நீட் தேர்வு ! கவிஞர் இரா .இரவி !






குரங்கு அப்பம் பங்கு 
வைத்த கதையாக 
நீட் தேர்வு !

நீ அரிசி கொண்டு வா ! நான் உமி தாரேன் ! 
ஊதி ஊதி தின்னலாம் 
நீட் தேர்வு !


கோடிகள் கொள்ளையடித்தவன்களை 
வெளிநாட்டிற்கு வழியனுப்பி  விட்டு 
நீட் எழுதும் மாணவிகளை சோதனை !

எரியும் தீயில் ஊற்றினர் பெட்ரோல்
வட இந்தியாவில்
நீட் தேர்வு !

திறமையால் எடுத்த மதிப்பெண்ணையும் 
மதிப்பிழக்க வைத்தது 
நீட் தேர்வு !

கிராமத்து மாணவர்களின் 
தடைக்கல் 
நீட் தேர்வு ! 

பணக்காரர்களுக்கு 
மருத்துவ இருக்கை 
நீட் தேர்வு ! 

புத்தியுள்ளோர் 
செய்திட்ட சதி 
நீட் தேர்வு !

மேட்டுக்குடிக்கு 
மருத்துவ இருக்கை 
நீட் தேர்வு ! 

சாமானியர்களுக்கு 
வைத்த ஆப்பு 
நீட் தேர்வு ! 

துப்பட்டா கூடாதாம் 
துப்பட்டா உம்மை 
நீட் தேர்வு ! 

கடும் சோதனை 
கடும் வேதனை 
நீட் தேர்வு ! 

கடும் சோதனை 
கடும் வேதனை 
நீட் தேர்வு ! 

ஏழை எளியோரின் 
மருத்துவக்கனவு தகர்த்தது 
நீட் தேர்வு !

 
பசுத்தோல் போர்த்திய 
புலி   
நீட் தேர்வு ! 

கொள்ளையன்களை விட்டுவிட்டு 
நல்லவர்களிடம் சோதனை 
நீட் தேர்வு ! 

எளியோரைத் தடுக்கும் 
ஏமாற்று வேலை 
நீட் தேர்வு ! 

வலியோரை வளர்க்கும் 
வஞ்சக வேலை 
நீட் தேர்வு ! 

அன்று அனிதா 
இன்று ரமேசு என்ற கிருட்டிணசாமி 
நீட் தேர்வு பலி  ! 

கருத்துகள்

பிரபலமான இடுகைகள்