உலக வறுமை ஒழிப்பு நாள் ! கவிஞர் இரா .இரவி !
வறுமை இன்னும் ஒழிக்கப் படவில்லை !
வறுமை கொடிது கொடிதிலும் கொடிது !
உணவு உடை உறைவிடம் பலருக்கு
உலகில் இன்னும் கிடைக்கவிலை !
வல்லரசு என மார் தட்டும் நாட்டிலும்
வறுமை இன்னும் ஒழிக்கப் படவில்லை !
சோமாலியா மக்களின் சோகத்தை
சொல்லில் அடக்கிட முடியாது !
மனிதநேயம் இன்னும் மலரவில்லை !
மனிதநேயம் மலர்ந்தால் ஒழியும் வறுமை !
ஊழல் ஒழிந்தால் ஒழியும் வறுமை !
ஊழல் அழிந்தால் அழியும வறுமை !
பேராசை அகன்றால் அகலும் வறுமை !
பணத்தாசை விடுத்தால் விலகும் வறுமை !
.
அணுவிற்கும் ஆயுதத்திற்கும் செலவிடுவதை
அணு அளவாவது வறுமை ஒழிக்க செலவிடுங்கள் !
உலகம் முழுவதும் மலரட்டும் பொதுவுடைமை !
உலகம் முழுவதும் ஒழியட்டும் தனிவுடைமை !
குளுகுளு அறையில் கோடிகளில் சிலர் !
கொட்டும் மழையில் வீதிகளில் பலர் !
பணக்காரன் ஏழை என்ற சொற்களை ஒழிப்போம் !
பண்பாளன் நல்லவன் என்றே ஆக்குவோம் !
பசிப் போக்க வழியின்றி நாளும்
உயிர் போக்கும் செய்திகள் படிக்கிறோம் !
வறுமையின் கொடுமையால் தற்கொலைகள்
வழக்கமாக நடப்பது நாட்டுக்கு அவமானம் !
நாட்டில் வன்முறைகள் நாள் தோறும்
நிகழக் காரணம் கொடிய வறுமையே !
வறுமையை ஒழித்தால் வன்முறை ஒழியும் !
வறுமையை ஒழித்தால் வேதனை ஒழியும் !
ஒரு வேளை மட்டும் உண்போர் உண்டு !
இரு வேளை மட்டும் உண்போர் உண்டு !
மூன்று வேளை உண்போர் நினையுங்கள் !
முற்றிலும் வறுமை ஒழிக்க வாருங்கள் !
இருப்பதை எல்லோருக்கும் பொதுவாக்குவோம் !
இல்லாதவர் இல்லை என்ற நிலையாக்குவோம் !
அளவிற்கு மிஞ்சினால் அமுதமும் நஞ்சு !
அளவிற்கு மிஞ்சிய பணமும் நஞ்சு !
கோடிகள் கொள்ளையரை சிறைபிடிப்போம் !
கோடித்துணி இல்லாதவருக்கு பகிர்ந்தளிப்போம் !
கோடி கள்..கொள்ளை அடித்து?சிறை சென்று வந்த சமுதாய திருடர்களை..அன்னையாய்..தலைவனாய்..வணங்கும்..அவலநிலை.. மாறினால..வறுமை..வெறுமையாகும் நாட்டிலே!?
பதிலளிநீக்கு