புகழ்வணக்கம்

விண்ணில் படம்இயக்க விழைந்தவர் வையத்தில் விண்மீனை உருவாக்கி வானத்து விண்மீனைத் தோற்கடித்தாய் கருத்தம்மா மாயத்தேவர் தோட்டத்தில் குருத்தாய் வளர்ந்த குருக்கத்தி அல்லி நகர்தனில் அவதாரம் அடையாற்றுக் கரையில் அரிதாரம் பதினாறு வயதுப் படத்தாலே பாரில் ஒளிர்ந்தாய் சூரியனாய் பரட்டை சப்பானி இருவருமே கட்டிய பாத்தியின் வித்துக்கள் இனிய தமிழ்மக்கள் என்றுதான் கனிவாய் திறந்தால் கைதட்டல் ஐயர் ஆத்துகதை நீக்கி அருக்காணி கதையைக் காட்டினையே தாமரைத் திருவை அரசாங்கம் தானாய் உனக்கு வழங்கியது விருதுகள் வழங்கிக் குவித்தார்கள் விழுதுகள் விட்டு விரிந்தாயே கன்றை இழந்த காராம்பசுவே இன்று அடைந்தாய் பாற்கடலை மக்கள் கொட்டிய கண்ணீரால் சென்னை வீதியில் பெருவெள்ளம் காம தேனுவின் பால்சுவைக்க கற்பக நிழலை அடைந்தாயோ இயக்குநர் இமயம் ஆனவரே இந்திரனை இயக்கச் சென்றாயோ உன்னால் உருவான திரையுலகம் கரும்பின் சக்கையாய் போனதே முதல்மரி யாதைப்படம் எடுத்தாயே இறுதி மரியாதை செய்கின்றோம் சின்னசாமி ஆக ஆனவரே பெரியசாமி ஆகப் போனவரே சந்திர லீலா தனித்லைவா இங்கே இருந்து ஏன்சென்றாய் தொல்காப்பியச்செம்மல் புலவர் ஆ.காளியப்பன் 9788552993.