ஹைக்கூ ! கவிஞர் இரா .இரவி !







ஹைக்கூ !  கவிஞர் இரா .இரவி !

குடியை விட்டவனும் தொட்டான்
திரும்பவும் கெட்டான் சீரழிகிறான்
மதுக்கடைகள்  திறப்பு !  

வேதனையிலும் வேதனை
குடிகார தேசமானது
காந்தி தேசம் !  

தடைகள் உழைப்பதற்கு
தடையில்லை குடிப்பதற்கு
வாழ்க மக்களாட்சி !  

ஒரு தரம் இரண்டு தரம்
மூன்று தரம்
இந்தியா !

தனித் தனியாக தனியாருக்கு
விற்பதை விட மொத்தமாக
விற்றுவிடுங்கள் !
நின்று விட்டது வருமானம்
நிற்கவில்லை செலவு
இன்னலில் ஏழைகள் !

.நெடுஞ்சாலை ஓரம் 
நடப்பதும் குற்றம்
புதிய  இந்தியா !
 

கேட்கவில்லையா ?
புலம்பெயர்ந்தோர்
புலம்பல் !
கட்டுக்குள் உள்ளது
என்பது இதுதானோ ?
கொரோனா !
அடிப்படை தேவைகளுக்கே
அல்லாடும் மக்கள்
வல்லரசாகுமா ?
ஏழை மேலும் பரம ஏழையாகிறான்
பணக்காரன் மேலும் பணக்காரனாகிறான்
புதிய பொருளாதாரம் !

தனி ஓவ்வொரு மனிதனுக்கும் 
இன்று உணவில்லையே
என்ன செய்யலாம் பாரதி !

கருத்துகள்