ஹைக்கூ ! சென்றியு ! கவிஞர் இரா .இரவி !
பஞ்ச பூதங்களும்
பயப்படும் பூதம்
மனிதன் !
பள்ளம் நிரப்பி
சமமாக்கியது
நடந்த நதி !
தோகை இல்லை
ஆனாலும் அழகு
பெண் மயில் !
என்றாவது ஒரு நாள்
இருவரும் வானில்
சந்திரன் சூரியன்
தொடுக்கப்பட்டப் பின்னும்
சிரிக்கும் மலர்கள் !
நீக்குக அகராதியிலிருந்தும்
அகத்திலிருந்தும்
போர் எனும் சொல் !
வேண்டாம் நாளை
இன்றே முடி
நல்ல செயல் !
உடைதான் அழுக்கு
உள்ளம் வெள்ளை
நாற்று நாடும் பெண்கள் !
ஆதியில் இல்லை
பாதியில் வந்த தொல்லை
சாதி !
எங்கு தேடியும்
கிடைக்கவில்லை
கடவுள் !
கடித்த எறும்பை நசுக்கி
பழிக்குப் பழி வாங்கினான்
மனிதன் !
கூட்டணி வைத்து
இரை இழுத்தன
எறும்புகள் !
பச்சை இழந்ததும்
பெயர் இழந்தது
இலை சருகானது !
கொடுத்தாலும் குறையாதது
கல்வி மட்டுமல்ல
அன்பும்தான் !
அழகோ அழகு
திருஷ்டி பட்டது
திருஷ்டி பொம்மைக்கு !
கருத்துகள்
கருத்துரையிடுக