ஹைக்கூ ( சென்றியு ) கவிஞர் இரா .இரவி !


ஹைக்கூ  ( சென்றியு )  கவிஞர் இரா .இரவி !

தந்தது இன்பம் 
உள்ளத்திற்கும் உடலுக்கும் 
கோடை மழை !

விலங்கிலிருந்து வந்த மனிதன் 
விலங்காகிறான் 
பாலியல் குற்றம் !

மனிதாபிமானமற்றது 
மனிதனை மனிதன் சுமப்பது  
பல்லக்கில் அர்ச்சகர் !

முரண்பாடு 
பெருகியது பக்தர்கள் கூட்டம் 
பெருகவில்லை நல்லவர்கள் !

நண்பன் எதிரி நிரந்தரமன்று 
அரசியல் 
நிரந்தரம் பிதல்லாட்டம் !

விரும்பினர் ரசிகர்கள் 
ஓட்டம் நான்கு ,ஆறு 
அழகிகளின் ஆட்டம் !

ரொட்டித்திருடன் சிறையில் 
கோடிகள் திருடன் குளு குளு அறையில் 
மக்களாட்சி !

விலை இறங்க மகிழ்ச்சி 
குறையும் குற்றங்கள் 
தங்கம் !

சங்கம் வைத்துத் தமிழ் 
வளர்த்த மதுரையில் 
சங்கம் இல்லா சாதி இல்லை !

நோக்கம் விபத்துத் தடுக்க
நடந்தது விபத்து 
வேகத்தடை !

நம்பினோர் 
கைவிடப் பட்டார் 
யாத்திரை விபத்து !

-- 

கருத்துகள்

பிரபலமான இடுகைகள்