விழி இழந்தும் அறிவுப் பார்வை உண்டு எங்களுக்கு ! கவிஞர் இரா .இரவி !
எங்கள் வாழ்வில் இரவும் பகலும்
இரண்டும் ஒன்று !
விளக்கு அணைந்த வினாடிகளில்
நீங்கள் அடையும் தவிப்பு !
வாழ்நாள் முழுவதும் வாடிக்கையானது !
விழிகளில் பார்வை இழந்த எங்களுக்கு !
கண்ணாமூச்சு விளையாடி
கால் தவறி விழுவீர்கள் !
காலமெல்லாம் எங்களுக்குக்
கண்ணாமூச்சு விளையாட்டானது !
கண்ணில் தூசி விழுந்தால்
கணப் பொழுதில் துடிப்பீர்கள் !
கண்களே தூசியானதால்
தூசி விழுந்து துடிப்பதில்லை !
பின்புறமாய வந்து விழிகளை மூடி
யார் என்று வினவுவர் !
பதில் கூற இயலாது
பறி தவிப்பீர் கண்ணுடையோர் !
காதுகளே எங்களுக்குக் கண்களானதால்
குரலை வைத்தே கூறிடுவோம் !
எங்களின் விரல்களே விழிகள் !
விரல்களால் தானே வாசிக்கின்றோம் !
விழியிருந்தும் அறிவுப் பார்வையற்றோர் உண்டு
விழி இழந்தும் அறிவுப் பார்வை உண்டு எங்களுக்கு !
.http://agavizhi.in/
.
நன்றி
அன்புடன்
கவிஞர் இரா .இரவி
www.eraeravi.com
www.kavimalar.com
www.eraeravi.blogspot.com
http://eluthu.com/user/index.
http://www.noolulagam.com/
இறந்த பின்னும்
இயற்கையை ரசிக்க
கண் தானம் !
கருத்துகள்
கருத்துரையிடுக