18.4.2021 தேதியிட்ட ராணி வார இதழில் மனத்தில் தோன்றிய வினாக்கள் !"என்ற தலைப்பில்,முது முனைவர். இறையன்பு ஐயா அவர்களுடைய கேள்விகளும் பதில்களும் இதோ:-*
* தலையீடு, குறுக்கீடு என்ன வேறுபாடு?
'பெருந்தலைகள்' உள்ளே புகுந்து...உள்ளதைக் கெடுப்பது தலையீடு.
தறுதலைகள், திட்டத்தை செயல்பட விடாமல் தடுப்பது குறுக்கீடு.
* கலைஞர்கள் ஏன் நம்மைப் போல நேரக்கட்டுப்பாட்டிற்கு தம்மை உட்படுத்துவதில்லை?
அவர்கள் கடிகாரத்திற்குக் கைகட்டினால் மண்ணில் நடக்க மட்டுமே முடியும். கனவுகளில் சஞ்சரிப்பவர்கள் தங்களுக்கான கடிகாரத்தைத் தாங்களே நிர்ணயித்துக் கொள்வதால் விண்ணில் சிறகடித்துப் பறக்கிறார்கள்.
* 'ரம்' முக்கும், 'ரம்மி' க்கும் என்ன பொதுத்தன்மை?
போதையை ஏற்படுத்துவது.
* இலக்கியம் படைப்பவர்களை 'வாதி' என விகுதி சேர்த்து அழைத்தால் விமர்சகர்களை என்ன விகுதி சேர்த்து அழைப்பது?
'பிரதிவாதி' என்ற விகுதி சேர்த்து.
* 'அமரர்', 'அமரத்துவம்' என்ன வேறுபாடு?
ஒருவர் அமரராகாமலே அமரத்துவம் பெற முடியும்.
கருத்துகள்
கருத்துரையிடுக