நண்பர்கள் தின நல் வாழ்த்துக்கள் . கவிஞர் இரா .இரவி



நண்பர்கள் தின நல் வாழ்த்துக்கள் . கவிஞர் இரா .இரவி 

  http://www.tamilauthors.com/03/1060.html

நண்பன் ! கவிஞர் இரா .இரவி
மாதா பிதா குரு தெய்வம்
நான்கிலும் மேலானவன்
நண்பன் !
மூன்றாவது கை
ஏழாம் அறிவு
நண்பன் !
நல்வழிப் படுத்துவான்
நல்லதை உரைப்பான்
நண்பன் !
அன்பின் சின்னம்
ஆற்றலின் வடிவம்
நண்பன் !
தோள் கொடுப்பான்
துணை நிற்பான்
நண்பன் !
பகையை எதிர்ப்பான்
பாசம் பொழிவான்
நண்பன் !
உதவிகள் செய்வான்
உணர்வில் கலந்தவன்
நண்பன் !
உதிரமும் தருவான்
உயிரையும் காப்பான்
நண்பன் !
நேரம் செலவழிப்பான்
நேர்வழி நடந்திடுவான்
நண்பன் !
கணக்குப் பார்க்காமல்
செலவுகள் செய்வான்
நண்பன் !
பெற்றோரிடம் பேசாததையும்
பேசி மகிழ்வான்
நண்பன் !
மனம் திறந்து பேசுவான்
மகிழ்ச்சி தருவான்
நண்பன் !
விட்டுக் கொடுப்பதில்
கெட்டிக்காரன்
நண்பன் !
விழாமல் என்றும்
முட்டுக் கொடுப்பவன்
நண்பன் !
தவிக்க விடாமல்
தந்து உதவுவான்
நண்பன் !
தேவை என்றால்
கேட்டும் பெறுவான்
நண்பன் !
இளமையில் மட்டுமல்ல
முதுமையிலும் தொடருவான்
நண்பன் !
அறிவில் சிறந்தவன்
ஆறுதல் தருபவன்
நண்பன் !
ஏணியாக இருப்பான்
தோணியாவும் இருப்பான்
நண்பன் !
எதிர்பார்ப்பின்றி உதவிடுவான்
எந்த நேரமும் காத்திடுவான்
நண்பன் !
உலகில் உயர்வானவன்
உள்ளம் கவர்ந்தவன்
நண்பன் !
தவறைத் தட்டிக் கேட்பான்
சரியைப் பாராட்டி மகிழ்வான்
நண்பன் !
அறியாததை அறிய வைப்பான்
தெரியாததைத் தெரிய வைப்பான்
நண்பன் !
துன்பத்தில் துணை நிற்பான்
இன்பத்தில் பங்கு பெறுவான்
நண்பன் !
வாழ்நாளில் அதிகம்
உடன் இருப்பான்
நண்பன் !
அறச்சீற்றம் கற்ப்பிப்பான்
அஞ்சாமை போதிப்பான்
நண்பன் !
இணை இல்லை
இவ்வுலகில்
நண்பன் !

வாழ்நாள் முழுவதும் நினைவிருக்கும் நண்பன் !
கவிஞர் இரா .இரவி

உயிர் காப்பான் தோழன் உண்மை
உயிர் கொடுத்தும் காப்பான் நண்பன்


அம்மா அப்பா மனைவிக்குச் சொல்லாத ரகசியம்
அன்பு நண்பனுக்குச் சொல்லலாம் காப்பான்

சொந்த பந்தம் பணம் பார்த்து பழகும்
சொந்த நண்பன் மனம் பார்த்து பழகுவான்

நமக்கு ஒரு சோகம் என்றால் உடன்
நம்மைத் தேடி வரும் ஆறுதல் நண்பன்

நமக்கு ஒரு கவலை என்றால்
நம் கவலையைத் தீர்ப்பவன் நண்பன்

நம் கண்ணில் கண்ணீர் வழிந்தால்
நமக்காக துடைக்க கரம் நீடுபவன் நண்பன்

நம் வளர்ச்சி கண்டு பெருமை கொள்வான்
நம் மகிழ்ச்சி கண்டு பூரிப்பான் நண்பன்

போட்டி வந்தால் விட்டுக் கொடுப்பான்
போட்டியில் இருந்து விலகிடுவான் நண்பன்

தியாகம் செய்த நண்பன் உண்டு
துரோகம் செய்தவன் நண்பனே அல்ல துரோகி

சாதனைக்குத் துணை நிற்பான் நண்பன்
சோதனையை தூர விரட்டுவான் நண்பன்

பணத்தைப் பெரிதாக நினைக்காதவன்
பண்பில் சிறந்த பாசக்கார நண்பன்

நண்பனை யாரும் இகழ்ந்தால் துடிப்பான்
நண்பனின் பெருமையைப் பேசும் நண்பன்

நாம் செய்த சிறு உதவி மறக்க மாட்டான்
நமக்கு அவன் செய்த பேருதவி மறந்திடுவான் நண்பன்

மறக்க முடியாதவன் நண்பன்
மறக்கக் கூடாதவன் நண்பன்

வருடத்தில் ஒரு நாள் மட்டுமல்ல நினைவு
வாழ்நாள் முழுவதும் நினைவிருக்கும் நண்பன் !
நன்றி
அன்புடன்
கவிஞர் இரா .இரவி

http://tamil.pratilipi.com/kavignar-eraravi


http://www.eraeravi.blogspot.in/
.


இறந்த பின்னும்
இயற்கையை ரசிக்க
கண் தானம் !


கருத்துகள்

பிரபலமான இடுகைகள்