சனி, 26 ஆகஸ்ட், 2017

மதுரைக்கு வருகை தந்த மனித உரிமைகள் நீதியரசர் முருகேசன் அவர்களிடம் தமிழ்த்தேனீ முனைவர் இரா. மோகன் அவர்கள் எழுதிய ' கவிதை ஒளி' நூலை கவிஞர் இரா .இரவி வழங்கினார் .படம் ராஜேஷ் கண்ணா

மதுரைக்கு   வருகை  தந்த  மனித  உரிமைகள்  நீதியரசர்  முருகேசன்  அவர்களிடம் தமிழ்த்தேனீ முனைவர் இரா. மோகன் அவர்கள் எழுதிய ' கவிதை ஒளி'  நூலை கவிஞர் இரா .இரவி வழங்கினார் .படம் ராஜேஷ் கண்ணா

அருட்தந்தை கவிஞர் ஆசிரியர் லொயோலா அவர்களின் நூல்கள் வெளியீட்டு விழா படங்கள் .சிறப்பு விருந்தினர் கவிஞர் எழுத்தாளர் ஜோ மல்லூரி

அருட்தந்தை கவிஞர் ஆசிரியர் லொயோலா அவர்களின் நூல்கள் வெளியீட்டு விழா படங்கள் .சிறப்பு விருந்தினர் கவிஞர் எழுத்தாளர் ஜோ மல்லூரி 













புனித மரியன்னை தேவாலயம் ,மதுரை .படங்கள் கவிஞர் இரா .இரவி !

புனித மரியன்னை தேவாலயம் ,மதுரை .படங்கள் கவிஞர் இரா .இரவி !







முரண் ! நூல் ஆசிரியர் : அருட்தந்தை கவிஞர் லொயோலா ! நூல் விமர்சனம் : கவிஞர் இரா. இரவி !




முரண் !

நூல் ஆசிரியர் :  அருட்தந்தை கவிஞர் லொயோலா !

நூல் விமர்சனம் : கவிஞர் இரா. இரவி !

வெளியீடு : பாலா 
& மாலா பதிப்பகம், 1/2, புதிய காலனி, குரோம்பேட்டை, சென்னை-600 044.  70 பக்கங்கள் விலை : ரூ. 50
*****
      அட்டைப்பட வடிவமைப்பு, உள்அச்சு பொருத்தமான படங்கள் என அச்சிட்டு பதிப்பித்த பாலா & மாலா பதிப்பகத்திற்கு பாராட்டுகள்.  நூல் ஆசிரியர் கவிஞர் லொயோலா அவர்கள் சகலகலா வல்லவராக உள்ளார்.  அவரது ‘திசையாகும் திருப்பங்கள்’ நூலிற்கு அணிந்துரை எழுதி இருந்தேன்.  அந்த நூல், தன்னம்பிக்கை விதைக்கும் கட்டுரை நூல்.  இந்த நூல் முரண் கவிதை.  இறைப்பணியோடு இலக்கியப் பணியும் செய்து வரும் பண்பிற்கு முதல் பாராட்டு.
      இனிய நண்பர் வித்தகக் கவிஞர் பா. விஜய் அவர்களின் வாழ்த்துரை, தஞ்சைப் பல்கலைக்கழக எழுத்தாளர் இரா. காமராசு அணிந்துரை நூலின் வரவேற்பு தோரண வாயில்களாக வரவேற்கின்றன.  
ஆசிரியர் என்னுரையில் அம்மா திருமதி குழந்தை தெரஸ் அவர்களுக்கும், இனிய நண்பர் முனைவர் முதுநிலைத் தமிழாசிரியர் ஞா. சந்திரன் உள்ளிட்ட பலருக்கும் நன்றியினைப் பதிவு செய்திருப்பது சிறப்பு.
      சிவகாசிச் சிறுவர்களின் சிதைந்து போன கல்வி பற்றிய நிகழ்வை கவிதையால் காட்சிப்படுத்தி வெற்றி பெறுகின்றார்.
      சிதைந்த கனவுகள்!
      வானத்திலே வான வேடிக்கை / பூமியிலே புஸ்வானம் /      சாலையில் சரவெடி / சங்கு சக்கரமாய் /
      சுழற்சிகள் மனத்தினுள் / சிதைந்த கதவுகள் மலருமா? /
      என் போன்ற / பிஞ்சுக் குழந்தைகளுக்கு!
இக்கவிதையினைப் படித்த போது, இதே கருப்பொருளில் நான் எழுதிய் ஹைக்கூ கவிதை நினைவிற்கு வந்தது. 
      வெடித்துச் சிதறியது 
      சிவகாசிச் சிறுவர்களின்
      வாழ்க்கையும் தான்!
      நூலாசிரியர் அவர்களுக்கு இயற்கையின் மீது, சுற்றுச்சூழல் மீது மிகுந்த அக்கறை உள்ளது.  சுற்றுச் சூழலை அதிக மாசுபடுத்துவதன் காரணமாகவே ஓசோன் படலத்தில் ஓட்டை விழுந்து வெப்பமயம் அதிகரித்து வருகின்றது.  அவற்றை உணர்த்தும் வண்ணம் வடித்த கவிதை நன்று.
      ஓசோன் படலம் / ஓட்டை !! /
      நவ நாகரீக மனிதனின் கைவண்ணம் !
      இறைப்பணி செய்யும் அருட்தந்தையாக இருப்பதால் இறைவன் பற்றிய கவிதைகளும் நூலில் இடம் பெற்றுள்ளன.  எனக்கு இறைநம்பிக்கை இல்லாததால் அவற்றை மேற்கோள் காட்டவில்லை.
      மழை, இடி, மின்னல், கடல் அலை இவைகள் மக்களுக்காக குமுறுவதாகக் கற்பனை செய்து வடித்த கவிதை நன்று.
      இயற்கை குமுறுகிறது !
வானமே / ஏன் அழுகிறாய் / சமுதாய வன்கொடுமைக்கு
இரையாகும் / அப்பாவி / அடித்தட்டு மக்களின் /
அவல நிலையையும் / சுருங்கிப் போன / வயிற்றையும் / சுருக்கில் தொங்கும் விவசாயியையும் கண்டா?
விவசாயிகளின் தற்கொலைக்கு ஆட்சியாளர்கள் வருந்தாவிட்டாலும், வானம் வருந்து கண்ணீர் வடிக்கின்றது என்றா கற்பனை நன்று. இயற்கைக்கு இருக்கும் இரக்கம் கூட மனிதர்களுக்கு இல்லை என்பதை நன்கு உணர்த்தி உள்ளார்.  பாராட்டுகள். 
      இன்றைய இளைஞர்களுக்கு தன்னம்பிக்கை விதைக்கும் விதமாக பல கவிதைகள் உள்ளன.  அவற்றில் பதச்சோறாக உங்கள் பார்வைக்கு.
      மனதை விசாலமாக்கு!
தோழனே தோழியே ! / இறுக்கமான வாழ்க்கை /
இறுகிப் போன மனது / சுருங்கிப் போன இதயம் /
தெளிவற்ற சிந்தனை / வாழ்க்கையில் விரக்தி /
வெறுப்புகள் பல / நாள்தோறும் !
மனதை விசாலமாக்கு /
இதயத்தை மென்மையாக்கு / உள்ளத்தைத் தாராளமாக்கு /
பிறக்கும் மகிழ்ச்சி / உன் வாழ்க்கையில் !
கவலைகளை மறந்து குறுகிய சிந்தனைகளை விடுத்து விசாலமாக சிந்தித்தால் வாழ்க்கை வளமாகவும் நலமாகவும் அமையும் என்பதை கவிதையில் நன்கு உணர்த்தி உள்ளார் பாராட்டுகள்.
தமிழகத்திற்கு அண்டை மாநிலங்கள் செய்து வரும் வஞ்சகம் கண்டு நெஞ்சகம் பொறுக்காமல் கவிதை வடித்துள்ளார். அருட்தந்தை என்பதையும் தாண்டி தமிழர்களின் உரிமைக்காக உரக்கக் குரல் தந்துள்ளார்.  மகாகவி பாரதியார் போல ரௌத்திரம் பழகி வடித்த கவிதை நன்று. பாராட்டுகள்.
தமிழா தலை நிமிர்வது எப்போது?
குடிக்கத் தண்ணீருக்காக / ஆந்திரா, கேரளா, கர்நாடகா
      நோக்கி கூக்குரலிடுகிறாய்? தண்ணீர் தண்ணீர் என்று /             அவர்களோ உன்னை உயிரோடு உறிஞ்சுவதிலே /
      குறிக்கோளாய் இருக்கிறார்கள்.  தரத்தோடு வாழும் தமிழா!
      நீ தலை நிமிர்வது எப்போது? / நீ குட்டக் குட்டக் குனிவதால்       உன்னைக் குட்டிக் கொண்டு இருக்கிறார்கள் /
      அரசியல் பகடைக் காய்களாக / உன்னை      ஆட்டுவிக்கிறார்கள்
      நீ விழித்தெழுவது எப்போது?  இப்பாரினில் மானம் உள்ள    தமிழனாய் தலை நிமிர்ந்து வாழ்வது எப்போது?

உலகில் பிறந்த மனிதர்கள் எல்லோரும் மாற்றம் வேண்டும் என்கிறோம்.  ஆனால் பிறரிடம் மாற்றம் எதிர்நோக்கும் நம்மிடம் மாற்றம் வர சம்மதிப்பதே இல்லை. அதற்கு விடை சொல்லும் விதமாக வடித்த கவிதை நன்று.
மாற்றம்!
மாற்றம் ! மாற்றம் ! மாற்றம் ! மாற்றத்திற்காக ஏங்கும்     அன்பே
      மாற்றத்தை உன்னிலிருந்து முதலில் தொடங்கு /
      இல்லையேல் / உன்னில் எழுவது ஏமாற்றமே !

      இறுதி மூச்சு வரை தமிழ் சமுதாயத்தின் எழுச்சிக்காக
      உழைத்த மாமனிதர் தந்தை பெரியார் சொன்ன வைர வரிகள்      நினைவிற்கு வந்தன.
“உன்னை பிறர் எப்படி மரியாதையாக நடத்த வேண்டுமென்று எதிர்பார்க்கின்றாயோ? அது போலவே நீ பிறரை மரியாதையாக நடத்து”.
இயேசுவின் வாசகத்தில் சொல்வதென்றால் உன்னைப் போலவே பிறரையும் நேசி.  நூல் முழுவதும் மனிதநேயம் விதைக்கும் விதமாக பல கவிதைகள் உள்ளன.  பொதுநலம் பேண வேண்டுமென்ற கருத்தையும் கவிதைகளில் வடித்து உள்ளார்.
எல்லாம் கடந்து!
சுயநலம் கடந்து / தன்ன(ழி)ளித்து / பிறர் வாழ
      வாழ்வதும் / வீழ்வதுமே / சிறப்பு.
ஆம் பிறருக்காக வாழ்ந்த மாமனிதர்கள் காமராசர், கக்கன், அப்துல்கலாம் போன்றவர்கள் இறந்து பல வருடங்கள் ஆன போதும் இன்றும் மக்கள் நினைந்து பாராட்டுகின்றனர்.  தன்னலமறந்து பிறர் நலம் பேணியவர்கள் இறந்தபின்னும் வாழ்கிறார்கள் என்பது முற்றிலும் உண்மை.  இதுபோன்ற பல சிந்தனைகளை மலர்வித்தது கவிதை.
மதம், மனிதனை நெறிப்படுத்த படைத்ததாகச் சொன்னார்கள்.  ஆனால் இன்று மதம் மனிதனை வெறிப்படுத்தவே பயன்படுகிறது.  உலகம் முழுவதும் நடக்கும் வன்முறைக்கும், படுகொலைகளுக்கும் காரணம் மதவெறி.  பண்படுத்தப் படைக்கப்பட்ட மதம் இன்று புண்படுத்தும் வேலையை செய்து கொண்டு இருக்கின்றது.  மதம் ஒரு அபின் என்றார் லெனின்.  அவர் கூற்றை இன்றைக்கும் மெய்ப்பிக்கும் மனிதர்களைக் காண்கிறோம்.  மதம் பற்றிய கவிதை சிந்திக்க வைத்தது.
மதம்!
பூசாரிகளின் வயிற்றுப் பிழைப்பு / அரசியல்வாதிகளின் பகடைக்காய்கள் / வியாபாரிகளின் முதலீடு / அன்றாடங்காய்ச்சிகளை ஏமாற்றும் போதைப் பொருள் /
      வன்முறைகள் / பகையுணர்வு / ஒற்றுமையின்மை /     தலைவிரித்தாடுகிறது / மதத்தின் பெயரால் /
      மதம் பிடித்த யானையை அடக்கலாம் /
      மதம் பிடித்த மனிதனை அடக்குவது கடினம்
      மதப்பற்று வேண்டும் / மதவேறி வேண்டாமே!
மதத்தின் பெயரால் மோதல்கள் வேண்டாம்.  மதத்தை விட மனிதமே பெரிது என்பதை கவிதையால் உணர்த்தியது சிறப்பு. 
நூல் ஆசிரியர் அருட்தந்தை ஆ.லொயோலா அவர்கள் ஒரு மத போதகர் என்ற போதிலும் மனிதனுக்கு மதப்பற்று இருக்கலாம். ஆனால் மதவெறி இருக்கவே கூடாது என்று எல்லா மனிதர்களுக்கும் அறிவுறுத்தியது சிறப்பு.  பாராட்டுகள். தொடர்ந்து எழுதுங்கள்.


-- 

.


அன்னை தெரசா பிறந்தநாள் விழா கூட்டம்

அன்னை தெரசா
பிறந்தநாள் விழா கூட்டம்






சங்கம் வைத்து தமிழ் வளர்த்த தமிழ்த் தென்றல் திரு .வி க .பிறந்த நாள் விழா

சங்கம் வைத்து தமிழ் வளர்த்த தமிழ்த் தென்றல் திரு .வி க .பிறந்த நாள் விழா 




முதன்மைச் செயலர் முதுமுனைவர் வெ .இறையன்பு இ .ஆ .ப அவர்கள் எழுதிய பொன்மொழிகள்

முதன்மைச் செயலர் முதுமுனைவர் வெ .இறையன்பு இ .ஆ .ப அவர்கள் எழுதிய பொன்மொழிகள்





கவிதை ஒளி! நூல் ஆசிரியர் : தமிழ்த்தேனீ முனைவர் இரா. மோகன் ! நன்றி . குமுதம் வார இதழ்

கவிதை ஒளி!
நூல் ஆசிரியர் : 
தமிழ்த்தேனீ முனைவர் இரா. மோகன் !
நன்றி  . குமுதம்  வார  இதழ்  



ஹைக்கூ ! கவிஞர் இரா .இரவி !




ஹைக்கூ ! கவிஞர் இரா .இரவி !

அருகே மான்
விரட்டவில்லை புலி
பசியில்லை !

தினம்
ஒரு தோற்றம்
நிலவு !

சுற்றாத சூரியன் சுற்றுவதாய்
சுற்றும் பூமி சுற்றாததாய்
புலப்படும் பொய்யாக !

கணக்குப் பார்த்தான்
உழுதவன்
நட்டமோ நட்டம் !

சம்பாதித்தாலும்
தருவதில்லை சமஉரிமை
மனைவிக்கு !

மழைநீர் சேகரித்த வீட்டில்
வற்றவில்லை
நிலத்தடி நீர் !

தொட்டியையும் ஆட்டி
பிள்ளையையும் கிள்ளும்
அரசியல்வாதிகள் !

அமைச்சர் அறிவிப்பு
குறைந்தது விலைவாசி
70 ஐ தாண்டியது பெட்ரோல் !
.
காபிக்கும் வரி
தேநீருக்கும் வரி
வாழ்க இந்தியா !

எல்லோரும்
மவுனமாக இருங்கள்
பிறக்கும் புதிய இந்தியா !

புரியவில்லை
புத்தரின் போதனை
அரசியல்வாதிகளுக்கு !

மெய்ப்பித்தனர்
பேராசை பெருநட்டம்
அரசியல்வாதிகள் !

பாதியில் பழுதானது
பாரதத்தின் பீரங்கி
வேண்டாம் போர் !

மனிதகுலத்தை அழிக்கும்
மோசமான சொல்
போர் !

என்ன தவம் செய்தேன்: கவிஞர் இரா. இரவி !

என்ன தவம் செய்தேன்: கவிஞர் இரா. இரவி ! 

உலகின் முதல் மொழி பேசிடும் தமிழனாக 
உலகில் பிறந்ததற்கு என்ன தவம் செய்தேன்! 
உலகின் முதல் மனிதனான தமிழனாக 
உலகில் பிறந்ததற்கு என்ன தவம் செய்தேன்! 
உலகில் ஓராயிரம் மொழிகள் இருந்தாலும் 
உன்னத தமிழுக்கு இணை இல்லை! 
பன்மொழி அறிஞன் பாரதி பாராட்டினான் 
பைந்தமிழே மொழிகளில் சிறந்தது என்றான்! 
மொழி ஞாயிறு தேவநேயப் பாவாணர் 
மொழிகளை ஆராய்ந்து சொன்னார் தமிழே முதல் என்று! 
அமெரிக்காவின் மொழி ஆய்வாளர்கள் இன்று 
அறிவித்து உள்ளனர் தமிழே முதல் என்று! 
தமிழின் ஆளுமையை உலகம் அறிந்தது 
தமிழின் அருமையை தமிழன் அறியவில்லை இன்று! 
அற்புதமான தமிழ்மொழியில் தமிழன் 
ஆங்கிலம் கலந்து தமிங்கிலம் பேசி வருகிறான்! 
தமிழன் தமிழனோடு பேசும் போதும் 
தமிழை மறந்து ஆங்கிலத்தில் பேசுகின்றான்! 
தமிழன் இல்லத்தில் நல்ல தமிழ் ஒலிக்கவில்லை 
தமிழன் நாவில் நல்ல தமிழ் ஒலிக்கவில்லை ! 
தமிழகத்தின் கோவில்களில் தமிழ் ஒலிக்கவில்லை 
தமிழகத்தின் நீதிமன்றங்களில் தமிழ் ஒலிக்கவில்லை ! 
தமிழ் ஊடகங்களில் நல்லதமிழ் இல்லவே இல்லை 
தமிழ்நாட்டில் தமிழ் இல்லாமல் இருப்பது முறை இல்லை ! 
தமிழர்களே தமிழின் அருமை பெருமை அறிந்திடுங்கள் 
தமிழைக் காத்திட அணி திரள்வோம் வாருங்கள்! 
உலகின் முதல்மொழியை உருக்குலைய விடலாமா? 
உலகம் முழுவதும் ஒலிக்கும் மொழியை சிதைத்திடலாமா? 
தேசப்பிதா காந்தியடிகள் திருக்குறளை படிப்பதற்காக 
தமிழனாகப் பிறக்க வேண்டும் என்று ஆசைப்பட்டாய்! 
எல்லோரும் விரும்புகின்றனர் தமிழராகப் பிறப்பதற்கு 
என்ன தவம் செய்தேன் தமிழராகப் பிறப்பதற்கு! 

பொதிகைத் தமிழ்ச் சங்கம் தந்த தலைப்பு ! தமிழுக்கு அமுதென்று பேர்! கவிஞர் இரா. இரவி !

பொதிகைத் தமிழ்ச் சங்கம் தந்த தலைப்பு ! 

தமிழுக்கு அமுதென்று பேர்! கவிஞர் இரா. இரவி ! 

தமிழுக்கு அமுதென்று பேர்! என்று அன்றே 
தமிழை அமுதமென்றார் புரட்சிக்கவிஞர் பாரதிதாசன் ! 
அமுதம் என்பது இறப்பு தராத அருமருந்து என்பர் 
ஆம் தமிழ் படித்தவருக்கும் இறப்பு இல்லை! 
பூத உடல் பூமியை விட்டு மறைந்த போதும் 
புகழுடல் தமிழறிஞர்களுக்கு நிலைத்து நிற்கும்! 
ஈராயிரம் ஆண்டுகளுக்கு முன் வாழ்ந்திட்ட வள்ளுவன் 
இன்றும் நிலைத்து நிற்கிறான் உலகம் முழுவதும். 
அவ்வை இன்று உலகில் இல்லை என்றாலும் 
அவள் பாடிய ஆத்திசூடி நிலைத்து நின்றது! 
ஆறாயிரம் ஆண்டுகளுக்கு முன் தோன்றிய தமிழ் 
அகிலத்தின் முதல்மொழி நம் தமிழ்மொழியன்றோ! 
முதுமை வராமல் காக்கும் அருமருந்து தமிழ் 
முத்தமிழ் அறிந்து கொண்டால் இளமை நிலைக்கும்! 
தொன்மை இலக்கியம் தொல்காப்பியம் மட்டுமல்ல 
தொல்காப்பியத்திற்கு முந்தைய அகத்தியமும் உண்டு! 
சில நூறு ஆண்டு வரலாறு மற்ற மொழிகளுக்கு 
பல நூற்றாண்டு வரலாறு தமிழுக்கு மட்டுமே! 
நேற்று பெய்த மழையில் முளைத்த காளான் மற்றமொழி 
நானிலம் தோன்றிய போதே தோன்றியது தமிழ்மொழி 
தமிழ் எங்கள் உயிருக்கு நேர் என்றார் புரட்சிக்கவிஞர் 
தமிழ் எங்கள் உயிருக்கு மேல் என்பேன் நான் ! 
தமிழன்னையை அரியணை ஏற்றிட தரணி வாழ் 
தமிழர்கள் யாவரும் ஓரணியில் அணி திரள்வோம்!

அறம் ! கவிஞர் இரா .இரவி !

அறம் ! கவிஞர் இரா .இரவி ! 

அடுத்தவருக்குத் தீங்கு 
நினைக்காதிருத்தல் 
அறம் ! 
எவ்வுயிரும் தன்னுயிராய் 
நினைத்தல் 
அறம் ! 
வன்முறை 
விரும்பாதிருத்தல் 
அறம் ! 
மனசாட்சிப்படி 
நடத்தல் 
அறம் ! 
பிறர் கண்ணீர் 
துடைத்தல் 
அறம் ! 
நேசக்கரம் 
நீட்டுதல் 
அறம் ! 
மனிதநேயம் 
காட்டுதல் 
அறம் ! 
உதவிடும் 
உள்ளம் 
அறம் ! 
இருப்பதைப் 
பகிர்தல் 
அறம் ! 
வன்சொல் 
பேசாதிருத்தல் 
அறம் ! 
இன்சொல் மட்டுமே 
பேசுதல் 
அறம் ! 
அமைதி 
காத்தல் 
அறம் ! 
சினம் 
தவிர்த்தல் 
அறம் ! 
மரம் 
வளர்த்தல் 
அறம் ! 
விலங்குகளையும் 
நேசித்தல் 
அறம் ! 
பறவைகளிடம் 
பாசம் காட்டுதல் 
அறம் ! 
கட்டுப்பாட்டில் 
காமம் 
அறம் ! 
ஒழுக்கம் 
பேணுதல் 
அறம் ! 
பகையின்றி 
வாழ்தல் 
அறம் ! 
புகைப்பிடிக்காது 
வாழ்தல் 
அறம் ! 
மது அருந்தாது 
வாழ்தல் 
அறம் ! 
பண்பாடு 
காத்தல் 
அறம் ! 
நேர்மையாக 
நடத்தல் 
அறம் ! 
கண்ணியம் 
காத்தல் 
அறம் ! 
பிறர் பொருள் 
திருடாதிருத்தல் 
அறம் ! 
மெய் மட்டுமே 
பேசுதல் 
அறம் ! 
பொய்யே 
பேசாதிருத்தல் 
அறம் ! 
பிறர் பசி 
நீக்குதல் 
அறம் ! 
வறுமையிலும் 
செம்மை 
அறம் ! 
பிறரை 
மதித்தல் 
அறம் ! 
பிறரை 
அவமதிக்காதிருத்தல் 
அறம் ! 
மனைவியின் கருத்துக்கு 
மதிப்பளித்தல் 
அறம் !

தமிழ்த் தேனீ முனைவர் இரா .மோகன் அவர்களுக்கு விருது

தமிழ்த் தேனீ முனைவர் இரா .மோகன் அவர்களுக்கு  விருது