ஹைக்கூ ! கவிஞர் இரா .இரவி !

ஹைக்கூ !  கவிஞர் இரா .இரவி !

முட்டாளை அறிவாளியாக்கும் 
அறிவாளியை மேதையாக்கும் 
சுற்றுலா ! 

அறிவுறுத்த வேண்டியுள்ளது 
மனிதனாக வாழ 
மனிதனை ! 

மண்ணுக்கு அருகில் இருந்ததால் 
அதிக இனிப்பு 
அடிக்கரும்பு ! 

மெய்ப்பன் இன்றியே 
இல்லம் வந்தன 
ஆடுகள் ! 

களங்கமானது 
மனிதனின் கால் பட்டதால் 
நிலவு ! 

வாழ்க்கை முரண்பாடு 
பணக்காரனுக்கு பசி இல்லை 
ஏழைக்கு பசி தொல்லை ! 

அறிந்திடுங்கள் 
சோம்பேறிகளின் உளறல் 
முடியாது நடக்காது தெரியாது ! 

சாதிக்கின்றனர் 
கைகள் இன்றி 
கைகள் உள்ள நீ ! 

வாழ்க்கை இனிக்கும் 
கொடுத்ததை மறந்திடு 
பெற்றதை மறக்காதிரு ! 

கவனம் தேவை 
சிக்கல் இல்லை 
சிந்தித்துப் பேசினால் ! 

விரல்களால் தெரிந்தது 
விழிகளில் உலகம் 
இணையம் ! 

உணர்த்தியது 
பசியின் கொடுமை 
நோன்பு ! 

வக்கிரம் வளர்க்கும் 
வஞ்சனைத் தொடர்கள் 
தொலைக்காட்சிகளில் !

கருத்துகள்

இந்த வலைப்பதிவில் உள்ள பிரபலமான இடுகைகள்

ஒழுக்கமே உயர்வு தரும் – கவிஞர்.இரா.இரவி

மு. மேத்தா கவிதைகள் ! நூல்ஆசிரியர் : கவிஞர் மு. மேத்தா ! நூல் விமர்சனம் : கவிஞர் இரா. இரவி !