காதல் மணம் புரிந்தோரே ! கவிஞர் இரா .இரவி !
இவளையா காதலித்தோம்
என்று காதலனும் !
இவனையா காதலித்தோம்
என்று காதலியும் !
நினைக்காதவாறு வாழ வேண்டும் !
காதல் திருமணங்கள் நிலைப்பதில்லை
என்ற கூற்றைப் பொய்யாக்க வாழ வேண்டும் !
இன்பம் துன்பம் எதுவரினும்
இருவரும் இணைந்தே வாழ வேண்டும் !
காதலுக்கு மரியாதை தந்து
காதலர்கள் வாழ வேண்டும் !
பிரிவதால் வரும் திட்டு
உங்களுக்கு மட்டுமல்ல
காதலுக்கும்தான் ! கவனம் !
உங்களின் பிரிவு உங்களுக்கு
மட்டுமல்ல துன்பம் !
வருங்கால காதலர்களுக்கும்
தந்திடும் துன்பம் !
பெற்றோர் முடித்த இணைகள் பிரிந்தால்
பெரிதாய் யாரும் பேச மாட்டார்கள் !
காதல் திருமணம் புரிந்தோர் பிரிந்தால்
பெரிதாய் எல்லோரும் பேசுவார்கள் !
விட்டுக் கொடுத்து வாழுங்கள்
வீண் சண்டைக்கு இடமளிக்காதீர்கள் !
மண்ணில் மிக உயர்வானது காதல்
காதலின் கண்ணியம் காக்க வேண்டியது
காதல் இணைகளின் கடமை !
எத்தனை நாள் வாழ்வார்கள் என்று
ஏளனம் பேசியோர் முன்
என்றென்றும் இணைந்தே
வாழ்ந்திட வேண்டும் !
கருத்துகள்
கருத்துரையிடுக