மதுரையில் நகைச்சுவை மன்றம் - 24-ம் ஆண்டுத் தொடக்க விழாவில் சொன்ன நகைச்சுவைகள் ! தொகுப்பு கவிஞர் இரா .இரவி !
மதுரையில் நகைச்சுவை மன்றம் - 24-ம் ஆண்டுத் தொடக்க விழாவில் குழந்தைகள் , மாணவர்கள் ,பெண்கள் ,பெரியவர்கள், தொகுப்பாளர் கலைமாமணி கு .ஞானசம்பந்தன் சொன்ன நகைச்சுவைகள் !
தொகுப்பு கவிஞர் இரா .இரவி !
ஒருவர் ; லட்டுப் போல பொண்ணுப் பார்த்து கட்டி வைத்தியே எப்படி இருக்கா ?
மற்றவர் ;பூந்திப் போல குடும்பத்தை உடைத்து மகனை பிரித்து தனி குடித்தனம் போய் விட்டாள்.
------------------------------
நோயாளி ;நீங்க கடைசியா எழுதி உள்ள மருந்து எங்குமே கிடைக்க வில்லை .
மருத்துவர் ;.எங்குமே கிடைக்காது .அது என் கையெழுத்து .
------------------------------
செவிலியர் ;அறுவைச்சிகிச்சை செய்யும் நேரத்தில் புத்தகம் படிக்கிறீர்கள்
மருத்துவர் ;.சிறுநீரகம் எங்கு இருக்கும் என்பது மறந்து போச்சு. புத்தகத்தில் பார்க்கிறேன் .
------------------------------
மருத்துவ் பேராசிரியர் ;ஆண் மருத்துவ மாணவர்கள் மட்டும் இருந்த வகுப்பில் கர்ப்பபையைக் காட்டி இது என்ன தெரியுதா ? என்றார்.
பலரும் யோசித்தனர் .
மருத்துவ் பேராசிரியர் ; உனக்கும் எனக்கும் இல்லாதது அது என்ன? என்றார்
மாணவன் ; மூளையா ? என்றான் .
------------------------------
10000 ரூபாய் 20000 ரூபாய் செலவு செய்து சுற்றினால் சுற்றுலா என்கின்றனர் .
10 ரூபாய் 20 ரூபாய் செலவு செய்து சுற்றினால் தண்டச்சோறு என்கின்றனர் .
------------------------------
செவிலியர் ; நாளைக்கு நீங்க அறுவைச் சிகிச்சை செய்ய இருந்த நோயாளி 10 வது மாடியில் இருந்து குதித்து இறந்து விட்டார் .
மருத்துவர் ; அசச்சோ அவசரப்பட்டு விட்டாரே .
------------------------------
ஜலதோஷம் ஏன் பிடிக்கிறது ?
மூக்கு மேலே இரண்டு ஐஸ் ( eyes) இருக்கு அதனால ஜலதோஷம் ஏன் பிடிக்கிறது ?
------------------------------
கரும்புச்சாறு எடுக்கும் குடும்பத்தார்க்கு மருமகளாகப் போனது தப்பாப் போச்சு .
ஏன்?
சக்கையாகப் பிழிந்து வேலை வாங்குகின்றனர் .
------------------------------
மருத்துவர் ; உங்க குழந்தையின் எடை நாளுக்கு நாள் குறைந்து வருகிறதே ,உங்க கணவர் எங்க வேலை பார்க்கிறார் .
வந்தவள் ; ரேசன் கடையில் .
------------------------------
மேங்கோ( mango ) பிரித்தால் என்ன வரும் ?
man go என்று வரும் .
------------------------------
மழை மேகம் பிரிந்தால் என்ன வரும் ?
மழை me come என்று வரும்
------------------------------
ஒருவர் ; என் மனைவி பல் விளக்கினால்தான் காப்பி தருவேன் என்கிறாள் .
மற்றவர் ; அது பரவாயில்லைங்க என் மனைவி பாத்திரங்கள் விளக்கினால்தான் காப்பி தருவேன் என்கிறாள்
------------------------------
24 மணி நேரமும் திறந்து இருக்கும் கடை எது ?
சாக்கடை .
------------------------------
அரசர் ;நீங்கள் பாடும் பாடலில் அரிவாள் ,கத்தி , கம்பு வருகின்றதே ஏன்?
புலவர் ; அரசே நீங்கள்தானே பாடும் பாடலில் பொருள் இருக்க வேண்டும் என்றீர்கள் .
------------------------------
ஒட்ட கம் இருக்கின்றதே !
------------------------------
அப்பா மகனிடம் ; நாம கிட்ட இந்த வீடு போக வேறு வீடு உள்ளது அதை விற்க வேண்டும் .பத்திரிகையில் விளம்பரம் கொடு என்றார் .
மகன் என்அப்பாவின் சின்ன வீடு விற்பனைக்கு உள்ளது என்று விளம்பரம் கொடுத்து விட்டான் .
------------------------------
பேரன் ; சின்ன வீடு என்றால் என்ன தாத்தா.
தாத்தா; அது எதுக்கு உனக்கு .
பேரன் ; சும்மா தெரிஞ்சு வைத்துக் கொள்ளலாமேன்னு கேட்டேன் .
தாத்தா; தெரியாமல் வைத்துக் கொள்வதுதான் சின்ன வீடு .
------------------------------
.
நோயாளியை கூட்டிட்டு வரலாமா ?
மருத்துவர் ; கூட்டிட்டு வாங்க ! தூக்கிட்டுப் போங்க !
------------------------------
சாப்பிட முடியாத பன் எது ?
ரிப்பன் .
------------------------------
உங்க அப்பா தினமும் சீனி டப்பாவை ஏன் திறந்து பார்க்கிறார் ?
மருத்துவர் தினமும் சுகர் செக் பண்ண சொல்லி இருந்தார் .
------------------------------
கணவன் ; சாமிகிட்ட என்ன வேண்டினாய்?
மனைவி ; அடுத்த பிறவியிலும் நீங்கதான் எனக்கு கணவராக வர வேண்டினேன் .
மனைவி ;சாமிகிட்ட நீங்க என்ன வேண்டினீர்கள் .
கணவன் ; எனக்கு அடுத்த பிறவியே இருக்கக் கூடாது என்று வேண்டினேன் .
------------------------------
சொர்க்கத்தில் கணவனையும் ,மனைவியையும் பிரித்து வைத்து இருப்பார்களாமே .
அதுனாலதான் அதன் பெயர் சொர்க்கம் என்கின்றனர் .
------------------------------
மண்டை உடையாம இருக்க தலைக்கவசம் போடுகின்றனர் .
தலைக்கவசம் உடையாம இருக்க யாரவது மண்டையைப் போடுறாங்களா ?
------------------------------
உங்க ஊரில் யாரவது பெரிய மனிதர்கள் பிறந்து இருக்கிறார்களா ?
எங்க ஊரில் யாருமே பெரிய மனிதராகப் பிறப்பதில்லை .எல்லோரும் குழந்தையாகவே பிறக்கின்றனர் .
------------------------------
கோழிக்கு முந்திரிப் பருப்புப் போட்டு வளர்த்தாலும் அது முட்டைதான் போடும் .
100 மதிப்பெண் போடாது .
------------------------------
என் மனைவி மாதிரி யாரும் தொலைக்காட்சித் தொடர்கள் பார்க்க முடியாது .
தொலைக்காட்சியைக் கட்டிப் பிடித்து அழுது கிட்டே பார்ப்பாள் .
------------------------------
கிளி ஏன் பச்சையா இருக்கு ?
அது பச்சைக்கிளி அதுதான் பச்சையா இருக்கு .
------------------------------
மருத்துவர் ; ஒரு மணி நேரம் முன்னாடி கொண்டு வந்து இருந்தால் இவரைக் காப்பாற்றி இருக்கலாம் .
வந்தவர் . விபத்து நடந்தே கால் மணி நேரம்தான் ஆகுது .
------------------------------
ஏன் தண்ணீர் தெளித்து கோலம் போடுகின்றனர் .
கோலம் போட்டு தண்ணீர் தெளித்தால் கோலம் அழிந்து விடும் .
------------------------------
அடக்கமான பெண் வேண்டும் .
அப்ப நீங்க சுடுகாட்டுக்குதான் போக வேண்டும் .
------------------------------
கண் மங்கலாகத் தெரியுது கண்ணாடி போடணுமா ? டாக்டர் .
கண்டிப்பா போடணும் நான் மருத்துவர் இல்லை காவலர் .
------------------------------
கண் அறுவை சிகிட்சை முடிந்து அந்த நோயாளியிடம் கேட்டனர் அந்த கார் எண் சொல்லுங்க.
கார் எங்க இருக்கு டாக்டர்.
------------------------------
தயாரிப்பாளர் ; வித்தியாசமான கதை இருந்தால் சொல்லுங்க .
இயக்குனர் ; ஒரு பேய் செத்து மனிதனாகப் பிறக்கின்றது .மனித வாழ்க்கை வெறுத்து செத்து திரும்ப பேய் ஆகி விடுகிறது .
தயாரிப்பாளர் ;இப்படி எடுத்தால் மக்கள் நம்புவார்களா ?
இயக்குனர் ;ஒரு ஈ வந்து பழி வாங்குவதை நம்பினார்கள் படம் ஓடியது .இதையும் நம்புவார்கள் படம் ஓடும் .
------------------------------
ஆசிரியர் பிரம்பை ஓங்கினார் .அதை மாணவன் பிடித்தான் .ஆசிரியர் சொன்னார் .இந்தப் பிரம்பைப் பிடித்து இருப்பவன் முட்டாள் என்றார் .
அதற்கு மாணவன் ; இந்த முனையா ? அந்த முனையா ? என்றான்
------------------------------
நாட்காட்டி கிழிப்பவனைப் பார்த்து நாட்காட்டி கேட்டது .என்ன செய்து கிழித்து விட்டாய் என்று என்னை கிழிக்கிறாய் .
------------------------------
அப்பா மகனிடம் பல வேலை சொல்லியும் கேட்காததால் வெறுத்து .உன்னை பெற்றதற்கு ஒரு எருமையை பெற்று இருக்கலாம் என்றார் .
மகன் ; எங்க அம்மாவை கட்டாமல் ஒரு எருமையை கட்டி இருக்க வேண்டும் .
------------------------------
.
நன்றி
அன்புடன்
கவிஞர் இரா .இரவி
கருத்துகள்
கருத்துரையிடுக