ஹைக்கூ ! கவிஞர் இரா .இரவி !
சிலமணி நேரத்தில்
சிதைந்தது வாழ்க்கை
கசாப்புயல் !
உணர்த்தியது
வாழ்வின் நிலையாமையை
புயல் !
பெயர் சூட்டுவது இருக்கட்டும்
வரும்முன் அறிவியுங்கள்
புயலை !
காற்றின்
கோரத்தாண்டவம்
புயல் !
குறை தீர்க்கும் நாள்
கூட்டம் கூட்டம்
குறை தீர்ந்தபாடில்லை !
தாங்கமுடியவில்லை
தமிழக மீனவர்களுக்கு
இலங்கையின் இடையூறு !
காற்றால் நகர்ந்தால்
கைது செய்யும்
இலங்கைப்படை !
கணினியுகத்தில்
தூக்கிலிடுங்கள்
தூக்குத் தண்டனையை !
தந்தது முன்னேற்றம்
பெண்கள் வாழ்வில்
சுயஉதவிக்குழு !
உருகி விடுகின்றன
ஐஸ் கட்டியாக
அரசின் திட்டங்கள் !
கட்டித்தருவோம் வீடு சரி
அதுவரை எங்கு வாழ்வது
சோகத்தில் மக்கள் !
வேதனையில் சாகிறான்
மரம் வைத்தவன்
சாய்த்தது புயல் !
நிகழ்ந்தது தோல்வி
நெகிழி ஒழிப்பில்
ஒத்துழைக்காத மக்கள் !
எடுத்துச் செல்லுங்கள்
கேவலமல்ல
துணிப்பை !
நடிகர்கள் கோடிகள் ஈட்ட
ரசிகர்கள் செலவழிப்பு
பணம் !
குப்பையோடு நாற்றமும்
சிந்தியபடி சென்றது
குப்பைவண்டி !
மூடநம்பிக்கை பரப்பும்
மூடர்கள் நிறைந்துள்ளனர்
தொ(ல்)லைக்காட்சியில் !
காரணியாகின்றன
விபத்துக்கு
வேகத்தடைகள் !
ஓய்ந்தது அலை
சுருங்கியது தாமரை
தேர்தல் முடிவு !
பண மதிப்பு இழப்பால்
இழந்தனர் மதிப்பை
தேர்தலில் !
கூட்டினர் வரியை
குறைத்தனர் தொகுதியை
மக்கள் !
மாட்டுக்காக மனிதனை
கொன்றவர்களை
தண்டித்தனர் மக்கள் !
பயன்படுத்தாவிட்டால்
துரு பிடிக்கும் இரும்பும்
மூளையும் !
எதிர்பார்ப்பு அதிகரிக்க
மிஞ்சுவது
ஏமாற்றம் !
தாவுவதில்
வென்றனர் குரங்கை
அரசியல்வாதிகள் !
உடன்பிறந்த நோயானது
ஊழல்
அரசியல்வாதிகளுக்கு !
இவருக்கு அவரே தேவலாம்
என்றாக்கி விடுகின்றனர்
வருவோர்
கருத்துகள்
கருத்துரையிடுக