படித்ததில் பிடித்தது ! கவிஞர் இரா .இரவி !

டப்பிங் தியேட்டரில் வேலை முடித்து டாக்ஸியில் பயணம் செய்துகொண்டிருந்த போது, பைகுலா பகுதியில் சாலையோர குப்பைத்தொட்டியில் வீசப்பட்டிருந்த ஒரு குழந்தையின் அழுகை சத்தத்தை கேட்ட சல்மா (அப்போது நடிகை அனுபமா) காரை நிறுத்தச் சொல்லி, அந்த ரத்தக்குழந்தையை எதையும் யோசிக்காமல் வீட்டுக்குக் கொண்டு வந்தார். அந்த காலத்தில் கணவர் சலீம் கான் உச்சத்தில் இருந்த நேரம். (ஷோலே படத்தின் திரைக்கதை எழுத்தாளர்; அந்த காலத்தில் மார்க்கெட் வால்யூயை தீர்மானிப்பவர் சலீம் கான் – பஷாவர்கான்). வீட்டின் கதவைத் தட்டியபோது, தூக்கக்கலக்கத்தில் வந்த கணவர் முன் மனைவி சிரித்தபடி அந்த தெருவிலிருந்து எடுத்த குழந்தையை காட்டினார். அவரும் சிரித்தார். பின்னர் இருவரும் ஒரு முடிவுக்கு வந்தனர் – இந்தக் குழந்தையை கைவிட்ட பெற்றோர்களை கண்டுபிடிக்க வேண்டும். சலீம் கான் மற்றும் அவரது மனைவி அந்த பெற்றோர்களை கண்டுபிடித்து ஒரு குடிசைக்கு சென்றனர். “நீங்கள் ஏன் குழந்தையை குப்பைத்தொட்டியில் விட்டீர்கள்?” என்று சலீம் கான் கேட்டார். “பொருளாதார தட்டுப்பாடு தான் காரணம்” என்று அவர்கள் பதிலளித்தனர். “நாங்கள் பொருளாதார உதவி செய்தால் இந்தக் குழந்தையை நீங்கள் பாதுகாப்பீர்களா?” என்ற கேள்விக்கும் அவர்கள் நம்பிக்கை அளிக்கும் பதிலை தரவில்லை. அப்போது சலீம் கான் தனது பாக்கெட்டில் இருந்த பணக்கட்டையை அவர்களிடம் கொடுத்து, “இனி இந்தக் குழந்தையை தேடி வந்தால், நான் உங்களை சுட்டுக் கொன்றுவிடுவேன்” என்று கூறி, அந்த ரத்தக்குழந்தையை நேராக வீட்டுக்கு கொண்டு வந்தார். ஏற்கனவே மூன்று மகன்கள் இருந்தபோதும், அந்த பெண் குழந்தையை வளர்க்க எடுத்த முடிவை குடும்பம், சமூகம் என அனைவரும் எதிர்த்தனர். மஹல்லுகள் ஃபத்வாக்களும் பிறப்பித்தன. சொந்த சகோதரியின் இறுதிச் சடங்கிற்கே அனுமதி மறுக்கப்பட்டு, பள்ளிவாசலிலிருந்து தடை செய்யப்பட்டார். ஆனால் சலீம் கான் இதையெல்லாம் பொருட்படுத்தவில்லை. மஹல்லுகளுக்கு சலாம் சொல்லிவிட்டு, தான் மற்றும் மனைவி அந்த தெருவிலிருந்து எடுத்த குழந்தையை இதயத்தில் சேர்த்துக் கொண்டனர். அந்த குழந்தையின் பெயர் – அர்ப்பிதா சலீம் கான் அவளுக்கு மூன்று சகோதரர்கள்: சல்மான் கான் / அர்பாஸ் கான் / சோஹைல் கான் நிறத்திலும் குலத்திலும் எந்த ஒற்றுமையும் இல்லாத போதிலும், அந்தக் குழந்தையை அவர்கள் தங்கள் உயிராக வளர்த்தனர். அவள் அந்த வீட்டின் அதிர்ஷ்ட நட்சத்திரமாக மாறினாள். அவளின் திருமணத்தையும் அவர்கள் மிகப்பெரிய விழாவாக நடத்தினர். நாம் அறியாமலும் கேளாமலும் போகும், நன்மை நிறைந்த எத்தனையோ கதைகள் பாலிவுட்டில் இருக்கின்றன.