மழை ! கவிஞர் இரா .இரவி !
வானிலிருந்து விழுந்தும்
காயம் இல்லை
மழை !
.
துயரம் தீர்ந்தது
தூய்மைமிகு தூய
மழை !
வெப்பமயமாதலை
தடுத்து வென்றது
மழை !
கொளுத்தும் கோடையை
குளிராக்கி மகிழ்வித்தது
மழை !
கடலிலும் பொழிந்தது
மீன்களும் மகிழ்ந்தன
மழை !
வாடிய பயிர்களின்
வாட்டம் போக்கியது
மழை !
உதிர்ந்த இலைகள் மீண்டும்
துளிர்த்தன மரங்களில்
மழை !
வராது வந்தது
வரமாகப் பொழிந்தது
மழை !
பூமி குளிர வானம் அனுப்பிய
ஜீவ அமிர்தம்
மழை !
பஞ்சம் போக்க பசுமை செழிக்க
வந்த சீதனம்
மழை !
உலகப்போர் தவிர்க்க
உலகத்திற்கு செய்த உதவி
மழை !
கொடிய வெப்பத்தை
தவிடு பொடியாக்கியது
மழை !
விவசாயிகளின் வேதனை நீக்க
வானம் வழங்கிய அன்பளிப்பு
மழை !
நிலத்தடி நீர் செழித்தது
நீர் நிலைகள் நிறைந்தது
மழை !
கல்நெஞ்ச கர்நாடகத்திடம்
கேட்க வேண்டாம்
மழை !
இரக்கமற்றவர்களிடம்
கெஞ்ச வேண்டாம்
மழை !
விரிசல் கண்ட நிலங்கள்
விவசாயம் கண்டன
மழை !
மனிதர்கள் மட்டுமல்ல
உயிரினங்களும் மகிழ்ந்தன
மழை !
மண்ணோடு கலந்தது
காதலர் போல
மழை !
வறண்ட நிலங்கள்
வளங்கள் அடைந்தன
மழை !
அணைகளில் தேங்கி
கவலை நீக்கியது
மழை !
சேமித்தால் சிறப்பு
வேண்டாம் வீணடிப்பு
மழை !
கோடையில் வந்த
கொடை
மாமழை போற்றுவோம் !
.
கருத்துகள்
கருத்துரையிடுக