கவிஞர் இரா.இரவி - வாழ்க்கை குறிப்பு*
*பிறப்பு:* 12 நவம்பர் 1963 - இராமகிருட்டிணன்-சரோஜினி தம்பதிக்கு மகனாக மதுரையில் பிறந்தார்.
*கல்வி:* மதுரையில் மேல்நிலைக்கல்வி, மதுரை காமராசர் பல்கலைக்கழகத்தில் அஞ்சல்வழியில் இளங்கலை வணிகவியல்.
*பணி:* தமிழ்நாடு அரசு சுற்றுலா வளர்ச்சிக் கழகத்தில் 1982 முதல் பணி - பின் உதவிச் சுற்றுலா அலுவலராக பதவி உயர்வு பெற்று ஓய்வு பெற்றார். கல்லூரிக்கு சென்று படிக்காமலே பல்கலைக்கழக பாடநூல்களில் இடம்பெற்றவர்!
*கவிதை வடிவங்கள்:* புதுக்கவிதை, ஹைக்கூ, லிமரிக், துளிப்பா என பல வடிவங்களில் எழுதுபவர். *"ஹைக்கூவின் செல்லப்பிள்ளை"* என்று அழைக்கப்படுகிறார். முதுமுனைவர் வெ.இறையன்பு இவரை *'புலிப்பால் இரவி'* என்பார் - புலிப்பாலே வேண்டும் என்றாலும் கொண்டு வரும் திறமை!
*வெளிவந்த நூல்கள் (சில):*
1. கவிதைச் சாரல் - 1997
2. ஹைக்கூ கவிதைகள் - 1998
3. விழிகளில் ஹைக்கூ - 2003
4. என்னவள் - 2005
5. கவிதை அல்ல விதை - 2007
6. மின்னல் ஹைக்கூ - 84 பக்கம், வானதி பதிப்பகம்
7. *இறையன்பு கருவூலம் பகுதி 1 & 2* - இறையன்பு நூல்கள் பற்றிய ஆய்வு நூல்கள்
*பாடநூல்களில்:* இவரது ஹைக்கூ கவிதைகள் பாரதியார் பல்கலைக்கழகம், பாரதிதாசன் பல்கலைக்கழகம், காமராசர் பல்கலைக்கழக பாடநூல்களில் இடம் பெற்றுள்ளன.
*விருதுகள்:*
- தமிழக அரசின் *தமிழ்ச்செம்மல்* விருது
- சிறந்த அரசுப் பணியாளர் விருது - மதுரை மாவட்ட ஆட்சித் தலைவரிடமிருந்து (26-01-1992)
- லண்டன் சுடரொளி வெளியீட்டுக் கழகத்தின் உலக கவிதைப் போட்டியில் 2 முறை பரிசு
- ஹைக்கூ திலகம், கவியருவி, கவிமுரசு, கலைமாமணி விக்கிரமன் விருது, பாரதி விருது, கண்ணதாசன் விருது, வாழ்நாள் சாதனையாளர் விருது
*சிறப்பு:* இவரது 100-க்கும் மேற்பட்ட ஹைக்கூ கவிதைகளை விஞ்ஞானி நெல்லை சு.முத்து "புத்தாயிரம் தமிழ் ஹைக்கூ" நூலில் மேற்கோள் காட்டியுள்ளார்.
கருத்துகள்
கருத்துரையிடுக