதைகளை மின்னல் கலைக்கூடம் சார்பாக நூலாக வெளியிட்டவர் .சமுதாய ஈடுபாடு உள்ளவர் .

பற ...  பற ... என்ற நூலின் தலைப்பே பறவைகளை நினைவூட்டி விடுகின்றது .நூல் முழுவதும் பறவைகள் ! பறவைகள்  ! பறவைகள் !
பற்றிய ஹைக்கூ கவிதைகள் படிக்கும் வாசகனுக்கு சிறகுகள்  முளைக்க வைக்கின்றன .அட்டைப்பட வடிவமைப்பு .உள்  அச்சு,பறவைகள்  புகைப்படங்கள் என யாவும் மிக நேர்த்தியாக உள்ளன .பாராட்டுக்கள் .மின்னல் கலைக்கூடத்தின் பெருமை மிகு படைப்பாக வந்துள்ளது . 

இந்த நூலை இலக்கிய பறவைகளின் இனிய வேடந்தாங்கலாய் ஊஉக்கமலிது உற்சாகப்படுத்தும் கவிஞர் சீனி .இரவி பாரதி அவர்களுக்கு காணிக்கை ஆக்கி உள்ளார் .நூல் ஆசிரியர் கவிஞர் வசீகரன் திருக்குறளில் ஆழ்ந்த புலமை உள்ளவர் என்பதால் மறக்காமல் நண்பர்கள் கவிஞர்கள் பெயர் குறிப்பிட்டு நன்றியை பதிவு செய்துள்ளார் .என் பெயரும் உள்ளது .நூல் ஆசிரியருக்கு இது மூன்றாவது நூல் முத்தாய்ப்பாக வந்துள்ளது .முத்திரை பதிக்கும்  நூலாக வந்துள்ளது . பாராட்டுக்கள் .

பறவைகளை என்றும் நேசிப்போம் !
உயிர்வதை வேண்டாம் யோசிப்போம் !

கல்வெட்டு  வரிகள் நூல் படிக்கும் வாசகர்களை சிந்திக்க வைக்கின்றன பறவை நேசம் விதைக்கின்றது .

தோட்ட  உரிமையாளர்கள் என்று சொல்லி பட்டா வைத்துக் கொண்டு மார் தட்டும் முதலாளிகளின் தலையில் கொட்டும் வண்ணம் ஒரு ஹைக்கூ .

பறந்து வந்து இறங்கும் 
தோட்ட  உரிமையாளர்கள் 
பறவைக் கூட்டம் !

மனிதர்களில் பலர் பிறரை நேசிப்பதில்லை .இன்னும் சிலர் தன்னையே நேசிப்பது இல்லை .தன்னையே விரும்பாத மனிதர்களும் பூமியில்  உண்டு .அவர்களுக்கான ஹைக்கூ ஒன்று .மிக நன்று. காட்சிப் படுத்தும் ஹைக்கூ .

தன்னையே  காதலிக்கும் 
ஒற்றைச் சிட்டுக்குருவி 
கண்ணாடியில் அலகுகொத்தி !  

துன்பம் தந்தவனுக்கும் இன்பம் தரும் அகிம்சை வாதியாக கிளியை சித்தரிக்கும் ஹைக்கூ .

கூண்டில் அடைத்தவனுக்கு  
கூழ்  ஊற்றுகிறது  
சோதிடக் கிளி !

நன்மை செய்யும் பறவைகளுக்கு தீமை செய்யும் மனிதர்களை  சாடும் விதமாக .புத்திப்  புகட்டும் விதமாக உள்ள ஹைக்கூ .பாசமாக வளர்த்த சேவலும் விருந்தாடி வந்து விட்டால் விருந்தாகி விடும் அவலம் சுட்டும் ஹைக்கூ . 

அதிகாலை ஐந்து மணி 
கூவி  எழுப்பிய சேவல் 
குழம்பில் கொதித்தது !

உலகின் மிகப்பெரிய அஞ்சல் துறை உள்ள நாடு இந்தியா .இந்த அஞ்சல் துறை க்கு முன்னோடியான பறவையை நினைவூட்டும் ஹைக்கூ .

மனித வரலாற்றில் 
முதல் தபால்காரன் 
தூதுப்புறா !    

 பறவைகளை ஆய்வு செய்து என்ன பறவை என்ன நிறம் .என்ன குரல். என்ன செய்யும் இப்படி பல தகவல்களை ஹைக்கூ கவிதை மூலம்  எழுதியது சிறப்பு .பெற்ற அன்னையை  மறந்து விடும் அவலம் சாடும் ஹைக்கூ .

விரட்டப்பட்ட அம்மா 
வழித்துணையாய்  வந்தமரும் 
தோளில்  புறா !

தொன்மை தகவலும் ஹைக்கூ கவிதையில் பதிவாகி உள்ளது .

மை  தொட்டு எழுத 
முதலில் உதவியது 
சிறகு !

அட்டை முதல் அட்டை வரை பறவைகள் பற்றிய பரவச ஹைக்கூ கவிதைகள் .பறவை பாசம் பறை சாற்றும் விதமாக உள்ளன .பதச் சோறாக சில மட்டும் உங்கள் ரசனைக்காக எழுதி உள்ளேன் .நூலை வாங்கிப் படித்துப் பயன்  பெறுங்கள் .மனித நேயம் தாண்டி பறவை நேயம் கூறும் நூல் . நூல் ஆசிரியர் கவிஞர் வசீகரன் அவர்களுக்கு பாராட்டுக்கள் .


ஞாயிறு, 29 செப்டம்பர், 2013

ஆய்வு நூலின் அறிமுக விழா !

ஆய்வு நூலின் அறிமுக விழா !

மதுரை மணியம்மை மழலையர் பள்ளி கலா மண்டபத்தில் 29.9.2013 ஞாயிறு அன்று நடைபெற்ற இலங்கைத் தமிழ் எழுத்தாளர் அந்தனி ஜீவாவின் "தலைநகரில் தமிழ் நாடக அரங்கு" ஆய்வு நூலின் அறிமுக விழா பேராசிரியர் தி.சு.நடராசன் தலைமையில் நடைபெற்ற பொழுது, எழுத்தாளர் பன்னீர் செல்வத்திற்குப் புரவலர் ஹாசிம் உமர் அவர்கள் வழங்கினார். படத்தில் உடன் இருப்பவர்கள் பேராசிரியர் தி.சு.நடராசன், கவிஞர் இரா.ரவி ஆகியோர்.

பேரா.இராம சுந்தரம் [மேனாள் தஞ்சை தமிழ்ப் பல்கலைகழகம் - வார்சா ப.க.கழகம்],கவிஞர் பேனா மனோகரன் ,கவிஞர் கண்ணதாசன் ,பேரா.போத்திரெட்டி, மேனாள் அமெரிக்கன் கல்லூரித் தமிழ்த்துறைத்தலைவர் ஆகியோருடன் சோழநாகராஜன், ஓவியக் கவிஞர் ஸ்ரீரசா[முகநூலில் சுப்ரமணியம் ரவிக்குமார்],கவிஞர் சி.பன்னீர்செல்வம்,எழுத்தாளர் அர்சியா ஆகியோர் கலந்துகொண்டு விழாவை சிறப்பித்தனர்

சனி, 28 செப்டம்பர், 2013

நூல் வெளியீட்டு விழா

மதுரை மணியம்மை தொடக்கப் பள்ளியில் தமிழ் அறிஞர் இரா .இளங்குமரனார் எழுதிய திருமுருகாற்றுப் படை  நூல்  வெளியீட்டு விழா நடந்தது . கவிஞர் இரா .இரவி நூலை பெற்றுக் கொண்டார். உடன் புரட்சிக் கவிஞர் மன்றத்தின் தலைவர்
திரு . பி .வரதராசன் உள்ளார் .ஒய்வு பெற்ற தலைமை ஆசிரியர் சுந்தர மகாலிங்கம் திருக்குறளைப்  பாடி ஆடினார் .

உன் உதட்டுச் சாயத்தால் ! நூல் ஆசிரியர் கவிஞர் சுபாஷ் சரோன் ஜீவித் ! நூல் விமர்சனம் கவிஞர் இரா .இரவி !

உன் உதட்டுச் சாயத்தால் ! 

நூல் ஆசிரியர் கவிஞர் சுபாஷ் சரோன் ஜீவித் !

நூல் விமர்சனம் கவிஞர் இரா .இரவி !

கற்பகம் புத்தகாலயம் !4/2 சுந்தரம் தெரு .தியாகராயர் நகர் .சென்னை 600017.விலை ரூபாய் 40.
தொலைபேசி 044-24314347.
மின்னஞ்சல்  info@karpagamputhakalayam.com

நூல் ஆசிரியர் கவிஞர் சுபாஷ் சரோன் ஜீவித் அவர்களின் முந்தைய நூல் " அவசரமாய் ஒரு காதலி தேவை "இந்த நூலின் பெயர் உன் உதட்டுச் சாயத் தால் ! நூலின் பெயர் போலவே கவிதைகளும் வித்தியாசமாக உள்ளன .நூலில் உள்ள புகைப்படங்கள் ,முன் பின் அட்டை ,உல் அச்சு யாவும் மிக நேர்த்தியாக உள்ளன .நூல் வெளியிட்ட  கற்பகம் புத்தகாலயத்திற்கு பாராட்டுக்கள் .
.
வாசகர்களுக்கு காதல் கவிதைகள் மேடும் சலிப்பதே இல்லை. நிலவை ரசிப்பதுபோல காதல் கவிதைகளையும் ரசிக்கலாம். படிக்கும் வாசகனுக்கு மலரும் நினைவுகளாக அவரவர் காதல் நினைவுகள் மலர்ந்து விடும் .காதல் கவிதை எழுதுவதில் காதலர்களிடையே புகழ் பெற்றவர் கவிஞர் தபூ சங்கர் அவர்களின்  பாணிபோல இவரும்  எழுதிஉள்ளார் .நூல் ஆசிரியர் கவிஞர் சுபாஷ் சரோன் ஜீவித் அவர்களுக்கு ஒரு சபாஷ் சொல்லலாம் . நல்ல தமிழ்க் கவிதை எழுதுபவருக்கு நல்ல தமிழ்ப்  பெயராக இல்லை என்பது வருத்தம்தான் .

பதச் சோறாக சில கவிதைகள் மட்டும் உங்கள் ரசனைக்கு .முதல் கவிதையே முத்தத்தில் தொடங்குகின்றது .முதல் கவிதையே நூலின் பின் அட்டையிலும் அச்சாகி உள்ளது .
 -
உன் உதட்டுச் சாயத்தால் 
நீ வரைந்த 
முதல் ஓவியம் 
உன் முத்தம் !

நூலில் அணிந்துரை வாழ்த்துரை என்ற பக்க செலவின்றி தன்னுரையோடு கவிதைகள் தொடக்கி விடுகின்றன .

.காதலின் முன்னுரை முத்தம் என்பதால் முத்தம் பற்றிய பல கவிதைகள் உள்ளன .

ஒரே ஒரு முத்தம்தான் 
என்று கண்டிப்போடு 
கொடுத்தாய் !
என்றாலும் இன்று வரை 
கன்றிப் பொய் இருக்கிறது 
என் உதடுகள் !

மறுபடியும் முத்தம் பற்றி ஒரு கவிதை .காதலர்கள் மட்டும் உணர்ந்த தனிச்சுவை முத்தம் பற்றி தித்திக்க புதுக்கவிதைகள்   வடித்துள்ளார் .

நீ முத்தமிட்டால் 
வெப்பத்தில் 
உறைந்து போகிறேன் 
நான் !

முத்தம் குளிர்ச்சி என்பார்கள் சிலர் .இவர் வெப்பம் என்கிறார் .கோடை காலத்தில் குளிர் .குளிர் காலத்தில் வெப்பம் என்றும் பொருள் கொள்ளாலாம் .நாம் .

பெண்களுக்கு குளியலறையில் நெற்றிப் பொட்டை  ஒட்டி வைக்கும் பழக்கம் உண்டு .வீடுகளில் பார்த்து இருக்கிறோம் .அதனை காட்சிப் படுத்தும் விதமாக ஒரு புதுக் கவிதை .

உன்  குளியலறைக்கு 
நீயே வைக்கும் 
திருஷ்டிப் பொட்டு 
உன் நெற்றி 
ஒட்டுப்   பொட்டு !

கவிதைக்கு கற்பனை அழகு .கற்பனைக்கு பொய் அழகு .என்பதை மெய்ப்பிக்கும் கவிதை நன்று .

உன் பிறந்த 
நாளுக்கு 
நீ 
ஊதி அணைக்க 
சூரியனைத் தரவா 
மெழுகுவர்த்தியாக ! 

காதலி சரி சூரியனைத் தா ! என்றால் காதலனால் தர முடியாது. என்றாலும் வார்த்தையில் உள்ள நளினம் காதலி ரசிப்பாள் .

மனதிற்குள்ளேயே  காதலை மறைத்து வைத்துக் கொள்பவர்கள் அதிகம் .அவள் சொல்லட்டும்  என்று  அவனும்   .அவன்  சொல்லட்டும்  என்று இருவர் தவிர  வேறு யாருக்கும் தெரியாமல் வைத்து ரகசியமாக காதலிப்பவர்களும் உண்டு .அதனை நவீன உவமையுடன் எழுதி உள்ளார் .

கணினியில் இரகசிய  
பெயர்   கேட்கும் 
இடமெல்லாம் 
உன் பெயரை 
நான் கொடுக்க 
கணினியைப் போலவே 
இரகசியமாக வைத்திருக்கிறாய் 
உன் காதலை !

பலர் மறக்காது  என்று கணினியில் இரகசிய  பெயர் தங்கள் துணையின் பெயரை வைத்துக் கொள்வதும் உண்மை .

காதலி நினைவு வந்து விட்டால் தூக்கம் பறி  பொய் விடும்  என்ற காதல் அனுபவம் வைத்து எழுதிய கவிதை.

கடவுள் பக்தர்களுக்கு 
ஆண்டுக்கு ஒரு  நாள்தான் 
சிவராத்திரி !
காதலியே 
உன் பக்தன் எனக்கு 
தினம் தினம் !

இன்றைய கல்லூரி காதல் பற்றிய நடப்பியலை நுட்பமாகப் பதிவு செய்துள்ளார் .புதிய காதலர்கள் பற்றி  கல்லூரியே  பேசிக்கொள்ளும்  இயல்பை உணர்த்தி உள்ளார் .

எனக்கு 
நீ அனுப்பிய 
குறுசெய்திதான் 
அந்த ஆண்டு 
கல்லூரிக்கே    
தலைப்பு செய்தி !

எல்லோர்க்கும் அவரவர் காதலி தேவதைதான் .அழகிதான் .பேரழகிதான்  சில சொற்களில் நன்கு உணர்த்துகின்றார் .

தேவதை என்று 
உன்னை வேடிக்கை 
பார்த்துக் கொண்டிருந்தவனை 
இப்படியா நீ 
காதலனாக்கி 
வேடிக்கைப் பார்ப்பது !

நாய் குறைப்பது கூட  காதலனுக்கு லவ் லவ் என்று கேட்கிறதாம். கொஞ்சம் அதிகம்தான் இருந்தாலும் ரசிக்கலாம் .

காதலர்தினப்   பரிசாய் 
நீ கொடுத்த 
நாய்க்குட்டி 
லவ் லவ் என்று 
குரைக்கிறது ! 

காதல் ரசம் சொட்டச் சொட்ட கற்பனை கலந்து புதுக் கவிதை வடித்துள்ளார் .நூல் ஆசிரியர் கவிஞர் சுபாஷ் சரோன் ஜீவித் அவர்களுக்கு பாராட்டுக்கள் .

மனிதத் தேனீ இரா .சொக்கலிங்கம் அவர்களின் வாழ்த்து மடல் .

இனிய நண்பர் 
கவியரசு கண்ணதாசன் நற்பணி மன்றத்தின் தலைவர் 
மனிதத் தேனீ இரா .சொக்கலிங்கம் அவர்களின் வாழ்த்து மடல் .


வெள்ளி, 27 செப்டம்பர், 2013

சங்கம் வைத்து தமிழ் வளர்த்த மதுரையில் சுற்றுலாப் பயணிகளுக்கு வரவேற்பு !

சங்கம்   வைத்து தமிழ் வளர்த்த மதுரையில் சுற்றுலாப் பயணிகளுக்கு வரவேற்பு !

உலக சுற்றுலா தினத்தை முன்னிட்டு மதுரை விமான நிலையம் வந்த சுற்றுலாப் பயணிகளை   வரவேற்று இனிப்பு  , தொப்பி , மதுரையில் உள்ள சுற்றுலாத்தலங்கள்  பற்றிய வண்ணப் புகைப்படங்கள் கையேடு , மாவட்ட சுற்றுலா அலுவலர் க .தர்மராஜ் ,உதவி சுற்றுலா அலுவலர் இரா .இரவி ,மற்றும்  டிரவல்  கிளப்  பொறுப்பாளர்களும்    கலந்து கொண்டனர் .மதுரைக்கு வருகை தந்த  திரு எ  .வி .எம் .சரவணன் அவர்களையும் வரவேற்றனர் .
புகைப்படங்கள் இனிய நண்பர்  (G.R.T) திரு .
வெங்கடேஷ் கை வண்ணத்தில் 

மதுரையில் உலக சுற்றுலா தின விழா ! தமிழ்நாடு அரசு சுற்றுலாத்துறையின் சார்பில் மதுரையில் உலக சுற்றுலா தின விழா கொண்டாடப்பட்டது .மதுரையில் உள்ள முக்கிய சுற்றுலாத் தலங்களை கல்லூரி மாணவ மாணவியருக்கு சுற்றிக் காட்டும் விதமாக பாரம்பரிய நடைப்பயணத்தை மதுரை மாவட்ட ஆட்சியர் முனைவர் இல .சுப்பிரமணியன் கொடி அசைத்து தொடங்கி வைத்தார்கள்

மதுரையில் உலக சுற்றுலா தின விழா !

தமிழ்நாடு அரசு சுற்றுலாத்துறையின் சார்பில்  மதுரையில் உலக சுற்றுலா தின விழா கொண்டாடப்பட்டது .மதுரையில் உள்ள முக்கிய சுற்றுலாத் தலங்களை கல்லூரி மாணவ மாணவியருக்கு சுற்றிக் காட்டும் விதமாக பாரம்பரிய நடைப்பயணத்தை மதுரை மாவட்ட ஆட்சியர் முனைவர் இல .சுப்பிரமணியன் கொடி  அசைத்து தொடங்கி  வைத்தார்கள்

மதுரையில் உலக சுற்றுலா தின விழா !

மதுரையில் உலக சுற்றுலா தின விழா !

மதுரையில் உலக சுற்றுலா தின விழா !

மதுரையில் உலக சுற்றுலா தின விழா !

தமிழ்நாடு அரசு சுற்றுலாத்துறையின் சார்பில்  மதுரையில் உலக சுற்றுலா தின விழா கொண்டாடப்பட்டது .மதுரையில் உள்ள முக்கிய சுற்றுலாத் தலங்களை கல்லூரி மாணவ மாணவியருக்கு சுற்றிக் காட்டும் விதமாக பாரம்பரிய நடைப்பயணத்தை மதுரை மாவட்ட ஆட்சியர் முனைவர் இல .சுப்பிரமணியன் கொடி  அசைத்து தொடங்கி  வைத்தார்கள் . தானம் அறக்கட்டளை திரு பாரதி மற்றும் வழிகாட்டிகள் கலந்து கொண்டனர் .திருப்புவனம்  கருப்பையா குழுவினரின் மேல தாள இசையுடன் ஊர்வலம் வந்தது .

மதுரையில்  உள்ள  முன்னணி வழிகாட்டிகள்  சுற்றுலாத் தலங்கள் பற்றிய தகவல்களை விரிவாக எடுத்து இயம்பினர் .ஊர்வலம் மீனாட்சி பூங்காவில் இருந்து தொடங்கி  மீனாட்சி கோவில் வழியாக நகரா மண்டபம் ,புது மண்டபம் ,விட்டவாசல்,தேர்கள்,விளக்குத்தூண்  ,
பத்துத்தூண்,வழியாக சென்று  திருமலை மன்னர் அரண்மனை சென்று சேர்ந்தது .தொல்லியல் மண்டல உதவி இயக்குனர் கணேசன் அரண்மனை வரலாறு கூறினார் .மாவட்ட சுற்றுலா அலுவலர்
க .தர்மராஜ் தலைமையில் உதவி சுற்றுலா அலுவலர்கள்
இரா .இரவி ,சிவகுமார் ,உமாதேவி , ஜெயந்தி ,பணியாளர்கள் பி .ஜே .ஆண்டனி ,நீலமேகம் ,தேவநாதன் ,மாரிமுத்து  ஆகியோர் விழாவிற்கான ஏற்பாடுகளை சிறப்பாக செய்து இருந்தனர் . 

வியாழன், 26 செப்டம்பர், 2013

ஹைக்கூ ( சென்ரியூ ) கவிஞர் இரா .இரவி !

ஹைக்கூ   ( சென்ரியூ )  கவிஞர்  இரா .இரவி !

தொட்டில் கட்டில் 
மூங்கில் 
வாழ்க்கை !

மருமகள் உடைத்தால் 
பொன்குடம் 
உடையுமா பொன்குடம் !

பசி ஏப்பத்தில் மக்கள் 
புளி ஏப்பத்தில்
அரசியல்வாதிகள் !  

மணலை கயிறாகத் திரிப்பர் 
வானத்தை வில்லாய் வளைப்பர் 
அருகில் தேர்தல்   !

வல்லவனுக்கு புல்லும் ஆயுதம் 
நல்லவனுக்கு தேவையில்லை 
ஆயுதம் !

கறுப்புக் கோழி  
இட்டது 
வெள்ளை  முட்டை !

வெற்றிக்கனி 
ஈட்டிட ஆயுதம் 
முயற்சி !

சாதனைக்கு 
வழி 
விடாமுயற்சி !

குடிகாரனின்     
உயிர் குடித்தது 
மது !

வேகத்தின் குறியீடு 
விரயமில்லா  ஆற்றல்  
கொம்பில்லாக் குதிரை !

என் முதுகு 
எனக்குத் தெரியும் 
கண்ணாடியில் !

நம் உள்ளம் 
நமக்குத் தெரியும் 
நம்மை உணர்ந்தால்  !

செவ்வாய், 24 செப்டம்பர், 2013

இன்று 24.9.2013. தி இந்து தமிழ் நாளிதழில் வந்த பொது அறிவுத் தகவல்களை வைத்து எழுதிய புதுக்கவிதை .

இன்று 24.9.2013. தி இந்து தமிழ் நாளிதழில் வந்த பொது அறிவுத் தகவல்களை வைத்து எழுதிய புதுக்கவிதை .   

என்னவளே  !  கவிஞர்   இரா .இரவி !

என்னை எறும்பாக்கியவள்  நீ  !
ஆம் உன்னால் 
தூங்காத  எறும்பு ஆனேன் !
எறும்பு  தூங்குவதில்லை !
உன்னைக் கண்ட நாள் முதலாய் 
நானும் தூங்குவதே   இல்லை  !
எறும்பு ஒய்வது இல்லை 
நானும் ஓயவில்லை !
----------------------------------------------
மரங்கொத்தி பறவை மரத்தை 
ஒரு நொடியில் 20 முறை கொத்தும் !
மனம்  கொத்தி  பறவையான  நீ 
ஒரு நொடியில் 100 முறை கொத்துகின்றாய் !
அலகால்  கொத்தும் பறவை அது !
அழகால் கொத்தும்  பாவை நீ 
--------------------------------------------------
.தலை துண்டிக்கப்பட்டாலும் 
ஒன்பது நாள் உயிர் வாழும் 
கரப்பான் பூச்சி !
நம் உறவு துண்டிக்கப்பட்டால் 
நிமிடத்தில் என் உயிர் பிரியும் !
எந்தன் உயிர் 
உந்தன் உறவில் உள்ளது .
 --------------------------------------------------
ஒரு நத்தையால்  மூன்று 
ஆண்டுகள் தூங்க  முடியும்  !
என்னவளே நீ என்னோடு 
இருந்தால் என்னாலும்  முடியும் !
கவலையின்றி கட்டி அணைத்து 
தூங்கிக்  கொண்டே இருக்கலாம் !
---------------------------------------------------------
மலை வாழ் மைனா 
மனிதர்கள் போல பேசும் !
இல்லம் வாழ் மைனா நீ 
என்னைப் போலப்  பேசு 
நான் பேசியதை அப்படியே 
நீ பேசினால் எப்போதும் 
நமக்குள் வராது ஊடல் !
---------------------------------------------------------
பேசும்  பச்சை கிளிக்கு
நினைவாற்றல் உண்டு  !
பைங்கிளி  உனக்கும் 
நினைவாற்றல் உண்டு  !
அன்று நான் சொன்னதை 
அன்றே மறந்து இருப்பேன் 
அன்று சொன்னதை மறக்காமல் 
என்றும் சொல்லும் நினைவாற்றல்
 மிக்கவள் நீ !
-------------------------------------------------------------
யானையின் உருவம் மட்டுமல்ல 
நினைவாற்றலும் பெரிது !
என்னவளும் யானை மாதிரிதான் 
உருவத்தால் அல்ல !
உள்ளத்தால்  நினைவாற்றலால்     
----------------------------------------------------------
பறக்கும் புறாவிற்கு 
மணம்  தெரியும் !
பாவை என் புறாவிற்கு என் 
மனம் தெரியும் !
--------------------------------------------------------
சிறுத்தை கர்ஜிக்காது ஆனால் 
பலம் மிக்கது !
என்னவளும்  கர்ஜிப்பதில்லை ஆனால் 
பலம் மிக்கவள் !
--------------------------------------------------
நன்றி !  தி இந்து தமிழ் நாளிதழ் 


ஞாயிறு, 22 செப்டம்பர், 2013

6 மெழுகு வர்த்திகள் !திரைப்பட விமர்சனம் கவிஞர் இரா .இரவி .

6 மெழுகு  வர்த்திகள் !

நடிப்பு ; ஷாம் ,  பூனம் கௌர்  !

இயக்கம் ;துரை 

இசை ;ஸ்ரீகாந்த் தேவா !

திரைப்பட விமர்சனம் கவிஞர் இரா .இரவி .

நடிகர் ஷாம் நல்ல நடிகர் என்பதை வெளிப்படுத்தி உள்ள படம் .ராம் என்ற பத்திரமாகவே மாறி உள்ளார் .தாடி வளர்த்து ,கண்களை வீங்க வைத்து தன்னை மிகவும் வருத்தி நடித்து உள்ளார் .இனிவரும் காலம் கதாநாயகியோடு பாட்டுப்பாடி மட்டும் நடித்து வெற்றி பெற முடியாது என்பதை உணர்ந்து . 2 ஆண்டுகள் கஷ்டப்பட்டு நடித்து உள்ளார். பாராட்டுக்கள் .கதாநாயகி பூனம் கௌரும்  நன்றாக நடித்து உள்ளார் .
.
கணினி பொறியாளர் தம்பதிகளின் மகன் கெளதம் .வயது  6.பிறந்த நாளை சிறப்பாகக் கொண்டாடி விட்டு  கடற்கரைக்கு   செல்கின்றனர். மகன் கெளதம் தொலைந்து  விடுகிறான் .குழந்தைகளைப்  பிச்சை எடுக்க பயன்படுத்தும்  கும்பல் கடத்தி விடுக்கிறது .கெளதமை தேடி அலைகிறார் ஷாம்.

காவல் நிலையம் செல்கிறார் .பயன் இல்லை .துப்பு கிடைத்து ஆந்திரா செல்கிறார் .அங்கிருந்து கெளதமை வேறிடம் கொண்டு சென்று விட்டார்கள் என்று அறிந்து போபால் செல்கிறார்,மும்பை  செல்கிறார் .கல்கத்தா செல்கிறார் .எப்படியும் மகனை மீட்பது என்ற உறுதியுடன் பயணித்து கடைசியில் மகனை மீட்டு விடுகிறார் .இதுதான் கதை .  

படம் பார்க்கிறோம் என்பதை மறந்து நமது பையன் தொலைந்து விட்டால் என்ன உணர்வு ஏற்படுமோ அந்த உணர்வு படம் பார்க்கும் அனைவருக்கும்  ஏற்படுகின்றது .இயக்குனர் துரையின் வெற்றி. அவரே படத்தின் பாடல்களும் எழுதி உள்ளார் .இசை ஸ்ரீகாந்த் தேவா பின்னணி இசை மிக நன்று .

கடத்தல் கும்பல் குழந்தைகளை கடத்து விடுகின்றன .மிரட்டி பணம் கேட்கிறார்கள்  .  மனைவி  முலம் ஏற்பாடு  செய்து  .வங்கியில் போடுகிறான் .மகனை மீட்க்கும் நேரத்தில் பெண் குழந்தை அழுது  ஓடி வருகிறது .அந்தக் காட்சியைப் பார்த்து மனம் பொறுக்க  முடியாமல் , அந்தக் கும்பலிடமிருந்து    அந்தப்பெண் குழந்தையை காப்பற்றுகின்றான் .வெளியே கொண்டு சென்று பத்திரிக்கை அலுவலக வாசலில் விட்டு  அங்குபோய் சொல் என்று சொல்லி விட்டு திரும்பி வரும்போது அவர் மகன் கௌதமை வேறு ஊருக்கு கடத்தி கொண்டு செல்கின்றனர் .பணமும் இழந்து விடுகிறார் .மனம் வலிக்கின்றது மனிதாபிமானத்தில் பெண் குழந்தையைக் காப்பாற்ற தன்  குழந்தை கிடைக்காமல்  போகிறது .

கடத்தல் கும்பலுடன்  தனி மனிதனாக சண்டை இடுகின்றார் .மகனைத் தேடி பயணித்து நாள் ஆக ஆக மனைவி கிடைக்கவிட்டாலும் பரவாயில்லை .நான் மிகவும் இங்கு சிரமப்படுகிறேன் .நீங்கள் உடன் வாங்க உங்களுக்கு எத்தனை பிள்ளை வேண்டுமானாலும் பெத்துத் தருகிறேன் .என்றபோது நீயா இப்படி பேசுகிறாய் .நான் நம் மகனுடன்தான் வருவேன் என்று சொல்லி தேடி அலைகிறார் .மன உறுதியுடன் தேடி மகனை அடைகிறார் .மிக உருக்கமான நடிப்பு .நல்ல நடிகர் ஷாமை  இது வரை எந்த இயக்குனரும் சரியாகப் பயன்படுத்த வில்லை என்றே சொல்ல வேண்டும் .குழந்தையைப்  பறி கொடுத்தவர்கள்  மனம் படும் பாட்டை திரையில் வடித்துள்ளார் இயக்குனர் துரை .

நடிகர் ஷாம் ராம் என்ற தந்தை பாத்திரமாகவே மாறி தன்  மகன் கௌதமிடம் அன்பு செலுத்தும் காட்சி நெகிழ்ச்சி .தன் மகனுக்கு    நீச்சல் கற்றுக் கொடுக்க சென்று நீச்சல் பயற்சியாளரிடம்  கடிந்து கொள்ளும் காட்சி . பாசமாக ,அன்பாக ,செல்லமாக வளர்த்த  மகன் வயது 6 .காணாமல் போனதும் துடித்து விடுகிறார் .வசனம் மிக நன்று .எழுத்தாளர் ஜெய மோகன் எழுதி உள்ளார் .குழந்தைகளைக் கடத்தும் கும்பலின் கன்னத்தில் அறைவதுப் போன்ற வசனங்கள் .

மிக வித்தியாசமான படம் .பார்க்கலாம் .நடிகர் ஷாம் நடிப்பையும் ,இயக்குனர் துரையின்  உழைப்பையும் பாராட்டலாம் .

ஆயிரம் ஹைக்கூ நூல் விமர்சனம் இனிய நண்பர்,கவிஞர் பொன் .குமார் .சேலம்

ஆயிரம் ஹைக்கூ நூல் விமர்சனம் 
இனிய நண்பர்,கவிஞர் பொன் .குமார் .சேலம்

ஒரு வானம் இரு சிறகு ! நூல் ஆசிரியர் கவிவேந்தர் மு .மேத்தா ! நூல் விமர்சனம் கவிஞர் இரா .இரவி !

ஒரு வானம் இரு சிறகு ! 

நூல் ஆசிரியர் கவிவேந்தர் மு .மேத்தா  !

நூல் விமர்சனம் கவிஞர் இரா .இரவி !
கவிதா வெளியீடு .த  பெ .எண் 6123. 
8.மாசிலாமணி தெரு , பாண்டி பஜார் , தியாயராயர் நகர் , சென்னை   600017.தொலைபேசி 044-24364243.

நூல் ஆசிரியர் கவிவேந்தர் மு .மேத்தா அவர்கள் நாடு அறிந்த நல்ல கவிஞர் .புதுக்கவிதை  தாத்தா என்று செல்லமாக  அழைக்கக் கூடிய கவிஞர் .கவிவேந்தர் என்பதையும் தாண்டி நல்ல மனிதர் .தமிழ்த்தேனீ இரா .மோகன் ,தமிழ்ச்சுடர் நிர்மலா  மோகன் , நான் மற்றும் பட்டிமன்ற அணியினரும் சென்னை சென்றபோது  கவிவேந்தர் மு .மேத்தா இல்லம்  சென்று இருந்தோம் .இன்முகத்தோடு வரவேற்று உபசரித்தார்கள் .பெரிய கவிஞர் என்ற பந்தா துளியும் இல்லாதவர் கவிவேந்தர் மு .மேத்தா .அவரை பலமுறை சந்தித்து இருக்கிறேன். அலைபேசியிலும் பேசி இருக்கிறேன் .நல்ல மனிதர் .பிறகுதான் கவிஞர் .கவிவேந்தர் மு .மேத்தா அவர்கள்தான் எல்லோரும் புதுக்கவிதை எழுதிட வழியை திறந்து  விட்டவர் .அவருடைய நூல் படித்து கவிஞர் ஆனவர்கள் உண்டு .

நூலில் உள்ள எல்லாக் கவிதைகளும் பிடித்து இருந்தாலும் ,பதச் சோறாக சில மட்டும் உங்கள் ரசனைக்கு இதோ !

சூரிய சந்திரரும் 
சும்மா இருக்கையில் 
விளக்கிற்குக் கேட்குதாம் விளம்பரம் ...

இந்தக் கவிதை படித்தவுடன் குறை குடம் கூத்தாடும் .என்ற பொன்மொழி நினைவிற்கு வந்தது .

இந்த நூலில் கவிவேந்தர் மு .மேத்தா  அவர்கள் ஹைக்கூ கவிதைகளும் எழுதி உள்ளார்கள் .அவர் அன்று எழுதியது இன்றும் பொருந்துவதாக உள்ளன .

பதவிக்காக வலை விரிக்கப்பட்டது 
பதவியும் வலையாய்  விரிக்கப்பட்டது 
கண் விழித்தால் இந்தியாவைக் காணவில்லை ! 

இன்றைய அரசியல்வாதிகள் இந்தியாவை விலைபேசி விற்றாலும் விற்று விடுவார்கள் .

நீதித் துறையிலும் சிலரிடம் நேர்மை குறைந்து வருவதை உணர்த்தும் விதமான கவிதை ஒன்று .மிக நன்று .

நீதி !

நியாயங்களின் விலை 
இங்கே 
அதிகமாகி விட்டது !
எனவேதான் 
ஏழைகளால் 
அதை வாங்க இயலவில்லை !
சட்டம் என்பது 
வசதி படைத்தவர்களுக்கு 
வகுத்துக் கொடுத்த 
சௌகரியமாகிவிட்டது !

இன்றைய கல்வி முறை குழந்தைகளைக் கசக்கிப் பிழியும் விதமாக உள்ளன .கழுதை பொதி சுமப்பதைப்  போல குழந்தைகள்  பொதி சுமக்கும் அவலம் .எறும்பைப்  போல தன்  எடையை விட கூடுதலான எடை  சுமக்கும் பிஞ்சுகள் .மனிதாபிமானமற்ற கல்வி முறை மாற வேண்டும்  .மழலை மொட்டுகளின் சிரமத்தைப் படம் பிடித்துக் காட்டும் கவிதை

முதுகில் ஒரு மூட்டை !

மேதைகள் 
இப்போது 
சீதைகள் மாதிரி 
சிறையிருக்கிறார்கள் 
அசோகவனத்தில்  !

கல்வி இங்கே 
இதயத்தில் சுமக்கும் 
இனிமையாய் இல்லாமல் 

முதுகில்  சுமக்கும் மூட்டையாகிவிட்டது 
கொடுமை என்னவென்றால் 
குழந்தைகலெல்லாம்  கூனிகளாயினர் !

கலைமகளின் வீணையை 
ஏலம் போடுகிறார்கள் 
அன்பான அரசியல்வாதிகள் ! 

பட்டிமன்ற   மேடைகளில் பலரால் மேற்கோள் காட்டப்பட்ட கவிதை .
விழாத விழா !

இங்கே மரம்நடு விழாக்களை 
நடத்த வேண்டாம் !
இனிமேல் 
மனிதர்களை நடுகிற   
விழாக்களை  நடத்துவோம் 
சிலரை விட்டு வைப்பதை விட 
நட்டு வைப்பதே நல்லது .

ஊடகங்கள் நமது பண்பாட்டை சிதைத்து வருகின்றன .ஆண்கள் சிலர் காமுகர்களாக மாறி வருகின்றனர் .நாட்டில் வன்முறை பெருகி வருகின்றன .திருவள்ளுவர் ஒழுக்கத்தை உயிர்க்கு மேலாக 
வலியுறுத்தினார் .பண்பாடு போதிக்கும் விதமான கவிதை .

தலைகள் !

இராமனாகத்தான் வீட்டிலிருந்து 
வெளியே வந்தான் 
வீதியில் 
அடுத்தவீட்டு சீதைகள் 
அசைந்து நடந்த 
அழகைப் பார்த்ததும் 
தயங்கித் தயங்கி 
தலைகள் முளைக்கவே 
இராவணன் ஆனான் !

பத்துத்தலை இராவணனாவது 
தன் மனத்தில் 
ஒரு சீதையை 
ஒளித்து  வைத்திருந்தான்   
இந்த ஒரு தலை 
இராவணர்களின் 
உள்  மனதில் 
எத்தனை  சீதைகள் 
இருக்கிறார்களோ ?

இன்று குடி குடியை பெருமளவில் கெடுத்து வருகின்றது .மனிதநேய ஆர்வலர்கள் அனைவரும் கவலை கொள்ளும் விதமாக சமுதாயத்தில் பள்ளி , கல்லூரி மாணவர்கள் சீருடையோடு மதுக்கடை சென்று மது அருந்தும்  பழக்கம் நோய் போல பரவி  வருகிறது .  நாட்டில் மதுவிலக்கு  வராதா ? என குடும்பத்தில்  உள்ளோர் ஏங்கி வருகின்றனர் . மதுவின்  கொடுமை பற்றிய கவிதை .

தீபங்கள் தீ வைக்கலாமா ?

சுதந்திர பூமியில் 
அவர்கள் 
மதுவின் அடிமைகள் 
மதுக்குவளையை 
அவர்கள் காலி செய்கிறார்கள் !

அதற்கு பதிலாக 
அவர்கள் குடும்பத்தாரின் 
கண்ணீரை 
அது நிரப்பிக் கொள்கிறது !

காந்தியடிகளை தமிழனாகப் பிறக்க வேண்டும் என்று ஆசைப்பட வைத்த திருக்குறளை எழுதிய திருவள்ளுவர் பற்றிய கவிதை நன்று .
செவிகளின் சிம்மாசனம் !

உள்ளங்கள் தோறும் 
உள்ளவர் - எங்கள் 
வள்ளுவர் !

ஒன்றே முக்கால் அடியால் 
உலகை அளந்த 
வல்லவர் !

அணுகும் உணர்ச்சிகளை 
அடக்கி வாசித்துப்      
பொய்யென்ற  
புணுகு பூசாத புலவர் !
இலக்கிய உலகத்தின் எவரெஸ்ட் !    

உடலால் மறைந்தபோதும் பாடலால் என்றும் வாழும் மகாகவி பாரதியார் பற்றிய கவிதை மிக நன்று .
பாரதி - என் தந்தை !

ஒவ்வொரு முறை 
படிக்கும்போதும் 
ஒவ்வொரு விதமாய் 
தருமமாய் 
தைரியமாய் 
ஞானமாய் 
நாணமாய் 
ஓ 
புரிகிறது 
அவன் ஒரு 
புத்தகமல்ல 
புத்தகசாலை ! 

சிந்திக்க வைக்கும் கவிதைகளின் தொகுப்பாக உள்ளது .புதுக்கவிதை எப்படி ? எழுத  வேண்டும் என்ற வகுப்பாக உள்ளது .புதுக்கவிதை எழுத வேண்டும் என்ற ஆசை உள்ள அனைவரும் படிக்க வேண்டிய நூல் .

நூல் ஆசிரியர் கவிவேந்தர் மு .மேத்தா  அவர்களுக்கு பாராட்டுக்கள் .சமுதாயத்தை நெறிப்படுத்த வேண்டும் என்ற நோக்கோடு எழுதி வரும் அவரது கவிப்பயணம் தொடர வாழ்த்துக்கள் .

சனி, 21 செப்டம்பர், 2013

ஹைக்கூ ( சென்ரியூ ) கவிஞர் இரா .இரவி !

ஹைக்கூ  ( சென்ரியூ  ) கவிஞர் இரா .இரவி !

உளியால் செதுக்குமுன் 
மனத்தால் செதுக்கினான் 
சிற்பி !

அழியாமல் இருந்தது 
நீரில் வரைந்த  ஓவியம் 
புகைப்படம் !

ஒளிருவதில்லை 
தீட்டும்முன் 
வைரம் !

வருந்துவதில்லை 
நிறத்திற்காக  
காகம் !

முட்டையில் இருந்து 
கோழி மட்டுமல்ல 
சேவலும் வரும்  !

சின்ன மீன் போட்டு 
சுறா மீன் பிடிப்பு 
அன்பளிப்பு !

கிணறுதான் 
கடல் 
தவளைக்கு  !

உதட்டில் தேன் 
உள்ளத்தில் தேள் 
அரசியல் !

நிறைய கேள் பார் 
குறைவாகப் பேசு 
ஒன்றுதான் வாய் !

நீச்சுத் தெரியாமலே 
மிதந்தது 
குளத்தில் நிலா !  

குடிகாரனுக்கு எதிரி 
வெளியில் இல்லை உள்ளே 
நாக்கு !

காண்பதும் பொய் 
சுற்றுவதாகத் தோன்றும் 
சுற்றாத சூரியன் !

எரிந்தது விளக்கு 
எண்ணை திரி இன்றி 
மின்ம்னி !

ஒரு எலும்பு இல்லை 
பல நரம்பு உண்டு 
நாக்கு !

உணர்த்தியது 
நிலையாமையை 
உதிர்ந்த இலை !  

ஆயிரம் ஹைக்கூ நூலிற்கு இனிய நண்பர் எழுத்தாளர் இந்திரா சௌந்தரராஜன் அவர்களின் விமர்சன மடல்

ஆயிரம் ஹைக்கூ நூலிற்கு இனிய நண்பர் எழுத்தாளர் இந்திரா சௌந்தரராஜன் அவர்களின் விமர்சன மடல்

ஹைக்கூ ( சென்ரியூ ) கவிஞர் இரா .இரவி !

ஹைக்கூ  ( சென்ரியூ  ) கவிஞர் இரா .இரவி !

இலை குலை   தந்தும்
வெட்டினான்  வாழையை
திருமணம் !


கண்ணில் தெரிவதில்லை
கடல் நீரில்
உப்பு !

பூனையிடம்
சிக்கிய எலியாக
மக்கள் !

ஊரெல்லாம் பிரபலம்
வீட்டில் இடி
படைப்பாளி !

கொடியது
வாதத்தை விட
பிடிவாதம் !

சின்னத் திருட்டு சிறை
பெரியத் திருட்டு குளு  குளு அறை
ஊழல் !

போக்குவரத்துக்கு நெரிசல்
வானத்திலும் வந்தது
விமானம் !

கையில் ஜெபமாலை
கண்ணில் காமம்
சாமியார் !

கிணற்றில்  தள்ளி
கல்லையும் போடுகின்றனர்
விலைவாசி !

ருசிதான்
வேப்பம் பழமும்  
காகத்திற்கு  !

அடங்கு
வீரியத்தை விட
காரியம் பெரிது !
.
கத்தரிக்காய் வாங்கினால்
பூசணிக்காய் இலவசம்
ஏமாற்று வணிகம் !

கட்டுப்படுத்தும்
கால் விலங்கு
மனைவி !

விவசாயத்தின்
ஒரு அங்கம்
களை எடுப்பு !

தானியம் தராவிட்டாலும்
அழகுதான்
பசும்புல் !  




நன்றி
அன்புடன்
கவிஞர் இரா .இரவி

www.eraeravi.com

www.kavimalar.com

http://www.eraeravi.blogspot.in/
.
http://www.tamilthottam.in/f16-forum

http://eluthu.com/user/index.php?user=eraeravi

http://www.noolulagam.com/product/?pid=6802#response*

இறந்த பின்னும்
இயற்கையை ரசிக்க
கண் தானம் !

வெள்ளி, 20 செப்டம்பர், 2013

.கொஞ்சல் வழிக் கல்வி ! நூல் ஆசிரியர் கவிஞர் தபூ சங்கர் . நூல் விமர்சனம் கவிஞர் இரா .இரவி !


.கொஞ்சல் வழிக் கல்வி !

நூல் ஆசிரியர் கவிஞர் தபூ சங்கர் . thabushankar@yahoo.com

நூல் விமர்சனம் கவிஞர் இரா .இரவி !
விஜயா பதிப்பகம் .20 ராஜ வீதி கோவை .விலை ரூபாய் 70.
தொலைபேசி ; 2394614.

நூல் ஆசிரியர் கவிஞர் தபூ சங்கர் அவர்கள் காதல் கவிதைகள் எழுதியே புகழ் அடைந்து  விட்டார் .இவருடைய நூல் என்றால் விஜயா பதிப்பகத்தாரும் தனி கவனம் செலுத்தி, கட்டி அட்டை ,அழகிகளின் புகைப்படங்கள் ,உள்  அச்சு யாவும் மிக நேர்த்தியாக உள்ளன .நூலை பார்த்தாலே வாங்க வேண்டும் என்ற எண்ணத்தைத் தூண்டும் வண்ணம் வடிவமைப்பு .காதலர்கள் நேசிப்பது காதல் .காதலர்கள் பரிசளிப்பது தபூ சங்கர் நூல்கள் .இப்போதெல்லாம்  காதலர்கள் காதலிக்கு காதல் கடிதம் தருவதில்லை .தபூ சங்கர் நூலையே காதல் கடிதமாகத் தருகிறார்கள் .அந்த அளவிற்கு புகழ் பெற்று விட்டது .இந்த நூல் குறுகிய நாட்களில் நான்கு பதிப்புகள் வந்து விட்டன . ' அஞ்சல் வழிக் கல்வி '  என்று எல்லோராலும் அறியப்பட்ட சொல்லில் முதல் எழுத்தான அ எடுத்து விட்டு கொ என்று எழுதி 'கொஞ்சல் வழிக் கல்வி'என்று  வித்தியாசமாக எழுதி வெற்றி பெறுகின்றார் 
.
திரைப்படத்திற்கு ஆங்கிலச்சொல் கலப்பின்றி தமிழில்தான் எழுதுவேன் என்ற கொள்கையில் உறுதியோடு பாடல்கள் எழுதி வரும் இனிய கவிஞர் அறிவுமதி அவர்களின் அணிந்துரை மிக நன்று .நூல் ஆசிரியர் கவிஞர் தபூ சங்கர் காதலை மட்டும் எழுதுவதோடு நின்று விடாமல் பொது அறிவு வளர்க்கும் விதமாக பல தகவல்களும்  கவிதைகளில் தந்துள்ளார் .நூலில் உள்ள எல்லாக்  கவிதைகளிலும் காதல் ரசம் வழிந்தாலும் பதச்சோறாக சில மட்டும் உங்கள் ரசனைக்கு இதோ !

மீன்கொத்திப் பறவை 
தான் சாப்பிட்ட மீன்களின் 
முட்களைக் கொண்டே 
கூடு கட்டிக் கொள்கிறது ! 

மனங்கொத்திப் பறவை 
நீயோ 
முதலில் என் இதயத்தில் 
கூடு கட்டிக் குடியேறிவிட்டு 
பிறகு என் இதயத்தையே 
சாப்பிடுகிறாய் !  

மீன் கொத்திப் பறவை மீன் முட்களால் கூடு கட்டும் என்ற தகவலை மிக லாவகமாகக் கவிதையில் பதிவு செய்துள்ளார் .

இந்தியாவில் ஆளுநர் ஆவதற்கு  
35 வயத்க்கு மேல் 
ஆகியிருக்க வேண்டும் !

நீ மட்டும் 
22 வயதிலேயே 
என்னை ஆளுகிறாயே !

காதலி காதலனை ஆளுகிறாள் என்பதை ஆளுநர் பதவிக்கான வயதைச் சொல்லி உணர்த்தும் உத்தி மிக நன்று .

ஞானம்  பெறுவதற்கு முன் புத்தர் 
பொதி மரத்தின் கீழ்  
49 நாட்கள் அமர்ந்திருந்தார் !

ஆனால் 
உன் நிழலின்  கீழ்  
ஒரே ஒரு நொடி நின்று 
ஞானமாகப் பெற்றவன் நான் !

நூலின் தலைப்பில் உள்ள கவிதையும் ஒரு தகவலைத் தருகின்றது .பாருங்கள் .

அஞ்சல் வழிக் கல்வியை 
முதலில்  தொடங்கியது 
டெல்லி பல்கலைக் கழகம் !

கொஞ்சல்  வழிக் கல்வியைத்  
தொடங்கியது நீ !

காதலியிடம் காதலைச் சொல்வதில் உள்ள பயத்தை மிக வித்தியாசமாக உணர்த்துகின்றார் .அதிலும் ஒரு தகவல் உள்ளது .

பெண்களைவிட ஆண்களுக்கு 
இருமடங்கு வியர்க்கிறது !

ஆமாம் ஆமாம் 
உன்னிடம் காதலைச் சொல்வதற்குள் 
என்னைச் சுற்றி 
ஒரு வியர்வை நதியே 
ஓட ஆரம்பித்துவிட்டதே !

காதல் கவிதை என்றால் முத்தம் பற்றிய கவிதை இடம் பிடித்து விடும் .நூல் ஆசிரியர் கவிஞர் தபூ சங்கர் கவிதை எழுதும் பொது பேனா மையிக்குப் பதிலாக காதல் மை தொட்டு எழுதுவார் போல .முத்தம் வேண்டும் என்று ஒரு கவிதை .

அந்தக்காலத்தில் தன் வீரர்களுக்கு 
சம்பளத்தில் பாதியை 
உப்பாகக் கொடுத்திருக்கிறது 
ரோமாபுரி !

நீ உன் காதலில் பாதியை 
எனக்கு முத்தமாகக் 
கொடுத்து விடு ! 

விவிலியத்தில் பயப்படாதே என்ற சொல் 365 இடங்களில் வருகிறது என்பதை அறிந்து அதையும் ஒரு தகவலாக கவிதையில் எழுதி உள்ளார் .

பயப்படாதே என்ற சொல் 
பைபிளில் 365  இடங்களில் வருகிறது !
ஆனால் பைபிள்  யாரையும் பயமுறுத்தவில்லை !

நீயோ எப்போதும் என்னை 
உன் அழகால் 
பயமுறுத்திக் கொண்டே இருக்கிறாய்  !

ஆனால் உன் மேனியில் ஒரு இடத்தில கூட 
இறைவன் எழுதவே இல்லை 
பயப்படாதே என்று !

அறிவியலோடு   எள்ளல்  சுவையுடன் காதலை ஒப்பிட்டு எழுதி உள்ளார் .மிக நன்று .

உணவில் அதிகம்  மீன் சேர்த்துக் கொண்டால் 
அது நோயகளிலிருந்து 
நம் இதயத்தைக்  காக்குமாம் !

நல்ல வேடிக்கை !
என் இதயத்தை அதிகம் தாக்குவதே 
கண்கள் என்கிற  பெயரில் 
நீ வைத்திருக்கும் மீன்கள்தான் !

நூல் ஆசிரியர் கவிஞர் தபூ சங்கர் அவர்களுக்கு பாராட்டுக்கள் .கவிதைகளில் பொது அறிவுத் தகவல் எழுதும்   உத்தியை இனி எல்லோரும்  கடைபிடிக்கலாம் .மிக நேர்த்தியாக பதிப்பித்து உள்ள விஜயா பதிப்பகத்திற்க்கும் பாராட்டுக்கள் 

-- 

.


நன்றி
அன்புடன்
கவிஞர் இரா .இரவி

http://www.eraeravi.blogspot.in/
.

இறந்த பின்னும்
இயற்கையை ரசிக்க
கண் தானம் !

வியாழன், 19 செப்டம்பர், 2013

ஆயிரம் ஹைக்கூ♥ நூல் ஆசிரியர் ! இரா.இரவி♦ நூல் விமர்சனம் ! ஞா.சந்திரன்

ஆயிரம் ஹைக்கூ♥

நூல் ஆசிரியர் ! கவிஞர் இரா.இரவி♦

நூல் விமர்சனம் !  
 ஞா.சந்திரன்! முதுநிலைத் தமிழாசிரியர் !புனித மரியன்னை மேல்நிலைப் பள்ளி ,மதுரை .♦

இந்நூலை படிக்க படிக்க இனிக்கிறது.படித்து முடித்தப் பிறகு மனம் இந்நூலை மட்டுமே நாடுகிறது.இலவசமாக தமிழ்வழிக்கல்வி கொடுத்தும் ஆங்கிலத்தையே மக்கள் நாடுவதை''

கூலி கொடுத்தும்
கரும்பு தின்ன மறுக்கின்றனர்
தமிழ்வழிக்கல்வி"

ஏழைகள் தூரத்திலும்;காசு உள்ளவர்கள் கடவுள் காலடியில் நின்று வணங்க கோயிலில் அனுமதிப்பதை

"கடவுளின் முன்
அனைவரும் சமம்
சிறப்பு தரிசனம்?".

நம் நாட்டை சுற்றி கடல் மட்டும் இல்லை கடனும் இருக்கிறது என்பதை,

"அரசுக்கு
சளைத்தவனல்ல குடிமகன்
கடன் பெறுவதில்"....

என்பது போன்ற ஹைக்கூ கவிதைகள் சமுதாய சரவெடிகளாக வெடிக்கின்றன.சுற்றலா அலுவலர் இரவி
சுற்றி வளைக்காமல் மனதில் பட்ட கருத்துக்களை மனதைச்சுட்ட கருத்தக்களை நேரடியாக வௌிக்காட்டியுள்ளார்.இந்நூலில் இருப்பது 'ஹைக்கூ கவிதைகள் அல்ல;ஹைடெக் கவிதைகள்".

தொடரட்டும் உம் கவி பணி♥
வாழ்த்துகள்♦நட்புடன் ஞா.சந்திரன்♥

துளிப்பா நாளிதழ் 19.9.2013

துளிப்பா நாளிதழ் 19.9.2013

ஹைக்கூ ( சென்ரியூ ) கவிஞர் இரா .இரவி !

ஹைக்கூ  ( சென்ரியூ  ) கவிஞர் இரா .இரவி !

விலை ஏற ஏற 
ரத்த  அழுத்தம் ஏறியது 
பெட்ரோல் ( எரிபொருள்  )

வாக்குக் கேட்டு வரட்டும் 
வைப்போம் வேட்டு 
சினத்தில் மக்கள் ! 

எங்கும் ஊழல் 
எதிலும் ஊழல் 
மக்களாட்சி !

மாறியது ஆத்திச்சூடி  
படிப்பதை விட 
பிச்சை எடுப்பது மேல் !

வெறுத்தார்கள் தங்கம் 
தமிழ்நாட்டுப் பெண்கள் 
கனவு !

துண்டு விழுந்தது 
திட்டமிட்டதில் 
குடும்பச் செலவு ! 

பெரிய யானையை மிரட்டியது 
சிறிய எறும்பு 
காதில் நுழைந்து !

கருவுருமுன் 
பெயர் வைத்தார்கள் 
பிரதம வேட்பாளர் அறிவிப்பு !

விழி வழி  இன்பம் 
காண்பது சுகம் 
மலரும் மொட்டு !

கூந்தலின் மணம் இயற்கையா ?
செயற்கையா ? இருக்கட்டும் 
செயற்கையாக மனம் !

இடம் பெற்றார் 
வரலாற்றில் அசோகர் 
மரம் நட்டதால் !

சொல்லியது அனுபவம் 
தோலின் சுருக்கம் 
தாத்தா !

குடை இருந்தும் 
பயனில்லை 
பெரு  மழை ! 

வருங்கால சந்ததிகளின் 
வளமான வாழ்வுக்கு 
மழை நீர் சேமிப்பு !

பார்வையற்றோரிடம் 
திருடுபவன்   
கொடூரன் !


-- 

செவ்வாய், 17 செப்டம்பர், 2013

வடிகால்கள் ! நூல் ஆசிரியர் கவிஞர் பொன் .கண்ணகி ! நூல் விமர்சனம் கவிஞர் இரா .இரவி !

வடிகால்கள் !

நூல் ஆசிரியர் கவிஞர் பொன் .கண்ணகி !

நூல் விமர்சனம் கவிஞர் இரா .இரவி !

நியூ செஞ்சுரி புக் ஹவுஷ் 41.பி .சிட்கோ இண்டஸ்டிரியஸ் எஷ்டேட் ,அம்பத்தூர் ,சென்னை .600098.விலை ரூபாய் 50.
தொலைபேசி 044- 26359906.

நூல் ஆசிரியர் கவிஞர் பொன் .கண்ணகி அவர்கள் உதவி கல்வி அலுவலராக இருந்து ஒய்வு பெற்றவர் .பின்னர் ஊர் மக்களால் ஊராட்சி மன்ற தலைவராக்கப்பட்டு அதையும் திறம்பட நடத்திக் காட்டியவர் .அதிர்ந்து பேசாத மென்மையான  சுபாவம் என்றாலும்  எடுத்ததை முடித்துக் காட்டும் நெஞ்சுறுதி துணிவு மிக்கவர் . 
என்று நூலின் அணிந்துரையில் தஞ்சாவூர் தமிழ்ப் பல்கலைக் கழகத்தின் உதவிப் பேராசிரியர் முனைவர் இரா .காமராசு எழுதி உள்ளார் .பதிப்பகத்தார் உரையும்  மிக நன்று .நூல் ஆசிரியர் தன்னுரையில் கவிதைகள் வாழ்க்கை அனுபவத்தின் வெளிப்பாடு உணர்ந்த  உணர்வின்  வெளிப்பாடு  என்று எழுதி உள்ளார்கள். கவிதைகளைப் படித்து விட்டு நூல் ஆசிரியரை செல்லிடப்பேசியில்   அழைத்துப் பாராட்டினேன் .வாழ்வில் சந்தித்த சோகங்கள், அனுபவங்கள் ,கவலைகள் அதிகம் என்றார்கள் .உண்மையை கவிதையாய் வடித்ததால் கவிதைகள் படிக்க மிக நன்றாக உள்ளன . 
.
சங்க காலத்தில் ஔவையார் தொடங்கி பல பெண்பாற்ப்  புலவர்கள்  
இருந்தார்கள் .இன்று கணினி  யுகத்தில் பெண் கவிஞர்கள் எண்ணிக்கையில் மிகவும்   குறைவாகவே உள்ளனர் .இவரது கவிதைகளை  பொதிகை மின்னல் ,மின்னல் தமிழ்ப்பணி உள்ளிட்ட  பல இதழ்களில் படித்து இருக்கிறேன் .குறிப்பாக  நான் பங்குபெறும்  கோவை வசந்தவாசல் கவி மன்றத்தின் தொகுப்பு நூல்களில் இவரது கவிதைகள் படித்து உள்ளேன் .மொத்தமாக நூலாகப் படித்ததில் மகிழ்ச்சி . அட்டைப்பட ஒவியம் ,வடிவமைப்பு .அச்சு ,கை அடக்கப் பதிப்பு நேர்த்தியாக உள்ளன .நியூ செஞ்சுரி புக் ஹவுஷ் நிறுவனத்தின்  தரமான வெளியீடாக வந்துள்ளது .பாராட்டுக்கள்.

பல்வேறு இதழ்களில் பிரசுரமான கவிதைகளைத் தொகுத்து நூலாக்கி உள்ளார்கள் .முதல் கவிதையே முத்தாய்ப்பாக உள்ளது .

பீனிக்ஸ் பறவை  !

கடலில் போட்டால் 
தெப்பமாய் மிதப்பேன் !

புயலில் அகப்பட்டால் 
சிகரத்தில் அமர்வேன் !

மண்ணில் புதைத்தால் 
முளைத்துக் கிளம்புவேன் !

வெள்ளத்தில் சிக்கினால் 
எதிர்நீச்சல் அடிப்பேன் !

அம்மியில் அரைத்தால் 
சந்தனமாய்  மணப்பேன்  

நெருப்பில் போட்டால் 
தங்கமாய் மிளிர்வேன் !

சாம்பலாய் போனாலும் 
உயிர்த்து எழுவேன் !

நான் ஒரு பீனிக்ஸ் பறவை  !

தோல்விக்குத்  துவளாமல்  தொடர்ந்து முயல வேண்டும் என்பதை கவிதையில் உணர்த்தி உள்ளார் .அவர் வாழ்க்கையிலும் தொடர்ந்து போராடி உள்ளார் .கவிதைகளின் மூலம் படிக்கும் வாசகர்களை சிந்திக்க வைப்பதுதான் நல்ல கவிதை என்பது என் கருத்து .இவரது கவிதைகள்  நம்மை சிந்திக்க வைக்கின்றன .

பக்தி எங்கே ?

நான் நாத்திகன் அல்ல 
ஆனாலும் 
கோயிலுக்கு போனால் 
மனதில் பக்தி வர மறுக்கிறது  !

அம்மன் உடம்பில் 
மின்னும் ஆபரணங்கள் 
நகை போடமுடியாமல் 
திருமணம் 
தடைப்பட்டு நிற்கும் 
முதிர்  கன்னிகளை  
நினைவூட்டுகின்றன  !

குடம் கடமை 
பாலபிசேகம் 
பாலின்றி செத்துப்போன 
கடைசித்   தம்பியை 
நினைவூட்டுகிறது !

தங்கத்தால் இழைக்கப்பட்ட 
கதவுகளும் சன்னல்களும் 
ஒழுகும் என் குடிசையை 
கண்முன் கொண்டு வருகின்றன!

நிரம்பி வழியும் உண்டியல் 
வீட்டில் நிரந்தரமாய்  
தங்கிப்போன வறுமையை 
நினைக்க வைக்கிறது !

இப்போதெல்லாம் நான் 
கோயிலுக்கு போவதில்லை ! 

தீண்டாமை கொடியது பாவச்செயல் என்றார் காந்தியடிகள் .ஆனால் கணினி யுகத்திலும் தீண்டாமை தொடர்வது மனித இனத்திற்கே அவமானம் .தீண்டாமை அவலம் பற்றிய கவிதை .

தீட்டு !

பிறந்த  குழந்தை தீட்டு 
பூப்படைந்த  பெண் தீட்டு 
மாதாமாதம் பெண்களுக்கு 
ஏற்படும் உடற்கூறு 
மாற்றங்கள் தீட்டு 
மனித கழிவுகளைக் 
கையால் அள்ளும் 
நம் சோதரர்கள்  தீட்டு 
இதனையும் தீர்மானித்த 
மானிடனே !

ஊழல் செய்பவன் 
லஞ்சம் வாங்குபவன் 
ஊரைஅடித்து 
உலையில் போடுபவன் 
மனிதாபிமானமற்றவன்  
நடுத்தெருவில் பெண்களைத் 
துகிலுரியும் காமந்தக்காரன் 
இவர்களுக்கெல்லாம் ? 

கடைசியில் கேள்விக்குறியோடு முடித்துள்ளார் கவிதையை . கவிஞர் பொன் .கண்ணகி அவர்கள் சிலப்பதிகார கண்ணகி  போல அநீதி கொண்டு கொதித்து கவிதை வடித்துள்ளார்கள் .

பறப்பேன் !

பறப்பேன் பறக்க 
முயற்சிக்கும்  போதெல்லாம்
சிறகுகள் முறிக்கபட்டாலும் 
முயற்சியை 
நிறுத்த மாட்டேன் 
முயன்று பறப்பேன் !
முடியும் வரை முயலுவதல்ல எடுத்த செயல் முடியும் வரை 
முயலுவதே  வெற்றி .என்பதை  உணர்த்துகின்றது .

நகைச்சுவை நடிகர் சிறந்த சிந்தனையாளர் என் .எஸ் .கிருஷ்ணன் பாணியில் உள்ள கவிதை மிக நன்று .

காலம் மாறிப்போச்சு !

கலையில் எழுந்து 
நீராகாரம் குடிச்ச 
காலம் மாறிப்போச்சு !

பல்லு விளக்காம 
காபி குடிக்கும் 
மாற்றம் வந்தாச்சு !

கல்லூரியில் கூட   
பேராசிரியர்க்குப் பயந்த
காலம் மாறிப்போச்சு !

ஆரம்பபள்ளியில் 
ஆசிரியரை   அதட்டும் 
மாற்றம் வந்தாச்சு !

மாற்றம் நல்ல மாற்றமாக இருக்க வேண்டும் என்று அறிவுறுத்தும் விதமாக கவிதை வடித்துள்ளார் .

ஒரே வீட்டில் வாழ்ந்தபோதும் மனம் ஒட்டாமல் ஏனோ தானோ என்று வாழும் இணைகள் பெருகி விட்ட காலம் இது .அதனை உணர்த்தும் கவிதை நன்று .

இடைவெளி !
காலத்தின் கட்டாயம் 
ஒரே வீட்டில் 
அடைந்து கிடக்கிறோம்  
மனங்களுக்கு 
இடையிலான 
இடைவெளியோ 
பலகாத தூரம் ! 

மொத்தத்தில் நூல் முழுவதும்  சிந்தனை விதைக்கும் நல்ல கவிதைகள்   உள்ளன .நூல் ஆசிரியர் கவிஞர் பொன் .கண்ணகி அவர்களுக்கு பாராட்டுக்கள் வாழ்த்துக்கள் . தொடர்ந்து எழுதுங்கள் .

கம்பன் கழகத்தின் சார்பில் தமிழ்நிதி விருது வழங்கப்பட்டது.(14.8.18)

கம்பன் கழகத்தின் சார்பில் தமிழ்நிதி விருது வழங்கப்பட்டது.(14.8.18)