செவ்வாய், 19 பிப்ரவரி, 2019

யாரோவாகிப் போன அவள் ! கவிஞர் இரா .இரவி !



யாரோவாகிப் போன அவள் ! கவிஞர் இரா .இரவி !

உனக்காக  நான் எனக்காக நீ 
உயிர் உள்ள வரை பிரியோம் !

உடல் இரண்டு உயிர் ஒன்று 
உள்ளம் இரண்டும் ஒன்றானது !

உலகமே எதிர்த்தாலும் நான் 
உந்தன் கரம் பிடிப்பேன் !

நான் இன்றி நீ இல்லை 
நீ இன்றி  நான் இல்லை !

என் வாழ்வு உன்னோடுதான் 
உன்னைப் பிரிந்தால் உயிர் வாழேன் !

இப்படியெல்லாம் சொன்ன அவள் 
இன்று என்னோடு இல்லை !

காலத்தின் கோலம் பிறந்தோம் 
கள்ளி என்னை மறந்தாள் !

வேறு ஒருவன் கரம் பிடித்து 
வசதியாக குழந்தைகளுடன் !

யாயும் ஞாயும் யாரா கியரோ
யாரோவாகிப் போன அவள் ! 
.



நன்றி
அன்புடன்
கவிஞர் இரா .இரவி

http://tamil.pratilipi.com/kavignar-eraravi

நன்றி . மனிதநேயம் மாத இதழ்

நன்றி  . மனிதநேயம் மாத இதழ்




சங்கம் வைத்து தமிழ் வளர்த்த மதுரைக்கு வந்த தமிழ்ப்பணி இதழ் ஆசிரியர் கவிமுரசு வா .மு .சே .திருவள்ளுவரை வரவேற்றபோது ,மதிப்புரைக்காக அவருடைய கவிதைத் தேன் நூல் வழங்கினார் .

சங்கம் வைத்து தமிழ் வளர்த்த மதுரைக்கு வந்த தமிழ்ப்பணி இதழ் ஆசிரியர் கவிமுரசு வா .மு .சே .திருவள்ளுவரை வரவேற்றபோது ,மதிப்புரைக்காக அவருடைய கவிதைத் தேன் நூல் வழங்கினார் .






நன்றி .மாலைமுரசு நாளிதழ்

நன்றி .மாலைமுரசு நாளிதழ்

திங்கள், 18 பிப்ரவரி, 2019

இன்று காலையில் நடந்த தமிழ்த்தாத்தா பிறந்தநாள் விழா

இன்று காலையில் நடந்த தமிழ்த்தாத்தா பிறந்தநாள் விழா



அழைப்பிதழ்

அழைப்பிதழ்

மதுராபுரி! நாவல் ! நூல் ஆசிரியர் : ‘ம. கேசவ நாராயணன்’ ! நூல் விமர்சனம் : கவிஞர் இரா. இரவி.





மதுராபுரி! 

நாவல் !

நூல் ஆசிரியர் : ‘ம. கேசவ நாராயணன்’ !

நூல் விமர்சனம் : கவிஞர் இரா. இரவி. 
 சன்லாக்ஸ் பதிப்பகம், 3, விசாகா நகர், G.S.T. சாலை,
ஹார்விபட்டி பேருந்து நிறுத்தம், திருப்பரங்குன்றம், மதுரை-625 005.
பக்கம் : 512, விலை : ரூ.600          .

******
      மாமன்னர் திருமலை நாயக்கரின் வரலாறே இந்த நாவல். மாமன்னர் பற்றிய பல வரலாற்று நூல்களைப் படித்து ஆராய்ந்து உண்மையும் கற்பனையும் கலந்து வடித்துள்ள நாவல் இது.  திருமலை மன்னர் பற்றிய வரலாறு கூறும் முதல் நாவல் இது. நாவலாசிரியர் ம.கேசவ நாராயணன் அவர்களின் கடின உழைப்பை உணர முடிந்தது.

      நாவலில் வரும் காட்சிகளுக்கு பொருத்தமாக நவீன கணினி ஓவியங்கள் மிக நன்று.  திரைப்படம் பார்ப்பது போன்று உணர்வைத் தருகின்றன.  பாராட்டுக்கள்.  இந்த நாவலை திரைப்படமாகவும் எடுக்கலாம். நல்ல கதையம்சத்துடன், கலைநயத்துடன் விறுவிறுப்பான திருப்பங்களுடன் எதிர்பார்க்காத முடிவுகளுடன் நாவல் வடித்து உள்ளார்.

      மதுரையை பாண்டியர்கள் உள்பட பல மன்னர்கள் ஆண்டபோதும் திருமலை நாயக்கர் சுவடு பதித்துச் சென்றுள்ளார். இன்னும் பிரமாணடமாகக்  காட்சியளிக்கும் திருமலை நாயக்கர் அரண்மனையின் பெரிய தூண்கள் அவர் வரலாறு கூறும் மிகப்பெரிய ஆளுமையாகத் திகழ்ந்துள்ளார். வெவ்வேறு மாதங்களில் நடந்த சித்திரைத் திருவிழாவை ஒருங்கிணைத்தது.  கலையம்சம் மிக்க புதுமண்டபம் எழுப்பியது. மற்ற மதத்தவர்களுக்கு மதிப்பளித்தது என மன்னருக்குரிய இலக்கணத்துடன் வாழ்வாங்கு வாழ்ந்த திருமலை மன்னரின் வரலாறு நாவல் முழுவதும் உள்ளது. படிக்கப்படிக்க மன்னரின் மீதான மதிப்பு உயர்ந்துகொண்டே செல்கின்றது.

      மதுரை என்ற நகரத்தை கட்டிஎழுப்பிய மாமன்னன். பல்லாயிரம் ஆண்டுகள் ஆனபோதும் இன்னும் மதுரை அதே கம்பீரத்துடன் காட்சியளிக்கின்றது. ஆட்சிகள் மாறியபோதும் காட்சி மாறாத மதுரையாக உள்ளது. மதுரையை மதுராபுரி என்று பெயர்சூட்டிய் இருப்பதும் சிறப்பு.

      திருமலை பூபதியும் மாரப்பனும் எதிரி நாட்டினரிடம் மாட்டிக் கொண்டவுடன் வாள் வீசி வீரத்துடன் தப்பிக்கும் காட்சியை திரைப்படக் காட்சி போல நம் கண்களுக்கு காட்சிப்படுத்தி உள்ளார். திருமலை பூபதி மிகப்பெரிய வீரராகவும் திகழ்ந்துள்ளார் என்பதை உணர முடிந்தது.

      அடுத்து ஒரு போர்க்களக்காட்சி, அவரது வரிகளிலேயே படித்துப் பாருங்கள்.

 “அதுவரை தற்காப்புப் பாணியை கையாண்டு வந்த திருமலை சற்றுமுன் தொம்சம் செய்த காட்டுயானையை விட உக்கிரமாகி விட்ட்தை கூடியிருந்த கூட்டம் ஆர்ப்பரித்து குரல் எழுப்பியது.  “உம் அப்படித்தான் அடி, விடாதே, வெட்டு என திருமலை வாள் சுழற்றியவிதமே அப்துலுக்கு புரிபடவில்லை."

      உல்லகான் என்ற மல்யுத்த வீரன் மதுரைக்கு வந்து சண்டைக்கு வர இங்கு ஆண்கள் இல்லையா ? என்று சவால் விடுகிறான். போட்டிக்கு வந்த விருமன் தோற்கிறான். பிறகு செங்கன்னாவின் பேரன் வேங்கடகிருஷ்ணன் நான் மோதுகிறேன் என்கிறான். திருமலை மன்னர் நானே மோதுகிறேன் என்று தயார் ஆகின்றார்.
 மன்னரைத் தடுத்துவிட்டு வேங்கடன் மோதி உல்லகானை தோற்கடிக்கிறான். அந்த சண்டைக்காட்சியை ஒரு மல்யுத்தம் பார்ப்பது போன்ற உணர்வை தந்து விடுகின்றன.  நாவல் படிக்க விறுவிறுப்பாக உள்ளது.  ஒரு நாவல் எப்படி இருக்க வேண்டும் என்பதற்கு இலக்கணம் கூறும் விதமாக உள்ளது.

திருமலை மன்னரின் அண்ணன் முத்துவீரப்பன் தனக்கு வாரிசு இல்லை என்றவுடன் தம்பி திருமலைக்கு ஆட்சிப்பொறுப்பை நல்கிய வரலாறு நாவலில் வரும் பாத்திரங்களின் பெயர்க்ள் அனைத்தும் ஆய்வுசெய்து அவற்றை அப்படியே நாவலில் பயன்படுத்தி இருப்பது ஆசிரியரின் சிறப்பு.

விஜயநகர பேரரசின் வருகைக்கு கீழிருந்த மதுரையை திருமலை நாயக்கர் சுதந்திர நாடாக அறிவித்துக் கொண்ட வரலாறு நூலில் உள்ளது. இராமநாதபுரத்திற்கு படைகள் சென்ற வரலாறு. இப்படி நாவல் முழுவதும் மன்னர் திருமலை நாயக்கரின் வாழ்வில் நடந்த உண்மை நிகழ்வுகளை ஒட்டியே நாவல் வடித்து உள்ளார்.

நாவலின் கடைசிப்பகுதியில் போர்க்காட்சி படிக்கும்போது நமக்கு பாகுபலி திரைப்படம் நினைவிற்கு வரும்.  மிக பிரமாண்டமாக விளக்கமாக நுட்பமாக சுற்றி வந்து தாக்குதல் நடத்தும் எதிரி நாட்டு போர்முறை எல்லாம் விளக்கமாக விபரமாக எழுதி உள்ளார். 

கற்பனை ஆற்றல் குற்றால அருவியாகக் கொட்டி உள்ளது. நாவலை சுவையாகவும் சொல்நயத்துடன் மிக அழகாக எழுதி உள்ளார், பாராட்டுக்கள்.

மன்னர் சேதுபதியும், மன்னர் திருமலை நாயக்கரு பேசிக்கொள்வது போன்ற காட்சி வருகின்றது. வீரபாண்டிய கட்டபொம்மன் படத்தில் வருவது போன்ற உணர்வைத் தந்தன.

பின்னர் சேதுபதியை விடுவித்து மன்னர் திருமலை நாயக்கர், ‘நீ என் நண்பன் என்று கட்டித் தழுவிக் கொண்ட வரலாறு நூலில் உள்ளது.

மீனாட்சியம்மன் கோவில் அருகே அன்னசத்திரம் என்று இருந்தது.  தற்போது இல்லை. மறக்காமல் அன்னசத்திரம் பற்றியும் குறிப்பிட்டு உள்ளார்.

திருமலை மன்னர் மைசூர் வரை சென்று போர் நடத்திய வரலாறு நாவலில் உள்ளது.

விண்னுலகத்து அழகாபுரியை தம் மண்ணில் உருவாக்கிய திருமலை நாயக்கர் தனது பெயரை மதுராபுரியில் சரித்திரமாக்கி விட்டு சென்றார்.

முறைசெய்து காப்பாற்றும் மன்னவன் மக்கட்கு
      இறையென்று வைக்கப் படும்           (திருக்குறள்)

மதுரையை சொர்க்கமாக மாற்றிய மாமன்னர் திருமலை நாயக்கரின் வரலாறு நாவலாக அறிந்து பிரமித்துப் போனேன். அவர் கட்டிய அரண்மனையில் 25 ஆண்டுகள் அரசுபபணி புரிந்தவன் நான். அவர் மீது எனக்கு மதிப்பும் மரியாதையும் உண்டு. 

அது இன்னும் பல்கிப் பெருகிட காரணமானது இந்த நாவல். இந்த நாவலை திருமலை நாயக்கர் அரண்மனை வளாகத்தில் உள்ள அவரது சிலை முன்பே வெளியிட ஏற்பாடு செய்தது சிறப்பு. விழாவிற்குச் சென்று வெளியிட்ட நாவல் பற்றி பேசி வந்தேன். 

நாவல் ஆசிரியருக்கு பாராட்டுக்கள். இந்த நாவலுக்குப் பரிசும் பாராட்டும் கிடைக்கும். வாழ்த்துக்கள்.

.
.

சனி, 16 பிப்ரவரி, 2019

புனித மரியன்னை மேல்நிலைப் பள்ளிக்கு நூறு நூல்கள் அன்பளிப்பு வழங்கியபோது தலைமை ஆசிரியர் வழங்கிய மடல்

புனித  மரியன்னை மேல்நிலைப் பள்ளிக்கு நூறு நூல்கள் அன்பளிப்பு வழங்கியபோது தலைமை ஆசிரியர்  வழங்கிய மடல்

படத்திற்கு ஹைக்கூ ! கவிஞர் இரா .இரவி



யானை கூட
நேரம் ஒதுக்கி விளையாடுது
மனிதா நீ !

சங்கம் வைத்து தமிழ் வளர்த்த மதுரையில் தினமும் திருவிழா.படங்கள் கவிஞர் இரா.இரவி.

சங்கம் வைத்து தமிழ் வளர்த்த மதுரையில் தினமும் திருவிழா.
படங்கள் கவிஞர் இரா.இரவி.






நன்றி .ஆரோக்கிய வாழ்க்கை மாத இதழ் !

நன்றி .ஆரோக்கிய வாழ்க்கை மாத இதழ் !


வியாழன், 14 பிப்ரவரி, 2019

தமிழாற்றுப்படை ! அவ்வையார் ! கவிப்பேரரசு வைரமுத்து ! தலைமை தமிழ்த் தேனீ இரா .மோகன் ! நன்றி நக்கீரன். கவிஞர் இரா.இரவி

தமிழாற்றுப்படை ! அவ்வையார் ! கவிப்பேரரசு வைரமுத்து ! தலைமை தமிழ்த் தேனீ இரா .மோகன் ! நன்றி நக்கீரன். கவிஞர் இரா.இரவி






மதிப்பிற்குரிய பெண்மை! கவிஞர் இரா. இரவி.




மதிப்பிற்குரிய பெண்மை!

கவிஞர் இரா. இரவி.

******

மிகவும் மேன்மையானது உயர்ந்த பெண்மை
மதிப்பு மிக்கது போற்ற வேண்டியது உண்மை!



ஒரு இல்லம் அழகாகக் காரணம் பெண்மை
ஒரு உள்ளம் மகிழ்வாகக் காரணம் பெண்மை!



பெண்ணடிமைத்தனம் மண் மூடிப் போக வேண்டும்
பெண் உரிமை எப்போதும் வழங்கிட வேண்டும்!



பெண்மையின் உணர்வுகளுக்கு மதிப்பளிக்க வேண்டும்
பெண்ணை போகப்பொருளாக பார்க்காதிருக்க வேண்டும்!



பெண் இல்லாத உலகத்தை கற்பனையில் பாருங்கள்
பெண்ணின்றி ஆண் மட்டும் இருந்தால் அழகன்று!



அறிவுரை வழங்குவாள் நல்வழிப்படுத்தி மகிழ்வாள்
அறிவில் சிறந்த பெண்மையைப் பாராட்டுவோம்!



சொல்ல வரும் கருத்திற்கு செவிமடுக்க வேண்டும்
சொல்வதில் நல்லது இருந்தால் ஏற்றிட வேண்டும்!



பெண் புத்தி பின் புத்தி என்பது மூடர் சொன்னது
பெண் புத்தி முன் முத்தி என்பதே உண்மையானது!



ஆறை நூறாக ஆக்குவது சேமிக்கும் பெண்மை
அன்பை அள்ளி வழங்குவது அற்புதமான பெண்மை!



பாசம் வைத்து நேசம் காட்டுவது பெண்மை
பண்பில் சிறந்து பண்பை கற்பிக்கும் பெண்மை!



பாரதியார் உயர்ந்து வியந்து பாடியது பெண்மை
பாரதிதாசன் முழங்கியது எழுதியது உயர்ந்த பெண்மை!



பகுத்தறிவுப் பகலவன் தந்தை பெரியார் பாராட்டியது பெண்மை
பார் முழுவதும் கொடிகட்டிப் பறப்பது பெண்மை!



பெண்ணிடம் எப்போதும்  குறை காண வேண்டாம்   
பெண்ணிடம் உள்ள  நிறையை எப்போதும் காணுங்கள் !



பெண்மையை மதிப்பதில்தான் ஆண்மை உள்ளது

பெண்மையைப் போற்றுவதில் தான் அர்த்தம் உள்ளது

தமிழும் நானும்! கவிஞர் இரா. இரவி.



தமிழும் நானும்!

கவிஞர் இரா. இரவி.

******

தமிழும் நானும் நகையும் சதையும் போல
தமிழ் குருதியில் ஒன்றாகக் கலந்திட்ட உறவு!



தூக்கத்தில் எழுப்பிக் கேட்டாலும் சொல்வேன்
துக்கம் விரட்டிடும் ஆற்றலுண்டு தமிழுக்கு !



தமிழ் படித்தவர்களுக்கு வாழ்நாள் நீளும்
தமிழுக்கு வாழ்விக்கும் திறமை உண்டு!



தமிழனாகப் பிறந்ததற்காக பெருமை கொள்கிறேன்
தரணியின் முதல்மொழி எந்தன் தாய்மொழி!



அடுத்த பிறவி என்று ஒன்று இருந்தால் நமது
அண்ணால் தமிழனாகப் பிறக்க விரும்பினார் !



மாவீரர் நேதாசியும் அடுத்தபிறவி இருந்தால்
மண்ணில் தமிழனாகப் பிறக்க விரும்பினார்!



தமிழின் அருமை பெருமை தரணி அறிந்தது
தமிழன்தான் பெருமையை அறியாமல் இருக்கிறான் !



அரசுப்பள்ளியில் பயின்றதால் எனக்கு தமிழ்ப்பற்று உள்ளது
ஆங்கிலப்பள்ளியில் பயின்று இருந்தால் தமிழ்ப்பற்று இருக்காது!



தமிழ் எங்கள் உயிருக்கு நேர் என்றார் புரட்சிக்கவிஞர்
தமிழ் எங்கள் உயிருக்கு மேல் என்பேன் நான் !



அமுதம் வேண்டுமா? தமிழ் வேண்டுமா? என்றால்
அமுதம் வேண்டாம் தமிழ் வேண்டும் என்பேன் !



பெற்ற தாய்க்கு அடுத்து நேசிப்பதை தமிழை
பெற்ற தாய் தடுத்தாலும் தமிழ்ப்பகையை விடுவதில்லை !



தமிழுக்காக எழுதியும் பேசியும் வருகிறேன்
தமிழுக்காக தேவைஎன்றால் உயிரையும் தருவேன் !



தமிழன்னையை அரியணையில் ஏற்றி மகிழ்வேன்
தமிழே எந்தன் உயிர் மூச்சு என்பேன்!



நன்றி
அன்புடன்
கவிஞர் இரா .இரவி

http://tamil.pratilipi.com/kavignar-eraravi

புதன், 13 பிப்ரவரி, 2019

எழுத்தாளர் எஸ் .இராம கிருஷ்ணன் அவர்கள் சாகித்ய அகாதெமி விருது பெற்றமைக்காக, த. மு .எ .க .ச .சார்பில் மதுரையில் நடந்த பாராட்டு விழாவில் ஏற்புரையின் போது பொன்னாடைப் போர்த்திப் பாராட்டினேன் .

எழுத்தாளர் எஸ் .இராம கிருஷ்ணன் அவர்கள் சாகித்ய அகாதெமி விருது பெற்றமைக்காக, த. மு .எ .க .ச .சார்பில் மதுரையில் நடந்த பாராட்டு விழாவில் ஏற்புரையின் போது பொன்னாடைப் போர்த்திப் பாராட்டினேன் .





தியாகி வைத்தியநாதர் நினைவேந்தல்நிகழ்வில் 23.2.2019

தியாகி வைத்தியநாதர் நினைவேந்தல்நிகழ்வில் 23.2.2019