ஹைக்கூ ! கவிஞர் இரா .இரவி !
வழக்கொழிந்தது கூட்டுக்குடும்பம்
வழக்காடு மன்றமானது
குடும்பம் !
பால் விலை உயர்வு
புட்டிப்பாலுக்கும் வேட்டு
பாவம் குழந்தைகள் !
இயந்திரமயமான உலகில்
இயந்திரமாக மனிதர்கள்
அன்பு ?
எல்லாம் கிடைக்கும்
அயல் நாட்டில்
பாசம் ?
இந்தியாவின்
தேசிய நோய்
சர்க்கரை !
அரசியல்வாதிகளின்
தேசிய நோய்
ஊழல !
அரசு அலுவலருக்குச் சிறை
அரசியல்வாதிக்கு குளு குளு அறை
கையூட்டு !
ஒற்றுமையில்லை
சொல் செயல்
அரசியல்வாதி!
சிலர் கோடிக்கு அதிபதி
பலர் தெருக் கோடியில்
இந்தியா !
சுத்தம் சோறு போட்டது
காகிதம் பொறுக்கும்
சிறுவனுக்கு !
வளங்கள் இருந்தும்
வறுமை ஒழியவில்லை
வளமான பாரதம் ?
கோடிகளில் ஏவுகணை
கோடிகளில் ஆயுதங்கள்
அமைதி?
உணர்வீர்
உணவில் நவீனம்
உயிருக்குக் கேடு !
மெல்லக் கொல்லும்
கொடிய நஞ்சு
குளிர்பானம் !
இராகம் பற்றிய
கவலை இல்லை
தவளை !
நிறம் பற்றிய
கவலை இல்லை
காகம் !
தாய்மை பற்றிய
கவலை இல்லை
குயில் !
தாவுவதில் தவறினால்
தள்ளி வைத்திடும்
குரங்கு !
பசித்த போதும் என்றும்
உண்பதில்லை புல்
புலி !
புழுவின் மீது ஆசை
மாட்டியது தூண்டிலில்
மீன் !
தேங்காய் ஆசை
மாட்டியது கூண்டில்
எலி !
அகிலம் உணர்ந்த உண்மை
ஆசையே அழிவுக்குக் காரணம்
அறிவு ஜீவி புத்தர் !
அழகு உண்டு
மணம் இல்லை
காகிதப் பூ !
நானே கடவுள் என்றார்
மனிதனாகத் தகுதியற்றவர்
சாமி யார் ?
என்றும் ஒட்டுவதில்லை
மரத்தில்
உதிர்ந்த மலர் !
அன்புடன்
கவிஞர் இரா .இரவி
கருத்துகள்
கருத்துரையிடுக