படம் பார்த்து எழுதிய கவிதை !கவிஞர் இரா .இரவி !
பாவையே பார்வையால்
ஊடுருவி உயிர் வரை செல்கிறாய் !
இருவிழிகளின் கருவிழிகள் வழி
என்னவோ செய்கின்றாய் !
தடையில்லா மின்சாரத்தை
தந்துக் கொண்டே இருக்கின்றாய் !
இமைக்காமல் பார்க்கும் போட்டியில்
என்னை தோற்கடித்தவள் நீ !
விரல்கள் இடுக்கின் வழி
விழி அம்பு பாய்ச்சுகின்றாய் !
உலோக அம்பு காயப்படுத்தும்
உன் விழி அம்பு இதப்படுத்தும் !
அம்பினைப் பாய்ச்சும் வில்லென
அழகிய உந்தன் விரல்கள் !
பார்த்தல் பசி தீரும் என்பார்
பார்த்தல் காதல் பசி வருகின்றது !
.நன்றி
அன்புடன்
கவிஞர் இரா .இரவி
கருத்துகள்
கருத்துரையிடுக