யானை ! கவிஞர் இரா .இரவி !

யானை  !  கவிஞர் இரா .இரவி !

சலிப்பதே இல்லை
எத்தனை முறை பார்த்தாலும்
யானை ,நிலவு , அவள் !

மனிதனுக்கு மட்டுமல்ல
யானைக்கும் தேவை
நடைப்பயிற்சி !

யானைக்கு மட்டுமல்ல
மனிதனுக்குப் பிடித்தாலும் ஆபத்து
மதம் !

கரிய நிறம் கொண்ட வெள்ளை உள்ளம் !

கரும்பு தந்தால் விரும்பி நன்றாய் உண்ணும் !

உருவத்தில் பெரியது கண்கள் மட்டும் சிறியன !

உணவில் சைவம் மட்டுமே என்றும் உண்ணும் !

பூச்சிகள் செல்லாமலிருக்க காதுகளை ஆட்டும் !

பூவுலகில் அனைவரும்  விரும்பிடும் அற்புத விலங்கு! 

 

நின்றாலும் அழகு நடந்தாலும் அழகு !  

நினைத்தாலும் அழகு பார்த்தாலும் அழகு !

மதம் பிடிக்காதவரை குழந்தையாக இருக்கும் !

மதம் பிடித்தாலோ மதம் பிடித்த  மனிதனாகிவிடும் !

மிகப்பெரிய யானையை கோவில் பாகன் 

மிக மோசமாக பிச்சை எடுக்க வைப்பான் !

வாங்கிய பணத்தை வாங்கிக் கொண்டு !

வாகனமாய் அமர்ந்து அங்குசத்தால் குத்துவான் !

பெரிய சங்கிலியை இழுத்து தோற்ற யானை !

சிறிய கயிற்றை இழுக்க முயற்சிக்கவில்லை ! 

காடுகளில் கூட்டமாக கூடி  வாழும் !

கோவில்களில் தனியாக வாடி வாழும் !

குழந்தைகள் முதல் பெரியவர்கள் வரை !

குவளயத்தில் அனைவரும் அதிசயிக்கும் யானை ! 

மணி ஓசை வந்து விடும் முன்னே !

மணியாக நடந்து வரும் பின்னே !

நிலவும் யானையும் காதலியும் ஒன்று !

எத்தனை முறை பார்த்தாலும் சலிப்பதே இல்லை !