கவிஞர் இரா .இரவி !
ஆதித்தனார் இட்ட பத்திரிக்கைப் பாதையில்
அடி பிறழாமல் பீடு நடை இட்டவர் !
புலிக்குப் பிறந்தது பூனையாகாது மெய்ப்பித்து
புலியாக நாளும் வலம் வந்த நல்லவர் !
தமிழையும் தமிழரையும் இரு விழியாக நேசித்து
தமிழருக்கும் தமிழுக்கும் தொண்டு செய்தவர் !
ஈழத்தமிழரின் விடுதலைக்காகப் பாடுபட்டவர்
ஈழத்த்தமிழ்ச் செய்திகளுக்கு முன்னுரிமை தந்தவர் !
முத்துக்குமாரின் மரணத்தை உடன் வெளியிட்டு
முதல்குரல் தந்து இன உணர்வு ஊட்டியவர் !
மிரட்டலுக்கு அஞ்சாமல் துணிவுடன் சிங்களரின்
மனித உரிமை மீறல் செய்தி வெளியிட்டவர் !
கோடிப்பணத்தைப் பெரிதாக எண்ணாமல்
கொண்ட கொள்கையில் உறுதியாக நின்றவர் !
பங்கஜதம்மாள் அவர்களின் கரம் பிடித்து
பண்புடன் வாழ்வாங்கு வாழ்ந்தவர் !
கண்ணன் ஆதித்தன் கதிரேசன் ஆதித்தன்
கண்ணான மகன்களை வளர்த்து உருவாக்கியவர் !
கீதா பிரேம்வெற்றி என்ற மகளை
கண்ணின் மணியாகக் காத்து வளர்த்தவர் !
கண்மணி பெண்மணி தேவி என
மணியான இதழ்களை நடத்கியவர் !
பெரிய அய்யா என்று எல்லோராலும்
பாசத்தோடு அழைக்கைப் பட்டவர் !
மாலை முரசு இதழில் பெயருக்கேற்றபடி
மாலையில் செய்திகளை முரசாகக் கொட்டியவர் !
அ முதல் அக் வரை பத்திரிக்கைத் துறையில்
அனைத்தும் அறிந்து வைத்து இருந்தவர் !
பத்திரிக்கை அதிபராக மட்டும் இருக்காமல்
பத்திரிக்கை ஆசிரியராகவும் திகழ்ந்தவர் !
தமிழ் அறிஞர்களை இனம் கண்டு
தம் பத்திரிக்கைகளில் அறிமுகம் செய்தவர் !
ஆதித்தனார் தொடங்கிய முத்தமிழ்ப் பேரவையின்
அற்புதத்தலைவராக இருந்து தமிழ்ப்பணி செய்தவர் !
சினம் கொள்ளாத சிங்கமாக வாழ்ந்தவர்
சீரான வாழ்க்கையின் அங்கமாக வாழ்ந்தவர் !
பத்திரிக்கை உலகில் மன்னராக வாழ்ந்தவர்
பத்திரிக்கை தர்மம் கட்டிக் காத்தவர் !
உண்மையாய் ஊருக்கு உழைக்கும் நல்லவர்களுக்கு
ஊக்கம் தந்து செய்திகள் வெளியிட்டவர் !
உடலால் உலகை விட்டு மறைந்தபோதும் தமிழ்
உணர்வால் உலகத்தமிழர்களின் உள்ளங்களில் வாழ்கிறார்
கருத்துகள்
கருத்துரையிடுக