வியாழன், 31 ஜூலை, 2014

தமிழ்த் தேனீ ,முனைவர் இரா .மோகன் அவர்களுக்கு கம்பன் கழக விருது !

தமிழ்த் தேனீ ,முனைவர் இரா .மோகன் அவர்களுக்கு
கம்பன் கழக விருது !

தமிழ்த் தேனீ ,முனைவர் இரா .மோகன் அவர்களுக்கு நீதியரசர்
 மு .மு .இஸ்மாயீல் அவர்கள் நிறுவியுள்ள பேராசிரியர்
 கே .சுவாமிநாதன் நினைவுப் பரிசில் சென்னை கம்பன் கழகம் விழாவில் 8.8.2014 அன்று வழங்குகின்றனர் .

அவரை வாழ்த்த மின்னஞ்சல்  eramohanmku@gmail.com



புதன், 30 ஜூலை, 2014

சென்னையில் பாரதி ,பாசோ பா மன்றம் தொடக்கம் ,மின்மினி ஆண்டு விழா புகைப்படங்கள் .

சென்னையில் பாரதி ,பாசோ பா மன்றம் தொடக்கம் ,மின்மினி ஆண்டு விழா புகைப்படங்கள் .

பூ பூக்கும் வானம் ! நூல் ஆசிரியர் கவிஞர் வீரன்வயல் வீ .உதயகுமாரன் ! நூல் விமர்சனம் கவிஞர் இரா .இரவி !

பூ பூக்கும் வானம் !


நூல் ஆசிரியர் கவிஞர் வீரன்வயல் வீ .உதயகுமாரன் !

நூல் விமர்சனம் கவிஞர் இரா .இரவி !

மின்னல் கலைக்கூடம்   117. எல்டாம்ஸ்  சாலை ,சென்னை .600018
விலை ரூபாய் 50. பேச 9841436213.

நூல் ஆசிரியர் கவிஞர் வீரன்வயல் வீ .உதயகுமாரன் அவர்கள் பாக்யா வார இதழ் வாசகர் என்பதால்  பாக்யா வார இதழ் ஆசிரியர் இயக்குனர் பாக்கியராஜ் அவர்கள் அணிந்துரை வழங்கி உள்ளார்கள் .அணிந்துரை நூல் என்ற மகுடத்தில் பதித்த வைரக்கல்லாக ஒளிர்கின்றது .

ஹைக்கூ தளத்தில்  ஓய்வின்றி இயங்கி வரும் இனிய நண்பர் மின்மினி ஆசிரியர் கவிஞர் கன்னிக்கோவில் இராஜா ,கவிஒவியா மாத இதழ்  ஆசிரியர் கவிஞர் மயிலாடுதுறை இளையபாரதி இருவரின்
அணிந்துரையும் மிக நன்று .பதிப்பாளர், பண்பாளர்,  இனியவர், பொதிகை மின்னல் மாத இதழ் ஆசிரியர், கவிஞர் வசீகரன் அவர்கள் பதிப்புரையில் ' நயத்தக்க சுவை ' என்ற ஒற்றை வரியில் நூலின் தரத்தை உணர்த்தி உள்ளார் .

பார்த்ததை,ரசித்ததை, உணர்ந்ததை, உற்று நோக்கி சிந்தித்து அசை போட்டு ஹைக்கூ வடிப்பது  ஒரு   கலை . நூல் ஆசிரியர் கவிஞர் வீரன்வயல் வீ .உதயகுமாரன் அவர்களுக்கு அக்கலை  நன்கு கைவரப்பெற்ற காரணத்தால் ஹைக்கூ நன்கு வடித்துள்ளார். பாராட்டுக்கள் . 

தேர்தலின் பொது வறுமையை ஒழிப்போம் என்று வாக்குறுதி  தருகின்றனர் .வென்றது தன் குடும்ப வறுமையை ஒழித்து விட்டு மக்கள் வறுமையை மறந்து விடுகின்றனர் .ஆட்சிகள் மாறினாலும் காட்சிகள் மாறுவதில்லை .வறுமை அப்படியே தொடர்கின்றது என்பதை எள்ளல் சுவையுடன் உணர்த்தும் ஹைக்கூ நன்று .

தேசிய உடை 
பரிசீலனையில் 
கோவணம் !

கடவுள் இல்லை என்று சொல்லும் போது கடவுள் என்ற சொல்லை வேறு வழியின்றி நாத்திகரும் பயன்படுத்த வேண்டி உள்ளது .அதனை கவனித்து நுட்பமாக வடித்த ஹைக்கூ நன்று .

இல்லை என்பதில் 
ஒளிந்திருக்கிறார் 
இல்லாத கடவுள் !

காதலித்து விட்டு குடும்ப  சூழ்நிலை  காரணமாக காதலனை மறந்து விடு என்று சொன்னால் .அந்தச் சொல்லை அவன் உயிர் உள்ளவரை மறப்பது இல்லை என்பது உண்மை .அதனை உணர்த்தும் ஹைக்கூ 
ஒன்று மிக நன்று .

மறந்து விடுங்கள் 
அவள் சொன்னதை 
மறக்க முடியவில்லை !

பெண்ணைப் பெற்றவளின் தந்தை கடனை வாங்கி வட்டிக்கு வாங்கி மகளுக்கு தங்க நகை ,சீர் வாங்கும் அவலம் இன்றும் தொடர்கின்றது. மகள் தந்தையின் துன்பம் நினைத்து வருந்துவாள் .காலங்கள் மாறியபோதும் வரதட்சணைக் கொடுமைகள் மட்டும் மாறவே இல்லை .

முதலிரவு ருசிக்கவில்லை 
வருந்தும் நினைவுகள் 
தந்தை பட்டகடன் !   

ஈழ விடுதலை சாத்தியமில்லை என்று சிலர் உளறி வருகின்றனர். முயன்றால் முடியாதது எதுவுமில்லை .ஈழ விடுதலை சாத்தியம் என்பதை நன்கு உணர்த்தும் ஹைக்கூ .

தெற்கு சூடான் விடுதலை
தமிழர்களுக்கு வந்தது 
தமிழீழ நம்பிக்கை !

மீன்களை  நம்  கண்  முன்  காட்சிப்படுத்தி தன்னம்பிக்கை விதை விதைத்து உள்ளார் .
  
அடித்து செல்லும் வெள்ளம் 
எதிர்த்து  நீந்தும் மீன்கள் 
தன்னம்பிக்கை !

வெங்காயம் உரிக்கும்போது கண்ணில் கண்ணீர் வரும் என்பது அனைவரும் அறிந்த ஒன்று .அதனை ஹைக்கூ பார்வையில் பார்த்துள்ளார் பாருங்கள் .

துகிலுரிப்பவனை
அழ வைக்கிறாள் 
வெங்காயப் பாஞ்சாலி !

ஈழத்தில் நடந்த கொடுமைகள் மறக்கவும் ,மன்னிக்கவும் முடியாதவை ஈழக் கொடுமைகள் புரிந்த கொடூரன் ஐ .நா .மன்றத்தால் விரைவில்   தண்டிக்க வேண்டும் என்பதே ஒட்டு  மொத்த  உலகத் தமிழர்களின் விருப்பம் .

இந்தியப் பெருங்கடல்  
நிறம் மாறுகிறது 
ஈழத்தமிழர் ரத்தம் ! 

பூ பூக்கும் வானம் நூலின் தலைப்பே கவித்துவமாக உள்ளது .வானில் பூ பூக்குமா ? பூக்கும் .வானில் தெரியும் நட்சத்திரமே வானில்  பூத்த  பூ .
நூல் ஆசிரியர் கவிஞர் வீரன்வயல் வீ .உதயகுமாரன் அவர்கள் புதுக் கவிதை எழுதியவர் ஹைக்கூ எழுத முன் வந்துள்ளார் ..பாராட்டுக்கள்.
பூ பூக்கும் வானம் என்ற இந்த நூல் படித்தால் படிக்கும் வாசகர் மனதில் இன்ப பூ பூக்கும் என்பது உண்மை .தொடர்ந்து எழுதுங்கள் .முன் பின்  அட்டை வடிவமைப்பு , உள் அச்சு ,பொருத்தமான புகைப்படங்கள் யாவும் மிக நேர்த்தியாக  பதிப்பித்த  பதிப்பாளர்  கவிஞர் வசீகரன் அவர்களுக்கும் பாராட்டுக்கள் .
 .
கவிஞர் இரா .இரவி

http://www.eraeravi.blogspot.in/
.

இறந்த பின்னும்
இயற்கையை ரசிக்க
கண் தானம் !

செவ்வாய், 29 ஜூலை, 2014

ஹைக்கூ ! கவிஞர் இரா .இரவி !

ஹைக்கூ !  கவிஞர் இரா .இரவி !


பறவைகளில் சிறியது 
பரவசம் தருவது 
குருவி !

சிலப்பதிகாரம் நற்றிணை குறுந்தொகை 
இலக்கியங்களில்  இடம் பிடித்த 
குருவி !

தன்னுயிருக்கு மேலாக 
தன் குஞ்சுகள் உயிர் காக்கும்
குருவி !

இரை ஊட்டி காக்கும் 
இனிய குஞ்சுகளை 
குருவி !
 
மிக இனிமை  
எழுப்பும் ஒலி
குருவி !

கூடு கட்டி வாழும் 
கூடி வாழும் 
குருவி !

சிட்டுகளை 
நினைவூட்டும் 
குருவி !

குழந்தைகள் பார்த்தால்
குதூகலம்  பெறும் 
குருவி !

பறப்பது அழகு 
நடப்பது அழகு 
குருவி !

மெல்லிய தேகம் 
பறக்கும் வானம் 
குருவி !

மூன்றெலுத்து   முத்தாய்ப்பு 
முத்தமிட்டுக் கொள்ளும் 
குருவி !

உழைப்பால் உருவாக்கும் 
உன்னத கூடு 
குருவி !

அருகே வாழ்ந்தது 
தூரம் சென்றது 
குருவி !

வண்ண சிறகு 
ரசிக்க அழகு 
குருவி !

உலகமயத்தால் 
விவசாயியோடு பாதித்தது 
குருவி !

அலைபேசி கோபுரங்களால் 
அழிந்து வருகின்றது 
குருவி !
.


நன்றி
அன்புடன்
கவிஞர் இரா .இரவி

http://www.eraeravi.blogspot.in/
.

இறந்த பின்னும்
இயற்கையை ரசிக்க
கண் தானம் !

‘புத்தகம் போற்றுதும்’ நூல் ஆசிரியர் : கவிஞர் இரா. இரவி. மதிப்புரை:தமிழறிஞர் ம.பெ. சீனிவாசன், சிவகங்கை.


‘புத்தகம் போற்றுதும்’

நூல் ஆசிரியர் : கவிஞர் இரா. இரவி.
மதிப்புரை:தமிழறிஞர்  ம.பெ. சீனிவாசன், சிவகங்கை. செல்.: 98424 36640
தொடர்பு முகவரி :  எஸ்2, வரதாடீலக், ‘வசுதாரா’, ஆண்டாள்புரம், மதுரை-3.
வானதி பதிப்பகம் .23.தீனதயாளு தெரு ,தி. நகர் ,சென்னை .600017. தொலைபேசி 044-24342810. 044-24310769. மின் அஞ்சல்vanathipathippakam@gmail.com பக்கம் 224 விலை ரூபாய் 150.

அன்பு நிறைந்த கவிஞர்க்கு, நல்ல நூல்களை விரும்பிப் பயில்வதோடு நிற்காமல், அவற்றை நாடறியச் செய்யும் தங்களின் நன்முயற்சிக்கு என் வணக்கம்.
‘புத்தகம் போற்றுதும்’ எனும் தங்களின் ஒரு நூல் மூலம் தாங்கள் படித்துப் பயன் கொண்ட ஐம்பது நூல்களைத் தமிழ் வாசகர்களுக்கு அறிமுகம் செய்திருக்கிறீர்கள்.
தொழில்நுட்ப வளர்ச்சி காரணமாக இன்று தமிழில் ஒருவரால் படிக்க இயலாது.  ஆர்வம் ஓங்க வாங்கி வைத்து, வீட்டு நூலகத்தில் படிக்க நேரமின்றித் தூங்கிக் கொண்டிருக்கும் நூல்கள் எத்தனையோ! நம்மில் பலருக்கும் பொதுவான அனுபவம் இது.  இதையும் மீறி எதையும் விடாமல் படிக்கும் ‘நெட்டைப் புத்தக வெறியர்க்கும்’ கிட்டாத நூல்கள் உண்டு.  அப்படிப் படிக்காமல் விட்ட குறை, தொட்ட குறையைத் தீர்த்துவைப்பது தங்களின் நூல்.
எவ்வளவு படித்தாலும் சாரமாக மனத்தில் தங்குவது கொஞ்சமே.  அந்தச் சாரத்தைப் பிழிசாறாகத் தரும் பணியைத் தங்கள் நூல் செப்பமுறச் செய்திருக்கிறது.  ‘ஹைகூ’ கவிஞரான நீங்கள் புதிய வரவாக உள்ள நூல்களையே அறிமுகம் செய்திருப்பீர்கள் என்ற எதிர்பார்ப்பையும் மீறி, தங்கள் பட்டியலில் மகாவித்துவான் ச. தண்டபாணி தேசிகரும், மூதறிஞர் ‘மராபோ’ போன்றவர்களும் இடம் பெற்றிருப்பது தங்களின் விசாலப் பார்வைக்குக் கட்டியம் கூறுகிறது.
‘வாசிக்கப் புதுசு’, ‘புது(த்)தகம்’ என்பவற்றின் பொருளுணர்ச்சியைத் தாண்டி, என்றும் புலராது அன்றன்று புதுமையாகவுள்ள காலத்தால் முப்பது நாற்பது ஆண்டுகளுக்கு முன் வந்த பழைய நூல்களின் திறன் தெளிந்தும் போற்றியிருக்கிறீர்கள்.  இந்தப் போற்றுதலுக்கு மீண்டும் என் வாழ்த்துக்கள்.
“புத்தகம் போற்றுதும் ; புத்தகம் போற்றுதும் ;
       வித்தக ‘ஹைகூ’ கவிஞர் இரவிசெய்
       புத்தகம் போலிருந்த லான்”

.

திங்கள், 28 ஜூலை, 2014

‘புத்தகம் போற்றுதும்’ நூல் ஆசிரியர் : கவிஞர் இரா. இரவி. மதிப்புரை:தமிழறிஞர் ம.பெ. சீனிவாசன், சிவகங்கை.

‘புத்தகம் போற்றுதும்’

நூல் ஆசிரியர் : கவிஞர் இரா. இரவி.
மதிப்புரை:தமிழறிஞர்  ம.பெ. சீனிவாசன், சிவகங்கை. செல்.: 98424 36640
தொடர்பு முகவரி :  எஸ்2, வரதாடீலக், ‘வசுதாரா’, ஆண்டாள்புரம், மதுரை-3.
வானதி பதிப்பகம் .23.தீனதயாளு தெரு ,தி. நகர் ,சென்னை .600017. தொலைபேசி 044-24342810. 044-24310769. மின் அஞ்சல்vanathipathippakam@gmail.com பக்கம் 224 விலை ரூபாய் 150.

அன்பு நிறைந்த கவிஞர்க்கு, நல்ல நூல்களை விரும்பிப் பயில்வதோடு நிற்காமல், அவற்றை நாடறியச் செய்யும் தங்களின் நன்முயற்சிக்கு என் வணக்கம்.
‘புத்தகம் போற்றுதும்’ எனும் தங்களின் ஒரு நூல் மூலம் தாங்கள் படித்துப் பயன் கொண்ட ஐம்பது நூல்களைத் தமிழ் வாசகர்களுக்கு அறிமுகம் செய்திருக்கிறீர்கள்.
தொழில்நுட்ப வளர்ச்சி காரணமாக இன்று தமிழில் ஒருவரால் படிக்க இயலாது.  ஆர்வம் ஓங்க வாங்கி வைத்து, வீட்டு நூலகத்தில் படிக்க நேரமின்றித் தூங்கிக் கொண்டிருக்கும் நூல்கள் எத்தனையோ! நம்மில் பலருக்கும் பொதுவான அனுபவம் இது.  இதையும் மீறி எதையும் விடாமல் படிக்கும் ‘நெட்டைப் புத்தக வெறியர்க்கும்’ கிட்டாத நூல்கள் உண்டு.  அப்படிப் படிக்காமல் விட்ட குறை, தொட்ட குறையைத் தீர்த்துவைப்பது தங்களின் நூல்.
எவ்வளவு படித்தாலும் சாரமாக மனத்தில் தங்குவது கொஞ்சமே.  அந்தச் சாரத்தைப் பிழிசாறாகத் தரும் பணியைத் தங்கள் நூல் செப்பமுறச் செய்திருக்கிறது.  ‘ஹைகூ’ கவிஞரான நீங்கள் புதிய வரவாக உள்ள நூல்களையே அறிமுகம் செய்திருப்பீர்கள் என்ற எதிர்பார்ப்பையும் மீறி, தங்கள் பட்டியலில் மகாவித்துவான் ச. தண்டபாணி தேசிகரும், மூதறிஞர் ‘மராபோ’ போன்றவர்களும் இடம் பெற்றிருப்பது தங்களின் விசாலப் பார்வைக்குக் கட்டியம் கூறுகிறது.
‘வாசிக்கப் புதுசு’, ‘புது(த்)தகம்’ என்பவற்றின் பொருளுணர்ச்சியைத் தாண்டி, என்றும் புலராது அன்றன்று புதுமையாகவுள்ள காலத்தால் முப்பது நாற்பது ஆண்டுகளுக்கு முன் வந்த பழைய நூல்களின் திறன் தெளிந்தும் போற்றியிருக்கிறீர்கள்.  இந்தப் போற்றுதலுக்கு மீண்டும் என் வாழ்த்துக்கள்.
“புத்தகம் போற்றுதும் ; புத்தகம் போற்றுதும் ;
       வித்தக ‘ஹைகூ’ கவிஞர் இரவிசெய்
       புத்தகம் போலிருந்த லான்”

.

ஹைக்கூ ! கவிஞர் இரா .இரவி !

27.7.2014 அன்று சென்னையில் நடந்த மின்மினி இதழ் 5 ஆம் ஆண்டு விழாவில்  கவிப்பேரரருவி ஈரோடு தமிழன்பன் அவர்கள் பறவைகள் பற்றி இயற்கை பற்றி ஹைக்கூ வடியுங்கள் என்று வேண்டுகோள் வைத்தார்கள் .அதன் விளைவு.


ஹைக்கூ !  கவிஞர் இரா .இரவி !

வண்ணம் கருப்பு 
எண்ணம் இனிப்பு 
காகம் !  

அழகு கருப்பு 
அனைவரின் விருப்பு 
காகம் !  

கூர்மை அலகு
கூர்ந்து பார்த்தால் அழகு 
காகம் !  
.
கரைந்து உண்ணும் 
இரக்க உள்ளம் 
காகம் !  

கூடி வாழும் 
கோடி இனம் 
காகம் !  

ஒன்றுக்கு இடர் எனில் 
அனைத்தும் கூடி விடும் 
காகம் !  

அழைத்தால் வரும் 
அன்புப் பறவை 
காகம் !  

பாட்டி கதையில் 
பகையாளி 
காகம் !  

பானையில் கற்கள் இட்டு 
தாகம் தனித்த அறிவாளி 
காகம் !  

குயிலிடம் 
வாடகை வாங்காத தாய் 
காகம் !  

இரண்டும் உண்ணும் 
சைவம் அசைவம் 
காகம் !

பறக்காமல்  நடக்காமல் பயணிக்கும் 
பசுவின் மீது அமர்ந்து 
காகம் !

பார்க்கின்றனர் பலர் 
கடவுளாக முன்னோராக 
காகம் !



நன்றி
அன்புடன்
கவிஞர் இரா .இரவி

http://www.eraeravi.blogspot.in/
.

இறந்த பின்னும்
இயற்கையை ரசிக்க
கண் தானம் !

தி .க .சி. எனும் ஆளுமை ! நூல் விமர்சனம் ! நூல் ஆசிரியர்கள் தமிழ்த் தேனீ முனைவர் இரா .மோகன் , புதுகை மு .தருமராசன் . நன்றி தினமலர் நாளிதழ் .

தி .க .சி. எனும் ஆளுமை ! நூல் விமர்சனம் ! நூல் ஆசிரியர்கள் தமிழ்த் தேனீ முனைவர் இரா .மோகன் , புதுகை மு .தருமராசன் . நன்றி தினமலர் நாளிதழ் .

ஹைக்கூ பற்றி

ஹைக்கூ பற்றி


மின்னல் துளிப்பா நூல் விமர்சனங்கள் !

மின்னல் துளிப்பா  நூல் விமர்சனங்கள்  !

பாவலர் புதுவைத் தமிழ்நெஞ்சன் அவர்களுக்கு பாராட்டுக்கள் .

பாவலர் புதுவைத் தமிழ்நெஞ்சன் அவர்கள் சென்னையில் நடந்த மின்மினி விழாவில் தந்தவை .இவைகளை செல்லும் விழாக்கள் .,திருமண நிகழ்வுகளில் சந்திக்கும் பலருக்கும் வழங்கி வருகிறார்கள் .நற்பணிக்கு பாராட்டுக்கள் .


முன்றாம் பார்வை அறக்கட்டளை சார்பில் நடந்த கெலன் கெல்லர் பிறந்த நாள் விழா செய்தி! நன்றி . உதவிக்கரம் மாத இதழில்

முன்றாம் பார்வை அறக்கட்டளை சார்பில்  நடந்த கெலன் கெல்லர்  பிறந்த நாள் விழா செய்தி! நன்றி .  உதவிக்கரம் மாத இதழ் .

படித்ததில் பிடித்தது ! ஹைக்கூ - ச.சந்திரா !

படித்ததில் பிடித்தது !

ஹைக்கூ - ச.சந்திரா !

பூணூல் அங்கி குல்லாவில்
இழையோடும் பருத்திக்குத் தெரியும்
எம்மதமும் சம்மதமென்று!

சனி, 26 ஜூலை, 2014

மின்னல் தமிழ்பணி ஹைக்கூ பூங்கா

மின்னல் தமிழ்பணி ஹைக்கூ பூங்கா

மகிழ்வான செய்தி !

மகிழ்வான  செய்தி !


மதுரை காமராசர் பல்கலைக் கழகம் இளநிலை பட்டப் படிப்பிற்கான  தமிழ்  பகுதி 1 ( இக்காலக் கவிதையும் சிறுகதையும் )
பாட நூலில் இரண்டாம் முறையாக என்னுடைய
( கவிஞர் இரா .இரவி )   ஹைக்கூ இடம் பெற்றுள்ளது  .

ஆயிரம் ஹைக்கூ நூலில் இருந்து முதல் ஹைக்கூ  பாட நூலில் இடம் பெற்றுள்ளது .

தடுக்கி விழுந்ததும் 
தமிழ் பேசினான் 
அம்மா !

முது முனைவர் வெ.இறையன்பு இ .ஆ .ப . அவர்கள் எழுதிய சிறந்த சிறுகதையான' ஸ்தபதி  ' இடம் பெற்றுள்ளது .

இந்த நூலிற்கு மிகச் சிறந்த தமிழ் உரை பேராசிரியர் ,தமிழ்த்துறைத் தலைவர்  முனைவர் ச .சந்திரா அவர்கள் எழுதி உள்ளார்கள்
 பாவை பதிப்பக வெளியீடாக வந்துள்ளது . 

நிறைமதி தமிழ் உரை நிறை மதியுடன் எழுதி இருப்பதால் .கல்லூரி மாணவர்கள் கோனார்  தமிழ் உரை போலவே எளிமையாகவும் இனிமையாகவும் உள்ளது எனப் பாராட்டி உள்ளனர் .
.
பதச்சோறாக  நிறைமதி தமிழ் உரையில் இருந்து சில துளிகள் படித்து மகிழுங்கள் .

முனைவர் ச .சந்திரா    neraimathi@rocketmail.com





ஜெயிப்பது நிஜம் ! நூல் ஆசிரியர் இன்ஸ்பயர் இளங்கோ ! நூல் விமர்சனம் கவிஞர் இரா .இரவி . நன்றி நம்பிக்கை வாசல் மாத இதழ் !

ஜெயிப்பது நிஜம் ! நூல் ஆசிரியர் இன்ஸ்பயர் இளங்கோ !  
நூல்  விமர்சனம் கவிஞர் இரா  .இரவி .
நன்றி நம்பிக்கை வாசல் மாத இதழ் !

வெள்ளி, 25 ஜூலை, 2014

கச்சத்தீவைத் திரும்ப பெற முடியும் ! நூல் ஆசிரியர் : மூத்த பத்திரிக்கையாளர் ப. திருமலை ! நூல் விமர்சனம் : கவிஞர் இரா. இரவி!

கச்சத்தீவைத் திரும்ப பெற முடியும் !



நூல் ஆசிரியர் : மூத்த பத்திரிக்கையாளர் ப. திருமலை !

நூல் விமர்சனம் : கவிஞர் இரா. இரவி! 

நன்கொடை : ரூ. 30
பாபுஜி நிலையம், 39A/48, மரக்கடை சாலை, இராணி தோட்டம், நாகர்கோவில்-629 001.
*****
முனைவர் வ. அருள்ராஜ் அவர்களின் பதிப்புரை மிக நன்று.  அவர் கேட்கும் கேள்விகள் நியாயமானதாக உள்ளது.  கச்சத்தீவு என்பது தமிழகத்தின் ஒரு பகுதியாகவே இருந்து வந்தது.  தமிழகத்தின் அனுமதி பெறாமலே நடுவணரசு கச்சத்தீவை இலங்கைக்கு தாரை வார்த்தது.  நம்மால் இலவசமாக வழங்கப்பட்ட கச்சத்தீவு அருகே நம் மீனவர்கள் சென்றால் கண்மூடித்தனமாக சுடுவது, தாக்குவது, கைது செய்வது என கோரத்தாண்டவம் ஆடி வருகின்றனர் சிங்கள இராணுவத்தினர்.  இந்த பிரச்சினைக்கு ஒரே தீர்வு இந்தியாவில், தமிழகத்தின் அனுமதி இன்றி தாரைவார்க்கப்பட்ட கச்சத்தீவை திரும்பப் பெற வேண்டும். கொடுத்ததைத் திரும்பப் பெற முடியுமா? என கேள்வி கேட்பவர்களுக்கு விடை சொல்லும் விதமாக நூல் எழுதியுள்ளார் நூலாசிரியர் மூத்த பத்திரிகையாளர் ப. திருமலை அவர்கள்.
கச்சத்தீவுப் பகுதிக்கு சென்று வலைகளை உலர வைப்பதற்கும், ஓய்வு எடுத்துக் கொள்வதற்கும் தமிழக மீனவர்களுக்கு உரிமை உண்டு என்று தாரை வார்த்த போது குறிப்பிடப்பட்ட ஒப்பந்தத்தையும் இலங்கை இராணுவம் கடைபிடிக்கவில்லை.  ஒருவர் ஒப்பந்தத்தை கடைபிடிக்கவில்லை என்றால் அதை ரத்து செய்யும் உரிமை நமக்கு உண்டு என்பதை மைய அரசு உணர வேண்டும்.
ஆட்சி மாறியும் காட்சி மாறவில்லை என்ற விதமாக பேராயக்கட்சி செய்த தவறையே பாரதீய ஜனதா கட்சியும் செய்து வருகிறது.  இலங்கைக்கு ஆதரவாகவும், தமிழர்களுக்கு எதிராகவும் நீதிமன்றத்தில் கருத்து பதிவு செய்திட்ட அவலத்திற்கு கண்டனத்தை நூலில் நன்கு பதிவு செய்துள்ளார்.
“கச்சத்தீவு மீதான, இராமனாதபுரம் இராஜாவின் ஜமீன்தாரி உரிமையின் அடிப்படையில் கச்சத்தீவு இந்தியாவின் ஒரு பகுதி என்பது வலுவான வாதமாகும்.  கச்சத்தீவிலும் அதனைச் சுற்றியுள்ள பகுதிகளிலும் உள்ள கடல் பகுதிகளில் மீன் பிடிக்கும் உரிமை தொடர்பாக இராமநாதபுரம் சேதுபதி தொடர்ந்து பலரிடம் ஒப்பந்தங்கள் செய்திருக்கிறார்.
கச்சத்தீவு தமிழகத்திற்கு சொந்தமானது என்பதை பல்வேறு ஆவணங்களின் விபரம் தேதிகளுடன் மிக நுட்பமாக நூல் வடித்து உள்ளார்.  நூலாசிரியர் மூத்த பத்திரிகையாளர். எந்த ஒரு கட்டுரை எழுதினாலும் மேம்போக்காக எழுத மாட்டார்கள். கட்டுரை தொடர்பான அனைத்து விவரங்களையும் திரட்டி, ஆய்ந்து, அறிந்து, ஆராய்ந்து எழுதும் ஆற்றல் மிக்கவர்.  கச்சத்தீவு பற்றியும் மிகப் பெரிய ஆய்வு நடத்திய பின்பே இந்த  நூலை எழுதி உள்ளார்.
கச்சத்தீவு தொடர்பாக நடக்கும் வழக்கிற்கு இந்த நூலையே நீதிமன்றத்தில் ஆவணமாக வழங்கினால் கச்சத்தீவு நமக்கு கிடைக்கும்.  நமது மீனவர்களும் நிம்மதியாக கடலுக்கு சென்று மீன் பிடித்து வர வேண்டும்.  மன நிம்மதி வரும்.
கச்சத்தீவை நாம் பெறாத வரை இலங்கை இராணுவம் தமிழக மீனவர்களை தாக்குவதும், சுடுவது, வலைகளை அறுப்பதும், கைது செய்வதும் பிறகு விடுதலை என்று நாடகம் ஆடுவதும் தொடர்ந்து கொண்டே தான் இருக்கும்.  இந்தப் பிரச்சனைக்கு ஒரே தீர்வு கச்சத்தீவை திரும்பப் பெறுவதே இந்தக் கருத்துக்கு வலு சேர்க்கும் விதமாக நூல் வடித்துள்ளார் பாராட்டுக்கள்.  கச்சத்தீவை திரும்பப் பெறுவது இந்தியாவின் பாதுகாப்பிற்கும் உதவியாக இருக்கும்.  சீனா போன்ற நாடுகள் கச்சத்தீவை ஆக்கிரமிப்பதை தவிர்க்க முடியும்.
பாகிஸ்தான், காஷ்மீரை கேட்டால் கொடுக்கக் கூடாது என்று நாட்டுப்பற்றுடன் சொல்லும் நாம் அன்று கச்சத்தீவை இலங்கை கேட்டபோது கொடுக்கக் கூடாது என்று உரக்கக் குரல் கொடுக்காமல் தவறு செய்து விட்டோம்.  அன்று செய்த தவறை சரிசெய்ய கச்சத்தீவை உடனடியாக திரும்பப் பெறுக என உரக்கக் குரல் கொடுக்க உதவிடும் நூல் இது.  கச்சத்தீவு பற்றிய புரிதலை உண்டாக்கும் உன்னத நூல். 
“கச்சத்தீவை இலங்கைக்கு இந்திரா (தானம்) வழங்கியவுடன் இராமநாதபுரம் இராஜா ராமசேதுபதி நிருபர்களிடம் “மத்திய சர்க்காரின் முடிவு துக்ககரமானது.  கண்ணீர் விட்டு அழுவது தவிர வேறு வழி இல்லை” என்று விம்மினார்.
அவர் அன்று சொன்னது இன்றும் நமது மீனவர்கள் தினந்தோறும் கண்ணீர் விட்டு அழுது கொண்டு தான் இருக்கிறார்கள்.  மீனவர்களின் வாழ்வாதாரம் பாதிக்க காரணமாக உள்ளது கச்சத்தீவு இழப்பு.
எம்.பி. யாக இருந்த நாஞ்சில் மனோகரன் “தேசப்பற்றற்றவர்களின் நாகரீகமற்ற செயல் இது! எனக் கண்டித்தார்.  இந்திய மண்ணை அடகு வைத்த இந்த மோசமான ஒப்பந்தத்தைக் கண்டித்து வெளிநடப்பு செய்ததாகக் கூறினார்.  ‘தேசவிரோதமான, தேசபற்றற்ற ஒப்பந்தம் இது.  இது போன்ற மோசமான ஒப்பந்தத்தை எந்த நாடும் கையெழுத்திடாது” என்றார்.  இப்படி கச்சத்தீவை தாரை வார்த்த போதே பாரவர்டு பிளாக் கட்சி உறுப்பினர் மூக்கையாத்தேவர், முஸ்லீம் லீக் உறுப்பினர் முகமது ஷெரீப் உள்ளிட்ட பலரும் எழுப்பிய கண்டனக் குரல் முழுவதும் இந்த நூலில் உள்ளன.  நூல் அளவில் சிறிதாக இருந்தாலும் கருத்தாழம் மிக்க நூல்.  இந்த ஒப்பந்தம் நாடாளுமன்றத்தின் இரு அவைகளின் ஒப்புதல் இல்லாமல் செய்யப்பட்ட ஒப்பந்தம்.  எனவே இந்த ஒப்பந்தம் செல்லாது என்று வாதாட உரிமை உண்டு”.
“கச்சத்தீவைப் பொறுத்தவரை இந்தியாவிற்கு உரியது” என்பதற்கு போதிய ஆவணங்கள் உள்ளன.  இலங்கையிடம் ஒரு ஆவணமும் இல்லை என்பதையும் இந்த இடத்தில் கவனத்தில் கொள்ள வேண்டும்.
“ஒண்ட வந்த பிடாரி ஊர் பிடாரியை விரட்டிய கதையாக” என்று கிராமத்து பழமொழி ஒன்று சொல்வார்கள்.  அந்த கதையாக கச்சத்தீவு ஆகிவிட்டது.  எனவே உடனடியாக நீதிமன்றத்தின் மூலம் கச்சத்தீவைத் திரும்பப் பெற வேண்டும். 
“முயன்றால் முடியாதது எதுவுமில்லை” முயற்சி திருவினையாகும் என்றார் வள்ளுவர்.  கூடிய விரைவில் கச்சத்தீவைத் திரும்பப் பெறுவோம்.  அந்த வெற்றிவிழாவில் நூலாசிரியர் மூத்த பத்திரிகையாளர் ப. திருமலை, பதிப்பாளர் முனைவர் வ. அருள்ராஜ் அவர்களைப் பாராட்டுவோம், இது நடக்கும்.


இந்த நூல் வெளியீட்டு விழாவில் வாசிக்கப் பட்ட எனது ஹைக்கூ கவிதையும் இதில் பதிவு செய்வது பொருத்தம்

கச்சத்தீவு ! கவிஞர் இரா .இரவி ! 

யாருடைய தீவில் 
யாரடா விரட்டுவது 
கச்சத்தீவு ! 

ஒண்ட வந்த பிடாரி 
ஊர்க்காரனை விரடியதாம் 
கச்சத்தீவு ! 

தானம் தந்த இடத்தில 
தந்தவனைச் சுடுவானாம் 
கச்சத்தீவு ! 

விடுவானாம் சீனாக்காரனை 
விடமாட்டானாம் தமிழனை 
கச்சத்தீவு ! 

பிச்சைப் பெற்றவன் 
பீத்திக் கொள்கிறான் 
கச்சத்தீவு ! 

உதவலாம் நண்பனுக்கு 
பகைவனுக்கு உதவுவது மடமை 
கச்சத்தீவு ! 

கடைத்தேங்காய் எடுத்து 
வழிப் பிள்ளையாருக்கு 
கச்சத்தீவு ! 

தமிழனைக் காக்க முடியாதவர்களுக்கு 
தமிழன் நிலம் தானம் தர உரிமை உண்டா ? 
கச்சத்தீவு ! 

விடவில்லை வணங்கிடவும் 
விடவில்லை வலை உலர்த்த 
கச்சத்தீவு ! 

ஒப்பந்தம் மீறுகிறான் 
கையொப்பம் இனி செல்லாது 
கச்சத்தீவு ! 

அப்பாவி மீனவனுக்கு விட்டு 
அடப்பாவியே வெளியேறு 
கச்சத்தீவு ! 

தமிழர் வளத்தைச் சுரண்டி 
சிங்களன் வளம் கொழிக்கிறான் 
கச்சத்தீவு ! 

எங்கள் தீவில் 
எங்களை விரட்ட யாரடா நீ 
கச்சத்தீவு ! 

எம் இனம் அழித்த 
ஈனனுக்கு இனி இடமில்லை 
கச்சத்தீவு ! 

சீரழித்த சிங்களனுக்கு 
இடமில்லை வெளியேறு 
கச்சத்தீவு ! 

தானம் தந்த கை முறிக்கும் 
தரமற்றவனே வெளியேறு 
கச்சத்தீவு ! 

.

வரலாறு படைத்த வைர மங்கையர் – தொகுதி 2 நூல் ஆசிரியர் : பேராசிரியர் பானுமதி தருமராசன் நூல் விமர்சனம் : கவிஞர் இரா. இரவி.

வரலாறு படைத்த வைர மங்கையர் – தொகுதி 2

நூல் ஆசிரியர் : பேராசிரியர் பானுமதி தருமராசன்


நூல் விமர்சனம் : கவிஞர் இரா. இரவி.

வெளியீடு : புதுகைத் தென்றல், 24, திருநகர் முதன்மைச் சாலை, வடபழனி, சென்னை-26.  அலைபேசி : 98410 42949,  விலை : ரூ. 150.  பக்கம் : 208

*****
வரலாறு படைத்த வைர மங்கையர் – தொகுதி 1 என்ற நூலின் மூலம் வரலாறு படைத்த வைர மங்கை பேராசிரியர் பானுமதி தருமராசன் அவர்களின் தொகுதி 2 என்ற இந்த நூலும் பெண்ணின் பெருமையை பறைசாற்றும் விதமாக வந்துள்ளது.  கணவருக்கு இலக்கியத்தில் ஆர்வம் இருந்தால் மனைவிக்கு இலக்கியத்தில் ஆர்வம் இருப்பதில்லை.  மனைவிக்கு இலக்கியத்தில் ஆர்வம் இருந்தால் கணவருக்கு இலக்கியத்தில் ஆர்வம் இருப்பதில்லை.  இப்படித்தான் பல இணையர்கள் வாழ்ந்து வருகின்றனர்.  வெகு சிலர் மட்டுமே இரண்டு பேரும் இலக்கிய ஆர்வமுள்ள இணையர்களாக இருக்கிறார்கள்.  தமிழ்த்தேனீ இரா. மோகன், தமிழ்ச்சுடர் நிர்மலா மோகன் என்ற இலக்கிய இணையர் வரிசையில் புதுகை மு. தருமராசன் அவர்களையும் பேராசிரியர் பானுமதி அவர்களையும் சேர்க்கலாம்.  புதுகைத்தென்றல் என்ற மாத இதழின் ஆசிரியர் புதுகை தருமராசன் அவர்கள் மனைவி என்பதற்காக வாய்ப்பு வழங்காமல் எழுத்தின் வலிமை கண்டு உணர்ந்து புதுகைத் தென்றலில் தொடராக பிரசுரிக்க வாய்ப்பு வழங்கி அதனை தொகுத்து நூலாகவும் பதிப்பித்தவருக்கு பாராட்டுக்கள்.
பெண் குழந்தை பிறந்தால் பேதலிக்கும் அனைவரும், இந்த நூல் வாங்கி அவசியம் படிக்க வேண்டும். பெண்ணின் பெருமையை, ஆற்றலை, தியாகத்தை, உழைப்பை, புகழை, போராட்டகுணத்தை, துணிவை, வீரத்தை, இலட்சிய வேட்கையை, தாகத்தை உணர்த்தும் உன்னத நூல் இது.
16 கட்டுரைகளிலும் தொடக்கமாக சதுரத்திற்குள் சிறு குறிப்பு உள்ளது.  அதனைப் படிக்கும் போதே முழுவதையும் படிக்க வேண்டும் என்ற ஆவலைத் தூண்டும் விதமாக எழுதி உள்ளார்கள்.  சிறு சுருக்கமே அவர்கள் யார் என்ற பிம்பத்தை வாசகர்களுக்கு உணர்த்தி விடுகின்றன.
கவிக்குயில் சரோஜினி தேவி தொடங்கி இரமணி நல்லதம்பி வரை 16 வைர மங்கையரின் வரலாற்றை ஆய்வுக்கட்டுரை போல பதிவு செய்துள்ளார்கள்.
காந்தியடிகள் பாராட்டிய கவிக்குயில் சரோஜினிதேவி என்பது மட்டுமே அறிந்த எனக்கு அவர் பற்றிய சுருக்க வரலாறு படித்து வியந்து விட்டேன்.  நூலில் உள்ள வரலாற்றில் இருந்து சில வரிகள் இதோ!
கவிக்குயில் சரோஜினிதேவி (1879-1949) இப்படி ஒவ்வொருவருக்கும் பிறப்பு, இறப்பு ஆண்டுகளை எழுதி இருப்பதிலிருந்தே வரலாற்றின் நுட்பத்தை உணர முடிகின்றது.  15வது கட்டுரையான மணலூர் மணியம்மாள் அவர்களின் பிறப்பு ஆண்டு விடுபட்டு உள்ளது.  அடுத்த பதிப்பில் சேர்த்து விடுங்கள்.
“கவிக்குயில் சரோசினி தேவி” கட்டுரையின் தொடக்கத்தில் உள்ள சிறு குறிப்பு :
“பாரத கோகிலம்” என்று காந்தியடிகளால் புகழப்பட்டவர்.  இந்து-முஸ்லீம் ஒற்றுமைக்காகப் பாடுபட்டவர். பெண்களின் வாக்குரிமைக்காகப் போராடியவர்.  தொண்டாற்றியவர்.  வெளிநாடுகளில் இந்திய சுதந்திரத்திற்காக வாதாடியவர்.  இந்திய தேசிய காங்கிரசின் தலைவராகப் பொறுப்பேற்ற முதல் இந்தியப் பெண்மணி, உப்பு அறப்போர் வீராங்கனை.  சுதந்திர இந்தியாவின் முதல் பெண் ஆளுநர்”.
திருமணத்திற்குப் பின்னர் சரோஜினி ஏராளமான கவிதைகளை எழுதிக் குவித்தார். ஹைதராபாத்திலிருந்து பம்பாய்க்குச் சென்றார்.  தாஜ்மகால் விடுதியில் தங்கிப் பல கவிதைகள் எழுதினார்.  மக்கள் இவரை ‘கவியரசி’, ‘கவிக்குயில்’ என்று போற்றினர்.
இன்றும் பல பெண் கவிஞர்கள் திருமணமானதும் கவிதை எழுதுவதையே விட்டு விடுகின்றனர். கவிக்குயில் சரோஜினிதேவி  போல திருமணமான பின்னும் கவிதை எழுதிட வேண்டும்.                                                                                                                                                                                                                                                                                                                        
வைஸ்ராய்க்கு ஒரு கடிதம் எழுதினார்.
பதக்கம் வேண்டாம் :  அதில் பஞ்சாப் இராணுவ ஆட்சியில் நடந்த கொடுமைகளை விளக்கினார். அக்குற்றங்களுக்குப் பொறுப்பேற்க வேண்டிய அரசாங்கம், தமக்களித்த ‘கெய்சரிஹிந்த்’ என்ற பதக்கத்தை அணிந்து கொள்ள முடியாது என்று கூறி அதைத் திரும்ப அனுப்பி விட்டார்.  ‘இந்தப் பதக்கத்தை அணிந்து கொள்வது என் கௌரவத்திற்கும் சுயமரியாதைக்கும் இழுக்கு’ என்று தெரிவித்தார்.  இச்செய்கை நாட்டில் பெரும் எழுச்சியை ஏற்படுத்தியது.  அவரைப் போன்றே பலரும் பட்டம் பதவிகளைத் துறந்தனர்.  பாரதி கண்ட புதுமைப் பெண்ணாக நெஞ்சில் துணிவுடன், நேர்மை திறத்துடன் சரோஜினி தேவி விளங்கினார் என்ற வரலாறு படிக்கப் படிக்க பெண்ணின் பெருமையை மேலும் மேலும் உயர்த்துவதாக நூல் உள்ளது.  நூலாசிரியர் பேராசிரியர் பானுமதி தருமராசன் அவர்களுக்கு பாராட்டுக்கள்.
ஒரு கட்டுரை எழுதுவதற்கு அவர்கள் எவ்வளவு தேடுகிறார்கள்.  எவ்வளவு திரட்டுகிறார்கள் என எண்ணும் போது பிரமிப்பாக உள்ளது.  புள்ளி விபரங்களும் மிக நுட்பமாக வைர மங்கையரின் வரலாறு ஆய்வுக்கட்டுரை என சிறப்பாக வடித்து உள்ளார்கள்.    
சுதந்திரப் போராட்டம் என்பது எத்தனை பேரின் தியாகத்தால் குறிப்பாக பல பெண்களின் அளப்பரிய தியாகத்தால் வந்தது என்பதை நூல் நன்கு உணர்த்தி உள்ளது.  பதச்சோறாக நூலிலிருந்து சில வரிகள் மட்டும்.
கடலூர் அஞ்சலையம்மாள் (1890-1961)
‘நீல் சிலை அகற்றும் போராட்ட”த்தின் போது அஞ்சலையம்மாளுக்கு கைது செய்யப்பட்டு ஓர் ஆண்டுக் கடுங்காவல் சிறை தண்டனை விதிக்கப்பட்டது.  அவரது மகள் ஒன்பது வயதுச் சிறுமி அம்மாக்கண்ணு நான்கு ஆண்டுகள் சென்னையில் உள்ள சிறுமியர் காப்பகத்தில் இருக்க வேண்டும் என்றும் விதிக்கப்பட்டது.  அஞ்சலை அம்மாளின் கணவர் முருகப்ப படையாட்சியும் நீல் சிலையை அகற்றும் போராட்டத்தில் கலந்து கொண்டார். இவரும் கைது செய்யப்பட்டு ஓராண்டுச் சிறைத் தண்டனை விதிக்கப்பட்டார்.  கர்ம வீரர் காமராசரும் இந்தப் போராட்டத்தில் பங்கேற்றார் என்ற செய்தியும், மேலும் காமராசர், காந்தியடிகளிடம் 1927ஆம் ஆண்டு ஆதரவு கேட்டார் என்ற செய்தியும் நூலில் உள்ளது.
இப்படி குடும்பம் குடும்பமாக சிறை சென்றனர். ஒரே அறையில் கழிவறையும் இருக்கும், வெளியே வர முடியாத கொடுமையான சிறை, தில்லையாடி வள்ளியம்மையும் இதுபோன்ற கொடுமை அனுபவித்த நிகழ்வும் என் நினைவிற்கு வந்தது.  கடுங்காவல் சிறை என்றால் மிகவும் கொடூரமானது.  இவ்வளவு கொடுமைகள் அனுபவித்து பெற்றுத் தந்த விடுதலையை நாம் மதிக்கிறோமா? என்றால் இல்லை என்றே சொல்ல வேண்டும். பல பெண்மணிகள் தியாகம் செய்துள்ளனர்.
இந்த நூலில் 16 வைர மங்கையரின் வீர வரலாறு நமக்கு உத்வேகம் தரும் விதமாக உள்ளது.  இன்றைய பெண்கள் அனைவரும் சிந்தனையை சிதைக்கும் தொலைக்காட்சிச் தொடர்கள் பார்த்து, நேரத்தை விரயம் செய்வதை விடுத்து இதுபோன்ற நூல்களை படித்து சிந்தையை சிறப்பாக்க முன் வர வேண்டும்.  
*****

.


நன்றி
அன்புடன்
கவிஞர் இரா .இரவி

www.eraeravi.com

www.kavimalar.com

http://www.eraeravi.blogspot.in/
.
http://www.tamilthottam.in/f16-forum

http://eluthu.com/user/index.php?user=eraeravi

http://www.noolulagam.com/product/?pid=6802#response*

இறந்த பின்னும்
இயற்கையை ரசிக்க
கண் தானம் !



நன்றி .மாலை முரசு !

நன்றி .மாலை முரசு !

வியாழன், 24 ஜூலை, 2014

அஞ்சான் திரைப்பட விளம்பர சுவரொட்டியில்!

அஞ்சான் திரைப்பட  விளம்பர  சுவரொட்டியில்!


HAPPY B'DAY SURIYA என்று ஆங்கிலத்தில் பிரசுரம் செய்து  உள்ளனர்  .தமிழகத்தில் தமிழர்கள் பார்க்கும்  சுவரொட்டியில் தமிழில் இருக்க  வேண்டாமா? உலக மொழி ஆங்கிலம் வேண்டும் என்றால் ,அருகில் உலகின் முதல் மொழி தமிழ் இருக்க வேண்டாமா ?  சிந்தியுங்கள்."  சூர்யாவிற்கு இனிய பிறந்த   நாள் வாழ்த்துக்கள்  " என்று இருந்தால் நன்றாக இருக்குமே ..இனியாவது தமிழில் எழுதுங்கள் .

முது பெரும் எழுத்தாளர் திரு . ஜெயகாந்தன் அவர்களின் நேர்முகம குறித்து ! கவிஞர் இரா .இரவி !

முது பெரும் எழுத்தாளர் திரு .  ஜெயகாந்தன்  அவர்களின் நேர்முகம குறித்து ! 

  கவிஞர் இரா .இரவி !

ஆசிரியர் அவர்களுக்கு வணக்கம்.24.7.2014 தி தமிழ் இந்து நாளிதழில் முது பெரும் எழுத்தாளர் திரு .  ஜெயகாந்தன்  அவர்களின் நேர்முகம படித்தேன் .

அவர் மீது மதிப்பும் , மரியாதையும் வைத்துள்ள எனக்கு ஒருகேள்விக்கு  அவர் சொன்ன பதில் அதிர்ச்சியாக இருந்தது .

.கேள்வி ;இப்போது என்ன படித்துக் கொண்டிருக்கிறீர்கள் ( தமிழில் )

பதில் ;படிக்கிற மாதிரி எதுவும் இல்லை .அதாவது தமிழில்

மூத்த படைப்பாளி இளைய படைப்பாளிகளை மனம் திறந்து பாராட்ட வேண்டும் .  

முது பெரும் எழுத்தாளர்கள்  வல்லிக் கண்ணன் ,தி க .சி போன்றவர்கள் வளரும் எழுத்தாளர்களை மனம் திறந்து பாராட்டி வந்தனர் .இன்று திருவாளர்கள் வெ.இறையன்பு ,எஸ் .இராம கிருஷ்ணன் ,இந்திரா சௌந்தரராஜன் ,  சாகித்ய அகதமி விருது பெற்ற சு .வெங்கடேசன் உள்ளிட்ட பலர் மிகச் சிறப்பாக எழுதி வருகிறார்கள் .இவற்றில் படிக்க எதுவும் இல்லையா ? உண்மை பேச வேண்டும் அவரே கடைசியாக நேர்முகத்தில் பாரதி வரிகள் சொல்லி முடித்துள்ளார் . ஊருக்கு நல்லது  சொல்வேன் .உண்மை சொல்வேன்.என்று .

தமிழில் கதை ,நாவல் ,கட்டுரை  ,மரபுக்கவிதை ,புதுக்கவிதை, ஹைக்கூ கவிதை என்று பல வடிவங்களில் பல நூல்கள் வந்து கொண்டே இருக்கின்றன .படிக்கிற மாதிரி எதுவும் இல்லை என்று சொல்லி சமகால படைப்பாளிகள்  அனைவரையும்  காயப்படுத்தியது சரியா ? 

ஆணவமான கர்வமான பதிலை  தவிர்த்திடுங்கள் .பல ஆண்டுகளாக
முது பெரும் எழுத்தாளர் திரு .  ஜெயகாந்தன்  அவர்கள் 
எழுதுவதையே  நிறுத்தி  விட்டார்  .புதிய படைப்பு எதுவும் வரவில்லை .ஆனால் மற்ற எழுத்தாளர்கள்  பலர் இறுதி மூச்சு உள்ளவரை எழுதி இருக்கின்றனர் .இவர் தமிழில் புதிதாக   தற்போது எதுவும் படைப்பதில்லை  .ஆனால் படைத்தவர்கள் மனம் புண் படும்படிகருத்து சொல்லி உள்ளார் .

தரமான படைப்புகளில்  தமிழில் ஏராளம் உள்ளன .படிக்க விருப்பம் இல்லை என்று சொல்லுங்கள் .நேரம் இல்லை என்று சொல்லுங்கள் அதை விடுத்து '  படிக்கிற மாதிரி எதுவும் இல்லை .அதாவது தமிழில்
என்று சொல்லியது 'ஒட்டு மொத்த தமிழ்ப் படைப்பாளிகள அனைவரையும் மட்டம் தட்டும்  எண்ணம் .

நீங்கள் எழுதுவதை நிறுத்திக் கொண்டது போல பேசுவதையும் நிறுத்திக் கொள்வது நன்று .


.

எது கவிதை ! நூல் ஆசிரியர் : கவிதைமாமணி சி. வீரபாண்டியத் தென்னவன் ! நூல் விமர்சனம் : கவிஞர் இரா. இரவி.

எது கவிதை !





நூல் ஆசிரியர் : கவிதைமாமணி சி. வீரபாண்டியத் தென்னவன்  !   cveerapandiathennavan@gmail.com
நூல் விமர்சனம் : கவிஞர் இரா. இரவி.
வெளியீடு : மதுரைத் தென்றல், 10ஆம் குறுக்குத் தெரு, திருவள்ளுவர் நகர், பழங்காநத்தம், மதுரை-3. அலைபேசி : 98421 81462
*****
நூலாசிரியர் கவிமாமணி சி. வீரபாண்டியத் தென்னவன் அவர்கள் மாமதுரைக் கவிஞர் பேரவையின் தலைவர், மதுரைத் தென்றல் என்ற இதழின் ஆசிரியர், மதுரையில் தொடர்ந்து கவியரங்கம் நடத்தி வருபவர். திரைப்படப் பாடல் ஆசிரியர். நெல்லை ஜெயந்தா அவர்கள், இவர் தலைமையில் மதுரையில் கவிதை பாடி இருக்கிறார்.  மாணவ, மாணவியரையும் கவிதை எழுத வைத்து, பரிசு கேடயங்கள் வழங்கி தமிழ் வளர்த்து வரும் மாமனிதர்.மாமதுரைக்கவிஞர் பேரவையின்  செயலராக  இருந்த நானும் .இவர் தலைமையில் கவியரங்கில் கவிதை பாடி வருகிறேன் .எனது கவிதை ஆற்றல் வெளிப்படுத்த அற்புதமான  தலைப்புகள் தந்து வருபவர் .தமிழ் மொழி மீது அளப்பரிய பற்று மிக்கவர். என் போன்ற பல வளரும் கவிஞர்களுக்கு மேடை தந்து வளர்த்து விட்டவர் .
எது கவிதை என்று யாராலும் வரையறுத்துக் கூற முடியாது என்ற கருத்தோடு இருந்தேன்.  எது கவிதை என்ற கவிதை நூல் படித்தவுடன், எது கவிதை என்பதை புரிந்து கொள்ளும் விதமாக உள்ளது. 
எது கவிதையன்று, எது கவிதை என இரண்டையும் கவிதையாக வடித்து இருப்பது சிறப்பு. இலக்கியத்தில் எல்லா வகைகளையும் விட கவிதைக்கு தனி இடம் என்றும் உண்டு. 
கவிதை ரசித்து, ருசித்து படித்தால் நாமும் கவிதை எழுத வேண்டும் என்ற ஆசை பிறக்கும், கவிதையும் பிறக்கும்.
காற்றடிக்கும் திசை மாறும் / காகிதமா? கவிதை!
       சேற்றினையே சந்தனமாய்ச் / செப்புவதா? கவிதை!
       ஆற்றவரும் அடுக்குமொழி / அணிவகுப்பா? கவிதை!
       வேற்றுமொழி எழுத்துக்களை / விதைப்பதல்ல கவிதையே!
கவிதை எழுதும் சிலர் வேற்றுமொழி எழுத்துக்களை மட்டுமல்ல வேற்றுமொழி சொற்களையே குறிப்பாக ஆங்கிலச் சொற்களையே கலந்து கவிதை எழுதி வருகின்றனர்.  திரைப்படப் பாடலாகவும் வருகின்றது.  அவை கவிதையன்று.  விளக்கி உள்ளார்.  இனியாவது கலப்பின்றி கவிதை எழுதுவோம்.  அன்னைத் தமிழுக்கு உரம் சேர்ப்போம்.   `     
பிரம்பெடுக்கத் தெரியாத / புறப்பாடா? கவிதை!
       முரசொலிக்கத் தெரியாத / முரண்பாடா? கவிதை!
       பரம்படிக்கத் தெரியாத / பெரும்பாடா? கவிதை!
       வரம்பின்றிப் பிறசொல்லை / விதைப்பதல்ல கவிதையே!
முடிந்தவரை தமிழ் எழுத்துக்களை மட்டுமே பயன்படுத்தி கவிதை வடிப்பது நன்று என்பதை நூல் முழுவதும் கவிதையால் நன்கு உணர்த்தி உள்ளார்.
குட்டைகளைக் குழப்புகின்ற / கொடிபிடிப்பா? கவிதை!
       பட்டறிவைத் தெரியாத / படுகுழியா? கவிதை!
       கெட்டவையைக் களையாத / கிறுக்கலா? கவிதை!
       அட்டைகளாம் பிறஎழுத்தின் / அடுக்கல்ல கவிதையே!
வடமொழி எழுத்துக்களை வலிய பயன்படுத்துவதை தவிர்த்திட வழி சொல்லும் நல்ல கவிதை நூல் இது.
எது கவிதை என்பதற்கு இலக்கணம் கூறும் விதமாக நூல் வந்துள்ளது.  பாராட்டுக்கள்.  நூலாசிரியர் கவிதைமாமணி சி. வீரபாண்டியத் தென்னவன் அவர்கள், மடை, உடை வெள்ளமென கவிதைக் கொட்டும் குற்றால அருவியென கவிதை கொட்டும் குற்றாலக் கவிராயர்.  கவியரங்கில் வடித்த கவிதைகளை நூலாக்கி தந்துள்ளார்கள்.  இந்த நூலை 13-07-2014 அன்று நடந்த கல்வி வள்ளல் காமராசர் பிறந்த நாள் விழாவிற்கு கவிதை எழுதிய நூற்றுக்கும் மேற்பட்ட மாணவர்களுக்கு பரிசாக வழங்கினார்கள்.  அவர்களுக்கும் கவிதை பற்றி புரிதலை உண்டாக்கும் என்பது உறுதி. 
எது கவிதை என்பதற்கு விளக்கம், கவிதையிலேயே அவரே தருகின்றார்.  படியுங்கள்.
நேர்கோட்டில் நடந்துவரும் / நெற்றிக்கண் கவிதை!
       போர்ப்பரணி எழுத வரும் / புயல்வேகம் கவிதை!
       மார்தட்டும் மனிதநேய / மணிமுடிகள் கவிதை!
       வேர்விட்டு நிலைக்கவரும் / வாலறிவு கவிதையே!
மரபுக்கவிதை மன்னவர் நூலாசிரியர் சி. வீரபாண்டியத் தென்னவர் சொல் விளையாட்டு விளையாடி கவிதை வடித்துள்ளார்.
கவிதைக்கான விளக்கம் கவிதையிலேயே எழுதி நூலாக்கி உள்ளார்.
போலிகளை இனங்காட்டும் / புனித மனம் கவிதை!
       காலிகளை வெளியேற்றும் / களப்பணியும் கவிதை!
       வேலிகளாய்ப் பயிர்காக்கும் / விழுதுகளும் கவிதை!
       தாலிக்கு நூலாகும் / தகுதியாக்கும் கவிதையே!
நம் நாட்டில் மூடநம்பிக்கைகள் பெருகி வருகின்றன.  படித்த முட்டாள்களும் பெருகி வருகின்றனர். பகுத்தறிவைப் பயன்படுத்திடப் பயப்படுகின்றனர்.  அவர்களுக்கு தெளிவு ஏற்பட பயம் போக்கிட கவிதை வடிக்க வேண்டிய அவசியத்தை உணர்த்தி உள்ளார்.
மடமைகளைக் கொளுத்த வரும் / மறுமலர்ச்சி கவிதை!
       கடமைகளை உரைக்க வரும் / கருத்தோட்டம் கவிதை!
       தடம் பதிக்க மலர்ந்து வரும் / தமிழோசை கவிதை!
       சுடர்விரிக்கச் சிறந்து வரும் / செறிவாக்கம் கவிதையே!
நூல் முழுவதும் இரண்டு பகுதியாக முதலில் எது கவிதையன்று என்றும், அடுத்து எது கவிதை என்றும் கவிதைகள் வடித்து கவி விருந்து வைத்து கவிதை பற்றி நன்கு உணர்த்தி உள்ளார்.
கனிகளான கருத்துகளின் / களஞ்சியமே கவிதை!
       மனிதநேய வெளிப்பாட்டின் / மணிமுடியே கவிதை!
       இனிய தமிழ் மொழி காக்கும் / எழுச்சி வெள்ளம் கவிதை!
       புதிய நோக்கப் பொலிவுகளின் / புது விழிப்பும் கவிதை!
நூலாசிரியர் ஆன்மீகவாதி என்பதால் கடவுள் அந்தாதி எழுதி நூல்கள் பல வெளியிட்டுள்ளார்.  இவர் எழுதிய நூல்களின் எண்ணிக்கை 40 தொட்டு விட்டன.  பாராட்டுக்கள்.  தமிழன்னைக்கு கவிதை நூல்களால் அணி செய்துவரும் கவிதைமாமணி சி. வீரபாண்டியத் தென்னவன் அவர்களுக்கு பாராட்டுக்கள்.  தொய்வின்றி தொடரட்டும் தங்கள் தமிழ்ப்பணி.




.


விருப்புக் குறியீடுகளில் விளைந்து நிற்கும் சொற்கள்! தொகுப்பாசிரியர் : கவிஞர் மயிலாடுதுறை இளையபாரதி ! நூல் விமர்சனம் : கவிஞர் இரா. இரவி !

விருப்புக் குறியீடுகளில்  விளைந்து நிற்கும் சொற்கள்! தொகுப்பாசிரியர் :   கவிஞர் மயிலாடுதுறை இளையபாரதி ! நூல் விமர்சனம் : கவி...