ஆசிரியர் முது முனைவர். வெ.இறையன்பு
நூல் :தோன்றியதென் சிந்தைக்கே...
முதல் பதிப்பு:மார்ச்-2021
வெளியீடு :கற்பகம் புத்தகாலயம், சென்னை-17, போன்:044-24314347
உழைப்பிற்குப் பெற்றால் ஊதியம்; இல்லாவிட்டால் அது பிச்சை.
தகுதியால் பெற்றால் விருது; அன்றில் அது திருட்டு.
* சுயமாக எழுதினால் படைப்பு; வேறொருவர் உபயம் தந்தால் பொய்க் குழந்தை.
* முடிவு மட்டுமல்ல, முறையும் முக்கியமாகிறது முன்னேற்றத்திற்கு.
* மன்னிப்பு என்ற சொல் மானுடத்திற்கு மகுடம் சேர்த்த ஒன்று. மகத்துவம் பெற்ற அந்தச் சொல் மட்டும் இல்லாமல் இருந்திருந்தால் உறவுகள் பிளவுபடும், உள்ளங்கள் உடைந்து விடும்.
* மன்னிக்க மன்னிக்க மனிதன் உயர்வடைகிறான்.
* மன்னிக்கக் கற்றுக்கொள்வதே ஞானத்திற்கான முதல் படி.
* எளிமையைக் காட்டிலும் பிரம்மாண்டம் வேறெதுமில்லை.
* பரம்பரையாகச் சாப்பிடாதவர்களைவிட பழக்கத்தால் சாப்பிட்டதை நிறுத்துவதற்கு அதிக வைராக்கியம் வேண்டும்.
* முதுமை அடைந்து விட்டோம் என எண்ணாத வரை அதன் பாதிப்பு ஏற்படுவதில்லை.
கருத்துகள்
கருத்துரையிடுக