ஹைக்கூ ! கவிஞர் இரா .இரவி !
கல் எறிந்தால் ஓடும் நாய்
கொட்டும் தேனீ
தேனீயாய் இரு !
நல்லவரா ? கெட்டவரா ?
புரிந்து கொள்ள முடியவில்லை
சிலரை !
மீட்டாமல்
தராது இசை
வீணை !
இதழில் வைத்து காற்று நல்கிட
தந்தது இசை
புல்லாங்குழல் !
தமிழர்களின்
விலங்காபிமானம்
மாட்டு பொங்கல் !
முடக்க நினைத்தோர்
முடங்கினர்
சல்லிக்கட்டு !
நீதி நேர்மை நியாயம்
முன்மொழிந்து திரைப்படம்
கட்டணம் மூன்று மடங்கு !
பெருகிது மூடர் கூட்டம்
நடிகரின் உருவத்திற்கு
பால் !
இருக்கைக்கான சண்டையில்
கத்திக் குத்து
திரைப்பட ரசிகர்கள் !
படம் பார்க்க பணம் கேட்டு
அப்பாவை கொல்ல முயற்சி
திரைப்பட வெறியன் !
எங்கும் நடக்காதவை
இங்கு நடக்கின்றன
தலைகுனிவு தமிழகத்திற்கு !
பெருகியது அரசு வருமானம்
குடிமகன்களின்
கொண்டாட்டத்தால் !
மாணவனும் குடிக்கிறான்
மற்றவனும் குடிக்கிறான்
தள்ளாடும் தமிழகம் !
சீர் இளமை மிக்கவன்
சீரழிந்து நிற்கிறான்
மதுக்கடையால் !
குற்றங்கள் பெருகிட
காரணியானது
மதுக்கடை !
தமிழகம் மூழ்கும்முன்
மூடி விடுங்கள்
மதுக்கடை !
கருத்துகள்
கருத்துரையிடுக