ஞாயிறு, 29 ஏப்ரல், 2012

படித்ததில் பிடித்தது ! மாணவர்கள் எழுதிய ஹைக்கூ

படித்ததில் பிடித்தது ! மாணவர்கள் எழுதிய ஹைக்கூ

ஹைக்கூ         
பி.இராஜேஷ் குமார்

வெளியே காவி!
உள்ளே பாவி!
போலிச்சாமியார்!

 
எமனைச் சந்திக்க
ஒருவருக்கொருவர் போட்டி!
சாலை விபத்து!
 
ஊதியமின்றி வேலைக்காரி!
ஒவ்வொரு வீட்டிலும்
பெண்ணடிமை!
 
பெற்று வளர்த்தவர்க்கு
மகனின் அன்புப்பரிசு
முதியோர் இல்லம்!
 
இவனுக்கு வருமானம்!
நாட்டிற்கு அவமானம்!
பிச்சைக்காரன்!
-----------        ----------------------------------------------------
 ஹைக்கூ    மு.அருண்கிருஷ்ணா

மாளிகையில் அமர்ந்து வாங்கும்
மாறுபட்ட பிச்சை!
இலஞ்சம்!
 
புத்தகம் ஏந்தவேண்டிய கை
பட்டாசு சுற்றியது!
குழந்தைத் தொழிலாளி!
 
பலகோடி மரங்களின்
கல்லறைப்பூக்கள்
காகிதம்!
 
வார்த்தை மறைந்தது!
வாங்குவது மறையவில்லை!
வரதட்சணை!       

--

நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

சனி, 28 ஏப்ரல், 2012

ஹைக்கூ கவிஞர் இரா .இரவி

ஹைக்கூ                 கவிஞர் இரா .இரவி
வைத்துக் கொண்டப்  பந்தை மிதித்தனர்
தந்துவிட்ட புல்லாங்குழல் முத்தமிட்டனர்
காற்று !


முற்றும் துறந்த முனிவர்கள்
முடி சூடிக் கொண்டார்கள்
தங்கக் கீரிடம் !

ஒரு லட்சம் வாங்கியவர் உள்ளே
பல கோடி வாங்கியவர் வெளியே
இன்றைய  அரசியல் !

ஆலையில் இட்டக் கரும்பாக
விவசாயி
கரும்பு நட்டத்தில் நட்டம்  !

தீக்குளிக்கச் சொன்ன இராமனிடம் 
சீதை சொன்னாள்
முதலில் நீ குதி !  

தலைவர்கள் சண்டை
மக்கள் வேண்டினர்
வேண்டாம் புத்தாண்டு !

மாத
தியம் லட்சத்தில்
மன நிம்மதி   பூஜ்ஜியம் 
கணினிப்  பொறியாளர் !


இருந்தால் நன்றுதான்
ஆனால் இல்லை
கடவுள் !

இல்லம் வந்தது
பால்
கடைக்குச் சென்றால் மது
மதிப்பதில்லை நல்லதை !     




--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!

தி இந்து நாளிதழில்

 தி இந்து நாளிதழில்
http://www.hindu.com/lf/2004/01/28/stories/2004012801760200.htm
http://www.hindu.com/mp/2009/03/17/stories/2009031750290600.htm
http://www.hindu.com/2006/01/16/stories/2006011616200300.htm
--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!
 

மதுரை உயர் நீதி மன்றத்தில் உள்ள பெண் வழக்கறிஞர்கள் சங்கத்தில் கவிஞர் சி . அன்னக்கொடியின் நூல்கள் அறிமுக விழா நடைப்பெற்றது .

மதுரை  உயர்   நீதி மன்றத்தில் உள்ள பெண் வழக்கறிஞர்கள்  சங்கத்தில் கவிஞர் சி . அன்னக்கொடியின் நூல்கள் அறிமுக விழா நடைப்பெற்றது .

  வழக்கறிஞர் சி .அன்னக்கொடி அவர்களின் நூல்கள் அறிமுக விழா மதுரை உயர் நீதி மன்றத்தின் பெண்கள் வழக்கறிஞர் சங்கத்தின் அன்னா சாண்டி அரங்கத்தில் நடைப்பெற்றது . பெண்கள் வழக்கறிஞர் சங்கத்தின் தலைவர் திருமதி .ஜெ.நிஷாபானு தலைமை வகித்தார் .செயலர் செல்வி னந்தவள்ளி  வரவேற்றார் . மதுரை உயர் நீதி மன்றத்தின்  வழக்கறிஞர் சங்கத்தின் செயலர் கு .சாமிதுரை அவர்களும் ,வழக்கறிஞர் திருமதி மீரா கற்பகம் அவர்களும் நூல்கள்  பற்றிய ஆய்வுரையை வழங்கினார்கள் .மதுரை  உயர் நீதி மன்றத்தின் நீதிபதி G.M அக்பர்அலி நூல்களை அறிமுகப்படுத்தி சிறப்புரையாற்றினார் .நூல்களின் ஆசிரியர் வழக்கறிஞர் சி அன்னக்கொடி அவர்களுக்கு  சமுதாயக் கவிஞர் என்று பட்டம் வழங்கலாம் .என்று குறிப்பிட்டார்கள் .சிறப்பு விருந்தினராகக் கலந்துக் கொண்ட கவிஞர் இரா இரவிக்கு, நீதிபதி G.M. அக்பர் அலி  அவர்கள் பொன்னாடைப் போர்த்திப் பாராட்டினார்கள் . நூல்களின் ஆசிரியர் வழக்கறிஞர் சி அன்னக்கொடி ஏற்புரைக்குப் பின் வழக்கறிஞர் திருமதி .ஜெயா இந்திரா படேல் நன்றி கூறினார் ,விழாவிற்கு நூல்களின் ஆசிரியர் வழக்கறிஞர் சி. அன்னக்கொடி குடும்பத்தினர் மற்றும் ஸ்ரீவில்லிபுத்தூர் கலை இலக்கியப் பெரு மன்றத்தின் பொறுப்பாளர்கள் பலரும் கலந்துக் கொண்டு சிறப்பித்தனர்   --

வியாழன், 26 ஏப்ரல், 2012

அடுக்கக வீடும் உரிமை இல்லாச் சிறைதான் ! கவிஞர் இரா .இரவி

அடுக்கக வீடும்  உரிமை இல்லாச் சிறைதான் !   கவிஞர் இரா .இரவி

அன்பளிப்பாக மரக்கன்று ஒன்று தந்தார்கள்
அன்போடு வாங்கி வீடு சென்றேன்

அழகான மரம் வளர்க்க ஆசை
எங்கு நடலாம் என்று யோசித்தேன்

வீட்டின் இடது வலது இருபுறமும் வீடு
வீட்டின் முன் பின் இருபுறமும் வீடு

வீட்டின் மேல் கீழ் இருபுறமும் வீடு
பல லட்சம் தந்து வாங்கிய வீடு

ஒரு மரக்கன்று நட உரிமை இல்லை
அடுக்கக வீடும்  உரிமை இல்லாச் சிறைதான்

இயற்கை  நேசத்திற்கு வழியில்லா அறைதான்
வரும் வழியில் குடிசையைக் கண்டேன்

வாங்கிய மரக்கன்றைத் தந்தேன்
ஏழையிடம்
வாங்கிய அவரோ உடன் வீட்டின் அருகே நட்டார்



--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

செவ்வாய், 24 ஏப்ரல், 2012

ஆட்சியர் அலக்சை உடனடியாக மீட்க வேண்டும் கவிஞர் இரா .இரவி

ஆட்சியர் அலக்சை    உடனடியாக மீட்க வேண்டும்              கவிஞர் இரா .இரவி

ஆட்சியர் அலக்சு இணையத்தில் எழுதுபவர் ,ஹைக்கூ கவிஞர் ,சுதந்திரமாக மனதில் பட்ட கருத்தை என்னைப் போல எழுதுபவர் .அவர் உயிருக்கு ஏதாவது நேர்ந்தால் உலக அளவில் இந்தியாவிற்கு மிகப் பெரிய அவமானமாகும் .ஏற்கெனவே ராணுவ ஊழல் காரணமாக இந்தியாவின் மானம் காற்றில் பறக்கின்றது. ஆட்சியர் அலக்சை உயிரோடு    உடனடியாக மீட்டு இந்தியாவின் மானத்தைக் காக்க வேண்டும் .

ஏவுகணை அனுப்புவதில் ,செயற்கைக்  கொள் அனுப்புவதில் இந்தியா மார் தட்டிக் கொள்வதில் அர்த்தமில்லை .மாவோஷ்டுகள் ஏன்? உருவாகுகின்றனர்  .நக்சல் ஏன் ?உருவாகுகின்றனர் என்பதை ஆராய்ந்து ,உருவாகாமல் இருக்க வழி வகை செய்ய வேண்டும் .எல்லோருக்கும் எல்லாம் கிடைக்க வேண்டும் .ஏற்றத் தாழ்வு இருக்கவே கூடாது .அரசியல்வாதிகளின் ழல் ஒழிய வேண்டும் .

உலகின் மிகப் பெரிய மக்களாட்சி நாடு என்று மார் தட்டிக் கொள்வதில் அர்த்தமில்லை.இத்தாலிக் கார்களை உடனடியாக துடிப்போடு மீட்க முடிந்தது .தமிழனை மீட்க மட்டும் தாமதம் ஏன் ?

இத்தாலிக்காரர்களை மீட்டதுப்  போல ,தமிழரையும் மீட்க வேண்டும் .  உயிர் என்றால் எல்லா உயிரும் உயர்வானதுதான் .    ஆஸ்துமா நோய் உள்ள நபர்    ஆட்சியர்,மருந்து உண்ண வேண்டும். கடத்தப் பட்டு பல நாட்கள் ஆகியும் ,அவர்கள் விதித்த காலக்கெடு முடிய உள்ளது.
உடனடியாக பேச்சுவார்த்தை நடத்தி ஆட்சியர் அலக்சை   மீட்க வேண்டும்.

ஆளும் காங்கிரஸ்  தமிழர் உயிர் என்றாலே மாற்றான் தாய் மனப் பான்மையுடன் நடந்துக் கொள்கின்றது .கடத்தப் பட்டது ஒரு வடவராக இருந்து இருந்தால் இந்நேரம் நடவடிக்கை எடுத்து மீட்டு இருக்கும் .இலங்கையில் தமிழர்கள் கொல்லப் பட்டப் போதும் ,தமிழகத்தில் தமிழர்கள் தீக் குளித்தப் போதும் ,தமிழர்களுக்கு தூக்குத்  தண்டனை விசயத்திலும் ,ஆளும் காங்கிரஸ்  ஏனோ தானோ என்றே நடந்து கொள்கின்றது .விரைவில் திருந்த வேண்டும் காங்கிரஸ்.திருந்த மறுத்தால் காங்கிரஸ் வரும் பொதுத் தேர்தலில் தோற்பது உறுதி .உள் துறை அமைச்சகம் இத்தனை நாளாக என்ன ? செய்தது .தமிழ் உயிர் என்றால் மட்டமா ? உடனடியாக மாவோஷ்டுகளிடம்   பேச்சு வார்த்தை நடத்தி
மீட்க வேண்டும்.தமிழா உயிர் என்றால் மட்டமா? மத்தியில்  ஆளும் காங்கிரஸ் திருந்தாதா ?  தமிழர்கள் அனைவரும் உரக்கக் குரல் கொடுங்கள் .வரும் முன் காப்போம் .உயிர் போகும் முன் காப்போம் .

திங்கள், 23 ஏப்ரல், 2012

அட்சய திரிதி கவிஞர் இரா .இரவி

அட்சய திரிதி                   கவிஞர் இரா .இரவி

பகல் கொள்ளை
ஆரம்பம் 
அட்சய திரிதி  !

உழைக்காமல் உண்ணும்
சோம்பேறி
சோதிடன் உளறல்
அட்சய திரிதி !

பெருகிட உயிரினமா  ?
தங்கம்
அட்சய திரிதி !

அடகில் மூழ்கியது
வாங்கிய தங்கம்
அட்சய திரிதி !

மூடநம்பிக்கையின் உச்சம்
ஏமாருவதே மிச்சம்
அட்சய திரிதி !

சோதிடன் 
நகைவணிகன்
கூட்டுக் கொள்ளை
அட்சய திரிதி !

உலோகம் பெருகுமா ?
யோசிக்க வேண்டாமா ?
அட்சய திரிதி !

தங்கத்தின் ஆசை
தகர்த்திடுப் பெண்ணே
அட்சய திரிதி !

கொலை கொள்ளைப் 
பெருகிடக்
காரணம் தங்கம்
அட்சய திரிதி !

குடும்பத்தின் நிம்மதி
கெடுப்பது
அட்சய திரிதி !

தங்கத்தின் விலை ஏற்றதிற்குக்
காரணம்
அட்சய திரிதி !

தரமற்றத்    தங்கம்
தரமென்று விற்கும்
அட்சய திரிதி !

விருதுகள் வழங்கிய விழா

சங்கம் வைத்து தமிழ் வளர்த்த மதுரையில், தமிழ்த்தேனீ முனைவர் இரா .மோகன் ,தமிழ்ச்சுடர் முனைவர் நிர்மலா மோகன் அறக்கட்டளை சார்பில் விருதுகள் வழங்கிய விழா

விருதுகள் வழங்கிய விழாப் புகைப்படங்கள்

சங்கம் வைத்து தமிழ் வளர்த்த மதுரையில், தமிழ்த்தேனீ முனைவர் இரா .மோகன் ,தமிழ்ச்சுடர் முனைவர் நிர்மலா மோகன் அறக்கட்டளை சார்பில் விருதுகள் வழங்கிய விழாப் புகைப்படங்கள்

விருதுகள் வழங்கிய விழாப் புகைப்படங்கள்

சீனாவில் தமிழ்

சீனாவில் தமிழ்
   சீனாவின் ஜெஜியாங் மாகாணத்தில் உள்ள நிங்கோபோ ரயில் நிலையத்தில்
குடிநீர் குறித்து
   தமிழில் அறிவிப்பு செய்யப்பட்டுள்ளது.

ஞாயிறு, 22 ஏப்ரல், 2012

இன்று உலக புத்தக தினம் ! புத்தகம் ! கவிஞர் இரா .இரவி

இன்று உலக புத்தக தினம் !
புத்தகம்   !  கவிஞர் இரா .இரவி


மனிதனை மனிதனாக
வாழ வைப்பது 
புத்தகம் !

மனிதனின் வளர்ச்சிக்கு
வித்திட்டது
புத்தகம்
!

பண்பாடு வளர்த்து
பண்பைப் போதிப்பது

புத்தகம்  !

அறிவியல்  அறிவை  
அகிலம் பரப்பியது
புத்தகம்  !
 
பயனுள்ள கண்டுபிடிப்பு
வாழ்வின் பிடிப்பு
புத்தகம்
!

புரட்சியாளனை
உருவாக்கியது
புத்தகம் 
!

அகிம்சைவாதியை
வளர்த்தது
புத்தகம்
!

பகுத்தறிவுப் பகலவன்
ஒளிவீசக் காரணம்
புத்தகம் 
!

பேரறிஞர்
புகழ்ப்  பெறக் காரணம்
புத்தகம் 
!
 
அகமும் புறமும்
சுத்தம் செய்வது
புத்தகம்  !

அகம்பாவம் ஆணவம்
அகற்றுவது
புத்தகம்  !

பணிவு கனிவு தெளிவு
வழங்குவது
புத்தகம்  !

அறிவை விரிவு செய்து
அறியாமையை  அகற்றுவது
புத்தகம்  !

சனி, 21 ஏப்ரல், 2012

கவிஞர் மு.ஆ. பீரொலி அவர்களின் 'நித்திரைப் பயணங்கள்' கவிதைநூல் வெளியீட்டு விழா !

கவிஞர் மு.ஆ. பீரொலி அவர்களின் 'நித்திரைப் பயணங்கள்' கவிதைநூல் வெளியீட்டு விழா !

UK Tamil News (தமிழ்): மாணவன் ! கவிஞர் இரா .இரவி

UK Tamil News (தமிழ்): மாணவன் ! கவிஞர் இரா .இரவி: மாணவன் !              கவிஞர் இரா .இரவி ஆசிரியருக்கு அஞ்சிய காலம் அன்று ஆசரியர் கள்  அஞ்சும் காலம் இன்று ஆசிரியரை வணங்கிய காலம் அன்று ஆசி...

வெள்ளி, 20 ஏப்ரல், 2012

கவிஞர் மு.ஆ. பீரொலி அவர்களின் 'நித்திரைப் பயணங்கள்' கவிதைநூல் வெளியீட்டு விழா !

கவிஞர் மு.ஆ. பீரொலி அவர்களின் 'நித்திரைப் பயணங்கள்' கவிதைநூல் வெளியீட்டு விழா !


மதுரை ரயில்வே முதன்மை வர்த்தக ஆய்வாளர் கவிஞர் மு.ஆ. பீரொலி அவர்களின் 'நித்திரைப் பயணங்கள்' கவிதைநூல் வெளியீட்டு விழா ஏப்ரல் 18 புதன் கிழமை அன்று மதுரையில் நடைபெற்றது.

கோவை தகிதா பதிப்பகத்தின் சார்பாக வெளிவந்திருக்கும் பேராசிரியர் மணிவண்ணன்  இந்த நூலை   வெளியிட திருமதி அமுதா ஞானசம்பந்தன் பெற்றுக்கொண்டார்.நூல் குறித்த திறனாய்வு உரையை கவிஞர் திரு இரா.இரவி அவர்களும் ,திருமதி குமுதா ஆறுமுகம் அவர்களும் ஆற்றினர்.

பேராசிரியர் மணிவண்ணன்   தலைமை உரையில்: தகிதாவின் நூல் வரிசையில் இது குறிப்பிடத்தக்க நூல். காரணம் கவிஞர் பீரொலி அவர்கள் இந்நூலைப் படைக்க, திரு சாலமன் பாப்பையா அவர்கள் வாழ்த்துரை வழங்க,பேராசிரியர் கு.ஞானசம்பந்தம் அவர்கள் அணிந்துரை வழங்கி இருக்கிறார்கள். இந்த அடையாளம் இந்நூலை சமயம் கலந்த நூலாகவும் ,சமயம் கடந்த நூலாகவும் அடையாள படுத்தி இருக்கிறது. மொழியையும் மானுடத்தையும் பாடாத எந்த படைப்பாளியையும் காலம் நினைவில் வைப்பதில்லை. காலத்தை உச்சரித்திருக்கும் இந்நூல காலம் கடந்து உச்சரிக்கப்படும். ஒரு கலைஞனின் படைப்பு சமூகத்தின் பொதுச் சொத்தாகிறது. வாழ்ந்ததன் அடையாளங்களை பலதலைமுறைக்கும் விட்டுச்செல்கிற பாக்கிய சாலிகள் படைப்பாளர்கள் மட்டும் தான். அந்த வரிசையில் நித்திரைப் பயணங்கள் கவிதையின் விலாசமாக காலத்தின் கல்வெட்டில் பதிக்கப்பட்டிருக்கிறது, 
கவிஞர் இரா.இரவி அவர்கள் சிறப்புரையில் படைப்பாற்றலின் முக்கியத்துவத்தையும்,அதற்கும் மொழிக்கும் இடையிலான உறவையும்,கவிதையின் பன்முக பரிமாணங்களையும்,மிக மிக சிறப்பான முறையில் அழகிய தமிழில் பதிவுசெய்தார்.தன் கவிதை அனுபவங்களையும் சுவையாக   பகிர்ந்துகொண்டார்.சமகால சூழல்களை சுட்டிக்காட்டி ஆற்றிய அவரின் சிறப்புரை எதார்த்தத்தின் உச்சம்.
கவிதாயினி குமுதா ஆறுமுகம் அவர்கள் தனக்கே உரிய பாணியில் நித்திரைப் பயணங்களில் இருக்கும் தொண்ணூறு சதவிகித கவிதைகளை ஒவ்வொன்றாக எடுத்துக்காட்டி அதற்கு கூடுதல் கருத்துகளின் இணைப்புகளோடு தனது கவிதைத் தனமான உரையால் இக்கவிதை நூலுக்கு ஒரு கவிதையாலேயே சிறப்புரையை தனது திருத்தமான தமிழில் நீரோடையாகத் தந்துமகிழ்ந்தார்.செறிவாகவும் அடர்த்தியாகவும் இருந்தது அவரின் அழகுத் தமிழ் உரை.
வானொலி கலைஞராகவும்,நாடக ஆசிரியராகவும், சினிமா கலைஞனாகவும், நல்ல கலை ரசிகராகவும் தன்னை அடையாளப்படுத்தி இருக்கும் திரு வில்லியம்ஸ் அவர்கள் இந்நிகழ்வை தொகுத்து வழங்கினார்.நல்ல தமிழில், அழகான வாக்கியங்களை அமைத்து உணர்வாகவும் நகை சுவையாகவும் நிகழ்வை படைத்தளித்து  புதுமாதிரியான வெளியீட்டு முறையில் அவையில் இருந்தவர்களை ஒவ்வொரு நிகழ்வையும் கேட்க வைத்த பெருமை     அவர்களையே சாரும்.
திருமதி.அமுதாஞானசம்பந்தன் அவர்கள் படைப்பாளருக்கு பொன்னாடை அணிவித்து மரியாதை செய்து விட்டு, நிகழ்வு முடியும் வரையில் தன் சிந்தனையை ஒருமுகப்படுத்தி மிக கவனமாக கேட்டு ரசித்து இன்புற்றார்.
'நித்திரைப் பயணங்கள்' -படைப்பாளர் கவிஞர் மு.ஆ.பீரொலி அவர்கள் செறிவான தமிழ் மற்றும் ஆங்கில இலக்கியங்களின் மேற்கோள்களைக் காட்டி தனது ஏற்புரையை நன்றி கலந்தும் அன்பு கலந்தும் தந்து அனைவரையும் நெகிழவைத்தார்.
மதுரை ரயில்வே கோட்ட முதுநிலை மக்கள் தொடர்பு அதிகாரி திரு என்.வேணுகோபால் அவர்களும்,கவிஞர் அலாவுதீன் அவர்களும் கலந்துகொண்டு வாழ்த்துரை வழங்கினர்.தொடர்ந்து படைப்பாளர் கவிஞர் மு.ஆ.பீரொலி ஏற்புரை வழங்கினார்.
மதுரையைச் சார்ந்த படைப்பாளர்கள் சரவணன்,பிரான்க்ளின்குமார் ஆகியோரும் கலந்துகொண்டனர்.முகநூல் தோழமைகள் அசோக்,ஆத்மார்த்தி,வன்னிதங்கம் ராதா, ஆகிய பலரும் கலந்துகொண்டு விழாவை சிறப்பித்தனர்.

முன்னதாக திரு வில்லியம்ஸ் அவர்கள் அனைவரையும் வரவேற்றார். இறுதியில் திரு வன்னி தங்கம் ராதா அவர்கள் நன்றி கூறினார்.

இந்நிகழ்வில் பல படைப்பாளர்களும் இலக்கிய ஆர்வலர்களும் திரளாக கலந்துகொண்டனர்.

வியாழன், 19 ஏப்ரல், 2012

விழியீர்ப்பு விசை ! நூல் ஆசிரியர் கவிஞர் தபூ சங்கர் ! விமர்சனம் கவிஞர் இரா .இரவி

விழியீர்ப்பு விசை

நூல் ஆசிரியர் கவிஞர் தபூ சங்கர் 

விமர்சனம்
கவிஞர் இரா .இரவி

விஜயா பதிப்பகம் கோவை விலை ரூபாய் 35


கவிஞர் தபூ சங்கர் தனது கவிதை நூல்கள் மூலம் காதலர்களையும் ,காதலையும் வளர்த்து வருபவர் .விழியீர்ப்பு விசை காதல் கவிதை நூல் இது . கவிஞர் தபூ சங்கர்  காதல் கவிதைகள் மூலம் தனக்கென தனி இடம் பிடித்தவர் .காதலர்களுக்குப்  பிடித்த கவிஞர் தபூ சங்கர்.  இவரது நூலைத்தான்  காதலர்கள் பலர் பரிசு நூலாகப் பரிமாறிக் கொள்கிறார்கள் . காதலர்கள் காதலைப் போலவே காதல் கவிதைகளையும் நேசிக்கின்றனர் .அதனால்தான் பல பதிப்புகளில் நூல் வந்துக் கொண்டே இருக்கின்றது.  கவிஞர்கள் அறிவுமதி ,பழனி பாரதி இருவரின் அணிந்துரையும் நூலிற்கு உரம் சேர்க்கும் விதமாக உள்ளது .

புவி யீர்ப்பு விசை கண்டுபிடிக்கும் காலத்திற்கு முன்பே ,ஆதாம் ஏவாள் காலத்திலேயே உருவானது   விழியீர்ப்பு விசை.கவிதைக்குப் பொய் அழகு என்பதை மெய்பிக்கும் கவிதை இந்நூலின் பின் அட்டையில்  உள்ளது .

உனது ஆடையையும் எனது
ஆடையையும்
அருகருகே காய வைத்திருக்கிறாயே !
இரண்டும் காய்வதை விட்டு விட்டு
விளையாடிக் கொண்டிருப்பதை
ப்  பார் !

காற்றில் ஆடைகள் ஆடுவதை கவிஞர் விளையாடுவதாகக் கற்பனை செய்து கவிதை எழுதி உள்ளார் .நூலின் அட்டைப் படத்தில் உள்ள அழகி அழகா ? மயில் இறகு அழகா ? பட்டிமன்றமே நடத்தலாம் .

மொழிப்போர் தியாகி கேள்விப்பட்டு இருக்கிறோம் .விழிப்போர் தியாகிகளுக்கு நூலை காணிக்கை ஆக்கி உள்ளார் .வித்தியாசமாக சிந்தித்து கவிதை எழுதுவதால் வெற்றிப் பெறுகின்றார் .


சற்றுமுன் நீ நடந்து போன தடயம் எதுவுமின்றி
அமைதியாய்க் கிடக்கின்றது வீதி ,எனினும்
கடந்து போன தண்டவாளம் போல
இன்னும் அதிர்கிறது என் இதயம் .

இதயத்தின் அதிர்வலைகளை  கவிதையில் நன்குப் பதிவு செய்துள்ளார் .

சூரியன் வந்த பிறகுதான் நீ வருகிறாய்
என்றாலும் நீ வரும் போதுதான் விழிக்கிறது  இந்த வீதி !
 

கவிஞர் தபூ சங்கரின் கவிதைகளுக்கு விளக்கவுரையோ, தெளிவுரையோ தேவை இல்லை .எளிமை இனிமை புதுமை கலந்த கலவை .படிக்கும் வாசகர் அனைவருக்கும் மிக எளிதாக விளங்கும் .சில கவிஞர்கள் இருக்கிறார்கள் எழுதிய என்னைத் தவிர வேறு யாரும் புரிந்துக் கொள்ள முடியாது என்ற ரகத்தில் எழுதி வருகின்றனர் .அவர்கள் திருந்த வேண்டும் .

அகத்தின் அழகு முகத்தில் தெரியும் என்பது
உண்மையெனில்
உனக்குத் தெரிகிறதா என் முகத்தில் உன் அழகு ?


கவிஞர் தபூ சங்கர் கவிதை உண்மைதான் .பல இளைஞர்கள் காதல் வயப்படதும் அழகாகி விடுகின்றனர் .காதலனை அழகாக்கும் ஆற்றல் காதலுக்கு உண்டு .தாடி வளர்த்து ,தற்கொலை வரை அழைத்துச் செல்லும் எதிர்மறை வினை காதலுக்கு இல்லாமல் இருக்க வேண்டும் என்பதே என் விருப்பம் .

கண்களைக் கட்டிக் கொண்டுதானே
கண்ணா
மூச்சி ஆட்டம் ஆட வேண்டும் ...
நீ கண்களாலேயே ஆடுகிறாயே !


காதல் வயப்படுவதில் முதல் இடம் கண்களுக்குத்தான்  என காதலித்த காதர்களுக்கு நன்கு விளங்கும் .இந்த நூலில் உள்ள கவிதைகள் படிக்கும் வாசகர்களுக்கு அவரவர் காதலை உறுதியாக நினைவூட்டும் என்று  அறுதியிட்டு  கூலாம்.  நினைவூட்டத் தவறினால் நூலின் விலை திருப்பித் தரப்படும் என்று கூட விளம்பரம் செய்யலாம் .
 
இந்தக் கவிதையை காதல் வயப்படும் ஒவ்வொரு இளைஞர்களும் கவனத்தில் கொண்டு கடைப்பிடிக்க வேண்டும் .இனி ஒரு விதி செய்வோம். காதல் தற்கொலைகள் இனி இல்லை என்று ஆக்குவோம் .அல்ல அல்ல இனி  தற்கொலைகளே  இல்லை என்று ஆக்குவோம். விலைமதிப்பற்ற மனித உயிரை மாய்க்கும் மடமையை  ஒழிப்போம் .

உனக்காக எதை வேண்டுமானாலும் தருவேன்
என் உயிரைத்  தவிர
அதை உன்னோடு வாழ்வதற்காக வைத்திருக்கிறேன் .


தொலைபேசியில் முத்தம் தா ! என்றுதான் காதலன் கேட்பான் .ஆனால் நூல் ஆசிரியர் கவிஞர் தபூ சங்கர்  வித்தியாசமாக தொலைபேசியில் முத்தம் தராதே ! என்கிறார் .

தொலைபேசியில் எல்லாம் நீ எனக்கு  முத்தம் தராதே
அது உன் முத்தத்தை  எடுத்துக் கொண்டு
வெறும் சத்தத்தை மட்டுமே எனக்குத் தருகிறது .


காதலியின் அழகை மிக நுட்பமாகப் பதிவு செய்துள்ளார் .பாருங்கள் .எள்ளல் சுவையுடன் .

எல்லோரும் கோயில் சிற்பங்களை
ரசித்துக் கொண்டிருந்தார்கள்
சிற்பங்களெல்லாம் உன்னை ரசித்துக்
கொண்டிருந்தன .

மகிழ்ச்சியான கவிதைகள் மட்டுமல்ல மிகவும் நெகிழ்ச்சியான கவிதையும் உள்ளது .

நீ அன்பின் மிகுதியால் எனக்களித்த முத்தங்களை விட
ஒரு முறை அழுத போது என் மீது விழுந்து  விட்ட
உன் கண்ணீர் துளிதான்
நான் சாகும் வரை சுமந்திருப்பேன் !

விழியீர்ப்பு விசை  காதர்களை ஈர்க்கும் விசை .பாராட்டுக்கள் .காதல் கவிதைகளாக எழுதிக் குவிக்கும்  கவிஞர் தபூ சங்கர் அவர்களிடமிருந்து  சமுதாய விழிப்புணர்வுக் கவிதைகளை ஆவலுடன் எதிர்பார்க்கின்றேன் .

புதன், 18 ஏப்ரல், 2012

ஹைக்கூ கவிஞர் இரா .இரவி

ஹைக்கூ                   கவிஞர் இரா .இரவி

உயிரை
அடிப்பான் கொள்ளை 
உடையின் நிறம் வெள்ளை
வெண்சுருட்டு ( சிகரெட் )

தேள் படம் போட்டும்
கவலையின்றி சுவைக்கின்றான்
வருங்கால் மன நோயாளி !  (
பான்பராக் )

குடி குடி கெடுக்கும்
படித்து விட்டு குடிக்கின்றான்
படித்தவன் ?

தெரிந்தே குடித்தனர்
புற்று நோய் வரும்
குளிர்பானம்   !
அழுதாலும்
ஒளி தந்தது
மெழுகு !

வானிலிருந்து குதித்தும்
காயம் இல்லை
மழைத் துளி !

சுமை அல்ல பாதுகாப்பு
கூடு 
நத்தை !

அவள் வரும் முன்னே
வந்தது இசை ஓசை
கொலுசு !


சிதைத்தப்  போதும்
தந்தது வாசம்
சந்தனம் !

அன்று நல்லவர்களுக்கு  மட்டும்
இன்று
கெட்டவர்களுக்கு மட்டும்
அரசியல் !

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

சங்கம் வைத்து தமிழ் வளர்த்த மதுரையில் இலக்கிய நிகழ்வு

சங்கம் வைத்து தமிழ் வளர்த்த மதுரையில் இலக்கிய நிகழ்வு

திங்கள், 16 ஏப்ரல், 2012

தமிழ் இசைச் சங்கம் மதுரை 37 ஆம் ஆண்டு தமிழ் இசை விழா புகைப்படங்கள் .

தமிழ் இசைச் சங்கம் மதுரை 37 ஆம் ஆண்டு தமிழ் இசை விழா புகைப்படங்கள் .

வாழ்த்துரை திரு .சேக்கப்ப செட்டியார் ,   திரு மோகன் காந்தி .

பட்டிமன்ற நடுவர் முத்தமிழ்க் காவலர் விசுவநாதன்  விருதாளர் , தமிழ்த் தேனீ ,முனைவர் .இரா .மோகன் .
உடன் பங்கேற்றவர்கள் தமிழ்ச்சுடர் முனைவர் நிர்மலா மோகன் ,கவிஞர் இரா .இரவி ,நகைச்சுவைத் தென்றல்
முத்து இளங்கோவன்,சொல்லின் செல்வி  சங்கீத் ராதா  .

ஞாயிறு, 15 ஏப்ரல், 2012

ஒரு கல் ! ஒரு கண்ணாடி ! திரைப்பட விமர்சனம் கவிஞர் இரா .இரவி

ஒரு கல் !   ஒரு கண்ணாடி !   திரைப்பட விமர்சனம் கவிஞர் இரா .இரவி

இயக்கம் . ராஜேஷ் .M

நடிப்பு ,தயாரிப்பு உதயநிதி  ஸ்டாலின் 


தயாரிப்பாளராக இருந்த உதயநிதி  ஸ்டாலின்  நடிகர்கள் படுத்தியப்   பாடு தாங்க முடியாமல், நாமே நடித்தால் என்ன ? என்று முடிவு எடுத்து நடிக்க ஆரம்பித்து விட்டார் .நடிப்பில் கவனம் செலுத்த வேண்டும் .நகைச்சுவை கதை என்பதால் தப்பித்து விட்டார் .படம் தொடங்கியது முதல் முடியும் வரை குறுந்தாடியுடனே வருகிறார் ,காதலிக்கும் பெண் , தினம் முகச் சவரம் செய்பவர்தான் எனக்குப் பிடிக்கும் என்று நிபந்தனை போட்டும்  தாடியுடனே வருகிறார்.தொடந்து நடிப்பதாக முடிவு எடுத்தால் ,நடிப்பில் பயிற்சி பெறுவது நல்லது .

நகைச்சுவை கலந்த காதல் கதை .நடிகர்  சந்தானம் படத்திற்கு பக்க பலமாக உள்ளார் .சந்தானம் இல்லை என்றால் படம் இல்லை. தயாரிப்பாளர் உதயநிதி    ஸ்டாலின் கதாநாயகனாக நடித்து உள்ளார் .முகத்தை எப்பொதும் ஒரே மாதிரியாகவே வைத்துள்ளார் .  நடிகை ஹன்சிகா மோட்வாணி  அழகுப் பதுமையாக வந்து போகிறார் .படத்தின்  திரைக்கதை, வசனத்தில்  நல்ல நகைச்சுவை இருப்பதால் .படம் போரடிக்காமல்  செல்கின்றது .இசை ஹாரிஸ் ஜெயராஜ் நன்றாக உள்ளது .பாடல் நா .முத்துக்குமார் திட்டமிட்டு பாடல்களில் ஆங்கிலச் சொற்களை கலந்து எழுதுவதை தவிர்க்க வேண்டும் . தமிழ்த் திரைப் படத்தில்  வரும் தமிழ்ப்பாடலில் ஆங்கிலச் சொல் எதற்காக ? பாடல் ஆசிரியர்கள் சிந்திக்க வேண்டும் .நீங்கள் ஆங்கிலம் கலந்து எழுதும் பாடலைத்தான் இளைய சமுதாயம் பாடி வருகின்றது .ஆங்கிலம் கலந்து எழுதுங்கள் என்று உங்களிடம் யார் கேட்டது .ஆங்கிலப் படங்களில் பாடலே கிடையாது .ஒரு வேளை பாடல் வைத்தால் அவர்கள்  ஆங்கிலப் பாடலில் தமிழ் கலந்து எழுதுவார்களா ?   சிந்தித்துப் பாருங்கள் .


உதயநிதி  ஸ்டாலின் அம்மாவாக தேசிய விருதுப் பெற்ற நடிகை சரண்யா மிக நன்றாக நடித்து உள்ளார் .திருமணத்தின் போது கணவரிடம் பட்டப் படிப்பு முடித்து விட்டதாகப் பொய் சொன்னதன் காரணமாக ,கணவர் இருபது ஆண்டுகளாக பேசாமல் கோபத்துடன் இருக்கிறார் .பட்டப் படிப்பை முடிக்க தொடர்ந்து சரண்யா தேர்வு எழுதுகிறார் .தோல்வியே அடைகிறார் .மனைவி காணவில்லை என்றதும் கணவன் துடித்துத் தேடும்  காட்சி நெகிழ்ச்சி .மகனின் காதலுக்கு உதவும் வித்தியாசமான அம்மாவாக வருகிறார் சரண்யா .

ஒளிப்பதிவு மிக நன்று .பல்வேறு நாடுகளுக்கும் சென்று இயற்கைக் காட்சிகளை நன்கு படப்பிடிப்பு செய்துள்ளனர் .இளைஞர்கள் காதலிக்கும் காலத்தில் காதலியா ? நண்பனா ?   என்ற கேள்வி வரும்போது ,பெரும்பாலானவர்கள் காதலியை தேர்ந்தெடுப்பார்கள் .   உதயநிதி  ஸ்டாலினும் காதலியை தேர்ந்தெடுத்து விட்டு நண்பனான சந்தானத்தை  அடிக்கடி கழட்டி விடுவதும் .சந்தானம் கோபப் படுவதும்  அம்மா சரண்யா சமாதானம் செய்து சேர்த்து வைப்பதும் ,நல்ல நகைச் சுவை .

படத்தின் இறுதிக் காட்சியில் ஆர்யா வருகிறார் .அவர் வரும் காட்சியும் நல்ல நகைச் சுவை . சினேகா சில காட்சிகளில் வருகிறார் .விமான நிலையத்தில் பணிப் பெண்ணாக வருகிறார் .ஹன்சிகா மோட்வாணி பணிப்பெண் பயிற்சிக் கல்லூரியில் படிக்கும்போது விரட்டி விரட்டி காதலிக்கிறார் உதயநிதி  ஸ்டாலின் .காதலை ஏற்க மறுக்கிறார்  .விமானத்தில் பணிப்பெண்ணாக பயணிக்கும்போது , உதயநிதி  ஸ்டாலினும், சந்தானமும் விமானத்தில் பயணியாகப் பயணித்து ஹன்சிகா மோட்வாணியிடம் கலாட்டா செய்கின்றனர் .

ஹன்சிகா மோட்வாணியிடம், விமானத்தில் சன்னல் ஓர இருக்கை வேண்டும் என்று சண்டைப்போட ,படி ஓரம் இருக்கை கொடுங்கள். இல்லாவிட்டால் விமானி அருகில் உட்கார  விடுங்கள் .குடிப்பதற்கு மது கொடுங்கள் என்பது ,வெளிநாட்டுப் பயணத்தின் போதுதான் மது தருவோம் .என்பதும் ,ஏமாற்றுகின்றனர் என்று கலாட்ட செய்வதும் வயிறு குலுங்க சிரிக்க வைக்கும் நல்ல நகைச்சுவை .

இயக்குனர் M. ராஜேஷ் அவர்களுக்குப் பாராட்டுக்கள் .திரைக்கதையைத் தொய்வின்றி நகைச்சுவையாகவே  நகர்த்திச்  சென்று வெற்றிப் பெற்றுள்ளார் . சமீபத்தில்  வந்த பெரும்பாலான திரைப்படங்களில் புகைப்பிடிப்பது ,மது அருந்துவது போன்றக் காட்சிகள் அடிக்கடி வருகின்றது .இயக்குனர்கள் சமூகப்  பொறுப்பு உணர்வுடன் நடந்துக் கொள்ள வேண்டும் .நம்நாட்டில் தடுக்கி விழுந்தால் மதுக் கடை என்று பெருகி விட்டது .இந்தத் திரைப்படங்களைப்    பார்க்கும் இளைஞர்கள் மதுவிற்கு அடிமையாக நேரிடும் .குடி குடியைக் கெடுக்கும் என்று எழுத்துப் போடுவதால் எந்த பயனும் இல்லை .மது  பாட்டிலில் எழுதி இருப்பதை படித்து விட்டுதானே குடி மகன்கள் குடித்துக் கெடுகிறார்கள்   குடிக்கும் காட்சிகளையே இனி தயவு செய்து காட்டாதீர்கள் .


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

மதுரை தன்னம்பிக்கை வாசகர் வட்டத்தின் சார்பில் தன் முன்னேற்றப் பயிலரங்கம்

மதுரை தன்னம்பிக்கை வாசகர் வட்டத்தின் சார்பில் தன் முன்னேற்றப் பயிலரங்கம்

மதுரை தன்னம்பிக்கை வாசகர் வட்டத்தின் சார்பில் தன் முன்னேற்றப் பயிலரங்கம்

மதுரை தன்னம்பிக்கை வாசகர் வட்டத்தின் சார்பில் தன் முன்னேற்றப் பயிலரங்கம் சிபி பயிற்சிக் கல்லூரியில் நடைப்பெற்றது .வாசகர் வட்டத்தின் செயலர் கவிஞர் இரா .இரவி தலைமை வகித்தார். ஒருங்கிணைப்பாளர் திருச்சி சந்தர் முன்னிலை வகித்தார் .திரு .ஜோதி மகாலிங்கம் , 
திருஆ .முத்துக்கிருஷ்ணன்,   திரு.G.ராமமூர்த்தி ,திரு.ராஜேந்திரன் ஆகியோர் வாழ்த்துரை வழங்கினார்கள். கவிஞர்கள் இரா .கல்யாண சுந்தரம் ,
K.விஸ்வநாதன்ஜனசிந்தன் ,இரா .கணேசன் ,பொன் .சிவ முருகன் ,கலை இனியன், தமிழ் இனியன் ஆகியோர் தன்னம்பிக்கை தொடர்பான கவிதைகள் வாசித்தனர் .தன்னம்பிக்கை பயிற்சியாளர் ,அடுத்த ஆயிரம் நாட்கள் நூல் ஆசிரியர் .வைகை திரு. ஆ. விஸ்வநாதன்  மற்றவர் நிலையில் தான் என்ற உணர்வு என்ற தலைப்பில் தன் முன்னேற்றப் பயிற்சி அளித்தார் .சூழ்நிலையை புரிந்துக் கொள்ளுதல் ,யார் வெல்வது என்பதை விட யார் தோற்கக் கூடாது  என்பது முக்கியம் .தோல்வியைத் தாங்கும் மன நிலை இல்லாதவர்களுக்கு சிறிது விட்டுக் கொடுத்து உதவுதல் .ம.நி.த வேண்டும் .அதாவது, மனிதாபிமானம் ,நிறைவு ,தன்மை .அடுத்தவர் பலகீனமாக இருக்கும்போது அவர் நிலையில் இருந்து யோசித்து உதவுதல் .இப்படி பல தகவல்கள் தந்தார் . வளம் அறக்கட்டளை  ரெ.கார்த்திகேயன்,சரவணன், பாண்டியன்  உள்பட ,மதுரை தன்னம்பிக்கை வாசகர் வட்டத்தினர் பலர்  கலந்துக் கொண்டு விழாவைச் சிறப்பித்தனர் .தினேஷ் நன்றி கூறினார் .விழாவிற்கான ஏற்பாட்டை வாசகர் வட்டத்தின் தலைவர் எ .எஸ் .ராஜராஜன் செய்து இருந்தார் .

வெள்ளி, 13 ஏப்ரல், 2012

மு.ஆ.பீர்ஒலி அவர்களின் "நித்திரைப் பயணங்கள்' நூல்வெளியீட்டு விழாவிற்கு தகிதா அழைக்கிறது.

மு.ஆ.பீர்ஒலி   அவர்களின் "நித்திரைப் பயணங்கள்' நூல்வெளியீட்டு விழாவிற்கு தகிதா அழைக்கிறது.

ஹைக்கூ கவிஞர் இரா .இரவி

ஹைக்கூ  கவிஞர் இரா .இரவி

தமிழர்களை விட
சிங்களர் மீதே பாசம்
இந்தியா !

காற்றில் பறந்தது
இந்தியாவின் மானம்
ராணுவத்தில்  ழல் !

ஓழிக்க  முடியவில்லை
ழல்
ஒழிக்கலாமா ?
ழல்வாதிகளை !

காமராஜ் கக்கன்
காலத்தோடு முடிந்தது
அரசியலில் தூய்மை !

வாரிசு அரசியல்
ஓழிக்க வழி
வாரிசில்லாத் தலைவர் !

தோழி ஆதிக்கம் 
ஓழிக்க வழி
தோழி இல்லாத் தலைவி !
மாற்றினர்
தலைநகரை துக்ளக்
புத்தாண்டை அரசியல்வாதிகள் !


போதித்து
அமைதி
புத்தரின் சிலை !

புத்தரை வணங்கியும்
புத்திக் கெட்ட
இலங்கை !

இலைகள் உதிர்ந்தும்
நம்பிக்கையோடு மரம்
மழை வரும்  !

நீர் உயர
தானும் உயந்தது
தாமரை !


வழக்கொழிந்தது
கிராமங்களில்
குலவைச் சத்தம் !


நிலத்தையும்
மலடாக்கியது
மலட்டு விதை !

தனியாக செல்கையில்
துணைக்கு வந்தது
நிலா !
மரத்தை வாங்கியவன்
பிய்த்து எறிந்தான்
பார்வையின்
கூட்டை !  

பதட்டம் இல்லை
பற்றி எரிந்தும்
உள்ளது காப்பீடு  !

மாதவம் செய்து
மங்கையாகப் பிறந்து
குப்பைத் தொட்டியில் !

பணக்காரகளுக்கு அருகில்
ஏழைகளுக்கு தூரத்தில்
கடவுள் தரிசனம் !

இன்றும் வாழும்
கொடிய அரக்கன்
தீண்டாமை !

அத்திப்
பூத்தாற்ப் போல  
நல்லவர்கள்
காவல் துறையில் !

சும்மா இருப்பதாகஅறிமுகப் படுத்தினார்கள்
அனைத்து வேலை செய்யும்
அம்மாவை !   

இல்லம் அலுவலகம்
இரண்டிலும் வேலை
பெண்கள் !

கேட்டுப் பாருங்கள்
கவலை மறக்கலாம்
இசை !


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!

கோலம் ! கவிஞர் இரா .இரவி

கோலம்  !  கவிஞர் இரா .இரவி

கோலம் போடும் உந்தன்
கோலம் காண !
அதிக நேரம் தூங்கும் நான் 
அதிகாலை எழுந்தேன் !
உதய சூரியனை
உன்னால் பார்த்தேன் !
பனி மலரையும்
பார்த்து ரசித்தேன் !
நீயும் வந்தாய் !
கதவு திறந்தாய் !
கூட்டித் தள்ளினாய் !
வாசல் தெளித்தாய் !
புள்ளி வைத்தாய் !
கோலம் போட்டாய் !
கோலம் பார்த்தேன் !
கல்வெட்டாய்ப் பதிந்தது !
கன்னி உன் நினைவு !

காதல் கவிஞர் இரா .இரவி

காதல்    கவிஞர் இரா .இரவி

காதல் வயப்பட்டால்
எப்படி ? இருக்கும்

காதல் வயப்பட்டுப்
பாருங்கள் !

வார்த்தைகளால்
வர்ணிக்க முடியாத
விந்தை உணர்வு !

அனுபவித்தவர்கள் மட்டும்
அறிந்த அற்புத உணர்வு !

அடுத்தவர்கள் காதல்
கேலியாகத் தெரியும் !

உங்கள் காதல்
உயர்வாக
த் தெரியும் !

இனிய உணர்வு
இளமை நினைவு !

தொடர்கதையானது ! கவிஞர் இரா .இரவி

தொடர்கதையானது  !   கவிஞர் இரா .இரவி

அவளைப் பார்த்தால்
போதும் என்று நினைத்தேன்
பார்த்தேன் !
அவளிடம் பேசினால்
போதும் என்று நினைத்தேன்
பேசினேன் !
அவளைத் தீண்டினால்
போதும் என்று நினைத்தேன்
தீண்டினேன் !
பார்த்தல் பேசல்
தீண்டல்
தொடர்கதையானது  !


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!
 

நினைவுச் சிலுவை கவிஞர் இரா .இரவி

நினைவுச்  சிலுவை    கவிஞர் இரா .இரவி

பசுமரத்து ஆணியாக
பாவையின் நினைவுகள்

கிறித்தவர்கள் வணங்கும்
ஏசுவிற்கு ஒரே ஒரு முறைதான் சிலுவை

எனக்கு உன்னை நினைக்கும்
ஒவ்வொரு
முறையும் நினைவுச்  சிலுவை

ஏசு உயிர்த்து எழுந்ததாகச் சொல்
வார்கள்
எனக்கு உயிர்த்து எழ வாய்ப்பே இல்லை 


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!
 

காதலர்கள் கவிஞர் இரா .இரவி

காதலர்கள்  கவிஞர் இரா .இரவி

ஊடல் காரணமாக
இருவரும் இனி
சந்திக்க மாட்டோம்
என முடிவு எடுத்து விட்டு
இனி எப்போது சந்திப்போம்
என்று சந்திப்பைப் பற்றியே
சிந்தித்து ஏங்குபவர்கள் !

அவள் ! கவிஞர் இரா .இரவி

அவள் !  கவிஞர் இரா .இரவி

வெள்ளையும் இல்லை
கருப்பும் இல்லை

உயரமும் இல்லை
குள்ளமும் இல்லை

பேரழகியும் இல்லை
அசிங்கமும் இல்லை

அறிவாளியும் இல்லை
முட்டாளும் இல்லை

ஆர்ப்பட்டமும் இல்லை
அமைதியும் இல்லை

அவளுக்கு உவமை
அவனியில் இல்லை

புன்னகை செய்தால்
பூரிக்கும் உள்ளம்

மூளையில் நுழைந்து
மூலையில் அமர்ந்தாள் ! 

நித்திரைப் பயணங்கள் ! நூல் ஆசிரியர் கவிஞர் மு .ஆ .பீர்ஒலி. விமர்சனம் கவிஞர் இரா .இரவி

நித்திரைப் பயணங்கள் !

நூல் ஆசிரியர் கவிஞர் மு .ஆ .பீர்ஒலி.

தகிதா பதிப்பகம் கோவை விலை ரூபாய் 50.

 விமர்சனம் கவிஞர் இரா .இரவி .
நூல் கிடைக்குமிடங்கள்  

சர்வோதய இலக்கியப் பண்ணை ,மேல வெளி வீதி ,மதுரை .1

மல்லிகை புத்தக நிலையம் , மேல வெளி வீதி ,மதுரை.1

நூலின் தலைப்பே நமை சிந்திக்க வைக்கின்றது .கனவு என்பதை நித்திரைப் பயணங்கள் இப்படி கவித்துவமாகவும் 
சொல்ல லாம் என்பதை உணர்த்தி உள்ளார் .நூல் ஆசிரியர் கவிஞர் மு .ஆ .பீர்ஒலி.அட்டைப் பட வடிவமைப்பு அருமை. ஆங்கில இலக்கியம் ,சட்டம் படித்துவிட்டு கவிதை எழுதுவதற்கு முதலில் பாராட்டுக்கள் .கலை மாமணி,பேராசிரியர் சாலமன் பாப்பையா அவர்களின் கை எழுத்திலேயே வந்து இருக்கும் இரண்டாவது அணிந்துரை இது .மிக நன்று .

பேராசிரியர்  ,கலைமாமணி  கு. ஞானசம்பந்தன்  வர்களின் அணிந்துரை .இரண்டு இலக்கிய இமயங்களின் அணிந்துரை கவிதை நூல் என்ற மகுடத்தில் பதித்த வைரக்கல்லாக மிளிர்கின்றது .நூல் ஆசிரியர் கவிஞர் மு .ஆ .பீர்ஒலி வித்தியாசமாகச் சிந்திக்கிறார் .நிலவு அழகு என்றுதான் பலரும் பாடி உள்ளனர் .நிலவு பற்றி அவரது வரிகள் .

உண்மையைத் தேடி !
வெப்பத்தைக் கக்கிய நிலவு 
மனது கனத்தது 
மீண்டும் அந்த பயணம் 
உண்மையைத் தேடி !  

இயற்கையைக் காட்சிப் படுத்தி வெற்றிப் பெறுகின்றார் . நூல் ஆசிரியர் கவிஞர் மு .ஆ .பீர்ஒலி .


அல்லி  இதழால் அவளுக்கு இசைந்திடடி ..

மலர்த்தோட்டம் மலர்ந்தும் மலராத அரும்புகள் 
பனித்துளியின் சிலிர்ப்பு புகை கவிரி கொண்டு 
நினைவுகளை வருடுகிறேன் !  

  தெற்குத் தொடர் வண்டித் துறையில் வர்த்தக ஆய்வாளராக பணிபுரிந்துக் கொண்டே இலக்கியத்திலும் ஈடுபடுவது பாராட்டுக்குரியப் பணி .    நூல் ஆசிரியர் கவிஞர் மு .ஆ .பீர்ஒலி பற்றி  தகிதா பதிப்பகம் எழுதியது முற்றிலும் உண்மை என்பதை உணர்ந்தேன் .அவரை நேரடியாக சந்தித்தப் போது . முழுமையான உண்மை ,களங்கமற்ற அன்பு ,தற்சார்பு இல்லாத நியாயம் ,சமரசம் செய்யாத சத்தியம் ,பாரபட்சமில்லாத பாசம் ,எதிர்பாப்பில்லாத உறவு இவைகளை இன்னும் தேடிக் கொண்டிருக்கிற அரிய மனிதர்தான் இந்த பீர்ஒலி .

காதலைப் பாடாத கவிஞர் இல்லை .காதலைப் பாடதவர் கவிஞரே இல்லை .நூல் ஆசிரியர் கவிஞர் மு .ஆ. பீர்ஒலிஅவர்களும் காதலைப் பாடி உள்ளார்.


மலரவிடப் போவதில்லை !  

என் மனத் தோட்டத்தில் பார்வைகள் 
விதைத்துச் சென்ற காதல் அரும்புகளை 
மலரவிடப் போவதில்லை !  

எங்கு சென்றிட்டாய் !


உன்னில் என்னையிழந்து 
என்னில் உன்னைத் தேடி 
மதுரவாய் மலர்ந்து 
மகர யாழ் மொழி பேசி 
காதல் மலர்கள் 
கனவுக் கோட்டையில் !

உன்னில் என்னையிழந்து ,என்னில் உன்னைத் தேடி கவிதைகளில் சொல் விளையாட்டு விளையாடி உள்ளார் .
பாராட்டுக்கள் .
இயற்கையை உற்று நோக்கி இயற்கையோடு இயற்கையாக இரண்டரக் கலந்து கவிதை வடித்துள்ளார் .இவருக்கு இயற்கை ரசிக்க எப்போது நேரம் கிடைக்கின்றது என்று வியந்துப் போனேன் .உள்ளத்து உணர்வு கவிதை .தான் உணர்ந்தவற்றை கவிதையாக்கி உள்ளார் .

ஒரு கவிதை அரங்கேறிக் கொண்டிருக்கிறது !

ஆகாயம் குடை பிடிக்க 
நட்சத்திரங்கள் கண் சிமிட்டத் துவங்கின ..
திரை விலகி புதினமாய் 
வெட்கி நகைத்தாள் நிலவுப்பெண் !
  நீ ....நான்...அந்தநிலவு ...

நட்சத்திரங்களை தோற்கடிக்கும் 
மின்மினி  பூச்சிகள் ஆகாங்கே   
வட்டமிட்டுக் கொண்டிருந்தன 
பவுர்ணமி இரவு 
நிலவின் பரிணாமத் தோற்றம் 
நீ ....நான்...அந்தநிலவு ...    
கவிதைகளை ரசித்து ,ருசித்து ஈடுபாட்டுடன் எழுதி உள்ளார் .
நித்திரைப் பயணங்கள் 
புறப்பாடு 
நெஞ்சகத்தில் ற்றுவித்த காதல் சுனை நீரில் 
காலமெல்லாம் மிதந்திடவே கனவிலும் நினைவிலும் 
கதறி ...அலைகின்றேன் காணலியே !

தத்துவ கவிதைகளும் நூலில் உள்ளது.

மனித இனம் !

கருவறை இருட்டு கல்லறை நிசப்தம் 
பிரகாசித்தவன் 
இந்த பிரபஞ்ச ஒளியில் 
இருண்டு கிடந்தான் !

நூலில் உள்ள கவிதைகள் படிக்கும் வாசகர்களுக்கு எளிதில் புரியும் வண்ணம் உள்ளது .பாராட்டுக்கள் .புரியாத புதிரான இருண்மை கவிதைகள் இதில் இல்லை .அவர்கள் தொடர்ந்து எழுத வேண்டும் .வாழ்த்துக்கள்.       

புதன், 11 ஏப்ரல், 2012

உலகப் படைப்பாளிகள் பட்டியல் பார்வையிட்டோர் எண்ணிக்கையில் கவிஞர் இரா .இரவிக்கு முதல் இடம்

உலகப்  படைப்பாளிகள் பட்டியல் பார்வையிட்டோர் எண்ணிக்கையில்  கவிஞர் இரா .இரவிக்கு முதல் இடம்

http://akkinikkunchu.com/new/index.php?option=com_content&view=article&id=2984:2011-10-28-07-50-50&catid=305:2011-03-02-06-06-18&Itemid=542

http://akkinikkunchu.com/new/index.php?option=com_content&view=category&id=305&Itemid=542
--
உலகப் புகழ் அலேச்க இணைய  புள்ளி விபரத்தில் கவிஞர் இரா .இரவி  இணையங்கள் புள்ளி விபரம்

http://www.alexa.com/siteinfo/eraeravi.com#


http://www.alexa.com/siteinfo/kavimalar.com#

http://www.alexa.com/siteinfo/eraeravi.blogspot.com#

http://www.alexa.com/siteinfo/eraeravi.wordpress.com#

கவிஞர் இரா .இரவி

http://www.lankasripoems.com/?conp=list&poetId=194606

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!


பல்வேறு இணையங்களில் கவிஞர் இரா .இரவி படைப்புகள்

படைப்பாளிகள் கவிஞர் இரா.இரவி

http://akkinikkunchu.com/new/index.php?option=com_content&view=article&id=2984:2011-10-28-07-50-50&catid=305:2011-03-02-06-06-18&Itemid=542

--

http://www.usetamil.com/t19208-topic


http://www.eegarai.net/t81903-topic

http://www.eluthamila.com/?p=31152

http://eluthu.com/kavithai/62688.html

http://www.noolulagam.com/product/?pid=6802#response

http://www.facebook.com/notes/perunthalaivar-kamarajar/%E0%AE%95%E0%AE%B0%E0%AF%8D%E0%AE%AE%E0%AE%B5%E0%AF%80%E0%AE%B0%E0%AE%B0%E0%AF%8D-%E0%AE%95%E0%AE%BE%E0%AE%AE%E0%AE%B0%E0%AE%BE%E0%AE%9A%E0%AE%B0%E0%AF%8D-%E0%AE%95%E0%AE%B5%E0%AE%BF%E0%AE%9E%E0%AE%B0%E0%AF%8D-%E0%AE%87%E0%AE%B0%E0%AE%BE%E0%AE%B0%E0%AE%B5%E0%AE%BF/112133568840549?ref=nf

http://tamilparks.50webs.com/tamil_padaipugal/ravi_madurai.html

-- http://ta.wikipedia.org/wiki/%E0%AE%87%E0%AE%B0%E0%AE%BE._%E0%AE%87%E0%AE%B0%E0%AE%B5%E0%AE%BF

http://tamilkurinji.in/Maruthuvam_detail.php?/%E0%AE%87%E0%AE%B2%E0%AE%99%E0%AF%8D%E0%AE%95%E0%AF%88%E0%AE%AF%E0%AF%88//%E0%AE%87%E0%AE%B0%E0%AE%A3%E0%AF%8D%E0%AE%9F%E0%AE%BE%E0%AE%95%E0%AE%AA%E0%AF%8D//%E0%AE%AA%E0%AE%BF%E0%AE%B0%E0%AE%BF%E0%AE%A4%E0%AF%8D%E0%AE%A4%E0%AF%81%E0%AE%95%E0%AF%8D//%E0%AE%95%E0%AF%8A%E0%AE%9F%E0%AF%81%E0%AE%99%E0%AF%8D%E0%AE%95%E0%AE%B3%E0%AF%8D///%E0%AE%95%E0%AE%B5%E0%AE%BF%E0%AE%9E%E0%AE%B0%E0%AF%8D/%E0%AE%87%E0%AE%B0%E0%AE%BE/.%E0%AE%87%E0%AE%B0%E0%AE%B5%E0%AE%BF/&id=22695





நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!


திங்கள், 9 ஏப்ரல், 2012

பொதிகை மின்னல் மாத இதழ் தந்த தலைப்பு ஒத்துழைப்பு !கவிஞர் இரா .இரவி

பொதிகை மின்னல் மாத இதழ் தந்த தலைப்பு ஒத்துழைப்பு !

ஒத்துழைப்பு !  கவிஞர் இரா .இரவி




தொழிலாளிகள் ஒத்துழைப்பு
இல்லை என்றால்
முதலாளிகள் இல்லை !
----------------------------------
சக பணியாளர்களின்
சக பங்களிப்பு
ஒத்துழைப்பு
---------------------------------
வெற்றிக்கான வித்து
சாதனைக்கான உரம்
எல்லோருக்குமான வரம்
ஒத்துழைப்பு !
--------------------------------------
போட்டி குணம்  விடுத்து
இசைந்து இசைக்கும் இனிய இன்னிசை
ஒத்துழைப்பு !
------------------------------------------
இரு கைகள் இணைந்தாலே
ஓசை வரும்
கூ ட்டாக  உழைத்தாலே
வெற்றி வரும்
ஒத்துழைப்பு !


--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
 இறந்த பின்னும்
 இயற்கையை ரசிக்க

  கண் தானம் செய்வோம் !!!!!


யாரும் யாராகவும் ! நூல் ஆசிரியர் ஏர்வாடி எஸ் . ராதாகிருஷ்ணன் .விமர்சனம் கவிஞர் இரா .இரவி

யாரும் யாராகவும் ...

நூல் ஆசிரியர் புரட்சிக் கவிஞர் விருதாளர் ஏர்வாடி
எஸ் . ராதாகிருஷ்ணன் ervadiar@yahoo.co.in

விலை ரூபாய் 70   கவிதை உறவு 420E .மலர்க் காலனி ,அண்ணா நகர் மேற்கு ,சென்னை
.40
நூல் விமர்சனம் கவிஞர் இரா .இரவி 


நூல் ஆசிரியர்  ஏர்வாடி ராதாகிருஷ்ணன் கலைமாமணி விருது பெற்றவர் .அவர்கள் கவிதை உறவு என்ற மாத இதழை 25 வருடங்களுக்கு மேலாக தொய்வின்றி நடத்தி வருபவர் . கணினி உலகில் இன்று மாத இதழை நடத்தி வருவதே பெரிய சாதனை தான் .கவிதை உறவு இதழின் 7ஆம் பக்கத்தில் எழுதிய கவிதைகளைத் தொகுத்து நூலாக்கி உள்ளார்கள் .பல்வேறு இதழ்களிலும் பிரசுரமாகி உள்ளது .கவிஞர் கல்யாண்ஜி அவர்களின்அணிந்துரை
நூலிற்கு மேலும் அழகு சேர்ப்பதாக  உள்ளது .நூல் ஆசிரியர் ஏர்வாடி ராதாகிருஷ்ணன் சமீபத்தில் தமிழக அரசின் சார்பில் வழங்கப் பட்ட புரட்சிக் கவிஞர் விருதைப் பெற்றவர் .பாரத மாநில வங்கியில் அதிகாரியாக இருந்து ஒய்வு பெற்றவர் .இலக்கியத்தை, கவிதையை மூச்சாகக் கொண்டு வாழ்பவர் .கவிஞர் என்பதைத் தாண்டி சிறந்த மனிதர் .பழகுவதற்கு இனிமையானவர் .மென்மையானவர் ,இவர் சினம் கொண்டு நான் பார்த்ததே இல்லை .கவிதை மட்டுமல்ல கட்டுரை ,கதை எழுதும் பன்முக ஆற்றல் பெற்றவர் .மிகச் சிறப்பாக நூல் விமர்சனம் கவிதை உறவு இதழில் எழுதி வருபவர் .உலகில் பிறந்த  மனிதர்கள் அனைவருக்கும் பிறந்த மண் பற்று இருக்க வேண்டும் .கலைமாமணி எஸ் ராதா கிருஷ்ணன் அவர்கள் தான் பிறந்த ஊரான ஏர்வாடி என்பதை தன் பெயரோடு  இணைத்துக்  கொண்டவர் .இவரை பலருக்கு எஸ் . ராதா கிருஷ்ணன் என்றால் தெரியாது ஆனால் ஏர்வாடியார் என்றால் எலோருக்கும் தெரியும் .
,
கவிதை வாழ்க்கை !

எழுதுகின்ற திறனெல்லாம்
எவருக்குமிங்கே  வரக்கூடும்
எழுதுகிற தகுதிமட்டும்
இருப்பவர்கள் மிகக்குறைவு !

சிலர் நகைச்சுவையாக சொல்வதுண்டு மக்கள் தொகையை விட கவிஞர்கள் எண்ணிக்கை அதிகம் என்று .இன்று பலர் முற்போக்காகக் கவிதை எழுதுகின்றனர் எத்தனைபேர் எழுதியபடி வாழ்கின்றனர் .மகாகவி பாரதி குறிப்பிட்டதுப்  போல கவிதை எழுதுவோர் கவிஞர் அன்று.
கவிதையாக வாழ்பவரே கவிஞர் என்ற கருத்தை வழி மொழி
துப் போன்ற கவிதை !பாராட்டுக்கள் .

கவிதை சிலருக்கு !

கவிதை பலருக்கு
விதையாக இருக்கிறது
விளைவிக்கிறார்கள் .

கவிதை சிலருக்குதான்
கவிதையாக இருக்கிறது
காலத்தை வெல்கிறார்கள் .

எர்வாடியார் எழுதியது உண்மைதான் .பலர் பணத்திற்காக கவிதை  எழுதி பணம் சேர்க்கிறார்கள்.ஆனால் பணத்தை பெரிதாய் எண்ணாத மகா கவியும் ,புரட்சி கவிஞரும் எழுதிய கவிதைகள் காலத்தை வென்று நிற்பதைக் காண்கிறோம் .  


நூல் முழுவதும் கவிதைகள் தெளிந்த நீரோடை போன்ற நடையில் செல்கின்றது .நூலை வாசிக்கும் வாசகர்களின் மனதை மயில் இறகுப் போல  சுகமாக வருடுகின்றது .தென்றலைப் போல இதமாக உள்ளது கவிதைகள் .

உலகில் உறவுகள் பல உண்டு ஆனால் அம்மா என்று உறவுக்கு ஈடு இணை எது ?நூல் ஆசிரியர் அம்மா பற்றி மிக உருக்கமான கவிதை எழுதி உள்ளார் .

அம்மாவின் சேலை !

அது பருத்தியால் மட்டுமன்று 
பாசத்தாலும் நெய்யப்பட்டது
தான் அழுத கண்ணீரை
அந்த முந்தாணையில்தான்  
அவள் துடைத்திருப்பாள் .

அவள் உடுத்திய
சேலைகள் கிழிந்திருக்கலாம்     
அவளைப் பற்றிய நினைவுகள் மட்டும்
இன்னும் அப்படியே !


  மனைவி பற்றியும் மறக்காமல் கவிதை வடித்துள்ளார் .கவிதையின் தலைப்பே மனைவியை உச்சத்தில் வைத்து மகிழும் விதமாக உள்ளது .
என் இரண்டாம் தாய் !

நீ ...
அணைக்க மட்டுமே
அறிந்திருக்கிற ஆண்களை
அணையாதிருக்க
அருள்கிறவர்கள் பெண்கள் !

உண்மைதான் மனைவி  மட்டும் கவனமாக பார்த்துக் கொள்ளா விட்டால் கணவன் என்ற ஜோதி என்றோ மறைத்திருக்கும் .கணவனின் வாழ்நாள் நீடிப்பே மனைவியின் நேசத்தில் ,பாசத்தில் உள்ளது .


பகுத்தறிவு சிந்தனை விதைக்கும் விதமாக உள்ள கவிதை !

இல்லாமலே இரு இறைவா !

ஏழைகளின் சிரிப்பில்
இறைவன் இருப்பதாக
எல்லோரும் சொல்கிறார்கள்
ஏழைகளைச் சிரிக்கவிடு
நீ ...இருப்பதை ஒப்புக்கொள்கிறோம் !


இன்று புதிதாக அந்த தினம் இந்த தினம் என்று தினம் தினம் ஒரு கொண்டாட்டம் வந்து விடுகின்றது .அது பற்றி ஒரு கவிதை இதோ !

தினந்தோறும் தினம் தான் !
தினந்தோறும்  ஏதாவது
தினம் வந்து போகிறது .
அந்த தினம் பற்றி
அன்றைய தினம் மட்டுமே பேச்சு
அடுத்த நாள் அது
மறுதினமாகி விடுகிறது !            


சிந்திக்க வைக்கும்  சிறந்த கவிதைகள் நூல் முழுவதும் உள்ளது .பாராட்டுக்கள் .ஜென் தத்துவம் போன்ற நல்ல கவிதை இதோ !

அது மட்டும் ...
அந்தந்த நொடிச்சுகம்
அடைய வேண்டுமா
அடுத்த நொடியை மறுந்துவிடு ! 


தொல்லைக்காட்சியாகி  விட்ட தொலைக்காட்சி வருகையின் காரணமாக இப்போது இலக்கியக் கூட்டங்களுக்கு கூட்டம் வருவது இல்லை .கூட்டம் இல்லாமலே பல கூட்டம் முடிந்து விடுகின்றது .

கூட்டத்தோடு  கூட்டம் !
கூட்டம் இல்லாமல்தான்
கூட்டங்கள் நடக்கின்றன
ஆயிரம் அழைப்பிதழ்கள்
அனுப்பியபோதும்
அதில் பாதி
கூட 
அரங்கத்தில் சேர்வதில்லை .


இயற்கை நேசத்துடன் ஆலைகள் மட்டும் போதாது .இனிய சோலைகள் வேண்டும்,சாலையில் வேண்டும் கவனம் . என்று குரல் தரும் கவிதை

சோலைகள் செய்வீர் !
வேகம் வேண்டியதுதான்
வேகமாகவே உங்கள் வாழ்க்கை
முடிந்துவிட வேண்டாம் .
சாலைச் சந்தடிகளை விடுத்து 
இனி சோலைகளின் சங்கீதத்தை
ச்
செவிமடுக்கப் பாருங்கள் .


கவிதை உறவு மாத இதழில் மாதா மாதம் படித்த கவிதைகள்  என்றாலும் மறு வாசிப்பு சலிப்பு வர வில்லை. மாறாக திரும்பத் திரும்ப வாசித்து சுவைக்கும் விதமாக இருந்தது .படிக்கும் வாசகர்களின் உள்ளதை நெறிப் படுத்தும் விதமாக ,மனித நேயம் கற்பிக்கும் விதமாக , மனிதன்  மனிதனாக வாழ வைக்கும் வாழ்வியல் கருத்துக் கூறும் விதமாக நூல் உள்ளது . பாராட்டுக்கள் .



--

விருப்புக் குறியீடுகளில் விளைந்து நிற்கும் சொற்கள்! தொகுப்பாசிரியர் : கவிஞர் மயிலாடுதுறை இளையபாரதி ! நூல் விமர்சனம் : கவிஞர் இரா. இரவி !

விருப்புக் குறியீடுகளில்  விளைந்து நிற்கும் சொற்கள்! தொகுப்பாசிரியர் :   கவிஞர் மயிலாடுதுறை இளையபாரதி ! நூல் விமர்சனம் : கவி...