இரண்டு கால் மிருகங்கள் ! கவிஞர் இரா .இரவி !
மலரும் மொட்டுகளைக் கருக்கிய மூடர்கள் !
மதம் என்ற பெயரில் உயிர் குடிக்கும் கழுகுகள் !
வன்முறை எந்த மதமும் போதிக்கவில்லையடா !
வன்முறை போதித்தால் அது மதமே இல்லையடா !
காட்டுமிராண்டிகள் கூட மனிதர்களைக் கொல்வதில்லை !
காட்டுமிராண்டிகளுக்கும் கேடான கொடியவர் நீங்கள் !
பழிக்குப் பழி வாங்கிட பிஞ்சுகளையா கொல்வது ?
பட்டாம் பூச்சிகளைச் சுட்டிட எப்படியடா மனம் வந்தது ?
இராணுவத்தோடு மோதி இருந்தால் வீரம் !
இராணுவத்தினர் குழந்தைகளோடு மோதியது சோரம் !
பகுத்தறிவைப் பயன்படுத்தாத மனித விலங்குகளே !
பச்சிளம் குழந்தைகளைக் கொன்ற கொடூரன்களே !
இறந்த உயிர்களில் ஒரு உயிராவது திருப்பித் தர முடியுமா ?
ஏனடா ? இந்த முட்டாள்தனம் திருந்துங்கள் !
அன்பு செலுத்துவதைத்தான் மதங்கள் கூறுகின்றன !
அன்பு அறியாத மடையர்கள் மத வெறியர்கள் !
.
சிட்டுக்குருவிகளைத் துப்பாக்கியால் துளைப்பதா வீரம் ?
சின்னப்புத்திகாரர்களின் சின்னத்தனம் கோழைத்தனம் !
வாழ வேண்டிய வயதில் சிறார்களைச் சிதைத்தனர் !
வாழத் தகுதியற்ற இரண்டு கால் மிருங்கங்கள் !
இரத்த வெறி பிடித்த ஓநாய்கள் தோற்றன !
மதவெறி பிடித்த வெறி நாய்கள் ஆகின !
விலைமதிப்பற்றது மனித உயிர்கள் என்பதை !
வீணர்கள் உணரவில்லை விவேகமில்லாதவர்கள் !
கொன்று முடித்தபின் கொன்றோம் என்கிறீர்கள் !
கொல்லும்முன் சொன்னால் கொன்று இருப்பார்கள் !
மதம் அபின் என்றார் லெனின் அன்று !
மதம் அபினை விட கொடிய போதையானது இன்று !
மூளைச்சலவையால் மூளை இழக்கும் முட்டாள்கள் !
முழுமையாக சிந்தித்தால் மூடத்தனம் முற்றுப்பெறும் !
தாலிபான் என்றால் மாணவர்கள் என்று பொருளாம் !
தாலிபான் என்றால் மடையர்கள் என்று பொருளானது !
மனிதகுல வரலாற்றில் மன்னிக்க முடியாத குற்றம் !
மதங்களையே தடைசெய்ய மறு பரிசீலனை செய்யுங்கள் !
மதத்தால் வந்த நன்மை விட தீமையே அதிகம் !
மதத்தால் உலக அமைதியே கேள்விக்குறியானது !
தீவிரவாதத்திற்கு தீ வைப்போம் நாம் !
தீவிரமாக எதிர்ப்போம் தீவிரவாதத்தை !
உலகிலிருந்து வேரறுப்போம் தீவிரவாதத்தை !
உலகிற்கு உணர்த்துவோம் மனித நேயத்தை !
உலகம் மனிதர்கள் யாவரும் ஓர் குலம் !
உரைத்தவன் தமிழன் உடன் உணருங்கள் !
.
நன்றி
அன்புடன்
கவிஞர் இரா .இரவி
கருத்துகள்
கருத்துரையிடுக