ஹைக்கூ ! கவிஞர் இரா .இரவி !
தேவை இல்லை
உயிர் பலி வாங்கும்
நீட் தேர்வு !
சிரிப்பாய் சிரிக்குது
சிரிப்பு நடிகரை
கைது செய்யாததற்கு !
முத்துநகரில்
கண்ணியம் இழந்தது
காவல்துறை !
தீவிரவாதிகளுக்கான
நவீன துப்பாக்கிக்குண்டுகள்
பொதுமக்களுக்கு !
பாவிக்காக
அப்பாவிகள்
உயிர்பலி !
சிலர்
கடவுளை மிஞ்சிய
பூசாரியாகின்றனர் !
பிறப்பு முதல் இறப்பு வரை
போராட்டமே
வாழ்க்கை !
கொலையும் செய்வாள்
பத்தினி
காமக்கொடூரனை !
அண்ணன் தம்பி
உறவில் விரிசல்
திருமணமானதும் !
மீண்டும் நிரூபித்தார்
மனநோயாளி என்பதை
நடிகர் !
இறுதி நாட்களில்
மகனை விட மகளை
விரும்பிடும் அம்மாக்கள் !
அளவிற்கு மிஞ்சினால்
காமமும்
நஞ்சுதான் !
முடித்து விடுவார்
இலஞ்சம் வாங்கினால்
ரெம்ப நல்லவர் ?
ஆயிரம் வாங்கியோர் சிறையில்
கோடிகள் வாங்கியோர்
பிணையில் !
பெருகிவிட்டனர்
முதிர்கன்னிகள் போலவே
முதிர் காளைகள் !
தடை என்பார்கள்
கவனித்ததும்
நீக்குவார்கள் தடை !
மதுக்கடை திறப்பதில்
உள்ள ஆர்வம்
இல்லை பள்ளிகள் திறப்பதில்!
பக்தர்களே
இருங்கள் கவனமாக
சாமியார்களிடம் !
தொண்டுக்கு அன்று
துட்டுக்கு இன்று
அரசியல் !
அரசியல்வாதிகளின் நடிப்பில்
நடிகர்கள்
தோற்கிறார்கள் !
அரசியல் தகுதியில்
பித்தலாட்டத்துடன்
நடிப்பும் சேர்ந்தது !
கருத்துகள்
கருத்துரையிடுக