ஹைக்கூ ! கவிஞர் இரா .இரவி !



ஹைக்கூ !  கவிஞர் இரா .இரவி ! 

மழையில் நனைந்தும் 
வண்ணம் போகவில்லை 
வண்ணத்துப்பூச்சி 


வானவில் பறந்தது 
மண்ணில் 
வண்ணத்துப்பூச்சி ! 

அம்புகள் இன்றி 
வானில் தனியாக 
வானவில் ! 

ஓட்டுனர் இன்றி 
பயணமானது 
ரயில்பூச்சி ! 

கட்டியது வீடு 
சிறு துரும்பில் 
குருவி ! 

பறவையின் எச்சம் 
விழுந்த மிச்சம் 
விருட்சம் ! 

தடம் மாறவில்லை 
சென்றன வரிசையாக 
எறும்புகள் ! 

வரும் முன்னே 
வந்தது வாசம் 
என்னவள் ! 

கவனிக்கவில்லை உச்சரிப்பை 
கவனித்தான் உதட்டசவை 
காதலன் ! 

உதட்டு முத்தத்தை விட 
வலிமையானது 
நெற்றியில் முத்தம் ! 

அழகான சேலை 
குறைந்தது அழகு 
அவள் அணிந்ததும் ! 

கருத்துகள்

இந்த வலைப்பதிவில் உள்ள பிரபலமான இடுகைகள்

ஒழுக்கமே உயர்வு தரும் – கவிஞர்.இரா.இரவி

மு. மேத்தா கவிதைகள் ! நூல்ஆசிரியர் : கவிஞர் மு. மேத்தா ! நூல் விமர்சனம் : கவிஞர் இரா. இரவி !