Mehar Nithyan
மூளையின் வேதிப்பொருட்களை (Brain Chemicals) மாற்றுவது மருந்து மட்டுமா? – அறிவியல் என்ன சொல்கிறது?
நேற்று நான் எழுதிய ஒரு பதிவிற்கு ஒருவரின் comment ல் OCD, sczhiphrenia, bipolar போன்ற மனநல பாதிப்புகளுக்கு மருந்து மட்டுமே உதவும், Psychotherapy என்பது எல்லாருக்கும் பொருந்தாது என்று பதிவிட்டிருந்தார்.
உளவியல், உளவியல் சிகிச்சை இதன் ஆழம் தெரியாதவர்கள் இப்படி பதிவிடுவம் பொழுது அதை மேலும் விளக்குவது என் பொறுப்பாக பார்க்கிறேன்.
இன்று மனநலம் குறித்து அதிகமாக பேசப்படும் ஒரு கருத்து என்னவென்றால், “மனநோய்கள் அனைத்தும் மூளையின் வேதிப்பொருட்களின் (Brain Chemicals) சமநிலையின்மையால் மட்டுமே ஏற்படுகின்றன. எனவே மருந்துகள் மட்டுமே தீர்வு.” என்பதாகும்.
ஆனால், நவீன நரம்பியல் (Neuroscience) மற்றும் உளவியல் (Psychology) ஆராய்ச்சிகள் மூளை அதைவிட மிகவும் சிக்கலானது என்பதை காட்டுகின்றன.
மூளை ஒரு உயிரோட்டமான அமைப்பு
நம் மூளை தினமும் மாறிக்கொண்டே இருக்கிறது.
* நாம் என்ன நினைக்கிறோம்.
* என்ன உணர்கிறோம்.
* யாருடன் வாழ்கிறோம்.
* எவ்வளவு மனஅழுத்தத்தில் இருக்கிறோம்.
* எவ்வளவு நன்றாக தூங்குகிறோம்.
* எவ்வளவு பாதுகாப்பாக உணர்கிறோம்.
இவை அனைத்தும் மூளையின் செயல்பாட்டை பாதிக்கின்றன.
இதையே அறிவியல் Neuroplasticity என்று அழைக்கிறது. அதாவது, அனுபவங்களின் அடிப்படையில் மூளை தன்னை மாற்றிக்கொள்ளும் திறன்.
தினசரி பிரச்சனைகள் மூளையை எப்படி மாற்றுகின்றன?
ஒரு மனிதர் தொடர்ந்து:
* குடும்ப சண்டைகள்,
* வேலை அழுத்தம்,
* நிராகரிப்பு,
* தோல்வி,
* அவமானம்,
* பயம்,
* தீராத மனவேதனை
போன்ற அனுபவங்களை சந்தித்தால், உடலில் மனஅழுத்த ஹார்மோன்கள் அதிகரிக்கலாம். இதனால் உணர்ச்சி கட்டுப்பாடு, கவனம், தூக்கம் மற்றும் சிந்தனை பாதிக்கப்படலாம்.
அதேபோல் ஒருவர் தினமும் பாதுகாப்பு, ஆதரவு, நம்பிக்கை, நல்ல உறவுகள் மற்றும் பயனுள்ள பழக்கங்களை அனுபவிக்கும்போது, மூளை வேறு விதமாக செயல்படுகிறது.
இதன் மூலம் நம் அனுபவங்களும் மூளையை பாதிக்கின்றன என்பது தெளிவாகிறது.
உளவியல் சிகிச்சையும் மூளையில் மாற்றங்களை உருவாக்குகிறது
Psychotherapy என்பது வெறும் “பேச்சு” அல்ல.
சரியான உளவியல் சிகிச்சையின் மூலம் ஒருவர்:
* பயத்தை புரிந்துகொள்கிறார்.
* புதிய சிந்தனை முறைகளை உருவாக்குகிறார்.
* உணர்ச்சிகளை ஒழுங்குபடுத்த கற்றுக்கொள்கிறார்.
* தவிர்க்கும் பழக்கங்களை குறைக்கிறார்.
* தன்னம்பிக்கையை வளர்க்கிறார்.
* உறவுகளை மேம்படுத்துகிறார்.
இத்தகைய மாற்றங்கள் மூளையின் செயல்பாட்டிலும் மாற்றங்களை ஏற்படுத்த முடியும் என்று பல ஆராய்ச்சிகள் காட்டுகின்றன.
மனநோய் = Chemical Imbalance மட்டும் அல்ல
ஒரு காலத்தில் “Chemical Imbalance” என்ற விளக்கம் மிகவும் பிரபலமாக இருந்தது.
ஆனால் இன்று மனநல அறிவியல் கூறுவது:
மனநலப் பிரச்சனைகள் பல காரணிகளின் இணைப்பாக உருவாகின்றன.
* வீட்டில் அடிக்கடி உருவாகும் சண்டை
* கடுமையான தண்டனைகள்
* குழந்தைப் பருவ மனக்காயங்கள்
* மனஅழுத்தம்
* பாலியல் துன்புறுத்தல்கள்
* உணர்ச்சி ஆதரவின்மை (lack of emotional support)
* சமூக ஆதரவின்மை
* traumatic incidents
எனவே, ஒரே காரணத்தால் அனைத்தையும் விளக்க முடியாது.
உளவியல் சிகிச்சையின் மூலம் வாழ்க்கையையே மாற்றி அமைக்க முடியும்.
ஏன் மருந்தை மக்கள் தவிர்க்க நினைக்கிறார்கள் என்றால் , ஒவ்வொருவருக்கும் மனநிலை பிரச்சனை இருந்தாலும் அவர்களுக்கு என்றே ஒருசில திறமைகளும் இருக்கும். மருந்தானது அந்த திறன்களால் உருவாகும் வெற்றிகளையும் குறைத்து எதிலும் ஈடுபாடு இல்லாது செய்துவிடும்.
குறிப்பாக கடுமையான OCD, Psychosis அல்லது Schizophrenia போன்ற நிலைகளில் அவர்களது குடும்ப ஆதரவு மிகவும் முக்கியம். அதனால் psycho education அவர்களுக்கு கொடுக்கப்படுகிறது.
அதே நேரத்தில், பலருக்கு உளவியல் சிகிச்சை வாழ்க்கைத் திறன்களை உருவாக்கவும், அறிகுறிகளை நிர்வகிக்கவும், நீண்டகால செயல்திறன் மற்றும் வாழ்க்கைத் தரத்தை மேம்படுத்தவும் மிகவும் முக்கியமானதாக இருக்கும்.
எந்த சிகிச்சை பொருத்தமானது என்பது ஒவ்வொருவரின் நிலையைப் பொறுத்து மாறுபடும்.
Calmscious அணுகுமுறை
Calmscious-இல், ஒரு மனிதரை நோயாக மட்டும் பார்க்காமல், முழுமையான மனிதராகப் பார்க்கும் அணுகுமுறையை நாங்கள் பின்பற்றுகிறோம்.
எங்கள் அணுகுமுறையின் நோக்கங்கள்:
* பிரச்சனையின் அடிப்படைக் காரணிகளை புரிந்துகொள்ள உதவுதல்.
* புதிய சிந்தனை மற்றும் உணர்ச்சி மேலாண்மை திறன்களை வளர்த்தல்.
* வாழ்க்கை முறையில் நேர்மறை மாற்றங்களை உருவாக்குதல்.
* உறவுகள், தன்னம்பிக்கை மற்றும் தினசரி செயல்திறனை மேம்படுத்துதல்.
* நீண்டகால மனநல வளர்ச்சிக்கான நடைமுறை கருவிகளை வழங்குதல்.
சிலருக்கு உளவியல் சிகிச்சை மட்டுமே போதுமானதாக இருக்கலாம், உளவியல் சிகிச்சை, குடும்ப ஆதரவு மற்றும் வாழ்க்கைமுறை மாற்றங்கள் இணைந்த சிகிச்சை சிறந்ததாக இருக்கலாம்.
மனநல சிகிச்சையை “மருந்தா? அல்லது உளவியல் சிகிச்சையா?” என்ற போட்டியாக பார்க்க வேண்டியதில்லை.
அதற்குப் பதிலாக,
“இந்த நபருக்கு எந்த சிகிச்சை சேர்க்கை சிறந்த வாழ்க்கையை உருவாக்க உதவும்?” என்பதே முக்கியமான கேள்வி.
அறிவியல் கூறுவது ஒன்று தெளிவு:
மூளை மாற்றமடையக்கூடியது.
மனஅழுத்தம் மூளையை பாதிக்க முடியும்.
நேர்மறையான அனுபவங்கள், வாழ்க்கைமுறை மாற்றங்கள் மற்றும் ஆதாரபூர்வமான உளவியல் சிகிச்சைகளும் மூளையில் நல்ல மாற்றங்களை உருவாக்க உதவ முடியும்.
அதனால், மனநல மீட்பு என்பது ஒரு மருந்தோ அல்லது ஒரு சிகிச்சை முறையோ மட்டுமல்ல; ஒவ்வொருவரின் தேவைக்கேற்ப அமைக்கப்படும் முழுமையான, அறிவியல் அடிப்படையிலான அணுகுமுறையாக இருக்க வேண்டும்.
மருந்தை எந்த மனித மூளையும் எதிர்பார்ப்பதில்லை. மாறாக அன்பு, புரிதல், அடையாளம், அரவணைப்பு, இவையே மனிதனுக்கு அதிக தேவையாக இருக்கிறது. உளவியல்சிகிச்சை அதை எளிமைபடுத்தி ஒவ்வொருவரும் அவர்களுக்கான பிரச்சனைகளை கையாள உதவுகிறது.
எனது பத்துநாள் பயிற்சியில் கலந்து கொள்ளுங்கள்! மனநலபிரச்சனைகளில் இருக்கும் ஒவ்வொருவருக்கும் உங்களாலும் உதவ முடியும்.
https://chat.whatsapp.com/HFCiRmb9KZyLYfgxZ6qVJA?mode=gi_t
Dr. Mehar Nithyan, PhD. Psychology
Director - Calmscious Psychotherapy Clinic
@918838428286 குறைவாகக் காண்க
கருத்துகள்
கருத்துரையிடுக