படித்ததில் பிடித்தது. கவிஞர் இரா .இரவி !நன்றி .பொறியாளர் ஜ.சுரேஷ்

படித்ததில் பிடித்தது. கவிஞர் இரா .இரவி !நன்றி .பொறியாளர் ஜ.சுரேஷ் தமிழர்கள் வடிவமைத்த தெலுங்கான புதியத் தலைமைச் செயலகம் இந்திய அரசியலமைப்பின் சிற்பி டாக்டர் பி.ஆர். அம்பேத்கர் அவர்களின் பெயரைச் சூடி, ஹைதராபாத்தில் கம்பீரமாகக் காட்சியளிக்கும் தெலங்கானா மாநிலச் செயலகம், நவீன கட்டிடக்கலைக்கும், தெலங்கானாவின் பாரம்பரியத்திற்கும் ஒரு சாட்சியாக உயர்ந்து நிற்கிறது. சுமார் 27.9 ஏக்கர் பரப்பளவில், ₹616 கோடி மதிப்பில் கட்டப்பட்டுள்ள இந்தச் செயலகம், நிர்வாகத் திறனை மேம்படுத்துவதுடன், மாநிலத்தின் பெருமையையும் பறைசாற்றுகிறது. தெலங்கானா மாநிலச் செயலகம், இந்தோ-சரசனிக் (Indo-Saracenic) பாணியில் அமைக்கப்பட்டுள்ளது. இது பாரம்பரிய தெலங்கானா மற்றும் தக்காணப் (Deccan) பகுதியின் காக்கத்தியக் கட்டிடக்கலை அம்சங்களுடன், இந்தோ-இஸ்லாமிய கூறுகளையும் அற்புதமாக ஒருங்கிணைக்கிறது.முக்கிய வடிவமைப்பு கலப்பு கட்டிடக்கலை (Fusion Architecture) இந்த வடிவமைப்பு தெலங்கானாவின் வரலாற்றை பிரதிபலிக்கும் வகையில், காக்கத்திய மன்னர்கள், ஐரோப்பியர்கள் மற்றும் நவீன இந்தியாவின் தாக்கங்களை உள்ளடக்கிய ஒரு "கலப்பு கட்டிடக்கலையாக" உருவாக்கப்பட்டுள்ளது. கோபுரங்கள் மற்றும் குவிமாடங்கள் (Domes) இந்தச் செயலகத்தின் முகப்பில் முக்கியமாக இடம்பெறும் குவிமாடங்கள் (Domes), இந்தோ சாரசனிக் அமைப்புகள், தெலங்கானா கோவில்கள் மற்றும் அரண்மனைகளில் உள்ள அமைப்புகளைப் போன்றே உருவாக்கபாட்டுள்ளன. குறிப்பாக, நீலகண்டேஷ்வரா கோயில் மற்றும் வானபர்த்தி அரண்மனை போன்ற இடங்களில் உள்ள சிவபெருமானின் கோவில்களின் அமைப்புகளும், சலாங்பூரில் உள்ள ஹனுமான் கோவிலின் குவிமாடமும் ஜனநாயகத்தின் கம்பீரத்தை வெளிப்படுத்தும் விதமாகப் உருவாக்கப்பட்டுள்ளன. உயரம் மற்றும் பிரம்மாண்டம் இந்தச் செயலகம் சுமார் 265 அடி (81 மீட்டர்) உயரத்துடன் கட்டப்பட்டுள்ளது. இது டெல்லியில் உள்ள குதுப்மினார் மற்றும் ஹைதராபாத்தின் அடையாளமான சார்மினார் ஆகியவற்றின் உயரத்தைவிட அதிகம் என்பது குறிப்பிடத்தக்கது. செயலகத்தின் முக்கிய அம்சங்கள் உயரம்: 265 அடி (மைய கோபுரம்) மொத்த பரப்பளவு: 27.9 ஏக்கர் (சுமார் 11.3 ஹெக்டேர்) கட்டப்பட்ட பகுதி: சுமார் 10 லட்சம் சதுர அடி மொத்த அறைகள்: 635 வாஸ்து சாஸ்திரத்தின்படி வடிவமைக்கப்பட்டுள்ளது. குவிமாடங்களின் எண்ணிக்கை: 34 குவிமாடங்கள்: முக்கிய வாயில்கள்: நான்கு திசைகளிலும் நான்கு முக்கிய நுழைவாயில்கள். உட்புற முற்றவெளி (Courtyard): நடுவில் சுமார் இரண்டரை ஏக்கர் பரப்பளவில் ஒரு பெரிய முற்றவெளி உள்ளது. பசுமை கட்டிடம் (Green Building) இந்திய பசுமைக் கட்டிடக் கவுன்சில் (IGBC) விதிமுறைகளின்படி கட்டப்பட்டு, சூழல் நட்பு அம்சங்களைக் கொண்டுள்ளது. மேம்பட்ட பாதுகாப்பு மற்றும் கண்காணிப்பு தொழில்நுட்பங்கள் பயன்படுத்தப்பட்டுள்ளன. டாக்டர் அம்பேத்கரின் கொள்கைகளின் வெளிப்பாடு இந்தச் செயலகம், இந்திய அரசியலமைப்பின் சிற்பி டாக்டர் பி.ஆர். அம்பேத்கரின் பெயரால் அழைக்கப்படுவது மிகவும் பொருத்தமானது. அவரின் சமூக நீதி மற்றும் சமத்துவக் கொள்கைகளை பிரதிபலிக்கும் வகையில், செயலக வளாகம் வடிவமைக்கப்பட்டுள்ளது. இது மதம், இனம், பால் வேறுபாடின்றி அனைவருக்கும் சமத்துவமான அணுகுமுறையை வழங்குவதை நோக்கமாகக் கொண்டுள்ளது.மேலும், செயலக வளாகத்திற்கு அருகில் 125 அடி உயரமுள்ள டாக்டர் பி.ஆர். அம்பேத்கரின் பிரம்மாண்ட சிலை நிறுவப்பட்டுள்ளது. இது செயலகத்திற்கு மேலும் ஒரு சிறப்புப் பெருமையைச் சேர்க்கிறது. டாக்டர் பி.ஆர். அம்பேத்கர் தெலங்கானா மாநிலச் செயலகம், ஹைதராபாத் நகரின் ஒரு புதிய அடையாளச் சின்னமாகத் திகழ்கிறது. சென்னை ஆர்க்கிடெக்ட் பொன்னி கன்செசாவோ மற்றும் ஆஸ்கார் கன்செசாவோ ஆகியோரின் தொலைநோக்கு மற்றும் திறமையான வடிவமைப்பின் மூலம், இந்தச் செயலகம் தெலங்கானாவின் பாரம்பரிய வேர்களையும், நவீன நிர்வாகத் தேவைகளையும் பூர்த்தி செய்யும் ஒரு கட்டிடக்கலை அதிசயமாக உருவெடுத்துள்ளது. இது வெறும் நிர்வாக மையமாக மட்டுமில்லாமல், எதிர்கால இந்தியாவின் சமூக நீதி மற்றும் சமத்துவத்திற்கான ஒரு அடையாளச் சின்னமாகவும் விளங்குகிறது. இதனை வடிவமைத்த தமிழக கட்டடக்கலை நிபுணர்கள்: டாக்டர் பொன்னி கன்செசாவோ மற்றும் ஆஸ்கார் கன்செசாவோஇந்த மகத்தான திட்டத்தின் பின்னணியில், தமிழ்நாட்டின் தலைநகரான சென்னையிலிருந்து செயல்படும் ஓஸ்கார் மற்றும் பொன்னி ஆர்க்கிடெக்ட்ஸ் (Oscar & Ponni Architects) (Now OPR Architects) நிறுவனம் மேற்கொண்டுள்ளது. இந்த பிரம்மாண்டமான கட்டமைப்பை வடிவமைத்த பெருமை, சென்னையைச் சேர்ந்த புகழ்பெற்ற கட்டிடக்கலை நிபுணர்களான டாக்டர் பொன்னி கன்செசாவோ (Dr. Ponni Concessao) மற்றும் டாக்டர் ஆஸ்கார் கன்செசாவோ (Dr. Oscar Concessao) ஆகியோரைச் சாரும். டாக்டர் பொன்னி கன்செசாவோ முதல் பெண் கட்டடக்கலை நிபுணர்: இந்தியாவில் ஒரு மாநிலச் செயலகத்தை வடிவமைத்த முதல் பெண் கட்டிடக்கலை நிபுணர் என்ற பெருமையை டாக்டர் பொன்னி கன்செசாவோ பெற்றுள்ளார். திருச்சியில் உள்ள தேசிய தொழில்நுட்பக் கழகத்தில் (NIT Trichy) கட்டிடக்கலை இளங்கலை (B.Arch) பட்டம் பெற்ற இவர், அங்கு முதல் மாணவியாகச் சேர்ந்து சாதனை படைத்தார். பின்னர் அமெரிக்காவில் உள்ள புகழ்பெற்ற கார்னெல் பல்கலைக்கழகம் (Cornell University) மற்றும் ஹார்வர்ட் பல்கலைக்கழகம் (Harvard University) ஆகியவற்றில் முதுகலைப் பட்டங்களைப் பெற்றார். இவரின் வடிவமைப்பில், கட்டிடத்தின் சமூக மற்றும் பாலின சமத்துவக் கருத்துக்களுக்கு முக்கியத்துவம் கொடுக்கப்பட்டது. அதன்படி, செயலக வளாகத்தில் ஒரு கோவில், மசூதி மற்றும் தேவாலயம் ஆகியவை கட்டப்பட்டுள்ளன. மேலும், பணிபுரியும் தாய்மார்களுக்காக ஒரு குழந்தைகள் பராமரிப்பு மையமும் (Creche) அமைக்கப்பட்டுள்ளது, இது பாலின சமத்துவத்தை ஊக்குவிக்கிறது. டாக்டர் ஆஸ்கார் கன்செசாவோ இவரும் இவரது மனைவி பொன்னி கன்செசாவோவும் இணைந்து, ஒட்டுமொத்த வடிவமைப்பு மற்றும் திட்டமிடல் பணிகளை மேற்கொண்டனர்.கல்விப் பின்னணி: இவரும் திருச்சியில் உள்ள என்.ஐ.டி.யில் கட்டிடக்கலை இளங்கலை பட்டம் பெற்றவர். மேலும் அமெரிக்காவில் உள்ள ஓக்லஹோமா பல்கலைக்கழகம் மற்றும் ஹார்வர்ட் பல்கலைக்கழகத்தில் முதுகலைப் பட்டங்களைப் பெற்றவர். கட்டிடம் குறைந்தபட்சம் 150 ஆண்டுகள் வரை நிலைத்திருக்க வேண்டும் என்ற நோக்குடன், ஆழமான அடித்தளங்கள் மற்றும் பெரிய இடைவெளிகளைக் கையாளும் போஸ்ட் டென்ஷன் தொழில்நுட்பத்தைப் (Post Tension technology) பயன்படுத்தி கட்டடத்தின் ஸ்திரத்தன்மையை உறுதி செய்துள்ளனர். இந்தியப் பெண் கட்டிடக்கலை நிபுணர்களின் பங்கு மற்றும் மாணவர்களை ஊக்குவிப்பது குறித்து, கட்டிடக்கலை ஆளுமை முனைவர் பொன்னி ஆஸ்கர் அவர்களுடன் கட்டடக்கலை நிபுணர் திருமதி. வித்யாலட்சுமி இராஜசேகர் நடத்திய ஒரு சுவாரஸ்யமான நேர்க்காணலை 'Thali Connect' வலை காணொளியில் (லிங்க் பின்னூட்டத்தில் காண்க) விரைவில் காணலாம் Share this Article to Support Us youtube/thaliconnect Thali Connect #ThaliTalks #அம்பேத்கர் #ambedkar #drambedkar