ஹைக்கூ ! கவிஞர் இரா .இரவி !




ஹைக்கூ !    கவிஞர் இரா .இரவி !


வருத்தத்தில் விவசாயி
மகிழ்வில் மணற்கொள்ளையர்
வறண்ட ஆறு !

அழுகை நிறுத்தியது குழந்தை
சவ் மிட்டாய்காரனின்
கை தட்டும் பொம்மை !

சுவை அதிகம்
பெரிதை  விட சிறிது
வெள்ளரிப்பிஞ்சு   !

பத்துப்பொருத்தம்
இருந்த இணைகள்
மணவிலக்கு வேண்டி !

சொத்துக்களில்
சிறந்த சொத்து
தன்னம்பிக்கை !

அன்று சமர்கிருதம்
இன்று நீட் தேர்வு
அவாள் சதி !

திரும்பக் கிடைக்காது
வீணாக்கிய
வினாடிகள் !

பிறரை நேசிக்கும் முன்
முதலில்
உன்னை நேசி !


தேடி வராது
தேடிச்செல்
வாய்ப்பு !

வருடங்களானலும் மறக்காது
உயிர் காக்கும்
கற்ற நீச்சல் !

சம்பாதிக்கும் அப்பா 300  ரூபாய்
படிக்கும் மாணவன் 3000 ரூபாய்
காலணி !

போட்டியாளர்கள்
அகற்றவேண்டியது
தோல்வி பயம் !

பிறருக்கு வழங்கினால்
நமக்கும் வளரும்
தன்னம்பிக்கை !

அறிவது அழகு
ஆடம்பரம் அழிவு
அடக்கம் உயர்வு !
.
ஆசையை அழிக்கச்
சொன்ன பூமியில்
பேராசை !

குடை விரித்தது
மழை நின்றதும்
காளான்  !

வருமானம் அல்ல
அவமானம்
மதுக்கடை !

நேரம் விழுங்குகிறது
அன்று தொலைக்காட்சி
இன்று அலைபேசி !

நடிகராக மட்டும்
பாருங்கள்
நடிகவேள் வேண்டுகோள் !


பூனையில் சைவம் இல்லை
பசுவில் அசைவம் இல்லை
இயற்கையின்  இயல்பு !

பூமியை முடித்து
நிலவை ஆராய்கிறான்
சுரண்டிட மனிதன் !

தேவைப்பட்டது தண்ணீர்
செயற்கை மலர்களுக்கும்
தூசி கழுவ !

இரை தேடித் செல்லும்
மீனவன் இரையாகிறான்
சிங்கள ஓநாய்களுக்கு !

வயிற்றுப் பிழைப்பு முயற்சியில்
மீனவர்கள் உயிர் பறிப்பு
இலங்கை இராணுவம் !

பார்த்தாலே
எச்சில் ஊறும்
மாங்காய் !

தானாக உதிரவில்லை
உதிர்த்தது காற்று
இலைகளை !

கருத்துகள்