ஹைக்கூ ! கவிஞர் இரா .இரவி !
பறப்பதில்லை
சிறகை சுமையாக
நினைக்கும் பறவை !
அன்று நோயுடன் சிலர்
இன்று நோயின்றி சிலர்
உணவு முறை !
வேண்டாம் நெகிழி
வேண்டும் இலை
காக்கும் உடல்நலம் !
சுவை கூடக் கூட
கூடுகின்றது
தீங்கு !
உணவில்
செயற்கை வண்ணம்
புற்றுநோயுக்கு வரவேற்பு !
எதிலும்
இயற்கை வளர்ச்சி இதம்
செயற்கை வளர்ச்சி தீங்கு !
செலவிடமாட்டோம் சாமானியனுக்கு
செலவிடுவோம் சமாதிக்கு
அரசியல் !
கலங்குவதில்லை
கடன்பட்டார் நெஞ்சம் போல்
ஆள்வோர் !
எங்கும் எதிலும் தமிழ்
சரி
அரசுப்பள்ளியில் தமிழ் ?
அன்று பொதுநலம்
இன்று தன்னலம்
அரசியல் !
பாரபட்சம்
உயிர்ப்பிக்கின்றனர் செத்தமொழியை
அழிக்கின்றனர் உயிர்ப்பான மொழியை !
கரும்புள்ளியாகின்றான் நூறு திருடியவன்
கோடிகள் திருடியவன்
பெரும்புள்ளியாகின்றான் !
கருத்துகள்
கருத்துரையிடுக