புதன், 30 ஏப்ரல், 2014

ஹைக்கூ ( சென்றியு ) கவிஞர் இரா .இரவி !



ஹைக்கூ   ( சென்றியு ) கவிஞர் இரா .இரவி !

முன்னறிவிப்பு செய்தன 
மழையின் வருகையை 
இடி மின்னல் !

விழிகள் பேசும்போது 
மௌனமாகின்றன
இதழ்கள் ! 

கவிதைக்கு மட்டுமல்ல 
காதலிக்கும் இனிமை 
முரண் !

வீண் வேலை 
மரங்களை வீழ்த்திவிட்டு 
மழைக்கான பிராத்தனை !

செயற்கைச் செடிக்கும் 
தண்ணீர் ஊற்றினர் 
அழுக்கு நீக்க ! 

அறம் என்றால் 
என்ன என்றார் 
அரசியல்வாதி !

சிங்கப்பூர் இலக்கியப் பயணம் முடித்து மதுரை திரும்பிய இலக்கிய இணையருக்கு வரவேற்பு. . --

சிங்கப்பூர் இலக்கியப் பயணம் முடித்து மதுரை திரும்பிய இலக்கிய இணையருக்கு வரவேற்பு. . 

-- 


மலரும் நினைவுகள் ! புகைப்படங்கள் இனிய நண்பர் செல்வம் இராமசாமி கை வண்ணத்தில்

மலரும் நினைவுகள் ! புகைப்படங்கள் இனிய நண்பர் செல்வம் இராமசாமி கை வண்ணத்தில்

செவ்வாய், 29 ஏப்ரல், 2014

அகவிழி பார்வையற்றோர் விடுதி இன்னிசை நிகழ்ச்சி புகைப்படங்கள்

அகவிழி பார்வையற்றோர் விடுதி இன்னிசை நிகழ்ச்சி புகைப்படங்கள்

புகைப்படங்கள் இனிய நண்பர் புகைப்படக் கலைஞர் திரு கார்த்திகேயன் கை வண்ணத்தில்


திங்கள், 28 ஏப்ரல், 2014

அகவிழி பார்வையற்றோர் விடுதி நிறுவனர் மனிதநேய மாமணி எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி 
எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி 
எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி
எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி
எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி எம் .பழனியப்பன் !

அகவிழி பார்வையற்றோர் விடுதி நிறுவனர் மனிதநேய மாமணி 
எம் .பழனியப்பன் !

மனித நேய மாமணி எம் .பழனியப்பன் .இவருக்கு சிறு வயதில் பார்வை இருந்தது .காயச்சல் வந்து பார்வை பறி போனது. பார்வையின் பலனும் ,பார்வையற்றதால் உள்ள துன்பம் அறிந்த காரணத்தால் .பார்வையற்றவர்களின் துன்பம் போக்க  மூன்றாம் பார்வை அறக்கட்டளை மூலம்   அகவிழி பார்வையற்றோர் விடுதி மதுரையில்   தொடங்கி   நடத்தி வருகிறார் . 8 ஆண்டுகள் கடந்து 9 வது ஆண்டில் அடி எடுத்து வைத்துள்ளார் .வருடாவருடம் இரத்தம் வழங்கி இரத்ததான முகாம் ,விழி தான விழிப்புணர்வு முகாம் நடத்தி வருகிறார் .இங்கு  பார்வையற்ற மாணவ மாணவியருக்கு இலவச உணவு உடை தங்கும்வசதி அளித்து வருகிறார் .தனக்கு பார்வை பறி போகி விட்டதே என்று சோகத்தில் நான்கு சுவருக்குள் சோர்ந்து விடாமல்  பார்வையற்ற சமுதாயத்திற்கு நம்மால் முடிந்ததை செய்ய வேண்டும் என்ற எண்ணத்தில் தன்னம்பிக்கையோடு பல போராட்டங்களுக்கு நடுவே அகவிழி  பார்வையற்றோர் விடுதி நடத்தி வருகிறார் .விடுதியில் உள்ள பார்வையற்ற  மாற்றுத் திறனாளிகளுக்கு தொழில் பயற்சி அளிக்க நிதி தேவைப்பட்டது. அதற்காக மாபெரும் இன்னிசை நிகழ்ச்சி நடத்தினார் .

8.1.2006 அன்று  என்னுடைய நூல் வெளியீட்டு விழா மதுரை சுப்ரீம் விடுதியில் நடந்தது .நூலை மதுரை காமராசர் பல்கலைக் கழகத்தின் அன்றைய துணை வேந்தர் மருதமுத்து அவர்கள் வெளியிட விஷ்வாஷ் புரோமோடர்ஸ்  நிர்வாக இயக்குனர் திரு .சங்கர சீதாராமன் பெற்று கொண்டார் .அந்த விழாவில் அகவிழி பார்வையற்றோர் விடுதியினர் இசை நிகழ்ச்சி நடந்தது .
எம் .பழனியப்பன் அவர்களுக்கு மனிதநேய மாமணி விருதை துணை வேந்தர் மருதமுத்து அவர்கள் வழங்கினார்ள் .அன்று முதல் பழனியப்பன் மீது அன்பு பிறந்தது திரு .சங்கர சீதாராமன் அவர்களுக்கு.இலக்கிய ஆர்வலர் .கம்ப இராமாயண ஈடுபாடு மட்டுமன்றி எனது ஹைக்கூ கவிதையும் ரசிப்பார் .மனம் திறந்து பாராட்டுவார் .பெரிய இலக்கிய விழாக்களில் எனது ஹைக்கூ கவிதையை மேற்கோள் காட்டி பெருமை சேர்ப்பார்கள்.நல்ல மனிதர். அன்பானாவர் . .

மதுரை ஆண்டாள்புரத்தில் உள்ள விஷ்வாஷ் கலையரங்கில்   அவர்கள் நடத்தும் கம்பன் கழக   விழாக்கள் மட்டும் நடக்கும் .வேறு வெளி விழாக்கள் நடத்த அனுமதிப்பது இல்லை .அங்கு இசை நிகழ்ச்சி நடத்த திரு .எம் .பழனியப்பன் அனுமதி கேட்டபோது என் மீது உள்ள அன்பாலும் திரு .எம் .பழனியப்பன் மீது உள்ள அன்பாலும்
இலவச அனுமதி வழங்கியதோடு .இசை நிகழ்ச்சிக்கான நன்கொடை சீட்டுகள் வீடுகளில் விற்பனை செய்யவும் அனுமதி வழங்கினார்கள் .
பணம் இருப்பவர்களுக்கு மனம் இருக்காது என்பார்கள் .ஆனால் 
திரு .சங்கர சீதாராமன் அவர்களுக்கு பணமும் நல்ல மனமும் உண்டு அவர் பணக்காரர்  மட்டுமல்ல நல்ல மனக்காரர் .அவரை அலைபேசியில் அழைத்து நன்றி கூறினேன் .

இசை நிகழ்ச்சி மிகச் சிறப்பாக நடந்தது .விழாவிற்கு என்னை தலைமை வகிக்க வைத்தார் இனிய நண்பர் பழனியப்பன். சூரியன் பன்பலை அறிவிப்பாளர் இனிய நண்பர் ஷ்டீபன் நிகழ்ச்சியை மிகச் சிறப்பாக பன்பலை நிகழ்ச்சி போலவே தொகுத்து வழங்கினார்.

 நன்கொடைச் சீட்டு விற்க உதவிய யாழினி ,பாப்பாக்கனி , அஞ்சலை, இராஜா ,சேக், ஜெயகுமார் ,முத்துக் குமார் ,அம்சத்கான், பெருமாள் பாண்டி, முருகபாரதி , விடுதி மேலாளர் இராமநாதன், அகவிழி விடுதி கணினி இயக்குனர் வரை அனைவருக்கும் விழா மேடையில் பொன்னாடைப் போர்த்திப் பாராட்டச் சொன்னார் பழனியப்பன்.

பார்வையற்ற பாடகர்கள் குருநாதன் ,காசி நாதன் இருவரும் மிகச் சிறப்பாக பாடினார்கள் .பாடகர்  குருநாதன் டி .எம் .சௌந்தரராஜன், நாகூர் அனிபா உள்ளிட்ட பலரின் குரலில் அற்புதமாகப் பாடினார்.  திரு .காசி நாதன் அவர்கள் காதல் ஓவியம் திரைப்படத்தில் வரும் சங்கீத சாதி முல்லை பாடலை மிகச் சிறப்பாகப் பாடி எல்லோரையும் எழுந்து நின்று கை தட்ட வைத்தார் .மெய்சிலிர்த்துப்  போனேன். அவருடைய திறமை கண்டு வியந்தது அவை . கண்ணை முடிக் கொண்டு பாடலைக் கேட்டால் எஸ் .பி .பாலசுப்ர மணியன் பாடுவது போலவே இருந்தது . பாடலோடு ஒன்றி மிகவும் ரசித்துப்  பாடினார். 

பாரதி கண்ட புதுமைப் பெண்ணாக குக்கூ பட நாயகி போன்ற பார்வையற்ற ஜீனா என்ற பாடகி அவர் ஒருவரே பழைய பாடல்கள் புதுப் பாடல்கள் அனைத்தையும் மிகச் சீராகப் பாடி ,சிறப்பாகப் பாடி கை தட்டல் பெற்றார் .இசை நிகழ்ச்சியின் சிறப்பை உணர்ந்து சிலர் நன்கொடையும் வழங்கினார்கள் .முருகபாரதி ஒருவர் மட்டுமே பார்வை உள்ளவர் .மற்ற இசைக் கருவிகள் முழுவதையும் வாசித்தது பார்வையற்ற  மாற்றுத் திறனாளிகள். குறைந்த  அளவு இசைக் கருவிகளுடன் மிகச் சிறப்பான இசையை வழங்கி அசத்தினார்கள் .
  
அசத்தப் போவது யாரு நிகழ்ச்சி புகழ் திரு .சிவகாசி குமாரின் பல குரல் நிகழ்ச்சி இசை நிகழ்ச்சி நடுவே மூன்று முறை நிகழ்த்தினார். முதல் முறையில் பறவை வன விலங்குகள் குரல் தந்து எல்லோரையும் காட்டில் இருப்பதுபோன்ற உணர்வைத் தந்தார். இரண்டாம் முறை பார்வையாளர்கள் கேட்கும் நடிகர் நடிகை குரலில் பேசி வியக்க வைத்தார் .மூன்றாம் முறை  கையில் பொம்மையுடன் வந்து பொம்மையை பேச வைத்து பேசி நகைச்சுவை தந்தார். அனைவரும் திரு .சிவகாசி குமாரை மனம் திறந்து பாராட்டினர் .

அகவிழி பார்வையற்றோர் விடுதி நடத்திட திரு .பழனியப்பனுக்கு உறுதுணையாக இருக்கும் அவரது  குடும்பமான  அவரது அம்மா, மனைவி ,தம்பி திரு கோபி ,மகள் யாழினி என அனைவரும் விழாவிற்கு வந்து இருந்து சிறப்பித்தனர் .

நிகழ்ச்சியின் இறுதியில் அகவிழி பார்வையற்றோர் விடுதி நிறுவனர் 
மனிதநேய மாமணி எம் .பழனியப்பன் அவர்கள் நன்றி கூறினார். பார்வையாளர்கள் அனைவரும் எழுந்து நின்று கரவொலி தந்து பாராட்டி விட்டு விடை பெற்றனர் .பெரிய அளவில் நினைத்தபடி நன்கொடைச் சீட்டு விற்காவிட்டாலும் மனம் தளராமல் திட்டமிட்டபடி மிகச் சிறப்பாக இசை நிகழ்ச்சியை நடத்தினார் பழனியப்பன் . 

வாழ்வில் மறக்க முடியாத நாளாக இருந்தது .பார்வையற்றவர்கள் இவ்வளவு சிறப்பாக சாதிக்கும் போது நாமும் சாதிக்க வேண்டும் என்ற தன்னம்பிக்கை விதைக்கும் விழாவாக அமைந்தது . 

புகைப்படங்கள் இனிய நண்பர் புகைப்படக் கலைஞர் திரு கார்த்திகேயன் கை வண்ணத்தில் .

உங்கள் வீட்டு நிகழ்விற்கு அகவிழி   இசை நிகழ்ச்சி நடத்தி ஆதரவு கொடுங்கள் .

அகவிழி பார்வையற்றோர் விடுதி
1.இராமவர்மா  நகர் ,
3 வது தெரு ,
கோ .புதூர்,
மதுரை .625007.
தொலை பேசி  0452-2681877
அலைபேசி 9865130877 
மின் அஞ்சல் trusteeagavizhi@gmail.com
இணையம் http://www.agavizhi.in/html/

'தன்னம்பிக்கைச் சிந்தனைகள்' நூல் ஆசிரியர் : சிந்தனைக் கவிஞர் டாக்டர் கவிதாசன் ! நூல் விமர்சனம் : கவிஞர் இரா. இரவி !

'தன்னம்பிக்கைச் சிந்தனைகள்'

நூல் ஆசிரியர் : சிந்தனைக் கவிஞர் டாக்டர் கவிதாசன் !
நூல் விமர்சனம் : கவிஞர் இராரவி !
தன்னம்பிக்கை அறக்கட்டளை கவியரங்கம்,24, பிருந்தாவன் கார்டன், மணியகாரம்பாளையம், கணபதி, 
கோவை-641 006.
*****
                நூல் ஆசிரியர் சிந்தனைக் கவிஞர் டாக்டர் கவிதாசன் அவர்கள் மதுரையில் தமிழ்நாடு அரசு தமிழ்த்துறையின் சார்பில் உலகத் தமிழ்ச்சங்கம் நடத்திய தேசிய அளவிலான கருத்தரங்க மேடையில் அமர்ந்திருந்த போது இந்த நூலைத் தந்தார்கள்.  அன்று தமிழ்  இலக்கியத்தில் மேலாண்மை என்ற தலைப்பில் சிறப்புரை-யாற்றினார்கள்.  தமிழ்த்துறை மற்றும் செய்தித்துறைச்  செயலர் முனைவர் இராசாராம் இ .ஆ .ப .அவர்களும் கலந்துகொண்டு சிறப்பாக உரையாற்றினார்கள்.
       நூல் ஆசிரியர் சிந்தனைக் கவிஞர் டாக்டர் கவிதாசன் அவர்களின் பல நூல்கள் படித்து இணையத்தில் விமர்சனங்கள் பதிவு செய்துள்ளேன்.  அவரது சிந்தனையின் சிறு தொகுப்பாக கையடக்க நூலாக வந்துள்ளது. கடுகு சிறுத்தாலும் காரம் குறையாது என்பதைப் போல, நூல் அளவில் சிறிதாக இருந்தாலும், கருத்தின் தாக்கத்தில் விஞ்சி நிற்கின்றது.  நூலில் உள்ள சிறந்த சிந்தனைகளை மேற்கோள் காட்டிட, பக்கத்தை மடித்து வைத்துக் கொண்டே வந்தேன்.  எல்லாப் பக்கங்களையும் மடித்து விட்டேன்.  நூல் விமர்சனத்தில் அனைத்தும் எழுதிடக் கூடாது என்பதால், திரும்பவும் மறுபரிசீலனை செய்து, சிலவற்றை மனமின்றி நீக்கிவிட்டு, மிகவும் பிடித்ததை பதச்சோறாக இங்கே எழுதி உள்ளேன். 
பெற்றோர்களிடம், வாழ்க்கைத்துணையிடம் பகிர்ந்து கொள்ள முடியாதவற்றைக் கூட நண்பர்களிடம் பகிர்ந்து கொள்வோம்.  அத்தகைய நட்பின் மேன்மையை உணர்த்திடும் வைர வரிகள் இதோ!
உப்பில்லாமல் கூட உயிர் வாழலாம் – ஆனால்
       நல்ல நட்பில்லாமல் உயிர் வாழ முடியாது.
தாழ்வு மனப்பான்மையை தகர்த்து எறிந்து மனம் உற்சாகம் அடைய உதவும் சொற்கள்.
மன உற்சாகம்
உங்களுக்கு என்னென்ன இல்லை
       எனக் கவலைப்படுவதை விட
       உங்களுக்கு ஏதாவது
       சிறப்புத்தன்மை இருக்கும்
       அதை நினைத்து மகிழ்ச்சியடையுங்கள!
       உங்களிடம் இருக்கும்
       நிறைகளைப் பற்றி எண்ணுவதால்
       மனம் உற்சாகம் அடைகிறது
       உத்வேகம் பிறக்கிறது
.
நம் மனதளவில் மட்டுமல்ல, நம் துணையிடம் குறையும் இருக்கும், நிறையும் இருக்கும்.  குறையை மறந்து, நிறையை நினைந்து, மதித்து நடந்தால் வாழ்க்கை இனிக்கும், சிறக்கும்.
எனக்குத்தான் வாழ்க்கையில் துன்பம் என்று எல்லோருமே நினைக்கின்றனர்.  அவர்களுக்கான ஊக்கம் தரும் சிந்தனைக் கருத்து மிக நன்று.
மன ஆற்றல்
எத்தகைய புயலையும் வெள்ளத்தையும்
       தாங்கக் கூடிய ஆற்றல் மிக்கதாக
       உங்கள் மனம் இருக்க வேண்டும்
       சின்னச் சின்னத் தூறலையே
       தாங்க இயலாத பொத்தல் குடிசையாக
       அது இருக்கக் கூடாது.
மன உறுதி பெற தன்னம்பிக்கைக் கருத்துக்களையே வாசிக்க வேண்டும். சில பக்கங்கள் வெற்றிடமாக உள்ளன.  அடுத்த பதிப்பில் தவிர்த்திடுங்கள்.  பக்கம் 24ல் வந்த சிந்தனையே பக்கம் 65லும் பிரசுரமாகி உள்ளது.
நாவடக்கம்
வளர்ந்து வரும் மனிதனுக்கு
       நாவடக்கம் மிகவும் இன்றியமையாதது.
நேர்மறை சிந்தனை விதைக்கும் அறபுத வரிகள்.  சில வரிகள் என்றாலும் தன்னம்பிக்கை பிறக்க வைக்கும் வரிகள்.
முயன்றால் முடியும்!
முடியாது என்பது மூடத்தனம்
      முடியுமா என்பது அவநம்பிக்கை
      முடியும் என்பது தன்னம்பிக்கை
      என்னால் மட்டுமே முடியும் என்பது ஆணவம்!
      முடியும் என்று துணிந்து விட்டால்
      மூளைக்குள் மின்சாரம் பிறப்பெடுக்கும்!
மற்றவரின் குறைகளை மட்டுமே ஆராய்ந்து கண்டுபிடித்து குத்திக் காட்டும் பழக்கம் உள்ளவர்கள் பலர் இருக்கிறார்கள்.  அவர்களுக்கான அழகிய வரிகள்.
நல்ல மனம்
எல்லோரிடத்தும் குறைகள் உண்டு
      அந்தக் குறைகளை மறந்து நிறைகளை மட்டும்
      கண்டறிந்து பாராட்டுவதே
      நல்ல மனம் படைத்தோருக்கு அடையாளம் !
நூலாசிரியர் கவிஞர் டாக்டர் கவிதாசன் அவர்கள் கலந்து கொண்டு பேசும் கூட்டங்களில் எல்லாம் மறக்காமல் உச்சரிக்கும் வைர வரிகள் இவை.
எழுந்தால் எதுவும் சாத்தியமே!
முடங்கி கிடந்தால் சிலந்தியும் உன்னைச் சிறை பிடிக்கும்
      எழுந்து நடந்தால் எரிமலையும் உனக்கு வழி கொடுக்கும்.
சிலர் ஒரு வெற்றி பெற்றவுடனே ஆணவத்தில் அடுத்து இயங்காமல் சோம்பேறியாகவே இருந்து விடுவார்கள்.  அவர்களுக்கான வரிகள் மிக நன்று.
வெற்றி என்றால் ...
முதன்மையாக இருப்பதல்ல வெற்றி
      முன்னேறிக் கொண்டே
      இருப்பது தான் வெற்றி.
நாம் எழுதும் ஒவ்வொரு எழுத்தும் படிக்கும் வாசகர்களுக்குப் பயனுள்ளதாக இருக்க வேண்டும்.  பயனற்ற பக்கம் நிரப்பும் எழுத்துக்களை வாசகர்கள் வரவேற்பதில்லை.  படிக்கும் வாசகருக்கு சுறுசுறுப்பைப் போதிக்கும் எழுத்து இவை.
திசையெல்லாம் கிழக்கு!
படுத்துக் கிடப்பவனுக்குப் பகல் கூட இரவு தான் – ஆனால்
      எழுந்து நடப்பவனுக்குத் திரும்பும் திசையெல்லாம் உதயம்.

இன்றைய இளைஞர்கள் இந்த வரிகளை வாழ்க்கையில் கடைபிடித்து நடந்தால் சாதிக்கலாம், சிறக்கலாம்.
முன்னேற்ற வழிகள்!
முன்னேற வேண்டுமானால் உழைப்பை நம்புங்கள்
      காலந்தவறாமையை மேற்கொள்ளுங்கள் !
      நல்லோரைச் சந்தித்து உங்கள் திறமையை                     வெளிப்படுத்துங்கள் !
      சுயமுயற்சியுடன் சிந்தித்து செயலாற்றினால்
      கண்டிப்பாக முன்னேற்றம் ஏற்படும்!

“ஏழையாகப் பிறப்பது உன் குற்றமல்ல – ஏழையாகவே
       வாழ்வது தான் உன் குற்றம்”
       என்ற புகழ் பெற்ற வரிகளை வழிமொழிந்து எழுதிய வரிகள் மிக நன்று.
சரித்திரம் படைக்க
பிறப்பு தரித்திரமாக இருந்தாலும்
      இறப்பு சரித்திரமாக இருக்க வேண்டும்
என்ற எண்ணத்தோடு செயல்படுங்கள். 
வரலாறு உங்கள் வரலாறு பேசும்.
சிந்தனைக் கவிஞர் டாக்டர் கவிதாசன் அவர்களின் தன்னம்பிக்கை சிந்தனைகள்  நூல் படித்து விட்டு வைத்துவிடும் புத்தகம் அல்ல.  கவலை. மனச்சோர்வு, சோகம் வரும் போதெல்லாம் மறுவாசிப்பு செய்து ஊக்கம் பெற்றுக்கொள்ளும் நூல்.


.


.


நன்றி
அன்புடன்
கவிஞர் இரா .இரவி

http://www.eraeravi.blogspot.in/
.

இறந்த பின்னும்
இயற்கையை ரசிக்க
கண் தானம் !

ஞாயிறு, 27 ஏப்ரல், 2014

மதுரைக்கு வந்த இனிய நண்பர் வித்தகக் கவிஞர் பா.விஜய் அவர்களுக்கு வரவேற்பு !

மதுரைக்கு வந்த இனிய நண்பர் வித்தகக் கவிஞர் பா.விஜய் அவர்களுக்கு வரவேற்பு !

மதுரைக்கு வந்த இனிய நண்பர் வித்தகக் கவிஞர் பா.விஜய் அவர்களுக்கு கவிஞர் இரா .இரவி பொன்னாடை போர்த்தி வரவேற்றார் உடன் முதுநிலைத் தமிழாசிரியர் ஞா. சந்திரன் ,பொறியாளர் ஜ .சுரேஷ் ,தொடர்வண்டித் துறை திரு.லால், அம்மா மெஸ் அதிபர் திரு .செந்தில் வேல்.

மதுரைக்கு வந்த இனிய நண்பர் வித்தகக் கவிஞர் பா.விஜய் அவர்களை சென்னைக்கு வழி அனுப்பி வைத்தபோது

மதுரைக்கு வந்த இனிய நண்பர் வித்தகக் கவிஞர் பா.விஜய் அவர்களை  சென்னைக்கு வழி அனுப்பி வைத்தபோது எடுத்தபுகைப்படம் உடன் இனிய நண்பர் முதுநிலைத் தமிழாசிரியர் ஞா. சந்திரன் புகைப்படங்கள் இனிய நண்பர் இசக்கி கை வண்ணத்தில் .


விருப்புக் குறியீடுகளில் விளைந்து நிற்கும் சொற்கள்! தொகுப்பாசிரியர் : கவிஞர் மயிலாடுதுறை இளையபாரதி ! நூல் விமர்சனம் : கவிஞர் இரா. இரவி !

விருப்புக் குறியீடுகளில்  விளைந்து நிற்கும் சொற்கள்! தொகுப்பாசிரியர் :   கவிஞர் மயிலாடுதுறை இளையபாரதி ! நூல் விமர்சனம் : கவி...