மரணம் இல்லை
மக்களுக்காகப் போராடிய
போராளிகளுக்கு !
செலவற்ற
வரவு
புன்னகை !
வலிமை வாய்ந்தது
சிறந்த ஆயுதம்
அன்பு !
கண்டுபிடிக்கவில்லை
மருந்து
காதல் நோய் !
எங்கும் இல்லை
தமிழகம் தவிர
பச்சைக் குத்தும் தொண்டர்கள் !
ஓய்விலும் ஓய்வின்றி
உழைத்திடும் பெண்கள்
மாத விலக்கு !
வென்றவர்களுக்குப் புரியவில்லை
தோற்ற வர்களுக்குப் புரிந்தது
காதலின் அருமை !
ஏற்றத்தாழ்வு
உழைப்பதில்
கடிகார முட்கள்
நேரம் பார்த்து தோல்வி
நேரம் பார்க்காது வெற்றி
மூடநம்பிக்கை !
ஒரே மாதிரி
ஒருவரும் இல்லை
மனிதர்கள் !
அதிசயம்
ஆனால் உண்மை
உடலின் இயக்கம் !
தேவை சிக்கனம்
பயன்பாட்டில் இக்கணம்
மின்சாரம் !
அழகுதான்
கழுதை
குட்டியில் !
ஊழல்
உடன் பிறந்த நோய்
அரசியல்வாதிகள் !
இக்கரைக்கு
அக்கரைப் பச்சை
அரசியல்வாதிகள் !
மூலதனம்
பொய் வாய்
அரசியல் !
ஊ ழல் ஒழிக்க வந்தவருக்கு
பண விருது
ஊழல் ?
மக்கள் மறக்கவில்லை
இருவரையும்
காந்தி !கோட்சே !
பெரிய மனிதர்களின்
சின்னப் புத்தி
ஊழல் !
தன்னலம் மறந்து அன்று
தன்னலம் ஒன்றே இன்று
அரசியல் !
இறங்காதோ ?
ஏக்கத்தில் ஏழைகள்
விலைவாசி !
--
நன்றி
அன்புடன்
கவிஞர் இரா .இரவி
www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.
http://en.netlog.com/
இறந்த பின்னும்
இயற்கையை ரசிக்க
கண் தானம் செய்வோம் !!!!!
கருத்துகள்
கருத்துரையிடுக