அற்புதம் அம்மா வாழ்க ! கவிஞர் இரா .இரவி !
சத்தியவான் உயிரை எமனிடம் போராடி !
சாவித்திரி மீட்ட கதை புராணக் கற்பனை !
நீதி மன்றத்தில் மகன் உயிருக்காக போராடி!
நீதிபெற்றாள் அற்புதத் தாய் உண்மை நிகழ்வு !
தமிழச்சி புலியை முறத்தால் விரட்டினாள் அன்று !
தமிழச்சி தூக்குக் கயிற்றை அறுத்தாள் இன்று !
குற்றமற்ற மகன் பேரறிவாளன் மீது தவறாகக்
குற்றம் சுமத்தி தூக்கிலிடுவதைத் தடுத்தார் !
ஏளனம் கேலி வசவுகளைப் புறக்கணித்து !
எப்படியும் மகன் உயிர் காக்கப் போராடினார் !
முயற்சி திருவினையாக்கும் வள்ளுவர் வாக்கு !
முற்றிலும் மெய்யென மெய்பித்தார் இங்கு !
என்று போகுமோ ? என் உயிர் என்று !
என்றும் வருந்திய மகனின் உயிர் காத்தார் !
அற்புதமான அம்மாவைப் பெற்றிட்ட காரணத்தால் !
அநியாயமாகப் போக வேண்டிய உயிர் காக்கப்பட்டது !
துஞ்சாமல் நடத்திய அன்னையின் போராட்டம்
தூக்குக் கயிற்றைத் தூக்கி தூர எறிந்தது !
கொலைக் குற்றவாளிகள் அல்ல இவர்கள் !
கொலைக் குற்றம் சுமத்தப்பட்டவர்கள் !
கொலை செய்யத் தூண்டியவர்களுக்கு !
தண்டனை அதிகம் சட்டம் சொல்கிறது !
கொலை செய்யத் தூண்டியவர்கள் !
தண்டனை பெறாத விசித்திர வழக்கு !
ஒரு பக்கம் மட்டும் பார்ப்பது மடமை
இரு பக்கமும் பார்க்க வேண்டியது கடமை !
நீதியரசர் சதாசிவம் வாழ்க பல்லாண்டு !
நீதி தந்து உயிர்கள் காத்த உத்தமர் வாழ்க !
உலகில் ஒப்பற்ற உறவு அன்னை என்பதை !
உலகிற்கு உணர்த்திய அற்புதம் அம்மா வாழ்க !
கருத்துகள்
கருத்துரையிடுக