ஹைக்கூ ! கவிஞர் இரா .இரவி !
ஏற ஏற ஏறுகிறது
கோபம் மக்களுக்கு
பெட்ரோல் விலை !
விலை அதிகரிக்க
அதிகரித்தது இதயத்துடிப்பு
பெட்ரோல் !
விலங்கிலும் கீழாக
மனிதர்கள்
பாலியல் குற்றம் !
ஊழலை ஒழிக்க வேண்டிய
காவல் உயர் அலுவலர்கள்
ஊழல் !
சோதனை மேல் சோதனை
காவல் உயர் அலுவலர்கள்
இல்லங்களில் !
தாங்கமுடியவில்லை
உரிமையாளர்கள்
விளம்பரத் தொல்லை !
கோடிகள் கொள்ளை
கண்டுபிடித்தபின்னும்
தொடர்கின்றனர் !
காவலர் வரும்முன்
வந்தது
அவர் தொந்தி !
காவலர் இருந்தால்
வேறுவழி செல்லல்
தலைக்கவசமின்றி !
கற்காலம் மட்டுமல்ல
கணினி காலத்திலும்
வரவேற்க மலர்கள் !
ஐவகை நிலத்தில்
வாழ்ந்த தமிழன்
ஐயத்தில் வாழ்கிறான் !
தண்டனைக்காலம் முடிந்தும்
விடுவிக்க யோசனை
மாபெரும் அநீதி !
இந்தியாவின்
பெரிய வணிகர்
முற்றும் துறந்த சாமியார் !
தனிநபரின் குற்றம்
சாதியின் குற்றமாக்குதல்
பெருங்குற்றம் !
அனைத்திற்கும்
தீர்வு சொல்லும்
திருக்குறள் !
மன்னர் காலம் மட்டுமல்ல
இன்றும் தொடர்கின்றது
உடன்பிறப்பு யுத்தம் !
கருத்துகள்
கருத்துரையிடுக