தினமணி கவிதைமணி தந்த தலைப்பு !
எனை நனைத்த மழை ! கவிஞர் இரா .இரவி !
வானில் இருந்து வரும் திரவ அமுதம் மழை !
வயல்களைக் குளிர்வித்து விளைவிக்கும் மழை !
துளித்துளியாக விழும் பெருவெள்ளம் மழை !
துன்பம் மறக்க வைத்து இன்பம் தரும் மழை !
கடலிலிருந்துப் பயணித்து மேகமாகும் மழை !
கனிந்து மண்ணிற்கு வந்து விழும் மழை !
வருடம் தோறும் சீராகப் பெய்ய வேண்டும் மழை !
வளங்கள் பெரும் வளர்ச்சிப் பெருக்கும் மழை !
மயில்கள் தொகை விரித்து ஆடினால் மழை !
மண் செழிக்கும் மகசூல் பெருக்கும் மழை !
வருமுன்னே ஆராய்ந்து சொல்கின்றனர் மழை !
வஞ்சியர்கள் விரும்பி மகிழ்ந்திடும் மழை !
அளவோடு பெய்தால் நலமாக வாழவைக்கும் மழை !
அளவின்றிப் பெய்தால் இன்னல் தரும் மழை !
புவியின் விளைச்சலை வளர்த்திடும் மழை !
காதலர்களின் ஊடல் தீர்த்து வைக்கும் மழை !
காதலர்களின் கூடல் இணைத்து வைக்கும் மழை !
ஓரமாக ஒதுங்கி நின்ற எனை நனைத்தது மழை !
உடன் இறங்கி மழையில் நனைந்து மகிழ்ந்தேன் !
கருத்துகள்
கருத்துரையிடுக