ஹைக்கூ ( சென்றியு ) கவிஞர் இரா .இரவி !
வாயுள்ள பிள்ளை
வழிதேடிக் காணும்
அவசர ஊர்தி !
.jpg)
நம்பினோர்
கைவிடப்பட்டார்
நிதி நிறுவனம் !
முடிவு என்பது
தொடக்கம் ஆகும்
போர் !
உள்ளங்கை
நெல்லிக்கனி போல
இந்தியா சிங்களன் உறவு !
கெட்ட வேலி
பயிரை மேயும்
காவலர் !
சட்டியிலிருந்தால்தானே
அகப்பையில் வரும்
முட்டாள் !
பிறரை நேசிப்பது சரி
முதலில் நேசி
உன்னை !
புறங்கூறுவோனிடம்
எச்சரிக்கை
அரசியல்வாதி !
தவிப்பில் மகன்
இறந்ததும் தெரிந்தது
அப்பன் அருமை !
இயல்பாய் இரு
இனிக்கும்
வாழ்க்கை !
அழகு வந்துவிடாது
அரிதாரம் பூசினால்
நடிகை !
குறைத்துக் காட்டும்
அழகு வயதை
நடிகர் !
.
அழகும்
ஒரு மலரே
வாடும் !
பயனற்றது
கருணை இல்லா அழகு
பாம்பு !
நொறுங்கள் தின்றால்
நூறு வயதல்ல
குறையும் வாழ்நாள் !
குறைவற்ற செல்வம் வேண்டும்
நோயற்ற வாழ்க்கைக்கு
மருத்துவக் கட்டணம் !
இதயத்தை இயக்கிடும்
எரிபொருள்
நம்பிக்கை !
வேண்டும் விளம்பரம்
பூக்கடைக்கும்
நவீன உலகம் !
தேருக்கு அச்சாணி
இல்லத்திற்கு
இல்லாள் !
வரும்முன் அறிபவன் அறிவாளி
வந்தும் அறியாதவன்
முட்டாள் !
முட்டாளின் உணவு
முகத்துதியே
அரசியல் வியாதி !
அதிக பணத்தை விட
மேலானவர்கள்
அதிக நண்பர்கள் !
பணத்தால் முடியாததும்
முடியும்
நண்பனால் !
இல்லை தீக்காயம்
நெருப்போடு விளையாடியும்
நடனக் கலைஞன் !
கொடுத்துப் பெறுவது
நல்லது
மரியாதை !
தீங்கு
மது போதை மட்டுமல்ல
புகழ் போதையும் !
நன்றி
அன்புடன்
கவிஞர் இரா .இரவி
கவிஞர் இரா .இரவி
கருத்துகள்
கருத்துரையிடுக