ஹைக்கூ ! கவிஞர் இரா .இரவி !
வழிவது கண்ணீர் அல்ல
செந்நீர்
மரம் அறுக்கையில் !
நூற்றாண்டுகள் கடந்தும்
கம்பீரமாக நிற்கின்றன
வெள்ளையர் காலத்து கட்டிடங்கள் !
சில ஆண்டுகளில்
விரிசல் விழுந்துள்ளன
அரசியல்வாதிகளின் கட்டிடங்கள் !
முக்கியமன்று குரு பெயர்ச்சி
மிக முக்கியம்
குருவின் பயிற்சி !
விளையாட்டு வினையாகின்றது
வேண்டாம் விளையாட்டு
அலைபேசியில் !
நன்மைகளை விட
அதிகம் தீமைகள்
நவீனத்தில் !
வழங்கப்படவில்லை
வாங்கப்படுகின்றன
விருதுகள் !
சீர்தூக்கி சிந்தித்தால்
நடக்காது
தற்கொலை !
சாக பல வழிகள் இருக்கையில்
வழிகள் உண்டு
வாழவும் !
நினைவு நாளில் மட்டும்
நினைக்கப்படுபவனல்ல
மகாகவி பாரதி !
பிறர் சொல்வதை கேட்காவிடினும்
மனசாட்சி சொல்வதை கேள்
சிறப்பாய் வாழ்வில் !
வேண்டாம் தன்னலச்சீற்றம்
நல்லவருக்கு வேண்டும்
பொதுநலச்சீற்றம் !
கருத்துகள்
கருத்துரையிடுக