ஹைக்கூ ! கவிஞர் இரா .இரவி !
கழிவறை சுத்தம் செய்வதை
குடித்து மகிழும் அவலம்
குளிர்பானம் !
தண்ணீருக்குப் பதிலாக
அருந்திடும் கொடுமை
குளிர்பானம் !
நடிகர் விளம்பரத்தில் ஒரு முறை
நாம் பலமுறை குடிக்கிறோம்
குளிர்பானம் !
இரண்டு நாள் போட்டால்
பல்லையும் கரைக்கும்
குளிர்பானம் !
அயல்நாட்டில் தடை
நம்நாட்டில் தாராளம்
குளிர்பானம் !
விலை கொடுத்து வாங்குகிறோம்
உடல் நலம் கெடுக்கும்
குளிர்பானம் !
வழங்காதீர் விழாக்களில்
விருந்தினருக்குத் துன்பம்
குளிர்பானம் !
நவீனம் என்ற பெயரில்
நலம் கெடுக்கும்
குளிர்பானம் !
இயற்கை நன்மை
செயற்கை தீமை
குளிர்பானம் !
பழரசம் என்பர்
பழரசம் அன்று
குளிர்பானம் !
திருந்துவது என்றோ ?
வாங்கவில்லை நல்ல இளநீர்
வாங்குகின்றோம் கொடிய குளிர்பானம் !
கருத்துகள்
கருத்துரையிடுக