தினம் ஒரு புத்தகம்
*முதல் தலைமுறை*
*வெ இறையன்பு.*
அமுதம் புக் ஷாப்
வாசிக்கும் போதே சிலிர்க்கிறது. வாசிக்க ஆரம்பித்த நாளிலிருந்து வாழ்வியல் வரை கடந்து வந்த பாதையினை, அனுபவங்களை
தமிழ் கூறும் நல்லுலகிற்கு
அழகாக பகிர்ந்து கொள்கிறார்
நூலிலிருந்து
*விழிக்கிறபோதே அன்றைய பொழுது விடிகிறது. ஒவ்வொருவருக்கும் ஒவ்வொரு மாதிரி பொழுது விடிகிறது!*
*சிலர் சூரியனையே எழுப்புகிறார்கள். அவர்களில் நானும் ஒருவன். பலரை சூரியன் எழுப்புகிறான்!*
*எப்போது எழுகிறோம் என்றும் எப்போது படுக்கையில் விழுகிறோம் என்பதையும் சேர்த்து தான்...*
*ஒரு நாளின் நீளம் தீர்மானிக்க படுகின்றன. அதிகாலையில் விழிப்பவர்கள் அதிக நாட்கள் வாழுகிறார்கள்!*
*ஒவ்வொரு நாளும் உதயம் அதிசயம் என்பது அதிகாலையில் விழிப்பவர்களுக்கு மட்டுமே புரியும்!*
*உயிர்கள் அனைத்துமே விடியலை வரவேற்கின்றன... அரும்புகள் மலர்ந்தும், பறவைகள் பாடியும், வண்டுகள் வாழ்த்தியும் விடியலை பூபாளத்துடன் வரவேற்கின்றன.*
*அனைவருக்கும் வாழ்வதற்கான வழி இப்பூவுலகில் உண்டு. அதை நாம் தான் தேடிக் கண்டு கொள்ள வேண்டும் என்பதை பள்ளி பருவத்திலேயே உணர்ந்து கொண்டேன்*
*ஒவ்வொரு தோல்வியும், ஒவ்வொரு அவமானமும் பலவீனம் தான்!*
*இவை பலரையும் சிதைக்கின்றன! வெகு சிலரை மட்டுமே செதுக்குகிறது!*
*தோல்வியையும் துயரத்தையும் சிறந்த உரமாக, உறவுகளாக மாற்றி கொள்பவர்களே சிறப்படைகிறார்கள்.*
*என்னுடன் படிக்கும் போதே வறுமை துரத்த பிழைப்புக்காக ஓடியவர்கள் பலர்.*
*அந்தச் சூழல் என்னை நிறையவே யோசிக்க வைத்தது. எந்த சூழலிலும் வெற்றி பெற போராட வேண்டும் என்கிற பொறி தீயாய் சுழன்றது!*
*சின்ன வயதில் நான் கண்ட ஏழ்மையின் கொடூரங்கள் என்னை மிகவும் பாதித்தது!*
*அவைதான் சமூகம் சார்ந்த அக்கறையை என்னுள் ஆழமாக விதைத்தது!*
*சுயநலம் பற்றி சிந்திக்காமல் பொதுநலன் கருதி செயல்படும் போதே ஜெயிக்க ஆரம்பித்து விடுகிறோம்!*
*வெற்றி என்பது நம் மீது மற்றவர்கள் எறிந்த கற்களால் நாம் கட்டுகிற கோபுரம் என்பதை மறந்து விடாதீர்கள்!*
*இன்றைய இளைஞர்களுக்கு ஓர் வேண்டுகோள்!*
*நியாயமான வழியில் தேடுவதை நிறுத்தி விடாதீர்கள்*
*குறுக்குவழிகள் எல்லாம் நேர்வழிகளை காட்டிலும் மிக நீளமானவை, ஆழமானவை*
*அடுத்தவர்கள் நலனுக்காக செய்யும் ஒவ்வொரு செயலும் பிரார்த்தனை தான்.*
*ஒவ்வொரு நிகழ்வையும் விழிப்புணர்வுடன் அணுகினால் வாழ்வே ஒரு வழிபாடு தான்!*
*வாழ்வை நேசிப்பவர்கள்* *அனைவரும்*
*அவசியம் வாசிக்க வேண்டிய நூல் மறவாதீர்கள்!*
*விழித்திருக்கும் போதெல்லாம் வாசித்துக் கொண்டிருப்போம்!*
*வாசிக்கும் தலைமுறைகளை இனியாவது வார்த்தெடுப்போம்!*
தோழமையுடன்
சீனி. சந்திரசேகரன்
கருத்துகள்
கருத்துரையிடுக