வியாழன், 31 மே, 2012

பனிமலை தாண்டிய பாதச் சுவடு ... நூல் ஆசிரியர் கவிதாவாரிதி வேலணையூர் பொன்னண்ணா நூல் விமர்சனம் கவிஞர் இரா .இரவி

பனிமலை தாண்டிய பாதச் சுவடு ...
நூல் ஆசிரியர் விதாவாரிதி வேலணையூர் பொன்னண்ணா நூல் விமர்சனம்  கவிஞர் இரா .இரவி
வெளியீடு அறிவகம் டென்மார்க்

வலி மிகுந்த புலம் பெயர்ந்த வாழ்விலும் தமிழுக்காக துண்டு செய்து வருபவர்கள் ஈழத்தமிழர்கள் .அவர்களில் குறிப்பிடத் தகுந்தப்  படைப்பாளி கவிஞர்
வேலணையூர் பொன்னண்ணா.தமிழகத்தில் இருந்து வரும் சிற்றிதழ்களான   ஏழைதாசன் ,இனிய நந்தவனம் உள்ளிட்ட பல்வேறு இதழ்களில் கவிதைகள் எழுதி வருபவர் . வேலணையூர் பொன்னண்ணாஅவர்களின் தன வரலாறு கூறும்  நூல் இது .

இந்நூலில் திரைப்பட இயக்குநர் திரு .கி .சே . துரை முன்னுரை ,நூலகவியலாளர் என் .செல்வராஜா அணிந்துரை மிக நன்று .நூல் ஆசிரியர் வேலணையூர் பொன்னண்ணாஎன்னுரை மிகச் சிறப்பு .

கலாநிதி இளவாலை அமுதுப்புலவர் ,எழுத்தாளர் ஜீவகுமாரன்,டாக்டர் சு.சிற்றம்பலம் ,திரு .நா .க .சிவராமலிங்கம் ,திரு .எஸ் .பி .சாமி ,வேலணை வீர சிங்கம் ,வண்ணை தெய்வம் ,ஜெர்மனி பாக்கியநாதன் ,கவிஞர் விக்னா   பாக்கியநாதன், நடா.சிவராஜா ,திருமதி சுவக்கீன் ,கோனேரி  பா இராமசாமி ,ஏழைதாசன் ஆசிரியர் எஸ் .விஜயகுமார் ,அமரர் வல்லிக்கண்ணன் ,திரு .ம .ஜெகத் கஸ்பர் ,டாக்டர் வாசவன் ,வித்துவான் ச. குமரேசயா ,வேலணையூர் எம் .எஸ் .முத்து,இணுவை சக்தி தாசன் ,இந்து மகேஷ் ,ஐ .ரி .சம்மந்தர் ,ரவி தமிழ்வாணன் ,மனோகரன் ,இனிய நந்தவனம் ஆசிரியர் த.சந்திர சேகரன் ,கவிஞர் க .ராஜ மனோகரன் ஆகியோரின் அற்புதமான வாழ்த்துரையுடன் என்னுடைய வாழ்த்துரையும் இடம் பெற்றுள்ளது . 
  

நூல் ஆசிரியர் விதாவாரிதி வேலணையூர் பொன்னண்ணாஅவர்களின் மூத்த பேத்திசெல்வி ஜீவிதா அருளன் ,இளைய பேத்தி மருத்துவர் செல்வி சஞ்சியா மனோகரன் ,சுதன் வாணி சிலேஸ்ல்சா ,கவிஞர் முல்லை ஷ்ரான் ,செல்லத்துரை ,  சிறிகந்தராஜா ,திரு .ம .கணேச குருக்கள் ,திரு .சூ.யோ. பற்றிமாகரன்  ஆகியோரின் மலரும் நினைவுகள் நூல் ஆசிரியர் விதாவாரிதி வேலணையூர் பொன்னண்ணா பற்றி மலர்ந்துள்ளது .
நூலில் இருந்து பதச் சோறாக சில வரிகள் உங்கள் பார்வைக்கு 

கவித்துளியில் சரிதம் !

கருவில் நான் வளரும் போதே அம்மாவின்
கண்ணீரைக் கண்டவன் .
பசியின் வேதனையை அம்மாவின் வயிற்றுக்குள்ளேயே
நேராக சந்தித்து வளர்ந்தவன் .


இதில் சில உண்மைகள் சொல்லப்படவில்லை .ஆனால் சொல்லி இருப்பவை அதனையும் உண்மையே .
வேலணை என்ற ஊரில் பிறந்ததன் காரணமாக தன பெயரோடு பிறந்த ஊரான வேலணையை இணைத்துக் கொண்டு எழுதி வரும் பிறந்த மண் பற்று மிக்கவர் .

வரலாறு கூறும் நூல் .தாய் தந்தை தொடங்கி,காது குத்தல்,பாட சாலை வாழ்க்கை ,கல்லுரி வாழ்க்கை ,குடி  இருந்த  வீடு  எரிந்த சோகம்,ஆறாத்துயரம்,அம்மாவின் மரணம் ,பெரும்படை அய்யனார் கோயில் புனரமைப்பு ,அரசியல் பொதுப்பணி பிரவேசம் ,நண்பர்கள் , 1958 கலவரம் 10  வது திருக்குறள் மாநாடு ,திருமணம் ,அண்ணன் அண்ணி ,குழந்தைகள் பிறப்பு ,தாலிக்கொடி விற்று வீதி போட்டது , 1981ஆடி மாதம்
ம் 9 திகதி தாய் மண்ணின் வாழ்வை நிறுத்தி புலம் பெயர்ந்து 20.7.1981 பாரிஸ் மாநகரில் பாதம் பதித்தல்,இப்படி தனது வாழ்வில் நடந்த நிகழ்வுகளை மறக்காமல் நினைவாற்றலுடன் தேதிகளுடன் குறிப்பிட்டு படிக்கும் வாசகர்களை வியப்பில் ஆழ்த்தி உள்ளார் .மிகச் சரியாக ஆவணப் படுத்தி உள்ளார் .

"தாய் மண்ணை விட்டு அகன்ற வேதனை ஒரு புறம் நெஞ்சை எரிக்க ,உறவுகளின் பிரிவு மறுபுறத்தை எரிக்க ,குடும்பத்தைப் பிரிந்து  வந்த தவிப்பு நெஞ்சை  வதைக்க   ,பட்ட கடனைக் கொடுத்து முடிக்க வேண்டுமே என்ற நினைப்பு நெஞ்சை இறுக்க,உறவுகளின் முன்னைய கூற்றுகள் எனது நினைப்பில் வந்து எனது வைராக்கியம் கொண்ட நெஞ்சில் விழ ,வாழ்ந்து காட்டணும் என்று ஏற்பட்ட மனத் துணிவுடன்  தன்னம்பிக்கை யோடு பயணம் தொடர்கின்றது ."

புலம் பெயந்தவர்களின் உள்ளது உணர்வை படம் பிடித்துக் காட்டி உள்ளார் .நூலில் வண்ண புகைப்படங்கள் வரலாறு கூறுகின்றன .மனைவி ,மக்கள் ,மருமக்கள் ,பேரப்பிள்ளைகளோடு கம்பீரமான புகைப்படங்கள் குடும்பம் ஒரு பல்கலைக் கழகம் என்பதைப் பறை சாற்றுகின்றன .

முயன்று படி சரித்திரம்
முடிந்தால் படை
சரித்திரம்
முடிந்தவரை வாழ் சரித்திரமாய் .

நூல் ஆசிரியரின் வைர வரிகள் இந்த நூலின் நோக்கத்தை இயம்புகின்றது .என்னுடைய வாழ்த்துரையில் நான் மேற்கோள் காட்டி உள்ள அவர் கவிதை இதோ !

ஏழைக்குமரியின்  அழுக்குப் பாவடை
கிழியல் ஓட்டை
பணக்காரனுக்கு வந்து நட்சத்திரம் . 


சமுதாய ஏற்றத்தாழ்வை எடுத்து இயம்பி பாண்பாடு விதைக்கும் நல்ல கவிஞர் விதாவாரிதி வேலணையூர் பொன்னண்ணா  நூல் வெளியீடு, குழந்தைகள் திருமணம் வரிசையாக எழுதி உள்ளார் .படிக்கும் வாசகர்களுக்கு அவரவர் வாழ்க்கை மலரும் நினைவுகளை மல்ர்விக்கின்றது நூல்.
      விவேகானந்தர் கருத்துக்களை எழுதி தன்னம்பிக்கை விதை விதைத்து உள்ளார் .பாராட்டுக்கள் .வாழ்த்துக்கள் .சைவ சமய ஈடுபாடு உள்ள காரணத்தால் சை சமய கருத்துக்களும் நூலில் உள்ளது .சராசரி நூல் அல்ல இது .சாதனை மனிதரின் சரித்திரம் கூறும் அற்புத நூல் .

ஹைக்கூ கவிஞர் இரா .இரவி

ஹைக்கூ                           கவிஞர் இரா .இரவி

திரவத்தங்கம்  திடத்தங்கம்
விலை உயர உயர
ஏழைகளுக்கு துன்பம் !

பிறக்கையில் முகம் சுளித்தவர்கள்
சாதித்தும் அகம் குளிர்ந்தார்கள்
பெண் குழந்தை !

கூட்டணிவைத்து கோடிகள்அடித்து
கடைசியாக அறிவித்தனர்
கசப்பான 
கூட்டணி !

கோயில் கருவறை
அனுமதி இல்லை
தமிழ் தமிழன் !

உயர்  நீதி மன்றத்தில்
தொடரும் தீண்டாமை
தமிழ் மொழிக்கு !

உதட்டிலும் உள்ளத்திலும்
இல்லை தமிழ்
தமிழன் ?

பாதுகாக்க முடியவில்லை
வேண்டவே வேண்டாம்
புதிய சிலை !

மரியாதைக்கு நிறுவியது
அவமதிக்க காரணியானது
சிலை !

சாலையில் படுத்திருந்தான்
சங்கடமின்றி
குடிகாரன் !

குடியால் கோடிகள் அரசுக்கு
குடும்பம் தெருக்கோடிக்கு
திருந்தாத குடிமகன்கள்  !

உதவுவதாக நினைத்து
துன்புறுத்துகின்றனர்
மாட்டுக்கு லாடம் !
(இரும்புக்  காலணி)

இறந்த வீட்டில்
எல்லோரும்
கேட்கும்  கேள்வி
காப்பீடு எவ்வளவு ?

தவிர்க்கலாம் இட நெருக்கடி
புதைப்பதை விட
எரிப்பதே நலம் !

அளவான குடும்பம்
அளவற்ற இன்பம்
குடும்பக்கட்டுப்பாடு !

கருப்பணம் வெள்ளையானது
கோயில் கணக்கில்
உண்டியல் வசூல் !

கவனம் கவனம்
சாமியாரில் ஆசாமிகளில்
யாரும் இல்லை
சாமி !

பறிக்கப் பறிக்கத் துளிர்க்கும்
அட்சயப் பாத்திரம்
தேயிலைச்செடி !



--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம்

புதன், 30 மே, 2012

இணையங்களில் இலக்கியம் படித்து மகிழுங்கள்

இணையங்களில் இலக்கியம் படித்து மகிழுங்கள் 
கவிதைகள் http://www.eraeravi.com/home/kavithai.php

கட்டுரைகள் http://www.eraeravi.com/home/katturai.php

நூல் விமர்சனங்கள் http://www.eraeravi.com/home/noolvimarsanam.php

புகைப்படங்கள் http://www.eraeravi.com/home/album.html

வீடியோ  http://www.eraeravi.com/home/video.html
விருதுகள்    http://www.eraeravi.com/home/awards.html

இதயத்தில் ஹைக்கூ   http://www.kavimalar.com/eh/index.htm

உள்ளத்தில்  ஹைக்கூ http://www.kavimalar.com/uh/index.htm


நெஞ்சத்தில்  ஹைக்கூ http://www.kavimalar.com/nh/index.htm

விழிகளில் ஹைக்கூ http://www.kavimalar.com/vh/index.htm

என்னவளே http://www.kavimalar.com/ennavale/index.htm

நகைச்சுவை http://www.kavimalar.com/jokes.htm

கவியரங்கக் கவிதைகள் http://www.kavimalar.com/arkavi/arkavi.htm

புகைப்படத் தொகுப்பு  http://www.kavimalar.com/picgal/

புதிய கவிதைகள்   http://www.kavimalar.com/14407/index.htm

கவிதைகள் http://www.kavimalar.com/kavithaigal.htm

ஆங்கிலத்தில் ஹைக்கூ http://www.kavimalar.com/vh/enhycoo.htm
இந்தியில் ஹைக்கூ http://www.kavimalar.com/hindi/index.htm

விருந்தினர் புத்தகம் http://users.smartgb.com/g/g.php?a=s&i=g18-05299-71


நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

புதன், 23 மே, 2012

படித்ததில் பிடித்தது ! ஹைக்கூ . பேராசிரியர் க.மணிவண்ணன். புதுவை .

படித்ததில் பிடித்தது !

ஹைக்கூ .             பேராசிரியர்  க.மணிவண்ணன்.  புதுவை .

பார்வையில் தெரியாதது
கேட்கையில் புரியாதது
புரிந்தது புன்னகையில் !

பண வீக்கத்தை
நீக்கும் மருந்து
உழைப்பு !

அரிச்சந்திரன் சிலை
துணைக்கு
காவல் பணி !

அறிவு ஆறு அல்ல
ஏழு  
என்றது
இன்று திரைப்படம்
அன்றே பத்து என்றார் திருமூலர் ! 

புனைகை செலவழிக்க
அஞ்சும் கஞ்சர்கள்
இன்றைய மனிதர்கள் !

அனுபவம் பேசுகிறது
நினைவு இனிக்கிறது
ஹைக்கூ !

செவ்வாய், 22 மே, 2012

( உதகை மலர்க்கண்காட்சி ! )


( உதகை மலர்க்கண்காட்சி ! )

மலர்க்கண்காட்சி !    
கவிஞர் இரா .இரவி

மலர்ந்த மலர்கள்
மலர்வித்தன மனங்களை
மலர்க்கண்காட்சி !

பேசாத மலர்கள்
பேசின நம்மோடு
மலர்க்கண்காட்சி !

மலர்களின் மாட்சி
பார்த்தவர்கள் சாட்சி
மலர்க்கண்காட்சி !

மலைகளின் ராணிக்கு
மலர்களின் மகுடம்
மலர்க்கண்காட்சி !

வளமான வனப்பு
வந்தப்பின்னும் நினைப்பு
மலர்க்கண்காட்சி !

ரசித்துப் பார்த்ததில்
புசிக்க மறந்தனர்
மலர்க்கண்காட்சி !

யாராலும்
கூற இயலாது
மிகச் சிறந்த மலர் எது ?
மலர்க்கண்காட்சி !

பார்த்த இடமெல்லாம் ராஜா
மலர்களின் ராஜா ரோஜா
மலர்க்கண்காட்சி !

பூக்களை ரசிக்கும்
பூவையரும் அழகு
மலர்க்கண்காட்சி !

கண்கொள்ளாக் காட்சி
வண்ணங்களின் ஆட்சி
மலர்க்கண்காட்சி !

கண்டு ரசிக்க
கண்கள் போதவில்லை
மலர்க்கண்காட்சி !

மனதிற்கு மகிழ்ச்சி
உள்ளத்திற்குப் புத்துணர்ச்சி
மலர்க்கண்காட்சி !

மலருக்கு காயமின்றி
தேன் எடுத்த வண்டு
மலர்க்கண்காட்சி !
மரங்களின் அரசி மடியில்
மலர்களின் அரசாட்சி
மலர்க்கண்காட்சி !
 

செவ்வாய், 15 மே, 2012

ஹைக்கூ கவிஞர் இரா .இரவி

ஹைக்கூ             கவிஞர் இரா .இரவி

நல்ல தீனி
ஊடகங்களுக்கு
சாமியார்கள்
கூத்து !

மெய்ப்பி
த்தனர்   
கடவுள் இல்லை
சாமியார்கள் !

இலவசம் மாற்றம்
சொல் மட்டும்
விலையில்லா !

விமானிகள் வேலை நிறுத்தம்
அமைச்சர் பிடிவாதம்
பயணிகள் துன்பம் !

எந்த ஊரும்
ஈடாகவில்லை
பிறந்த மண்ணிற்கு !

தேவையற்றதை நீக்கிட
கிடைத்தது
சிலை !

விழிக்கொடை ! கவிஞர் இரா .இரவி

விழிக்கொடை !             கவிஞர் இரா .இரவி

வந்தது பார்வை
பார்வையற்றவர்களுக்கு
விழிக்கொடை !  

இறந்தப் பின்னும்
இறக்காத விழிகள்
விழிக்கொடை !  

மண்ணுக்கும் தீயுக்கும் வேண்டாம்
மனிதர்களுக்கு வேண்டும்
விழிக்கொடை !  

கரு விழிகள்
அகற்றியது இருள்
விழிக்கொடை !  

வாழ்கிறான் கொடையில்
வள்ளல் கர்ணன் 
விழிக்கொடை !  

உயிர்
ப் பிரிந்தும்
உயிர்ப் பெற்றது
விழிக்கொடை !  

உடல் மாறியும்
உயிர் உள்ளது
விழிக்கொடை !  

ஒளி ஏற்றியது
வழி காட்டியது
விழிக்கொடை !  

துன்பம் துரத்தி
இன்பம் ஈந்தது
விழிக்கொடை !  

குறையை நீக்கி
நிறைவாக்கியது
விழிக்கொடை !  

மரிக்கவில்லை மனிதம்
மனிதரில் புனிதம்
விழிக்கொடை !  

வைத்தது முற்றுப்புள்ளி
மூடநம்பிக்கைக்கு
விழிக்கொடை !   

செத்தப்பின்னும்   
சாகவில்லை
விழிக்கொடை !  

இறப்பிலும் பிறப்பு
இறக்கத உறுப்பு
விழிக்கொடை !  

மரணித்தும் மரணிக்கவில்லை
முடிவிலும் இனிய தொடக்கம்
விழிக்கொடை !  

திங்கள், 14 மே, 2012

கவிதைக்கூத்து நூல் ஆசிரியர் அறிவர் கவிஞர் ஞான ஆனந்தராஜ் ! விமர்சனம் கவிஞர் இரா .இரவி

கவிதைக்கூத்து 

நூல் ஆசிரியர் அறிவர் கவிஞர்  ஞான  ஆனந்தராஜ்

 விமர்சனம் கவிஞர் இரா .இரவி

வனிதா பதிப்பகம் ,தி நகர் ,சென்னை 17.  விலை ரூபாய் 70

நூலின் அட்டைப்பட ஓவியம் நன்று.
நூல் ஆசிரியர் மத போதகராக .அருட்தந்தையாக இருந்துக் கொண்டு மிக துணிவான கவிதைகளை எழுதி உள்ளார் .பாராட்டுக்கள் .இந்த நூலின் வெளியீட்டு  விழா  மதுரையில் நடைப் பெற்றது .விழாவிற்கு நானும் சென்று வாழ்த்தி விட்டு வந்தேன். விழாவில் தமிழ்த்தேனீ    இரா .மோகன் .மனிதத் தேனீ  இரா .சொக்கலிங்கம் உள்ளிட்ட  பலரும் நூல் விமர்சன உரையாற்றினார்கள் .வனிதா பதிப்பகத்தாரும், தமிழகக் கல்வி ஆராய்ச்சி வளர்ச்சி நிறுவனம் இயக்குனர்  முனைவர் கோ .பெரியண்ணன் .நூல் ஆசிரியரின் அண்ணி  தொடக்கக் கல்வி இணை இயக்குனர்  பணித்தேனீ திருமதி ராணி ஆகியோர் சென்னையில் இருந்து மதுரைக்கு வருகை தந்து விழாவைச் சிறப்பித்தனர் .

தந்தைக்கு நூலை அர்ப்பணம் செய்துள்ளார் .
தன்னலம் கருதாத் 
தந்தையவர்
மின்னலை முந்தும் வேகமவர்
முன்னிலை விரும்பா மனிதரவர்
என் நிலை உயர்த்திய 
ந்லவர்.

இந்தக் கவிதை அவர் தந்தையை மட்டுமல்ல படிக்கும் வாசகர்களுக்கு அவரவர் தந்தையை நினைவூட்டும் விதமாக உள்ளது .பாராட்டுக்கள் 
பெருங்கவிக்கோ வா .மு .சேதுராமன் அவர்களின் அணிந்துரையும் ,கலை மாமணி கு .ஞானசம்பந்தன்  அவர்களின்  வாழ்த்துரையும் நூலிற்கு அழகு சேர்ப்பதாக உள்ளது .

உள்ளத்தில்  உள்ளது கவிதை .உண்மை உரைப்பது கவிதை .சொற்களின் சிற்பம்  கவிதை .சிந்தையை செதுக்குவது கவிதை .இப்படி கவிதைக்கு இலக்கணம் எழுதிக் கொண்டே போகலாம் .இந்த நூலில் நூல் ஆசிரியர் அறிவர் கவிஞர்  ஞான  ஆனந்தராஜ் அவர்கள் எந்த வித சமரசத்திற்கும் இடமின்றி தான் ஒரு மத போதகர் என்பதையும் மறந்து கவிஞராக மாறி உண்மையை கவிதையாக்கி நூலாக்கி உள்ளார் .பாராட்டுக்கள் .

கவிதைக்கூத்து !

அடிமைத்தனத்திற்கு
முடிவை அது காட்டும்
அறிவுள்ள மனிதனாக
அனைவரையும் தீட்டும் .
பேனா
கூர்மையில்
பிரளயம் பிறப்பெடுக்கும்
கவிதைக்குப் பின்னாலே
உலகமே காலெடுக்கும்.
கவிதை குறித்த விளக்கம் மிக நன்று .  


சாதி என்ன நிறம் !
இரத்தத்தில் மட்டும் எழுதாதே
வாசிப்பதற்கு யாரும்
உயிரோடு இருக்க மாட்டார்கள் .

சாதியின் பெயரால் நடக்கும் வன்முறையைச் சாடும் வண்ணம் கவிதை வடித்துள்ளார் .மனித நேயம் விதைக்கும் விதமாக எழுதி உள்ளார் .

தலைப்பில்லாத் தலையங்கம் என்று தலைப்பிட்டு சிறு கவிதைகள் எழுதி உள்ளார் .இந்தக் கவிதைகளை ஹைக்கூ வடிவிலும் எழுத முயன்று  உள்ளார்  .

தாழ்மை
வேண்டுமென்று
ஜெபம் செய்தேன்
அடிமையாக்கி விட்டார்கள் . 

இந்த வரிகளின் மூலம் சிந்திக்க வைத்து பகுத்தறிவை நினைவூட்டுகின்றார்  .

வாதம் செய்வதற்கு
அஞ்சாதீர்கள்
வாழ்க்கை
அங்குதான் இருக்கிறது .
பேச்சுரிமைக்கு வலு சேர்க்கும் விதமாக கவிதை எழுதி உள்ளார் .


என் ஜீவனுக்குள்
ஜீவன்
"கவிதை  "
கவிதை எமக்கு உயிர் என்கிறார் .


அன்று இன்றும் கவிதையில் தேவாலயத்தில் நடக்கும் முரண்பாடுகளை தோலுரித்துக் காட்டுகின்றார் .நெஞ்சு உரத்துடன் ,நேர்மைத் திறத்துடன் கவிதை எழுதி உள்ளார் .

பதச் சோறாக ஒன்று உங்கள் பார்வைக்கு .

இன்று
நம்பிக்கையோடு வா
ஊருக்கு ஓரு சிலுவை உனக்காகக்
காத்திருக்கிறது .மரம் வாங்கியதிலும்
ஆசாரிக்
கூலி அனைத்திலும் கமிசன் .

செல் பற்றி எழுதி உள்ள கவிதை மிக நன்று .நூலில் பல்வேறு கவிதைகள் மிகச் சிறப்பாக உள்ளது .

எய்ட்ஸ்
உணர்ச்சியைப் பங்கிடு
ஒன்றும் தவறில்லை
உன்னவளோடு மட்டும் .

ஒருவனுக்கு ஒருத்தி என்ற நம் தமிழ்ப் பண்பாட்டை உணர்த்தும் விதமாக உள்ளது கவிதை .


மூட நம்பிக்கையைச் சாடும் விதமாக ,ஜோதிடத்தை   சாடும் விதமாக ,பகுத்தறிவு விதைக்கும் விதமாக கவிதை வடித்துள்ளார் .,
கைரேகை !
கைக்குள் இருக்கும்
கைரேகையில் இல்லை வாழ்க்கை
உழைப்பே உயர்வுக்கு முகவரி
குரு மேடு என்று குழம்பிக் கொள்ளாதே
சனி
என்று சளைத்துக்  கொல்லாதே
செவ்வாய் தோசத்தில்சிக்கிக் கொண்டதாக
சிறுமைப் படதே
உன் கையே உனக்கு எதிரியாகுமா !

சோதிடத்தை நம்பி நேரத்தையும், பணத்தையும் வீணாக்கும் மனிதர்களுக்குப் புத்திப்  புகட்டும் விதமாக உள்ளது கவிதை
இது ஒன்பதாவது நூல் .இனி தொடர்ந்து நூல் எழுதிட வாழ்த்துக்கள் .


மழை ! கவிஞர் இரா .இரவி

மழை !           கவிஞர் இரா .இரவி

வானில் இருந்து வரும்
அமுதம்
மழை !

பார்க்கப்  பரவசம்
நனைந்தால் குதூகலம்     
மழை !

பயிர்களின் உயிர் வளர்க்கும்
விவசாயிக்கு வளம் சேர்க்கும்
மழை !
 
குடை வேண்டாம்
தடை வேண்டாம்
மழை !

காதலி  அருகில்  இருந்தால்
காதல் மழை
மழை !

சூடான தேநீர்
சுவை மிகுதி
மழை !

கோடையில் வந்தால்
கொண்டாட்டம்
மழை !

சாலை வியாபாரிகளுக்கு
திண்டாட்டம்
மழை !

குடிசைவாசிகளுக்கு
ஒழுகும்  கவலை
மழை !

சனி, 12 மே, 2012

ஈடு இணையற்ற ஒரே உறவு அம்மா ! கவிஞர் இரா .இரவி

ஈடு இணையற்ற ஒரே உறவு அம்மா !              கவிஞர் இரா .இரவி

எத்தனையோ உறவுகள் உலகில் இருந்தாலும்
ஈடு இணையற்ற ஒரே உறவு அம்மா !

இந்த உலகை நமக்கு அறிமுகம் செய்த
அழகு முகம்
என்றும் குழந்தைக்கு மறக்காத  முகம் அம்மா !

உயிரெழுத்தில் தொடங்கி  மெய்யெழுத்தில்
மையமாகி  
உயிர்மெய்யில் முடியும் உன்னதம் 
அம்மா !

குழந்தைக்கு உயிரும் மெய்யும் தந்த
குவலயத்தில் சிறந்த  உறவு 
அம்மா !

கருவிலேயே குழந்தைக்கு திரு வழங்கிய
கருணைக் கடல் ஒப்பற்ற 
அம்மா !

தாய்மொழியை  சேயுக்கு கருவிலேயே
தன் வயிற்றிலேயே பயிற்றுவி
த்தவள்  அம்மா !

தன் இதயத் துடிப்பின் மூலம் கருவிலேயே குழந்தைக்கு
தனது முதல் தாலாட்டைத் தொடங்கியவள் அம்மா !  

குழந்தை பிறந்து பின் அழ நேர்ந்தால் மார்போடு அணைத்து 
தன் இதயத் துடிப்பை உணர்த்தி அழுகை நிறுத்திய அம்மா !

குருதியைப்    பாலாக்கி வழங்கி பெற்றக்
குழந்தையின் உயிர் வளர்த்தவள்
அம்மா !

தன் துன்பம் பொறுப்பாள் அவள் ஆனால்
தன் குழந்தையின் துன்பம் பொறுக்காதவள் 
அம்மா !

தன்னைத் தேய்த்து தன் குழந்தை வாழ்வை
தரணியில் மணக்க வைக்கும் சந்தனம்  
அம்மா !

தன்னை உருக்கி தன் குழந்தையின்  வாழ்வை
தரணியில் ஒளிர வைக்கும்  மெழுகு 
அம்மா !

தான் சுமந்து தன் குழந்தையை வாழ்வில்
தவிக்காமல் கரை சேர்த்தத் தோணி
அம்மா !

தான் உயராவிட்டாலும் தன் குழந்தையை
தரணியில் உயர வைக்கும் ஏணி  அம்மா !

உலகில் யாரை  மறந்தாலும் நீங்கள்
ஒருபோதும் ஒப்பற்ற
அம்மாவை மறக்காதீர்கள் !
--

மே 19 பிரித்தானிய ரவல்கர் சதுக்கத்தில் ஒன்று திரளுவோம் – மே 17 இயக்கம்.

மே 19 பிரித்தானிய ரவல்கர் சதுக்கத்தில் ஒன்று திரளுவோம் – மே 17 இயக்கம்.

http://www.youtube.com/watch?feature=player_embedded&v=afj0ERiIr7Q

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!

வெள்ளி, 11 மே, 2012

புதன், 9 மே, 2012

தமிழா நீ பேசுவது தமிழா ! கவிஞர் இரா .இரவி

தமிழா நீ பேசுவது தமிழா !   கவிஞர் இரா .இரவி

தமிழா நீ பேசுவது தமிழா !
தமிழா இப்படிப்  பேசுவது தகுமா ?

காலைப் பொழுதை மார்னிங் என்றாய்
மதியப் பொழுதை ஆப்ட்ரநூன் 
என்றாய்

மாலை
ப் பொழுதை ஈவ்னிங் என்றாய்
நல்ல பொழுதை ஆங்கிலத்தால் கொன்றாய்

பாட்டை சாங்
என்றாய்
வீட்டை ஹவுஸ்
என்றாய்

படுக்கை அறையை பெட்
ரூம்   என்றாய்
கழிவறையை டாய்லெட்
என்றாய்

தமிழை டமில் 
என்றாய்
தண்ணீரை வாட்டர்
என்றாய்

சோற்றை ரைஸ் என்றாய்
உப்பை சால்ட்
என்றாய்

கடற்கரையை பீச் என்றாய்
காதலியை   லவ்
வர் என்றாய்

கண்களை அய்ஸ்     என்றாய்
கடிதத்தை லெட்டர்  என்றாய்

பள்ளியை ஸ்கூல்
என்றாய்
கல்லூரியை காலேஜ் 
என்றாய்

மாணவனை ஸ்டுடென்ட்
என்றாய்
ஆசிரியரை  டீச்சர்
என்றாய்

வானொலியை ரேடியோ என்றாய்
விமானத்தை பிளைன்
என்றாய்

தொலைக்காட்சியை டிவி என்றாய்
தொலைபேசியை போன் 
என்றாய்

பணத்தை மணி என்றாய்
குணத்தை கேரக்டர்
என்றாய்

வஞ்சியை கேர்ள்
என்றாய்
விபத்தை ஆக்ஸிடென்ட் 
என்றாய்

இப்படிப் பேசியே தமிழைக் கொல்கிறாய்
எப்போது வரும் உனக்கு தமிழ் உணர்வு !

தமிழா உன்னிடம் ஒரு கேள்வி
சிந்தித்துப் பார்
ஆங்கிலேயன் தமிழ் கலந்து ஆங்கிலம் பேசுவானா ?

ஈழத் தமிழர்களின் உச்சரிப்பைப் பார்
சோகத்திலும் சுந்தரத் தமிழ் பேசுகின்றனர்

தமிழைச் சிதைப்பது தமிழனுக்கு அழகா ?
தமிழா !சிந்தித்து தமிழிலேயே
ப் பேசு !


செவ்வாய், 8 மே, 2012

ஹைக்கூ கவிஞர் இரா .இரவி

ஹைக்கூ                          கவிஞர் இரா .இரவி
மின் விளக்கின்
வெளிச்சத்தில்
எடிசன் முகம் !
இறந்தபின்னும்
ஒலி எழுப்பும் விலங்கு
மத்தளம் !

திட்டங்கள் கோடிகளில்
ஏழைகள் தெருக்  கோடியில்  
என்று விடியல் ?

பாலியல்  குற்றவாளி
கொலைக்
குற்றவாளி
சாமியார்கள் ?

தாமதமான நீதி அநீதி
தண்டியுங்கள் விரைவில்
இலங்கைக் கொடூரன் !


சரியாக ஆடும்
ஆட்டத்தின் பெயரோ
தப்பாட்டம் !

இதயத்தை இதமாக்கும்
கோபத்தைக் குறைக்கும்
இசை !

மனதை மலர்விக்கும்
சிந்தையைச் செதுக்கும்
கவிதை !


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

திங்கள், 7 மே, 2012

பரத நாட்டியம் ! கவிஞர் இரா .இரவி

ரத நாட்டியம்  !     கவிஞர் இரா .இரவி
தோகை உண்டு

பெண் மயிலுக்கு
ரத நாட்டியம்  !  

பேசும் விழிகள்
சைகை மொழிகள்
ரத நாட்டியம்  !  

வேற்று மொழியை விட
தமிழ் மொழி இனிமை
ரத நாட்டியம்  !  
கண்டு ரசித்தால்
கவலைகள் போகும்
ரத நாட்டியம்  !  


வரிகளுக்கு ஏற்றப்படி
வஞ்சியின் நளினம்
ரத நாட்டியம்  !  
கைகளும் பேசும்
கால்களும் பேசும்
ரத நாட்டியம்  !  
குத்துப் பாட்டும்  உண்டு
குறத்தி நடனம்
ரத நாட்டியம்  !    

ராகத்தை ரசிக்கலாம்
சோகத்தை மறக்கலாம்
ரத நாட்டியம்  !  

புத்துணர்வுப் பெறலாம்
புதுமைகள் காணலாம்
ரத நாட்டியம்  !  
--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!

ஞாயிறு, 6 மே, 2012

படித்ததில் பிடித்தது !

படித்ததில் பிடித்தது !
 ஹைக்கூ      சி.ஆர்.அருண்

முதலெழுத்தோடு
தலையெழுத்தும் மாறியது!
மணப்பெண்!

எதிர்கால எமனின்
இன்றைய தூதுவன்!
அலட்சியவாதி!

போனால் வரும் !
வந்தால் போகாது!
எய்ட்ஸ்!
      
------------------------------------------------
ஷா.முஹம்மது முஸ்தபா.
திரைக்கு வரவில்லை!
வீதிக்கு வந்தது!
திருட்டு வி.சி.டி.

தேடாமல் செல்போன் சிக்னல்!
தேடியும் காணவில்லை!
சிட்டுக்குருவி!
          
--------------------------------------------------------
பா.ஹரிஹர செல்வம்.
உண்ண உணவு வேண்டி
உண்ணாவிரதம்!
கூலித்தொழிலாளி!

பெண்களுக்கு இடஒதுக்கீடு!
குப்பைத்தொட்டியில்
பெண்குழந்தை!

நேற்று கழனி!
இன்று கணினி!
நாளை சனி!
      


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!


சனி, 5 மே, 2012

ஹைக்கூ கவிஞர் இரா .இரவி

ஹைக்கூ                   கவிஞர் இரா .இரவி

இரும்புச் சங்கிலி இழுத்துத் தோற்றதால்
கயிற்றை இழுக்க முயலவில்லை
கோயில் யானை !

இரண்டும் மிக அவசியம்
இல்லாவிட்டால் சிரமம்
சம்சாரம் மின்சாரம் !

குளிர் பூமி ஆடை
வெப்ப பூமியில்
மட்டை விளையாட்டு (கிரிக்கெட் )


இயற்கையை அழிக்காதே
உணர்த்துகின்றது
புயல் !

மரம் வைத்தவர்
தண்ணீர்
ற்றவில்லை
அமைச்சர் !

அவமானப்படுத்துகின்றனர்
புத்தரை
புத்தபிட்சுகள் !

மேலும்
மேலும் சலுகை
வருமானம் மிக்க
காவல்துறைக்கு !

காரணம் புரியவில்லை
கவர்ச்சி நடிகைக்கு
தேசியவிருது ?

மக்கள் விருப்பம்
அனைத்துத் தொகுதியிலும்
இடைத் தேர்தல் !

விலை மதிப்பற்ற உயிர்கள் பலி
தேர்வடம் இரும்பில்
பகுத்தறிவு ?

வெள்ளி, 4 மே, 2012

வழக்கு எண் :18/9 , திரைப்பட விமர்சனம் கவிஞர் இரா .இரவி

வழக்கு எண் :18/9

திரைப்பட விமர்சனம் கவிஞர் இரா .இரவி

எழுத்து இயக்கம் பாலாஜி சக்திவேல்

தயாரிப்பு UTV & N.லிங்குசாமி


செய்தி தாளில் படித்த நிகழ்வுகளை தொகுத்துத் திரைக்கதையாக்கி இயக்கி உள்ளார் பாலாஜி சக்திவேல்.பாராட்டுக்கள் மிக எதார்த்தமாகப்  படமாக்கி உள்ளார் .ஒரே படத்தில் பல தகவல்களைத் தந்துள்ளார் .தயாரிப்பாளர்களும் பாராட்டுக்கு உரியவர்கள் .சமரசம் இன்றி குத்துப் பாடல் இன்றி மசாலா இன்றி படமாக்கி உள்ளனர் .படத்தில் ஸ்ரீ ,முரளி ,மிதுன் ,ஊர்மிளா ,மனீஷா அனைவருமே மிகச் சிறப்பாக நடித்து உள்ளனர் .அல்ல பாத்திரமாகவே மாறி உள்ளனர் .அறிமுகம் என்பதே தெரியாத அளவிற்கு முதிர்ந்த அனுபவம் வாய்ந்தவர்களாக நடித்து உள்ளனர் .நம்ப முடியாத நான்கு சண்டை ,நான்கு காதல் பாட்டு ,வெட்டு குத்து என்று திட்டமிட்டு மசாலாப் படம் எடுக்கும் சராசரி இயக்குனர்கள் அனைவருக்கும் இந்தப் படத்தை திரையிட்டுக் காட்டிப் புத்தி புகட்ட வேண்டும் .

சிறுவர்களை, வட மாநிலத்தில் ,முறுக்கு நிறுவனத்தில் கொத்தடிமைகளாக நடத்திய செய்தி செய்தித் தாளில் படித்த நினைவு உள்ளது .அந்த நிகழ்வை படத்தில் வைத்துள்ளார் .கொத்தடிமையாக வட மாநிலத்திற்கு சென்ற சிறுவனிடம் அப்பா அம்மா இறந்த செய்தியைக் கூட  மறைக்கும் மனிதாபிமானம் அற்ற செயல் கண்டு, கண்ணில் கண்ணீர் வருகின்றது .விவசாய நிலங்களை வீட்டடி மனைகளுக்கும் அவலம் ,குழந்தைத் தொழிலாளர் முறையில்   உள்ள கொடுமை, ஏழ்மையின் இயலாமை ,கந்து  வட்டிக் கொடுமை ,பணக்காரகளின் சதி ,அலைபேசியால் சீரழியும் மாணவ சமுதாயம் ,காவல் துறையின் அவலம், அமைச்சரின் பித்தலாட்டம் ,மெல்லிய  காதல் இப்படி பல தகவல்களை ஒரே படத்தில் தந்து வெற்றிப் பெற்றுள்ளார் இயக்குனர் பாலாஜி சக்திவேல். இரண்டு வருடமாக அசைப் போட்டு இந்த திரைக்கதையை உருவாக்கி உள்ளார் .படத்தில் வரும் நிகழ்வுகள் யாவும் செய்தித் தாளில் படித்த செய்திகளே ,காட்சிகளாக வருவதால் படம் பார்க்கிறோம் என்பதை மறந்து படத்தோடு ஒன்றி விடுகின்றோம் .

படம் முடிந்து வெளியே வந்த பிறகும் படத்தின் பாதிப்பு நினைவிற்கு வருகின்றது .இதுதான் இயக்குனரின் வெற்றி .இயக்குனருக்கு
க் கைக் கொடுக்க வேண்டும் என்ற எண்ணம் படம் பார்த்த ஒவ்வொருவருக்கும் வருகின்றது . தேசியவிருது வழங்குவதில் நேர்மை இருக்குமென்றால், இந்தப் படத்திற்கு தேசிய விருது உறுதி என்று ,அறுதி இட்டுச்  சொல்லலாம் . பாடல் ஆசிரியர் நா .முத்துக்குமாரின் பாடல் வரிகள் நன்று .கிராமத்து வாழ்க்கையையும் ,நகரத்து சாலையோர வியாபர வாழ்க்கை ,நகரத்து பணக்கார மாணவனின் வாழ்க்கை அனைத்தையும் மிக இயல்பாக படமாக்கி உள்ளார் .

பணத்திற்கு ஆசைப்பட்டு காவல் ஆய்வாளர் குமாரவேல் அப்பாவி ஏழையை, குற்றவாளியாக்கி சிறைக்கு அனுப்பும் கொடுமைக் கண்டு படம் பார்க்கும் நமக்கும் ஆயவாளர் மீது கோபம் வருகின்றது .படத்தின் கதையை எழுதினால் படம் பார்ப்பவர்களுக்கு ஆர்வம் குறையும் என்பதால் கதையை எழுத வில்லை .

இந்தப்  படத்தின் மூலம் பல்வேறு தகவல்களைத் தந்து சமுதாயம் சீர் பட உதவி உள்ளார் .இந்தப் படம் வெற்றிப் பெறுவது உறுதி .இந்த வெற்றியின் காரணமாக மசாலா இயக்குனர்கள் நல் வழிக்கு வர வாய்ப்பு உள்ளது . தயாரிப்பாளர்களும் இனி இதுப் போன்ற படம் எடுங்கள் என்று சொல்லும் நிலை வரும் .இந்தப் படத்தில் மிகப் பெரிய கதா நாயகன் இல்லை ,மிகப் பெரிய கதாநாயகி இல்லை ,பிரபல சிரிப்பு நடிகர் இல்லை ,கொடூர வில்லன் இல்லை,கவர்ச்சி நடிகையின் கவர்ச்சி நடனம் இல்லை .   ஆனாலும் படம் வெற்றிப்  பெற்றுள்ளது .ராசரி படம் எடுக்கும் எல்லோரையும் சிந்திக்க வைத்த  மிகச் சிறந்தப் படம் .பாராட்டுக்கள்
--

மதுரையில் எழுத்தாளர் கர்ணன் எழுதிய ,சரித்திரம் உருவாக்கிய சந்திப்பு நூல் வெளியீட்டு விழா

மதுரையில் எழுத்தாளர் கர்ணன் எழுதிய ,சரித்திரம்  உருவாக்கிய சந்திப்பு நூல் வெளியீட்டு விழாவில் நூல் ஆசிரியர் கர்ணன் அவர்களுக்கு கவிஞர் இரா .இரவி பொன்னாடைப் பொத்திப் பாராட்டினார் .

வியாழன், 3 மே, 2012

ஜெயா தொலைக்காட்சி ,காலைமலர் நிகழ்ச்சியில்அகில்

ஜெயா தொலைக்காட்சி ,காலைமலர் நிகழ்ச்சியில் ,4.5.2012 அன்று காலை 8.15 மணிக்கு, இனிய நண்பர் ,எழுத்தாளர்,www.tamilauthors.com  இணையத்தின் ஆசிரியர் அகில் அவர்களின் நேர்முகம்  ஒளிப்பரப்பாகின்றது .பார்த்து மகிழுங்கள் .

பார்த்து விட்டு தங்கள் கருத்தைப் பகிர்ந்துக்  கொள்ள  அகில் அவர்களின்  மின் அஞ்சல் editor@tamilauthors.com

http://www.tamilauthors.com/writers/sri%20lanka/Ahil.html
--

செவ்வாய், 1 மே, 2012

ஊடகங்கள் திருந்த வேண்டும் . கவிஞர் இரா .இரவி

ஊடகங்கள் திருந்த வேண்டும் .                கவிஞர் இரா .இரவி

ஊடகங்கள் திருந்த வேண்டும் .பண ஆசை காட்டி வெளியே தெரியாமல் பணம் பறிக்கும் எண்ணத்தைக்  கை விட  வேண்டும்.பணம் வாங்கிக் கொண்டு திரைப்படத்தில் நடிக்கும் நடிகர்களுக்கு அளவிற்கு அதிகமாக முக்கித்துவம் கொடுப்பதை நிறுத்த வேண்டும் .ஒரே நடிகர்  படத்தை ஒரே தினத்தில் பல தொலைக்காட்சிகளில் ஒளிப்பரப்புவது  .   பேன்ட்டை  அவிழ்த்து அவிழ்த்துத் திரும்பப்  போடும் காட்சியை ,படத்தில் திரும்பத் திரும்ப இடம் பெறச் செய்த
ஓரு படம் .திரைஅரங்கில் எல்லோரும் முகம் சுளித்தப்படம்  கோடிக்கணக்கானவர்கள் பார்க்கும் தொலைக்காட்சியில் ஒளிப்பரப்புகின்றனர் .படம் ஒளிப்பரப்பும்  முன்பு  அதுப் பற்றி ஒரு சிறப்பு நிகழ்ச்சி வேறு .

ஒரு நடிகருக்கு பிறந்த நாள் ஆனால் அவர் தொலைக்காட்சி நிகழ்ச்சிக்கே வர மாட்டார் .ஆனால் அவரையும் விடுவதில்லை .அவரைப்பற்றி வானளாவப்  புகழச் சொல்லி , இரண்டு  இயக்குனர்களை வைத்து ஒரு நிகழ்ச்சி .ஊடகங்கள் சில நல்ல நிகழ்ச்சிகளை ஊறுகாய் போன்று ஒளிப்பரப்பி விட்டு ,பண்பாட்டைச்  சிதைக்கும்  நிகழ்ச்சிகளை  சோறுப்  போல ஒளிப்பரப்புகின்றனர் .ஊடகங்கள் போட்டிப் போட்டு பண்பாட்டைச்  சிதைத்து வருகின்றனர் .செய்தியில் சாமியார்களின் பித்த்லாடங்களை ஒளிப்பரப்பி விட்டு ,சிறிது  நேரத்தில் தொடரில்  சகல் சக்தி உடையவர் சாமியார் என்று ஒளிப்பரப்புகின்றனர் .ஊடகங்கள் சமுதாயப் பொறுப்புணர்வுடன் இனியாவது நடந்துக் கொள்ள வேண்டும் . வீட்டின் உள்ள வரும் நிகழ்ச்சி வீட்டில் உள்ள உறுப்பினர்கள்  எல்லோரும் பார்க்கும் நிகழ்ச்சி என்பதை உணர  வேண்டும் .வேண்டும் என்றே ஆங்கிலச் சொற்களில் நிகழ்ச்சியின் பெயர் வைப்பது ,
வேண்டும் என்றே ஆங்கிலச் சொற்கள் கலந்துப் பேசுவது .இவற்றைத் தவிர்க்க முன் வர வேண்டும் .உரத்த சிந்தனை உள்ள அனைவரும் இதற்காகக் குரல் கொடுக்க முன் வர வேண்டும் .

உழைப்பாளர் தினம் ! கவிஞர் இரா .இரவி

உழைப்பாளர் தினம் !                   கவிஞர் இரா .இரவி

வருடத்தில் ஒரு நாளாவது உழைக்கும் உழைப்பாளிகளை
உலகம்  நினைத்துப் பார்ப்பதற்கு நன்றி !

தினம் தினம் உழைக்கும் உழைப்பாளிகளை
உழைப்பாளர் தினத்திலாவது நினைத்து மகிழ்வோம் !

உலகம் உருவானதும் உயர்வானதும் 
உழைப்பாளிகளின் ஒப்பற்ற உயர்ந்த உழைப்பால் !

பாலங்கள் கட்டியதும் அணைகள் கட்டியதும்
வாகனங்கள் செய்ததும் சாலைகள் போட்டதும்

உழைப்பாளிகள் ! உழைப்பாளிகள் ! உழைப்பாளிகள்  !
உழைப்பாளிகள் உழைப்பு மதிக்கப் பட வேண்டும் !


உண்ண உணவு வழங்கியவர்கள் உழைப்பாளிகள் !
உடுக்க உடை உருவாக்கியவர்கள் உழைப்பாளிகள்  !

வசிக்க வீடு கட்டியவர்கள் 
உழைப்பாளிகள்  !
வளமான வாழ்விற்குக் காரணம் 
உழைப்பாளிகள்  !
 
உழைப்பாளிகள்   இல்லை என்றால் நீயும் இல்லை நானும் இல்லை
உழைப்பாளிகள்   இல்லை என்றால் ஊரும் இல்லை உறவும் இல்லை !

உழைப்பாளிகள்   இல்லை என்றால் உலகம் இல்லை
உழைப்பாளிகள்   இல்லை என்றால் வாழ்க்கை இல்லை !

உடலின் வியர்வை நிலத்தில் சிந்தி
உலகின் உயர்வை உருவாக்கிய சிற்பிகள் 
!
ஓய்வை  ஒத்தி வைத்து விட்டு நாளும்
உழைப்பை ஓய்வின்றி நல்கியவர்கள் !  


உழைப்பாளிகள் வாழ்க்கையில் உயரவில்லை
உழைக்காதவன்
வாழ்க்கையில் உயர்ந்து விடுகின்றான் !

உடல் உழைப்பு மட்டம் என்பது மடமை
மூளை உழைப்பு மட்டுமே  உயர்வு என்பதும் மடமை !

உழைப்பாளிகள் உள்ளம்  மகிழ்ந்து இருக்க  வேண்டும்
உள்ளதை
உழைப்பாளிகளுக்கு பகிர்ந்திட வேண்டும் !

உழைப்பாளிகள் மதிக்கப் பட வேண்டும்
உழைப்பினை உலகம் போற்றிட வேண்டும் !

--

தமிழ்த் தேனீ முனைவர் இரா .மோகன் அவர்களுக்கு விருது

தமிழ்த் தேனீ முனைவர் இரா .மோகன் அவர்களுக்கு  விருது