உயிருக்காக ஓடியது
தப்பியது
மான் !
உணவுக்காக ஓடியது
தோற்றது
சிறுத்தை !
பயமின்றி
மின் கம்பியில்
மாடப்புறா !
முந்தித் தருவதாகப் பலரின்
வாழ்க்கையை முடித்தன
ஊடங்கங்கள் !
உடல் உள்ளம்
இரண்டுக்கும் நன்மை
தியானம் !
வியர்வைத் துடைத்தான்
மலர்களுக்கு
கதிரவன் !
அணையாத நெருப்பு
நெருப்பே இருப்பு
ஆதவன் !
சாதியை மற
சாதிக்க நினை
வெற்றி உமது !
ஜீவன் இழந்தன
ஜீவ நதிகள்
மணல் கொள்ளை !
சிற்பி இல்லை
சிலை உண்டு
அழியாதது கலை !
இன்றும் உரைத்தது
மன்னரின் புகழ்
அரண்மனை !
வெட்டப்பட்டன
திருமணத்திற்காக வாழை
மரணத்திற்கு மூங்கில் !
பித்தாலாட்டம்
கை வந்த கலை
அரசியல் !
நன்றி
கவிஞர் இரா .இரவி
சாதிக்க நினைப்பது உட்பட அனைத்தும் அருமை...
பதிலளிநீக்குகவிஞர் இரா. இரவி அவர்களுக்கு வாழ்த்துக்கள்...
நன்றி...