eraeravi

நூலின் பெயர்:அவ்வுலகம்

2012-02-12T01:22:00.000-08:00

நூலின் பெயர்:அவ்வுலகம்

நாவல் ஆசிரியர்:டாக்டர் வெ.இறையன்பு I.A.S.

மதிப்புரை:முனைவர் ச.சந்திரா

கோபுர நுழைவாயில்:

இலக்கியநாயகன் பாலைநிலம் கடந்து வாகைசூடியது சங்ககாலம்!புதினநாயகன் மரணவாயிலின் நிலையைக் கடந்துசெல்ல உதித்தது அவ்வுலகம்!சமூகத்தைப் பிரபஞ்சத்துடன் இரண்டறக் கலக்கவைக்கும் சீரிய நோக்கத்தில்,விரிந்ததோர் பார்வையுடன் படைப்புக்களை வழங்குவதில் இறையன்புக்கு நிகர் அவர்மட்டுமே!பழமையிலிருந்து வேறுபட்டும்,மாறுபட்டும் இவ்வுலக இணைப்பிற்கும்,மறுவுலக பிரவேசித்தலுக்கும் இடையேயான பயணத்தை எடுத்துரைக்கும் இந்நாவல் ஆசிரியரின் முத்தான மூன்றாவது நாவல்!

உருவமா?பிம்பமா?

மொழிகளற்ற,காலபேதம் உணர இயலாத,பெயர் எனும் அடையாளம் தொலைக்கப்பட்டதும் மறுக்கப்பட்டதுமான ஓர் உலகில் உருவமற்று உலவும் பிம்பங்களின் கதையே அவ்வுலகம்! வெளியுலகில் ,இல்லறத்தில் -என தனக்குள் சுயமுரண்பாடு கொண்ட தலைமைக் கதாப்பாத்திரமும்,துணைக்கதாப்பாத்திரங்களும் நதியும்,கிளைநதிகளுமாய் பிரவாகம் எடுத்து கடலோடு கலப்பதும், கலக்கும்முன் அவர்களது ரிஷிமூலம் கண்டறிவதுமே இந்நாவலின் உள்ளடக்கம்.சதைப்பிண்டம் என்பது முதற்பிறப்பாய் இருக்க, மனிதத்தை உணரும் மறு இருப்பாய் அவ்வுலகவாசிகள் நடமாட,மரணத்திற்குப்பிறகும் மனிதவாழ்வு முற்றுப்பெறுவதில்லை என்பதனை உலகிற்கு சொல்லவந்த நூலே இந்நாவல் எனலாம்.

சொர்க்கமா?நரகமா?

அவ்வுலகம் ஓர் அபூர்வமான உலகம்!அங்கு ஒருமுறை சந்தித்தவரை இன்னொருமுறை சந்தித்தல் இயலாது!அங்கிருப்போர் உண்ணலாம்!உறங்க முடியாது!பார்க்கலாம்;பேசலாம்;வாய்விட்டு அழமுடியாது!பூவுலகில் வாழ்ந்தபொழுது இருளில் பொதிந்திருந்த அவர்களின் பொய்மைகளெல்லாம் இங்கு வெளிச்சமிட்டுக் காட்டப்படும்!வாழ்ந்தவர் மாய்வதும்,மாய்ந்தவர் எழுவதுமாய், இருத்தலில் இல்லாதிருத்தலும், இல்லாமையில் இருத்தலுமாய்,அந்நியப்படுதலும் அன்னியோன்யப்படுதலுமாய்,கட்டமைப்பும் கட்டவிழ்ப்புமாய் ,பிரிதலும் பிரித்தலுமாய் மொத்தத்தில் சுகமும் சோகமுமாய் நாவலின் கதை நயமாய் நகர்கின்றது.

இரத்த ஓட்டம்:

'வாழ்வதற்கே வணங்காதபொழுது சாவதற்கு கடவுளை வணங்கவேண்டுமா?'-என்று வினவும் நாத்திகவாதியான காளிதாஸுடன் துவங்கும் கதை,'கடவுள் மாத்திரம்தான் நான் கேட்டதைத் தரமுடியும்'-என்று பதிலளிக்கும் ஆத்திகவாதியின் வாழ்க்கைக்குறிப்புடன் முடிய,இடையிடையே மகாபாரதக் கிளைக்கதைகளாய் பல்வேறு பாத்திரங்கள் நடமாட, இவ்வனைவரும் எவ்விதமாய் மரணநிலையை எதிர்கொள்கின்றனர் என்பதை ஆசிரியர் சொல்லிச்செல்லும் பாங்கு அற்புதம்!விரும்புகின்ற எல்லாவற்றையும் செய்கின்ற இடமாக மண்ணுலகம் இருக்க,யாருக்கு என்ன விருப்பமோ அவற்றைச் செய்யவிடாது தடுக்கும் ஒரு விசித்திர உலகமாக 'அவ்வுலகம்' இருக்கின்றது.உணர்வுப்பகிர்தல் மறுக்கப்பட,வெறும் எண்ணப்பகிர்தலுடன் வரையறுக்கப்பட்ட பகுதியில் உலவுகின்ற வாழ்வே அவ்வுலக வாழ்வு!

மேடுகளும் பள்ளங்களும்:

அவ்வுலகத்தில் வெளிச்சத்திற்குள் இருளும் ,இருளுக்குள் வெளிச்சமும் புலப்படுகின்றது.அசைவது அசையாதிருக்கின்றது.அசையாதது அசைகின்றது.இவ்வுலகில் யானையாய் இருந்தவர் அவ்வுலகில் பூனையாய் பதுங்குகிறார்.கேட்க முடியாதோர்க்கும் செவி திறக்கின்றது.பார்க்கமுடிந்தவர்க்கோ பார்வை பறிபோகின்றது.விட்டுப்போனது தொடர்கின்றது.தொடர்ந்து வந்ததோ விட்டுப்போகின்றது.புத்தகங்கள் உயிர்பெற்று உலாவுகின்றன.அத்தோடு உயிலிலும் இடம்பெறுகின்றன.வார்த்தைகளை உபதேசிக்க வாய் திறந்தாலோ குருதி வழிகின்றது!கண்ணீரோ விழிகளிலிருந்து வழிய மறுக்கின்றது.

கல்வெட்டு வாசகங்கள்:

தலைமைக் கதாப்பாத்திரமான திரிவிக்ரமன் தனக்குத் தானே வினவிக்கொள்வதும் விடையளித்துக் கொள்வதுமான பகுதி(ப.137-141) தர்க்கநெறி சார்ந்த,அனைவரும் உய்த்துணரவேண்டிய உன்னத பகுதி.

* முடியாதவனின் கடைசி ஆய்தம் பொறாமை(ப.140)

* நல்லபடியாக மரணித்தவனே நல்லபடியாக வாழ்ந்தவன்(ப.124)

*மரணம் என்பது ஒரே நிகழ்வு அல்ல!பல சின்ன நிகழ்வுகளின் ஒட்டுமொத்த தொகுப்பு.

*நாத்தை மிதிச்சால் அது நல்ல பயிராய் வளருமா?(ப.110)

*பகிர்ந்து கொள்கின்ற போதுதான் நொய்யரிசிகூட நெய்யரிசி ஆகும்.(ப.50)

மனதார...

வாழ்கின்ற ஒவ்வொருவருக்கும் எது வேண்டுமானாலும் ஒன்றுபோல் நிகழலாம்;மரணம் என்பது மட்டும் ஒருவரிலிருந்து மற்றவர்க்கு வேறுபடும்;அம்மரணத்தை எதிர்கொள்வதும் ஒருவரிலிருந்து மற்றவர்க்கு மாறுபடும் என்பதனை எடுத்துரைக்க வந்த நூலே டாக்டர் இறையன்பு அவர்களின் 'அவ்வுலகம்'.இந்த மண்ணுலகில் நிறைவேற்றவேண்டும் என்று எண்ணியதை தயக்கமின்றி சாதித்துவிடுங்கள்!இதன்பின் 'அவ்வுலகம்' மட்டுமல்ல! எவ்வுலகம் சென்றாலும் அதற்கான வேகத்தடைகள் எழும்பிக்கொண்டே இருக்கும் என்று வாசகர்க்கு சொல்ல வந்ததே இந்நாவல்.ஏக்கமும் தாக்கமுமாய்,துள்ளலும் துவளலுமாய் தன் எழுத்துக்களை கருத்தாக்கம் செய்யாமல்,தத்துவமும் தார்மீகமுமாய்- இவ்வுலகம் மட்டுமல்லாது மறு உலகத்திற்கும் வழிகாட்டியிருக்கும் நூலாசிரியர் டாக்டர் வெ.இறையன்பு அவர்களின் இலக்கியப்பணி சிறக்க என்போன்ற ஆர்வலர்களின் மனமார்ந்த வாழ்த்துக்கள்!

--

நன்றி

அன்புடன்

கவிஞர் இரா .இரவி

www.eraeravi.com

www.kavimalar.com

www.eraeravi.wordpress.com

www.eraeravi.blogspot.com

http://eluthu.com/user/index.php?user=eraeravi

http://en.netlog.com/rraviravi/blog

இறந்த பின்னும்

இயற்கையை ரசிக்க

கண் தானம் செய்வோம் !!!!!

மாணவன் ! கவிஞர் இரா .இரவி

2012-02-11T00:03:00.000-08:00

மாணவன் ! கவிஞர் இரா .இரவி

ஆசிரியருக்கு அஞ்சிய காலம் அன்று
ஆசரியர்கள் அஞ்சும் காலம் இன்று

ஆசிரியரை வணங்கிய காலம் அன்று
ஆசிரியரைக் கொலை செய்யும் காலம் இன்று
மாதா பிதா குரு தெய்வம் என்றார்கள்
தெய்வத்திற்கும் முன்பாக குருவை வைத்தார்கள்

மாணவர்களே ஆசிரியர்களை மதியுங்கள்
மதித்து நடந்தால் உலகம் உங்களை மதிக்கும்

மாணவனைக் கொலைகாரனாக மாற்றும்
திரைப்பட வன்முறைககளை நிறுத்துங்கள் !

ஆங்கிலப் பள்ளிகளின் கெடு பிடிகள்
பிஞ்சு நெஞ்சங்களில் வன்முறை நஞ்சு

மாவட்ட ஆட்சியரின் ஆய்வில்
மதுக்கடையில் சீருடையோடு மாணவன்

தமிழ்நாட்டு பள்ளிகளில் தமிழைக் கற்பியுங்கள்
இந்தி சமஸ்கிருதம் வகுப்புகளை உடன் மூடுங்கள்

நிறுத்தப்பட்ட நீதி போதனை வகுப்பை
அனைத்து பள்ளிகளிலும் உடன் தொடங்கிடுக !
மிக நல்ல மாணவன் நாளை
மிகச் சிறந்த ஆசிரியராவான் !

கற்க கசடற கற்றபின்
அயல்நாடு செல்லாதிருக்க !

ஏன் ? எதற்கு ? எப்படி ?
என்று கேட்க சிறக்கும் மாணவன்

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

சுட்டும் விழி” விமர்சனம் குகன் கண்ணன்

2012-02-09T19:27:00.000-08:00

சுட்டும் விழி” விமர்சனம் குகன் கண்ணன்

http://guhankatturai.blogspot.in/2012/02/blog-post_09.html

கவிதை விரும்பாத வாசகன் கூட தன்னையும் அறியாமல் வாசிக்கும் கவிதை ஹைக்கூ கவிதையாக தான் இருக்கும். ஐந்து நோடிக்கு மேல் எடுத்துக் கொள்ளாத வாசிப்பு. ஒரு பக்க கட்டுரை ஏற்ப்படுத்தும் பாதிப்பு, நருக்கென்று கருத்து என்ற போன்ற பெருமை ஹைக்கூ கவிதைகளுக்கு உண்டு. இன்று, ட்விட்டரில் பலர் 140 எழுத்துக்களில் தங்கள் கருத்தை சொல்ல முயற்சிக்கிறார்கள். ஆனால், நூற்றாண்டுகளுக்கு முன்பு திருவள்ளுவர் திருக்குறளிள் இரண்டடியில் சொல்லியிருக்கிறார். ஜப்பானில் மூன்றடியில் கருத்துக்களை சொல்லியிருக்கிறார்கள்.

ஜப்பானில் தோன்றிய 'ஹைக்கூ' தமிழ் கவிதை சூழலில் பலர் முயற்சித்து வருகிறார்கள். தமிழ் ஹைக்கூ கவிஞர்கள் என்று பட்டியலிட்டால் அதில் கவிஞர் இரா.ரவி அவர்கள் பெயர் கண்டிப்பாக இருக்கும். அவர் எழுதிய எல்லா புத்தகங்களும் ஹைக்கூ கவிதையாக இருக்கும். அல்லது ஹைக்கூ பற்றிய கட்டுரை, விமர்சன நூலாக இருக்கும். ஹைக்கூ கவிதையில் தன் முழு கவனத்தை செலுத்தி வருபவர். அவர் எழுதிய 11வது நூல் தான் “சுட்டும் விழி”.

போதுவாக, நான் நூல் விமர்சனம் செலுத்தினால் அந்த புத்தகத்தில் எனக்கு பிடித்த வரிகளை குறிப்பிடுவேன். ஆனால், இந்த நூலில் எனக்கு பிடித்த கவிதையை குறிப்பிட சொன்னால் 64 பக்கங்கள் கொண்ட கவிதையில் 40 பக்கங்களுக்கான கவிதையை குறிப்பிட வேண்டியதாக இருக்கும். அந்த அளவுக்கு பல கவிதைகளில் நருக்கென்ற கருத்தோடு முடித்திருக்கிறார்.

உழைப்பாளியின் ரத்தம்
உறிஞ்சிக் குடிக்கும்
டாஸ்மார்க்
*
பன்னாட்டு நிறுவனங்களால்
கொள்ளை போனது
பச்சை வயல்
*
வேகமாக விற்கின்றது
நோய்பரப்பும் குளிர்பானம்
வருத்தத்தில் இளநீர்.இயற்கையை அழித்து
செயற்கை மரங்கள்
நகரங்கள்

மேல் குறிப்பிட்ட கவிதைகளில், மூன்றாவது வரியில் இதயத்தை துழைக்கும் அம்பை ஒழித்து வைத்திருக்கிறதா அல்லது நம்மை குத்தும் குற்றவுணர்வா என்ற யோசிக்க வைக்கும் வரிகள்.

சமக்கால அரசியலை கேலி செய்யும் நாவலோ, சிறுகதையோ வருவது மிகவும் குறைவு. ஆனால், சமக்கால அரசியலை பகடி செய்யும் கவிதைகள் ஏராளமாக வந்துக் கொண்டு இருக்கிறது. குறிப்பாக கீழ் காணும் கவிதைகளை படித்து பாருங்கள்.

எண்ணங்களால் அன்று
எண்ணிக்கையால் இன்று
கூட்டனி !
*
திரும்புகின்றது
கற்காலம்
மின்தடை
*
காவிரி போல்
அரசியலானது
சமச்சீர் கல்வி
*
உயராத கூலி
உயரும் விலைவாசி
வேதனையில் ஏழைகள்.
**

இந்த புத்தகத்திற்கு “சுட்டும் விழி” என்ற தலைப்பு மிக பொருத்தாமாத அமைந்திருக்கிறது. காரணம், ஒவ்வொரு கவிதையும் நாம் படித்த முடித்த பின் நம்மை சுடாமல் இருப்பதில்லை.

மருத்துவ குறிப்பு சொல்லும் கவிதை,
மூளைச்சாவு
பயன்பட்டது
உறுப்புதானம்

ஈழ தமிழர்களுக்கு நம்பிக்கைக் கொடுக்கும் கவிதை,
அணையப்போகும் விளக்கு
சுடர்விட்டெரியும்
இலங்கைக் கொடூரன்.

வரலாற்றை பதிய வைக்கும் கவிதை,
மூடநம்பிக்கை
முற்றுப்புள்ளியாக்கியது
ஈரோட்டு மை.

ஒரு கவிதை ஏற்படுத்திய பாதிப்பில் இருந்து மீண்டு வருவதற்குள் இன்னொரு கவிதை நம்மை தாக்க தயாராக உள்ளது.

ஹைக்கூ கவிதைகளுக்கு தலைப்பு தேவையில்லை என்ற மரபில் இந்த புத்தகமும் வடிவமைக்கப்பட்டுள்ளது. மூன்று கவிதைகள் சமூகத்தைப் பற்றியதாக இருந்தால், அடுத்த கவிதை 'ஈழம்' பற்றியதாக உள்ளது. இல்லை என்றால் 'காதல்' பற்றியதாக உள்ளது.
சமூகம், அரசியல், காதல் என்று வகைப்படுத்தி கவிதைகளை வரிசைப்படுத்தியிருக்கலாம்.

கவிதை வாசிப்பு ஆர்வம் இல்லாத வாசகர்கள் வாசிக்க வைக்கும் கவிதை நூலாக இருக்கிறது "சுட்டும் விழி".

--

தேநீர்க் கோப்பையோடு கொஞ்சம் ஹைக்கூ

2012-02-09T09:36:00.000-08:00

தேநீர்க் கோப்பையோடு கொஞ்சம் ஹைக்கூ

புகழ்ப் பெற்ற ஓவியர் மதுரை சு .சு சுந்தரம் அவர்களின் கை வண்ணத்தில் கவிஞர் இரா .இரவி

2012-02-09T07:27:00.000-08:00

புகழ்ப் பெற்ற ஓவியர் மதுரை சு .சு சுந்தரம் அவர்களின் கை வண்ணத்தில்
கவிஞர் இரா .இரவி

எது ? காதல் ! கவிஞர் இரா .இரவி

2012-02-07T09:00:00.001-08:00

எது ? காதல் ! கவிஞர் இரா .இரவி

காதலர் தினம் மட்டும் நினைப்பதல்ல காதல்
காதலர் உயிர் உள்ளவரை நினைப்பதே காதல்

ஒற்றை ரோசாவில் முடிவதல்ல காதல்
பிறவி முழுவதும் தொடர்வதே காதல்
பரிசுப் பொருட்கள் பகிர்ந்து கொள்ளுவதல்ல காதல்
ஒருவரை ஒருவர் புரிந்து கொள்வதே காதல்

கடற்கரையில் பேசுவது மட்டுமல்ல காதல்
காலம் முழுவதும் இணைந்து இருப்பதே காதல்

காதலர்கள் கூடிக் களைவது அல்ல காதல்
களையாமல் நிலைத்து இருப்பதுவே காதல்

உடல் தீண்டல் மட்டுமல்ல காதல்
உள்ளத் தீண்டலே உண்மைக் காதல்

புத்தாடை வழங்குவது அல்ல காதல்
புரிந்து புத்துணர்வு வழங்குவதே காதல்

உயிரை விடுவது அல்ல காதல்
உயிர் உள்ளவரை போராடுவதே காதல்

இன்பத்தை மட்டுமே எதிர்பார்ப்பதல்ல காதல்
துன்பத்தையும் ஏற்றுக் கொள்வதே காதல்

லாப நட்டக் கணக்கு பார்ப்பதல்ல காதல்
கஷ்டம் நஷ்டம் பாராததே காதல்

காமத்தால் வருவது அல்ல காதல்
காலத்தால் என்றும் அழியாததே காதல்

தன்னம்பிக்கை வாசகர் வட்டத்தின் சார்பில் தன முன்னேற்றப் பயிலரங்கம்

2012-02-07T08:32:00.001-08:00

தன்னம்பிக்கை வாசகர் வட்டத்தின் சார்பில் தன முன்னேற்றப் பயிலரங்கம்

லிபுன் கவிஞர் இரா .இரவி

2012-02-06T18:43:00.001-08:00

லிபுன் கவிஞர் இரா .இரவி

உலகில் மொழிகள் பல இருந்த போதும் உலக மொழிகளின் தாய் மொழி நம் தமிழ்மொழி.இலக்கண இலக்கியங்கள் நிறைந்த மொழி. தொன்மை மிக்க மொழி .உறவுச் சொல் பல கொண்ட மொழி .அகம் புறம் இலக்கியங்கள் வழி வீரம் ,உணர்வு ,தன்னம்பிக்கை, பண்பாடு ,ஒழுக்கம் கற்பிக்கும் மொழி .இலக்கியங்களின் சுரங்கம் தமிழ்மொழி.மத மாற்றம் செய்ய வந்தவர்ககளுக்கும் தமிழின் பால் பற்றை வரவழைத்து மன மாற்றம் செய்த மொழி தமிழ்மொழி.பன்மொழிப் புலவர்கள் போற்றிய மொழி .மொழிகளில் சிறந்து பிறந்த முதல் மொழி தமிழ்மொழி.

மொழிகளில் முதன்மை தமிழ்மொழி
எண்ணிலடங்கா இலக்கியங்களின் களஞ்சியம் தமிழ்
பேசிட இனித்திடும் இனியமொழி

லிபுன் கவிஞர் இரா .இரவி

2012-02-06T18:41:00.000-08:00

லிபுன் கவிஞர் இரா .இரவி

எங்கோ பிறந்து எங்கோ வளர்ந்து இன்று என் கண் முன் இங்கு வந்தாள் .கண்டதும் காதலா ? கேலி பேசியதுண்டு .ஆனால் எனக்கும் கண்டதும் காதல் வந்தது உண்மை .என் பார்வையை விட்டு அவள் அகன்ற போதும் ,அவளது அழகிய விழிகளை மறக்க முடியவில்லை .என் விழிகளைத் திறந்தாலும் , மூடினாலும் அவளது விழிகளே வந்து வந்து போகின்றது .

அவளுக்கு மீன் விழிகள்
பார்த்ததும் விழுந்தேன் காதல் வலைகள்
மறக்க தெரியவில்லை வழிகள்

லிபுன் கவிஞர் இரா .இரவி

2012-02-06T08:07:00.001-08:00

லிபுன் கவிஞர் இரா .இரவி

சனிப் பெயர்ச்சி நடக்கின்றது.ஏழரை நடக்கின்றது .எதுவும் செய்யாதே ! கஷ்டகாலம் . குரு பார்க்கிறான்.சனி பார்க்கிறான்.ராகு பார்க்கிறான் .கேது பார்க்கிறான்.சோதிடம் பார்த்து விட்டு வந்து, தாய் மகனிடம் புலம்பினாள்.கிரகங்கள் எது பார்த்தாலும் எனக்கு கவலை இல்லை .என் வேலையை நான் பார்க்கிறேன்.நான் வருகிறேன் அம்மா என்று விடைப் பெற்றுச் சென்றான் .மகன் .

அறிவியல் அல்ல சோதிடம்
கிரகங்கள் நம்மை ஒன்றும் செய்வதில்லை
அறிவீனம் வளர்க்கும் நம்மிடம்

லிபுன் கவிஞர் இரா .இரவி

2012-02-06T07:52:00.000-08:00

லிபுன் கவிஞர் இரா .இரவி

முல்லைப் பெரியாறு அணை கட்டிய பென்னிகுக் தமிழகத்தில் நிலவிய பசி, பட்டினி, பஞ்சம் கண்டு வருந்தினார் .இதனைப் போக்கிட என்ன? வழி என்று யோசித்தார் .அணையைக் கட்டி, நீரைத் தேக்கி, விவசாயம் பெருக்குவதே தீர்வு என்று தீர்மானம் செய்து ,தடைகள் பல வந்த போதும் தகர்த்து ,சொந்த சொத்துக்களை விற்று ,பிறப்பது ஒரு முறைதான் .இனி ஒரு முறை பிறக்கப் போவது இல்லை .இந்தப் பிறப்பில் அரிய சாதனை நிகழ்த்தி விட்டுத்தான் இறப்பேன் .என்று ஆயிரம் ஆண்டுகள் ஆயுள் கொண்ட அற்புத அணையை கட்டி விட்டு மறைந்தபோதும் .இன்றும் மக்கள் மனங்களில் வாழ்கின்றார் .

மண்ணில் பிறப்பு ஒருமுறை
அரிய சாதனைகள் செய்து வாழ்ந்திடுவோம்
நம்மை வாழ்த்தட்டும் தலைமுறை

லிபுன் கவிஞர் இரா .இரவி

2012-02-06T07:26:00.000-08:00

லிபுன்                                      கவிஞர் இரா .இரவி

வங்கியில் கடன் வாங்கி வீடு கட்டி முடித்து ,புது மனை புகு விழா நடத்தினார் .வந்த நண்பர் சொன்னார் சமையலறை இருக்க வேண்டிய இடத்தில் குளியலறையும் ,குளியலறை இருக்க வேண்டிய இடத்தில் சமையலறையும் கட்டி இருக்கிறீர்கள் .வாஸ்து பார்த்துக் காட்ட வில்லையா ?என்றார் .வீடு கட்டியவரோ மனம் வருத்தப் பட்டார் .நண்பரை விழாவிற்கு ஏன் ? அழைத்தோம் என்று .

வாஸ்து என்பது   மூடநம்பிக்கை
விரயம்   செய்வது வீண் வேலை
வேண்டும் மனிதருக்குத் தன்னம்பிக்கை

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!

மெரினா எழுத்து இயக்கம் தயாரிப்பு திரு .பாண்டிராஜ் திரைப்பட விமர்சனம் கவிஞர் இரா .இரவி

2012-02-04T20:24:00.001-08:00

மெரினா

எழுத்து இயக்கம் தயாரிப்பு திரு .பாண்டிராஜ்

திரைப்பட விமர்சனம் கவிஞர் இரா .இரவி

பசங்க படத்திற்காக தேசிய விருதுப் பெற்ற இயக்குனர் பாண்டிராஜ் அவர்களின் தரமான படைப்பு .இந்தப் படத்திற்கும் தேசிய விருது உறுதி .வெட்டுக் குத்து ,கொலைவெறி பாடல் ,ஆபாச நடனம் ,இரட்டை அர்த்த வசனம் ,நடிகர்களின் புகழ்ப் பாடும் கதை இன்றி, நடிகையின் சதையை நம்பிப் படம் எடுக்கும் காலத்தில் ,பேன்ட்டை அவிழ்த்து ஜட்டியோடு நிற்க வைத்து படம் இயக்கி விட்டு ,அது உருவான விதம் பற்றி பேட்டி கொடுக்கும் அனைத்து மசாலா இயக்குனர்களையும் அமர   வைத்து இந்தப்படத்தை போட்டுக் காட்டடித் திருத்த வேண்டும் .

துளி கூட ஆபாசம் இன்றி மிகச் சிறப்பாக மெரினா கடற்கரையில் வாழும் சிறுவர்களின் வாழ்க்கையை படம்பிடித்துக் காட்டி வெற்றிப் பெற்றுள்ளார் .இந்தப் படத்தில் கவர்ச்சி நடிகை இல்லை .கொடூரமான வில்லன் இல்லை .மிகப் பெரிய கதாநாயகனும் இல்லை. ஆனாலும் படம் நன்றாக உள்ளது .இதில் வரும் பாத்திரங்கள் அனைத்தும் நம் மனதில் நிற்கின்றன .மெரினா கடற்கரையில் தண்ணீர் ,சுண்டல் ,சங்கு,தேநீர் ,விற்கும் சிறுவர்கள் ,
மகன் மருமகள் செத்துத் தொலைய    வில்லை என்று திட்டுவதுக் கேட்டு ,வீட்டை விட்டு வெளியேறி வந்து அவர்களை அவமானப் படுத்த பிச்சை எடுக்கும் முதியவரை ,சிறுவன் தாத்தா பிச்சை எடுக்காதிங்க என்றதும் .முதியவர் பிச்சை எடுப்பதை விட்டு விட்டு, புல்லாங்குழல் விற்கும் காட்சி நெகிழ்ச்சி .மன நிலை குன்றிய பாத்திரம் ,மிகப் பொருத்தமான பழைய பாடல்கள் பாடும் தெருப் பாடகராக வரும் பாத்திரம் ,அவர் மகளாக வரும் ஆடும் சிறுமி .அந்தச் சிறுமிக்கு உடல் நலம் குன்றியதும் மருத்துவச் செலவிற்கும் கடற்கரைச் சிறுவர்கள் முதியவர் அனைவரும் மனித நேயம் கற்பிக்கின்றனர் .குதிரை பயிற்சியாளர் என எல்லாப் பாத்திரமும் அற்புதம் . படம் முழுவதும் முத்திரை உள்ளது .நம் எதிர்ப்பார்ப்பு பொய்க்க வில்லை .

மெரினா கடற்கரையில் காதல் செய்யும் அறிமுக நாயகன் சிவ கார்த்திகேயன் ,கதாநாயகி ஓவியா இருவரும் நன்றாக நடித்து உள்ளனர் .நல்ல நகைச்சுவை வசனங்கள் .இன்றைய காதலை நன்றாகப் பதிவு செய்துள்ளார் .   காதல் பற்றி சிந்திக்க வைக்கும் வைர வரிகள் .வசனம் மிக நன்றாக உள்ளது .பாராட்டுக்கள்

படத்தின் இறுதிக் காட்சில் நடக்கும் குதிரை ப் போட்டியை, கொடி அசைத்து துவங்கி வைக்கும் ஒரு காட்சியில் இயக்குனர் பாண்டிராஜ் வந்து போகிறார் .காதலன் காதலிக்கு பிறந்த நாள் பரிசாக பெரிய பெட்டி தர ,அதை பிரித்துப் பார்க்க , பார்க்க உள்ளே சின்ன பெட்டியாக வந்து கடைசியில் இட்டிலியும் கெட்டி சட்டினியும்   இருக்க .அந்த கெட்டி சட்டினியும் கெட்டுப் போய் இருக்க ,நல்ல நகைச்சுவை .

குழந்தைத் தொழிலாளர் முறை ஒழித்து சிறுவர்களை படிக்க வைத்தால் மிகப் பெரிய தலைவர்களாக வருவார்கள் என்று உணர்த்தும் மிக நல்லப் பாத்திரத்தில் பசங்க திரைப் படத்தில் சிறப்பாக நடித்து இருந்த ஜெயப்பிரகாஷ் இந்தப் படத்திலும் நன்றாக நடித்து உள்ளார் .இது படம் அல்ல பாடம் என்று சொல்வார்கள் .அது உண்மை .சிறுவர்களின் நண்பனை காவலர்கள் இழுத்துச் செல்லும்போது தவிக்கும் சிறுவர்கள் .முதியவர் இறந்ததும் அவரி காவலர்கள் எடுத்துச் செல்ல எத்தனிக்கும்போது தபால் காராரை வரவழைத்து தடுத்து ,முதியவரின் இறுதிச் சடங்கை சிறப்பாக நடத்தும் சிறுவர்கள் நம் கண்ணில் கண்ணீர் வர வைக்கிறார்கள்.மனித நேயம் கற்பிக்கும் படம் .

முகவரி இன்றி மெரினா கடற்கரையில் ஓட்டை படகில் வாழ்ந்து வரும்    ஆதரவற்ற சிறுவர்கள் தினமும் எங்களுக்கு கடிதம் இல்லையா ? என கேட்பதால் தபால்காரர் எல்லாச் சிறுவர்களுக்கும் பொங்கல் வாழ்த்து மடலும் ,அதில் உள்ளே ரூபாய் பணமும் வைத்துக் கொடுத்து சிறுவர்களை மகிழ்ச்சியில் ஆழ்த்துவது மனத நேயம் .உறவுகளால் கைவிடப் பட்ட முதியவர்கள் படும் பாடு நன்கு உணர்த்தி உள்ளார் .சென்னையின் யதார்த்த நிலை உண்மை முகம் படம் பிடித்துக் காட்டி உள்ளா இயக்குனருக்குப் பாராட்டுக்கள் .அறிமுக இசை அமைப்பாளரின் பாடலும் பின்னணி இசையும் நன்று .

      சிவ கார்த்திகேயன் பெயருக்குத்தான் கதாநாயகன் படத்தில் வரும் எல்லாப் பாத்திரங்களுமே கதாநாயகன்தான் .குடும்பத்துடன் அமர்ந்து பார்க்கும் படம் வந்து வெகு நாட்கள் ஆகி விட்டன . ஆனால் இந்தப் படத்தை குடும்பத்துடன் சென்று பார்க்கலாம் .

இயக்குனர் திரு .பாண்டிராஜ் அவர்களிடம் ஒரு வேண்டுகோள்.
படம் முடிந்தவுடன் தமிழ்த்தாய் வாழ்த்து பாடல் பாடுகின்றது .எலோரும் எழுந்து நின்று வெற்றிப் படம் தந்த இயக்குனருக்கு மரியாதை தரும் விதமாக இருந்தாலும் ,இந்த இயந்திர உலகத்தில் படம் முடிந்தவுடன் வரும் தமிழ்த்தாய் வாழ்த்து பாடல் முடியும் வரை நிற்க வில்லை ,எனவே தமிழ்த்தாய் வாழ்த்து பாடல் படத்தின் ஆரம்பத்தில் வரும் மாறு செய்யலாம் .

பேரறிஞர் அண்ணா கவிஞர் இரா. இரவி, மதுரை

2012-02-03T05:04:00.000-08:00

பேரறிஞர் அண்ணா

கவிஞர் இரா. இரவி, மதுரை
பேறிஞர் பட்டத்திற்கு முற்றிலும் பொருத்தமானவர்
பெயருக்கு அறிஞராக இருந்தவர் அல்ல அவர்
பெயரால் மட்டுமல்ல அறிவிலும் முதிர்ந்தவர்
பெயருக்கு முதல்வரல்ல அளப்பரிய சாதனை புரிந்தவர்
பெரியாரின் கொள்கைகளை நாட்டில் நடைமுறைப்படுத்தியவர்
பெரியாரை மட்டுமே நிரந்தர தலைவராக ஏற்றவர்
கருத்து சொல்வதில் மேல்நாட்டவரை வென்றவர்
கருத்து வேறுபட்ட போதும் பெரியாரைப் போற்றியவர்
அழகு தமிழிலும் அந்நிய ஆங்கிலத்திலும் புலமை பெற்றவர்
அற்புதமாக உரையாற்றி அனைவரின் உள்ளம் கவர்ந்தவர்
கடமை கண்ணியம் கட்டுப்பாடு கற்றுத் தந்தவர்
கடமையை கண்ணியமாகச் செய்து கட்டுப்பாடு காத்தவர்
காஞ்சியில் மறந்து காஞ்சிக்கு பெருமை சேர்ந்தவர்
கஞ்சிக்கு வழிசெய்து ஏழைகளைச் சிரிக்க வைத்தவர்
குற்றால அருவியென இலக்கிய உரை நிகழ்த்தியவர்
குன்றத்து விளக்கென அறிவால் அகிலம் ஒளிர்ந்தவர்
கட்டுரை,கதை கவிதை திரைக்கதை வசனம் புதினம் தந்தவர்
கட்டுக்கடங்கா கற்கண்டு இலக்கியம் படைத்தவர்
அடுக்கு மொழி பேச்சில் அழகு முத்திரை பதித்தவர்
அனைவருக்கும் மேடை பேச்சிற்கு ஆசானாக அமைந்தவர்
உருவத்தில் குள்ளமானாலும் உள்ளத்தால் உயர்ந்தவர்
ஒய்வின்றி உழைத்து அழியாப் புகழைச் சேர்த்தவர்
உலகின் இரண்டாவது பெரிய கடற்கரை மெரினா
உலகின் முதலாவது பெரிய பேறிஞர் அண்ணா
பகுத்தறிவுச் சிந்தனையை மென்மையாக விதைத்தவர்
பண்பாட்டுக் கருத்துக்களை மேன்மையாக விளக்கியவர்
பத்தரை நித்திரை முத்திரை என உரைத்தவர்
பேச்சில் அடுக்கு மொழியை அள்ளி வீசியவர்
மூக்கிற்கு பொடிப் போடும் பழக்கம் உள்ளவர்
மூக்கில் விரல் வைக்கும் வண்ணம் பேசிடும் வல்லவர்
மாற்றான் தோட்டத்து மல்லிகைக்கு மணமுண்டு சொல்லியவர்
மாற்றாரை மதிக்கும் உயர்ந்த குணம் உடையவர்
எதுகை மோனை இயைபு எனத் தெளித்தவர்
எதையும் தாங்கும் இரும்பு இதயம் பெற்றவர்
சொக்கத்தங்கம் போன்ற உள்ளம் கொண்டவர்
சொக்க வைக்கும் வண்ணம் பேசிடும் நல்லவர்
தமிழ் இன உணர்வுச் சுடர் ஏற்றி வைத்தவர்
தமிழ் மொழிக்கு அரியணை தந்து உயர்த்தியவர்
தமிழக வரலாற்றில் தனக்கென உயர்ந்த இடம் பெற்றவர்
தமிழக முதல்வர்களில் முதல்வராக நிலைத்து நின்றவர்
பெரியாரின் சீடர் என்பதை என்றும் மறக்காதவர்
பெரியாருக்குக் காணிக்கை என் ஆட்சி என்றவர்
மெரினா கடற்கரைக்கு பெருமை சேர்த்தார் அண்ணா
மெரினாவில் உறங்குவதால் புகழ் பெற்றது மெரினா

கவிஞர் ந .க. துறைவன் எழுதிய சொல் கொண்ட மேகங்கள் நூல் வெளியீட்டு விழா

2012-02-03T04:56:00.000-08:00

கவிஞர் ந .க. துறைவன் எழுதிய சொல் கொண்ட மேகங்கள் நூல் வெளியீட்டு விழா

சென்னை தேவநேயப் பாவாணர் நூலகத்தில் கவி ஓவியா மாத இதழ் சார்பில் .கவிஞர் ந .க. துறைவன் எழுதிய சொல் கொண்ட மேகங்கள் நூலை விஞ்ஞானி நெல்லை சு .முத்து வெளியிட கவிஞர் இரா .இரவி பெற்றுக் கொண்டார் .கவிஞர் வண்ணை சிவா ,யாழினி முனுசாமி ஆகியோர் நூல் குறித்து கருத்துரை வழங்கிட ,நூல் ஆசிரியர் கவிஞர் ந .க. துறைவன் ஏற்புரையாற்றினார் .கவி ஓவியா ஆசிரியர் மயிலாடுதுறை இளைய பாரதி விழாவிற்கான ஏற்பாடு செய்தார் .

லிபுன் 2 கவிஞர் இரா .இரவி

2012-02-01T07:21:00.001-08:00

லிபுன் 2 கவிஞர் இரா .இரவி

தடுக்கி விழுந்தால் மதுக்கடை என்ற நிலை இன்று .பள்ளி இல்லாத ஊரிலும் மதுக்கடை திறக்க வேண்டும் என்று குடிமகன்கள் கோரிக்கை .பண்டிகை நாட்களில் பல கோடி வருமானம் மதுக்கடைகளுக்கு .உழைத்து வந்தப் பணத்தை குடித்து வீணடிப்பது முறையோ ? சிந்திப்பீர் .குடிகாரனை சமுதாயத்தில் யாருமே மதிப்பதில்லை .குடித்து தன் மதிப்பை தானே இழக்கலாமா ?
குடி குடியை மட்டும் கெடுக்க வில்லை .குடி மதியையும் கெடுக்கும் .

மதியை மயக்கும் போதை
மன நிம்மதி அழிக்கும் மது
தவறாகும் செல்லும் பாதை

லிபுன் கவிஞர் இரா .இரவி

2012-02-01T06:09:00.001-08:00

லிபுன் கவிஞர் இரா .இரவி

மனைவியின் கருவில் இருப்பது பெண் குழந்தை என்பதை சட்ட விரோதமாக தெரிந்து கொண்ட கணவன் ,கருவைச் சிதைக்க மருத்துவரிடம் வேண்டினான் .பெண் சிசுக் கொலை தொடர்வதால் பெண்ணின் பிறப்பு விகிதம் குறைந்து கொண்டே வருகின்றது. எனவே , வேண்டாம் சிசுக் கொலை .தாயாகவும் மனைவியாகவும் பெண் வேண்டும் என்போர், மகளாக பெண் வந்தால் இனிய மனதுடன் ஏற்க முன் வர வேண்டும் .எனவே சிசுக்கொலை செய்ய மாட்டேன் என்றார் மருத்துவர் .

வேண்டாம் பெண் சிசுக்கொலை
வேண்டும் பெண் இனம் என்றும்
மாறவேண்டும் மக்கள் மனநிலை

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

ஹைக்கூ கவிஞர் இரா .இரவி

2012-02-01T05:42:00.001-08:00

ஹைக்கூ கவிஞர் இரா .இரவி

பறவைகளின் எச்சம்
மரங்கலானது மிச்சம்
இயற்கையின் உச்சம் !

அமர்வதும் அழகு
பறப்பதும் அழகு
பட்டாம் பூச்சி !

உணரந்தவர்கள் மட்டும்
உணரும் உன்னது உணர்வு
காதல் !
பொன்முட்டை வாத்து
அறுத்த கதையாக
மரம் வெட்டி விறகு !

விலங்கை முறி
சிறகை விரி
இளம் விதவை !

அழுவதில்லை
சிறைபடுத்தப்பட்டும்தொட்டி மீன்கள் !

பயமுறுத்தியது
கர்ஜனை
சிங்கம் !

தேவையில்லை
தண்ணீர்
செயற்கைச் செடிகள் !

ஏமாளித் தொண்டன்
கோமாளித் தலைவன்
அரசியல் !

சுதந்திர இந்தியாவில்
சுதந்திரக் கொள்ளை
அரசியல் !

ரணமானது மனசு
புயல் நிவாரணத்திலும்
கையூட்டு !

அப்போது எப்போது என்பது தெரிந்து
இப்போது எப்போது என்பது தெரியாது
தொடரும் மின் தடை !

ஹைக்கூ ஆற்றுப்படை » Buy Tamil Books online, Audio Books online from நூல் உலகம்

2012-01-30T18:59:00.000-08:00

ஹைக்கூ ஆற்றுப்படை » Buy Tamil Books online, Audio Books online from நூல் உலகம்

மனதில் ஹைக்கூ » Buy Tamil Books online, Audio Books online from நூல் உலகம்

2012-01-30T18:58:00.000-08:00

மனதில் ஹைக்கூ » Buy Tamil Books online, Audio Books online from நூல் உலகம்

சுட்டும் விழி » Buy Tamil Books online, Audio Books online from நூல் உலகம்

2012-01-30T18:56:00.000-08:00

சுட்டும் விழி » Buy Tamil Books online, Audio Books online from நூல் உலகம்

இலக்கிய சங்கமம் நூல் ஆசிரியர் முனைவர் அ.சங்கரி . நூல் விமர்சனம் கவிஞர் இரா .இரவி

2012-01-30T08:15:00.000-08:00

இலக்கிய சங்கமம்

நூல் ஆசிரியர் முனைவர் அ.சங்கரி

நூல் விமர்சனம் கவிஞர் இரா .இரவி

காவ்யா பதிப்பகம் சென்னை விலை ரூ 90

தமிழகத்தில் இலக்கிய இணையர் என்றால் தமிழ்த்தேனீ இரா .மோகன் ,தமிழ்ச்சுடர் நிர்மலா மோகன் .கர்னாடகத்தில் இலக்கிய இணையர் என்றால் முனைவர் இரா .சீனிவாசன் , முனைவர் அ.சங்கரி.இருவரும் பெங்களூர்த்   தமிழ்ச்சங்கத்தில் தங்களை இணைத்துக்    கொண்டு தமிழ்ப்பணி செய்து வருகின்றனர் .தமிழ் இலக்கியங்களை கன்னடத்தில் மொழி பெயர்க்கும் பணி செய்து வருகின்றனர் .திருக்குறளை கன்னடத்தில் படித்து இருந்தால் திருவள்ளுவர் சிலை திறப்பிற்கு பல வருடங்கள் தடை செய்து இருக்க மாட்டார்கள் என எண்ண தோன்றுகிறது .

நூல் ஆசிரியர் முனைவர் அ.சங்கரிஅவர்கள் இலக்கிய சங்கமம் என்ற இந்த நூலில் தமிழ் இலக்கியத்தில் உள்ள நுட்பங்களை, பெருமைகளை ,ஆற்றல்களை வெளிப்படுத்தும் விதமாக மிகச் சிறப்பாக எழுதி உள்ளார்கள் .    நூல் ஆசிரியர் முனைவர் அ.சங்கரி தமிழ் பேராசிரியராகவும் ,தமிழ்த்துறைத் தலைவராகவும் இருந்த காரணத்தால் இலக்கிய ஈடுப்பாட்டின் காரணமாக நல்ல ஆய்வு செய்து நூல் எழுதி உள்ளார்கள் .இந்த நூலைப் படித்து விட்டு ஒவ்வொரு தமிழரும், தமிழ் இலக்கியத்தில் உள்ள அளவிற்கு நல்ல கருத்துக்கள் உலகத்தில் வேறு எந்த மொழியிலும் இல்லை என்று மார் தட்டிக் கொள்ளலாம் .

                    12 தலைப்புகளில்   மிகச் சிறந்த கட்டுரைகளின் தொகுப்பாக நூல் வந்துள்ளது .தமிழ் இலக்கியங்களில் இயற்கைக் காட்சிகளைப் படம் பிடித்துக் காட்டி உள்ளார் . மனோன்மணீயம் ,முத்தொள்ளாயிரம் ,பெரிய புராணம் ,திருக்குறள் ,கம்ப ராமாயணம் இவற்றில் உள்ள இயற்கைக் காட்சிகளை பாடல் வரிகளுடன் மிக அழகாக விளக்கி உள்ளார்கள் .
திருவள்ளுவர் -சமுதாய வழிகாட்டி என்ற தலைப்பில் உள்ளக் கட்டுரை உலகப் பொது மறையான திருக்குறளின் சிறப்பை நன்கு எடுத்து இயம்பி உள்ளார் .

திருக்குறள் அ என்னும் உயிர் எழுத்தில் தொடங்கி ன் என்னும் மெய் எழுத்தில் முடிகின்றது என்ற தகவல் நூலில் உள்ளது .
அறத்தின் சிறப்பு

அழுக்காறு அவா வெகுளி இன்னாச்சொல்
இன்நான்கும் இழுக்கா இயன்றதறம்                               குறள் 35

முக்கியமான திருக்குறளும் அதற்க்கான விளக்கமும் மிகச் சிறப்பாக உள்ளது .
சித்திரம் வரையும் ஓவியன் ,தன்னுடைய அகக் கண்ணால் உணர்ந்து ,அழகான சித்திரத்தை வரைந்து ,தானும் மகிழ்வதுடன் பிறரையும் மகிழ்வடையச் செய்கிறான் .அதுபோல திருவள்ளுவர் தன் அகக் கண்ணால் உணர்ந்தவற்றை திருக்குறளின் வாயிலாக வடித்துக் காட்டி தானும் மகிழ்ந்து பிறரையும் மனம் மகிழச் செய்துள்ளார் .அதுபோல இந்நூல் முனைவர் அ.சங்கரி தமிழ் இலக்கியங்களில் தான் படித்து மகிழ்ந்த காட்சிகளைக் கட்டுரையாக்கி   வாசகர்களை மகிழ்வித்துள்ளார் .

தமிழ் இலக்கியங்களில் கணிதம் என்ற கட்டுரைப் படித்து வியந்துப் போனேன்.கால அளவையாக தமிழன் அன்றே பயன்படுத்தியச் சொற்கள் பாருங்கள் .இமை ,நொடி , கடிகை ,நாழிகை,மணி இந்தச் சொற்கள் எந்தப் பாடலில் உள்ளது என்பதை விளக்கி உள்ளார்.
தமிழர்களின் விருந்தோம்பல் பற்றி எழுதுவதோடு நின்று விடாமல் , பெங்களூர்த்   தமிழ்ச்சங்கத்தில் பட்டி மன்றம் பேச வந்த தமிழ்த்தேனீ இரா .மோகன் அணியினர் அனைவரையும் இல்லத்திற்கு அழைத்து ,தன் கைப்பட சமைத்து அருஞ்சுவை உணவு கொடுத்து ,தன் படைப்புகளான அரிய நூல்களில் கையொப்பம் இட்டுக் கொடுத்து ,அன்பைப் பொழிந்து   முனைவர் இரா .சீனிவாசன் , முனைவர் அ.சங்கரி இணையர் தமிழர்களின் விருந்தோம்பல்இன்றும் கடைப் பிடித்து வருகின்றனர் .

புகழ்ப்பெற்ற தசராப் பண்டிகை வரலாறு பற்றி ஒரு கட்டுரை உள்ளது .திருக்குறள் புறநானூறு ,தொல்காப்பியம் ,பரிபாடல் ,கம்ப ராமாயணம் தமிழ் இலக்கியங்களை ஆழ்ந்துப் படித்து ஆராய்ந்து நூல் எழுதி உள்ளார்கள் . பெண்ணியம் அன்றும் இன்றும் கட்டுரை மிகச் சிறப்பு .

ஆணாதிக்கம் விதைக்கும் சொல்லாடல்களுக்கான கன்டனத்தை நன்கு பதிவு செய்துள்ளார் .

பொம்புளை சிரிச்சாப் போச்சு
புகையிலை விரிச்சாப் போச்சு

அறியாமை பெண்ணிற்கழகு

இந்திரன் கெட்டதும் பெண்ணாலே
சந்திரன் கெட்டதும் பெண்ணாலே

இது போன்ற சொல்லாடல்கள் சமுதாயத்தில் ஒழிக்கப் பட வேண்டும் .
ஆளுமைத்திறன் பற்றிய கட்டுரையில் நற்றிணை பாடல் ,மகா கவி பாரதியார் வைர வரிகளுடன் மிகச் சிறப்பாக மேற்கோள் காட்டி உள்ளார்கள் .

பெரிய புராணம் பற்றிய ஆய்வுக் கட்டுரை மிக நன்று .பாரதியார் கவிதைகளில் மனித நேயம் மிக நல்ல ஆய்வு .மிகச் சிறந்த ஆய்வுக் கட்டுரைகளின் தொகுப்பு இந்நூல் .தமிழ் இலக்கியங்கள் என்ற மலர்களில் இருந்து தேன்
எடுத்து இலக்கியத் தேன் விருந்து படைத்துள்ளார் .இலக்கிய சங்கமம் என்ற இந்த நூல் .தமிழ் இலக்கியத்தின் சங்கீதமாக காதில் ஒலிக்கின்றது .

கர்னாடகத்தின் இலக்கிய இணையர் முனைவர் இரா .சீனிவாசன் , முனைவர் அ.சங்கரி.இருவரும் இளம் வயதில் ரகுநாத் என்ற மகனை இழந்த சோகத்தை மறக்க, இலக்கியத்தில் ஈடுபட்டு வெற்றிக் கொடி நாட்டி வருகின்றனர் .

அன்புடன்

இணையத்தில் இலக்கியம் படித்து மகிழுங்கள்

2012-01-30T05:23:00.001-08:00

இணையத்தில் இலக்கியம் படித்து மகிழுங்கள்

கேரளாவின் கோர முகம் கவிஞர் இரா .இரவி

2012-01-29T19:17:00.000-08:00

கேரளாவின் கோர முகம் கவிஞர் இரா .இரவி
முல்லை பெரியாறு அணையை பிரிடீஷ் அரசு ஒதுக்கிய நிதி போதாமல் தன் சொந்த சொத்துக்களை வித்துக்கட்டினார்.திரு . பென்னி குக் என்ற மாமனிதர் .முல்லை பெரியாறு அணையை இடிக்க நினைப்பது அந்த தன்னலமற்ற தியாகி திரு .பென்னி குக் அவர்களுக்கு செய்யும் பச்சைத் துரோகம் வெள்ளையருக்கு இருந்த மனிதாபிமானம் கேரளா மனிதர்களுக்கு இல்லை .
புதிய அணை கட்டுகிறோம் என்ற பெயரில் சில கோடிகளை அரசியல் வாதிகள் சுருட்டுவதை தவிர வேறு ஒன்றும் நோக்கம் இல்லை .
காங்கிரஸ் அரசு இது வரை போட்ட திட்டங்களில் அரசியல் வாதிகள் சுருட் டியத்தைப் பார்த்து உலகமே சிரிக்கின்றது.
500ஆண்டுகளுக்கு திடமாக உள்ள அணையை உடைக்க வேண்டும் .புதிய அணை கட்ட வேண்டும் என்று குரல் கொடுக்கிறார்கள்.நன்றி மறந்தவர்கள் .நெய்வேலியில் இருந்து தமிழ் நாட்டு மின்சாரம் கேரளா செல்கின்றது .மாட்டுக் கறி உண்ண அடி மாடுகள் சாரை சாரையாக தினமும் கேரளா செல்கின்றது .அரிசி பருப்பு என அனைத்துப் பொருள்களும் தமிழகத்தில் இருந்துதான் செல்கின்றது .உண்டு கொளுத்து விட்டு வஞ்சனை செய்கிறார்கள் .
அணை இடிவது போல கிராபிக்ஸ் காட்சி குறுந்தகடு வெளியிட்டார்கள் .அணை இடிவது போல பித்தலாட்டமான படம் அணை 999 தயாரித்து உள்ளார்கள்.பாராளு மன்றத்தில் கேரளா அனைத்துக் கட்சி உறுப்பினர்களும் ஓரணியில் நின்று .புதிய அணை வேண்டும் என்று வம்பிற்கு குரல் கொடுக்கின்றனர்.ஆனால் தமிழக அனைத்துக் கட்சி உறுப்பினர்கள் இது வரை எந்தப் பிரச்சனைக்கும் ஓரணியில் நிற்பதே இல்லை .
பத்மநாபபுரம் கோயில் நகைகள் அனைத்தும் தமிழகத்திற்கு சொந்தம் என்று ஆய்வாளர்கள் ஆதாரத்துடன் விளக்கி உள்ளனர் .எனவே பத்மநாபபுரம் கோயில் நகைகள் அனைத்தும் தமிழகத்திற்கு ஒப்படைக்க வேண்டும் என்று போராட்டம் நடத்த வேண்டும் .
தமிழகத்தில் லட்சக் கணக்கான மலையாளிகள் பிரபல நகைக் கடைகள் ,ஜவுளிக் கடைகள் ,போக்கு வரத்து நிறுவனங்கள்,தேநீர்க் கடைகள் என பலவாறு நிறுவனங்கள் நடத்திக் கொண்டு மிகவும் வளமாகவும் ,நலமாகவும் .பாதுகாப்பாகவும் வாழ்ந்து வருகிறார்கள். எனவே, இப்படி பல்வேறு காரணங்களை மனதில் கொண்டு கேரளா அரசியல்வாதிகள் திருந்த வேண்டும் .வதந்தி பரப்பும் அணை 999 திரைப்பட இயக்குனரை கைது செய்ய வேண்டும் .
மனித நேய அடிபடையில் மனிதாபிமான அடிப்படையில் நாடு அமைதியாக இருக்க கேரளா ஒத்துழைப்புத் தர வேண்டும் .வீண் வம்பை விலைக் கொடுத்து வாங்க வேண்டாம் என்று கேரளாவிற்கு எச்சரிக்கை செய்கிறோம் .இங்குள்ள மனிதாபிமானமுள்ள மலையாளிகளும் அவர்கள் சங்கத்தின் சார்பாக கேரளாவிற்கு எச்சரிக்கை செய்ய வேண்டும் .தமிழன் சண்டைக்குப் போக மாட்டான் அனால் வந்த சண்டையை விட மாட்டான். என்பது வரலாறு .
திடமாக உள்ள அணையை உடைக்க வேண்டும் .புதிய அணை கட்ட வேண்டும் என்று தொடர்ந்து பொய்யாகக் குரல் கொடுக்கிறார்கள். பொய்யை திரும்பத் திரும்பச் சொன்னாலும் மெய் ஆகி விடாது .பொறுமைக்கு ஒரு எல்லை உண்டு ,தமிழன் பொருத்தது போதும் என்று பொங்கி எழுந்தால் தாங்க முடியாது .மனிதாபிமானத்தை ஏமாளித்தனம் என்று தவறாக எண்ணி விடாதீர்கள் . மத்தியில் ஆளும் காங்கிரஸ் கட்சி கேரளாவில் ஆளும் காங்கிரஸ் கட்சிக்கு உடனடியாக எச்சரிக்கை செய்ய வேண்டும் .தமிழக பாராளுமன்ற உறுப்பினர்களின் ஆதரவில்தான் மத்தியில் காங்கிரஸ் கட்சி ஆண்டு கொண்டு இருக்கிறது என்பதை நினைவில் வைத்துக் கொள்ள வேண்டும் .

மின்மினி இரு மாத ஹைக்கூ இதழ் ஜனவரி இதழ் வெளியீடு

2012-01-29T18:56:00.000-08:00

மின்மினி இரு மாத ஹைக்கூ இதழ் ஜனவரி இதழ் வெளியீடு

தேநீர் கோப்பையுடன் கொஞ்சம் ஹைக்கூ ஹைக்கூ நூல் வெளியீட்டு விழா .

2012-01-29T18:48:00.001-08:00

தேநீர் கோப்பையுடன் கொஞ்சம் ஹைக்கூ ஹைக்கூ நூல் வெளியீட்டு விழா .

மறையவில்லை முத்துக்குமார் இரா .இரவி

2012-01-28T21:51:00.000-08:00

மறையவில்லை முத்துக்குமார் இரா .இரவி

உடலால் உலகை விட்டு மறைந்த போதும்
உணர்வாளர்களின் உள்ளத்தில் என்றும் வாழ்கிறாய்
மரண வாக்கு மூலத்தை இறபிற்கு முன்
மின்னஞ்சல் அனுப்பி அதிர்ச்சியில் ஆழ்த்தினாய்
உலகில் தற்கொலை செய்வது கோழைத்தனம்
உந்தன் தற்கொலையோ நல் வீரத்தின் இலக்கணம்
உடலுக்கு தீ மூட்டி பரவிய ஒளியில்
உணர்வினை எமக்கு புகட்டிய புத்தன்
உந்தன் கோரிக்கையை ஆள்வோர் ஏற்று இருந்தால்
ஒரு லட்சம் ஈழத்தமிழர்கள் வாழ்ந்து இருப்பார்கள்
சர்வதேச சமுதாயத்திற்கு படு கொலைகளை
கவன ஈர்ப்பு செய்த திருமகன்
ஒரு லட்சம் ஈழத்தமிழர்கள் காக்க வேண்டி
ஒப்பற்ற உன் உயிர் மாயித்த மாவீரன்
ஈழத்தமிழர்கள் லட்சிய வரலாற்றில்
இனிய இடம் உனக்கு உறுதியாக உண்டுகொலைகாரன்களிடையே நடந்த தேர்தலில்
பெரிய கொலைகாரன் வெற்றி பெற்றான்
கொட்டு இல்லாமல் ஆடுவான் இனி
வெற்றிக் கொட்டு கிடைத்ததால் கூடுதலாக ஆடுவான்
ஆணவக்காரர்களின் ஆட்டம் நிரந்தரம் அன்று
ஆதிக்கம் நிலைத்ததாக வரலாறு இல்லை

இருள் மறைந்து ஒளி பிறக்கும் உறுதி
தனித்தமிழ் ஈழம் விரைவில் மலர்வதும் உறுதி

தமிழ் ஹைக்கூ ஆயிரம்-தொகுப்பாசிரியர் முனைவர் இரா.மோகன் .மதிப்புரை: முனைவர் ச.சந்திரா

2012-01-28T18:51:00.000-08:00

தமிழ் ஹைக்கூ ஆயிரம்-தொகுப்பாசிரியர்முனைவர் இரா.மோகன் eramohanmku@gmail.com

மதிப்புரை: முனைவர்ச.சந்திரா neraimathi@rocketmail.com

கோபுர நுழைவாயில்:

சேரமன்னர்பதின்மரின் வாகைசூடல் குறித்த பதிற்றுப்பத்து தோன்றியதுசங்க காலம்!நூற்றுவரின் சமுதாயச்சாடல் குறித்த தொகுப்பு நூலாம் 'தமிழ் ஹைக்கூ ஆயிரம்'உருவானது இக்காலம்! இந்திய தேசத்தின் தென்கோடியில்வசிக்கும் முத்தான கவிஞர்களின் படைப்புக்களில்முனை முறியாத அட்சதை அரிசியாய்,பதின்நூறு தெரிவு செய்யப்பட்டு வடகோடியில்ஒளிர்விடும் சாகித்ய அகாதமியால் வெளியிடப்பட்டிருக்கும் முனைவர்இரா.மோகன்அவர்களின் இத் தொகை நூல்ஹைக்கூ வரலாற்றில் அதிகமாய் பேசப்படவிருக்கின்றஅற்புதநூல்! தன்னலம் கருதாது பொதுநலச்சார்போடுபல்லோரின் பாங்கானப் படைப்புக்களைத் தொகுத்து வெளியிட்டிருக்கும் இத்தகையப் பெருந்தகையாளருக்கு முத்தமிழ்க்காவலர்நினைவுப்பரிசுவழங்கப்பட்டிருப்பது பொருத்தமான ஒன்றுதானோ?

ஒன்பான்சுவையா?அறுசுவையா?

மேல்கணக்குபதினெட்டு பிறந்தது சங்ககாலம்!கீழ்க்கணக்கு பதினெட்டு பிறந்தது சங்கம் மருவிய காலம்!ஹைக்கூ தொகைநூல் பத்தொன்பதுபிறந்தது இக்காலம்!முனைவர் இரா.மோகனின்இத்தொகுப்புநூல் பிறந்தததனால் ஹைக்கூவிற்குப்பொற்காலம்!விருந்திற்கு முன் தரப்படும் 'சூப்'-போல வாசகர்களைநூல்வாசிப்பிற்குத் தயார்செய்கின்றது தொகுப்பு ஆசிரியரின் முன்னுரை!பின்னிணைப்புக்களோ விருந்தின் நிறைவில் வழங்கப்படும் 'ஐஸ்கிரீம்'-போல சுவைக்கின்றது!நூற்றுக்கவிஞர்களின்உணர்வுப்பூர்வமான ஹைக்கூக்களோ தலைவாழை இலையில் பரிமாறப்படும்அறுசுவை உணவாய் ருசிக்கின்றது!

கலங்கரை விளக்கம்:

யாதும் ஊரே;யாவரும்கேளிர், எம்மதமும் சம்மதம்எனும்படி- மதுரைமுதல் புதுவை வரை,வந்தவாசிமுதல் வத்தலக்குண்டு வரை,சிவகங்கை முதல்செர்மனி வரை- தமிழ் தேசம்முதல் அயல்தேசம் வரையில் வாழும் இருபால்கவிகளின் படைப்புக்கள் இடம்பெறும்இந்நூல் பகுத்தறிவுப்பாதைக்கு மனிதர்களை இட்டுச்செல்கின்றது.இத்தொகுப்பில் சாதியம் நொறுக்கப்படுகின்றது.அறியாமைஅலசப்பட்டிருக்கின்றது.மூடநம்பிக்கை ஊதப்பட்டிருக்க,.தமிழியம் ஓதப்பட்டிருக்கின்றது.மங்கிப்போன மனிதநேய ஜோதிதூண்டப்பட்டிருக்கின்றது.மொத்தத்தில் இந்நூலில் சமகால இழிநிலைகளுக்கு சாட்டையடி கொடுக்கப்பட்டிருக்கின்றது.

கதம்பமாலை:

விழிகளும் மொழிகளுமாய்.பரிதியும் பால்நிலவுமாய்,மழைத்துளிகளும் மனிதநேயத்துளிகளுமாய்,இறகுகளும் சிறகுகளுமாய் ,எதிர்மறையும் நேர்மறையுமாய்,அஃறிணையின் கற்பித்தலும் உயர்திணையின் கற்றலுமாய் ,வினா-விடையும் வியத்தலுமாய்,தன்னம்பிக்கைச்சாலையில் நடை போடும் நன்னூல்இது!முள்ளும் முகவரி தேடும் இந்நூலில்ஒற்றை ரோஜா இதழ் திறந்துபேசுகின்றது!வண்ணங்கள் உடைபடுகின்றன!பூவும் தீயும் சந்தித்துஉரையாடுகின்றன!கடவுளின் காலடி சத்தம் கூடக்கேட்கின்றது.ரேகைகள் சிவக்கின்றன!ஊசித்துளைவழியே ஓர் ஊர்வலமே நடக்கின்றது.மொத்தத்தில் கிழக்கு வெளுக்கின்றது.

தன்னம்பிக்கை ஊட்டும்தமிழன்பனின்ஹைக்கூஇதோ!

"பத்தாவது தடவையாகவிழுந்தவனுக்கு

முத்தமிட்டுச் சொன்னதுபூமி

ஒன்பது முறை எழுந்தவனல்லவா நீ ! "(ப.25)

தமிழியம் ஊட்டும் கவிஞர் இரா .இரவிஹைக்கூஒன்று!

“ தமிழன் என்றுசொல்லடா!

தலை நிமிர்ந்துநில்லடா!

ஆங்கிலக் கையொப்பம்ஏனடா?”(ப.83)

தென்றல்நிலவனின் தெம்மாங்குமின்பாஒன்று!

"மெதுவாய் வீசுகாற்றே

செடியில் பூத்திருக்கு!

முதல் ரோஜா!"(ப.88)

இளந்தென்றலின் புயல்ஹைக்கூஇதோ! !

"சங்கங்கள் நெய்யூற்றினால்

எப்படி அணையும்

சாதீ?"(ப.87)

இளையதலைமுறையைச் சாடும்ஒருஹைக்கூ!

பெற்றவர் பட்டினி

நடிகருக்கு பாலாபிஷேகம்!

இந்தியா இளைஞர் கையில்!(ப.119.தமிழ்ச்செல்வி)

யதார்த்தத்தைப் பறைசாற்றும்ஹைக்கூஒன்று!

"நேற்று வரைதூற்றியவர்கள்

நாளை முதல்போற்றுவார்கள்!

இன்று அவன்இறந்துவிட்டான்!(ப.33.கழனியூரன்)

தொன்மக்குறியீட்டுப் பாஒன்று!

ஞானப்பால் கிடைக்கலையாம்

தீக்குச்சி அடுக்கும்

சிவகாசி ஞானசம்பந்தன்கள்!(ஸ்ரீரசா.ப.89)

மனமார...

முத்தான கவிகளின் மூவைந்து ஆண்டுகாலப்படைப்புக்களை முனைப்புடன் தெரிவு செய்து தமிழன்னைக்குபுத்தாபரணமாய் சூட்டியிருக்கும் தொகுப்பாசிரியர் முனைவர்இரா.மோகன்அவர்களின் இலக்கியப்பணி தேசங் கடந்து தொடரஎன்போன்றோரின் மனமார்ந்த வாழ்த்துக்கள்!

--

ஹைக்கூ கவிஞர் இரா .இரவி

2012-01-28T01:57:00.000-08:00

ஹைக்கூ கவிஞர் இரா .இரவி

விழித்த
விதை
விருட்சம்

தூங்கிய
விதை
குப்பை

மிகவும் ஒல்லி
பெயர்
குண்டுமலை

பார்த்தீனியமாகப்
பெருகியது
ஊழல்

விலைவாசி குறையுமா ?
விடியல் விளையுமா ?
ஏக்கத்தில் ஏழைகள்

இங்கிலாந்துக்காரனின்
இனிய சுவடுகள்
கல் கட்டிடங்கள்

அங்கிகரிக்கப்பட்ட
சூதாட்டம்
பங்குச்சந்தை

துன்ப இருள்
அகற்றும் விளக்கு
திருக்குறள்

அறநெறிப்படுத்தி
அன்பைப் போதிக்கும்
ஆத்திச்சூடி

பெண்ணுரிமையின்
முதல் குரல்
கண்ணகி

தமிழில் புதிய முயற்சி லிபுன் கவிஞர் .இரா .இரவி

2012-01-27T05:57:00.001-08:00

தமிழில் புதிய முயற்சி

லிபுன்              கவிஞர் .இரா .இரவி

காதல் ஜோடி இருவர் .ஆனால் அருகே பலர் .நேரடியாகப் பேசிக் கொள்ள முடியாத சூழ்நிலை .இருவரும் அருகில் உள்ள பலருக்கும் தெரியாமலே விழிகளாலே பல பேசினார்கள் .சம்மந்தப்பட்ட இருவருக்கும் நன்கு புரிந்தது .ஆனால் அருகில் இருந்த எவருக்கும் எதுவும் புரியவில்லை .காதல் மொழி பேச இதழ்கள் வேண்டாம் .விழிகளே போதும் என்று பேசிவிட்டு இருவரும் விடைப்பெற்று சென்றனர் .காதலி என்ன சொன்னாள்.காதலன் என்ன சொன்னான் என்பது இருவர் மட்டுமே அறிந்த ரகசியம் .

பேசும் அவள் விழிகள்
காதல் மொழி நாளும் சொல்லும்
ஒய்வு எடுத்தன இதழ்கள்

----------------------------------------------------------------------------------------------------------------------------------------------------------------------------------------------------------------------------------------------------------
லிபுன்              கவிஞர் .இரா .இரவி மலர்க்கண்காட்சி யின் உள்ளே நுழைந்தான் .பார்த்தான் பரவசம் அடைந்தான் .இத்தனை வண்ணங்களா ? வியந்தான் .இயற்கையின் இனிய கொடை எண்ணங்களை இனிமையாக்கியது.மலர்களில் எந்த மலர் சிறந்த மலர் என்ற கேள்விக்கு விடை தெரியாமல் விழி பிதுங்கி நின்றான் .
ஒவ்வொரு மலரும் ஒருவித அழகு .வாழ்நாள் குறைவு என்றாலும்,வாடாமல் சிரிக்கும் மலர்களைப் பார்த்துக் கற்றுக் கொண்டான் . மலர்க்கண்காட்சி காண்பது    மனதிற்கு மகிழ்ச்சி ,குளிர்ச்சி என்பதை உணர்ந்தான் .

மனதை வருடும் மலர்க்கண்காட்சி
மண்ணில் மலர்ந்த மலர்களின் ஆட்சி
பரவசம் பார்த்தவர்கள் சாட்சி
--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:51:00.000-08:00

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:49:00.000-08:00

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:46:00.000-08:00

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:43:00.000-08:00

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:41:00.000-08:00

கவிஞர் இரா .இரவி தன் செல்லிடப்பேசியில் எடுத்த பெங்களூர் ,மைசூர் புகைப்படங்கள்

2012-01-26T06:39:00.000-08:00

உணவுத் திருவிழாவில் உணர்வுத் திருவிழாவாக கவியரங்கம் நடைப்பெற்றது

2012-01-26T02:18:00.000-08:00

மதுரையில் நடந்த உணவுத் திருவிழாவில் உணர்வுத் திருவிழாவாக கவியரங்கம் நடைப்பெற்றது .தலைமை கவிஞர் பொற்கை பாண்டியன் உடன் கவிஞர்கள் இரா .இரவி ,அருச்சுனன் ,கா .கண்ணதாசன் கவிதை வாசித்தனர் .

ஹைக்கூ கவிஞர் இரா .இரவி

2012-01-26T02:11:00.000-08:00

ஹைக்கூ கவிஞர் இரா .இரவி

விதைத்தவர் இல்லை
வளர்ந்து சிரித்தது
மரம்

உருவம் இல்லை
உணர்வு இனிது
தென்றல்

அங்கீகரிக்கப்பட்ட
கையூட்டானது
வரதட்சணை

விலை ஏறும் தங்கம்
வேதனையில்
பெற்றோர்

பணி ஒய்வுப் பெற்றாலும்
சிந்தனை ஒய்வு இல்லை
எழுத்தாளர்

பறக்கும் பட்டத்துடன்
சேர்ந்து பறந்தது
மனசு

உடலுக்கு மட்டுமல்ல
உள்ளத்திற்கும் நல்லது
காய்கறிகள்

காரணப்பெயரோ ?
ஆங்கிலத்தில்
வெண்டிக்காய்

பாவாடை அணிந்த
காய்
கத்தரிக்காய்

உணர்த்தியது
வாழ்வின் வெறுமை
வெங்காயம்

கூடியது சுவை
இலையில் இட்ட
உணவு

பறித்ததும் சிரித்தது
அற்ப ஆயுள்
ரோஜா

இதழ்கள் சொல்லவில்லை
கூந்தல் சொல்லியது
வருகிறேன்

இல்லை என்றால்
மிகவும் சிரமம்
மின்சாரம் சம்சாரம்

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

ஹைக்கூ கவிஞர் இரா. இரவி

2012-01-26T01:36:00.000-08:00

ஹைக்கூ கவிஞர் இரா. இரவி

மலரே ரசித்தது
மலர்க் கண்காட்சி
என்னவள்

வண்ணங்கள் எத்தனை
உணர்த்தியது
மலர்க் கண்காட்சி

இயற்கையின் மேன்மை
இனிதே சொல்லியது
மலர்க் கண்காட்சி

நினைவிற்கு வந்தது
சரவிளக்கு
பொன்சாய்மரம்

பலன் தரவில்லை
பெயர்
வாகை மரம்

பயணத்தில்
உடன் வரவில்லை
வந்தால் நினைவில்

வரப்பு உயர
நீர் உயரும்
வரப்பு ?

எங்கெங்கோ மலர்ந்த
மலர்களை இணைத்தது
நார்

எங்கெங்கோ பிறந்த
இருவரை இணைத்தது
காதல்

வழியே
தெரியவில்லை
வழிகாட்டி ?

சிறகுகள் அசைத்து
சிகரம் தொட்டது
பறவை

விலைவாசி
ஆலைக் கரும்பாக
மக்கள்

காற்றாடி
சுழன்று
தந்தது மின்சாரம்

விலை ஏறியது
வருத்தமில்லை
குடிகாரன்

சென்னையில் நடந்த முனைவர் வெ.இறையன்பு அவர்களின் நான்கு நூல்கள் வெளியீட்டு விழா புகைப்படங்கள்

2012-01-26T01:32:00.000-08:00

சென்னையில் நடந்த முனைவர் வெ.இறையன்பு அவர்களின் நான்கு நூல்கள் வெளியீட்டு விழா புகைப்படங்கள்

மைசூர் புகைப் படங்கள்

2012-01-25T07:54:00.000-08:00

மைசூர் புகைப் படங்கள் ,தமிழ்த்தேனீ முனைவர் இரா மோகன், .கவிஞர் இரா. இரவி,முத்து இளங்கோவன், திருநாவுக்கரசு

பெங்களுர்த் தமிழ்ச் சங்கத்தில்

2012-01-25T07:46:00.000-08:00

பெங்களுர்த் தமிழ்ச் சங்கத்தில் முத்தமிழ்க் காவலர் விருதுப் பெற்ற தமிழ்த்தேனீ முனைவர் இரா மோகன் அவர்களுக்கு பாராட்டும், தமிழ்த்தேனீ முனைவர் இரா மோகன் அவர்களை நடுவராகக் கொண்டு சிறப்புப் பட்டிமன்றம் நடைபெற்றது .உடன் பெங்களுர்த் தமிழ்ச் சங்கத்தின் தலைவர் மு .மீனாட்சி சுந்தரம் செயலர் கோ .தாமோதரன் ,பேராசிரியர் சீனிவாசன் ,தமிழ்ச் சுடர் முனைவர் நிர்மலா மோகன்,முனைவர் சங்கரி ,கவிஞர் இரா. இரவி,முத்து இளங்கோவன், திருநாவுக்கரசு ,பெங்களுர்த் தமிழ்ச் சங்கப் பொறுப்பாளர்கள்.
--

தமிழ் வளர்ச்சித் துறையின் சார்பில்மேனிலை ப் பள்ளி மாணவர்களுக்கான கவிதை கட்டுரை பேச்சுப்போட்டிகள் நடந்தது

2012-01-20T08:19:00.000-08:00

தமிழ் வளர்ச்சித் துறையின் சார்பில்மேனிலை ப் பள்ளி மாணவர்களுக்கான கவிதை கட்டுரை பேச்சுப்போட்டிகள் நடந்தது

மதுரை கேப்ரங்கால் மகளிர் மேனிலைப் பள்ளியில் நடைப் பெற்றது. பள்ளியின் தேசிய மாணவிகள் படையின் மரியாதை அணிவகுப்பு நடந்தது .

2012-01-20T08:18:00.000-08:00

தமிழ் வளர்ச்சித் துறையின் சார்பில் மேனிலை ப் பள்ளி மாணவர்களுக்கான கவிதை கட்டுரை பேச்சுப்போட்டிகள் நடந்தது. வெற்றிப் பெற்றவர்களுக்கு பரிசுத் தொகை வழங்கி பாராட்டும் விழா மதுரை கேப்ரங்கால் மகளிர் மேனிலைப் பள்ளியில் நடைப் பெற்றது. பள்ளியின் தேசிய மாணவிகள் படையின் மரியாதை அணிவகுப்பு நடந்தது .

தமிழ் வளர்ச்சி உதவி இயக்குனர் முனைவர் க .பசும்பொன் வரவேற்றார் .பள்ளியின் தாளாளர் திரு .மார்த்தாண்டன் தாமஸ், உதவி சுற்றுலா அலுவலர் கவிஞர் இரா.இரவி,கவிஞர் பாண்டுரங்கன் ,புலவர் ஆறுமுகம் எழுத்தாளர் கர்ணன், கனல்பூக்கள் ஆசிரியர் கவிஞர் சாந்தி ஆகியோர் வாழ்த்துரை வழங்கினார்கள். முதன்மைக் கல்வி அலுவலர் முனைவர் சு .நாகராச முருகன் வெற்றிப் பெற்றவர்களுக்கு பரிசுத் தொகை வழங்கி,சிறப்புரையாற்றினார் .மூன்று போட்டிகளுக்கும் தலா முதல் பரிசு ரூபாய் 10000 இரண்டாம் பரிசு ரூபாய் 7000
பள்ளியின் தலைமை ஆசிரியர் லீலா மனோகரி நன்றி கூறினார்.

முடிந்த அளவிற்கு ஆங்கிலச் சொல் கலப்பின்றி நல்ல தமிழில் பேசுங்கள் .மம்மி டாடி என்று அழைப்பதை விடுத்து அம்மா ,அப்பா என்று அழையுங்கள் ,தொலைக் காட்சித் தொடர்களைப் பார்க்காதீர்கள் போன்ற வேண்டுகோள் மாணவ, மாணவியரிடம் விடுக்கப் பட்டது .

சாகித்ய அகதமி விருதுப் பெற்று ,மதுரைக்குப் பெருமை சேர்த்த எழுத்தாளர் சு .வெங்கடேசனுக்கு

2012-01-20T01:44:00.000-08:00

சாகித்ய அகதமி விருதுப் பெற்று ,மதுரைக்குப் பெருமை சேர்த்த எழுத்தாளர்
சு .வெங்கடேசனுக்கு மதுரையில் நடந்த பாராட்டு விழாவில் கவிஞர் இரா.இரவி பொன்னாடைப் போர்த்தி, சுட்டும் விழி என்ற தன் நூலை வழங்கிப் பாராட்டினர்.

மதுரை விரகனூர் வேலம்மாள் மெட்ரிக் மேல் நிலைப் பள்ளியில் பொங்கல் விழா நடைப்பெற்றது

2012-01-18T07:24:00.000-08:00

மதுரை விரகனூர் வேலம்மாள் மெட்ரிக் மேல் நிலைப் பள்ளியில் பொங்கல் விழா நடைப்பெற்றது

மதுரை விரகனூர் வேலம்மாள் மெட்ரிக் மேல் நிலைப் பள்ளியில் பொங்கல் விழா நடைப்பெற்றது .தமிழ்த் துறை ஆசிரியர் வரவேற்றார் பள்ளியின் .முதல்வர் M.செல்வராணி தலைமை வகித்தார் .தமிழாசிரியர் ,கவிஞர் மூவேந்திரன் அவர் எழுதிய கவிதையை தெம்மாங்குப் பாடலாகப் பாடினார் .ஆசிரியர்களின் பயிற்சியின் காரணமாக மாணவியரின் கிராமிய நடனம் மிகச் சிறப்பாக இருந்தது .பாடல், மாறு வேடம் என கலை நிகழ்ச்சிகள் நடைப்பெற்றது .கவிஞர் இரா .இரவி சிறப்பு விருந்தினராகக் கலந்துக் கொண்டு தமிழர் திருநாள் பொங்கல் பற்றியும், தன்னம்பிக்கை தொடர்பாகவும் உரையாற்றினார் .விழாவில் நான்காயிரத்திற்கும் மேற்பட்ட மாணவ மாணவியர் கலந்துக் கொண்டனர். பள்ளியின் சார்பாக ஆசிரியர்களும் ,மாணவ ,மாணவியர் பொங்கல் வைத்தனர் .மதுரை நரசிங்கம் சாலையில் உள்ள ஆதரவற்ற குழந்தைகள் நல அறகட்டளை நிர்வாகி P. பாண்டிச் செல்வியிடம், பள்ளியின் சார்பாக நலத் திட்ட உதவிகளை கவிஞர் இரா .இரவியும் ,பள்ளியின் முதல்வர் M.செல்வராணியும் வழங்கினார்கள் .பள்ளியின் துணை முதல்வரும் ,ஆசிரியர்களும் ,தமிழாசிரியர் ,கவிஞர் கண்ணதாசன் ஆகியோர் விழாவிற்கான ஏற்பாடு செய்தனர் .

புகைப்படங்கள்

2012-01-16T09:12:00.000-08:00

திருவள்ளுவர் திருநாள் மற்றும் தமிழக அரசின் விருது வழங்கும் விழா புகைப்படங்கள் .கலைமாமணி ஏர்வாடி எஸ் .ராதாகிருஷ்ணன் விருது பெரும் புகைப்படங்கள் .நன்றி திரு அகில் www.tamilauthors.com

புகைப்படங்கள்

2012-01-16T09:08:00.000-08:00

திருவள்ளுவர் திருநாள் மற்றும் தமிழக அரசின் விருது வழங்கும் விழா புகைப்படங்கள் .தமிழ்த் தேனீ முனைவர் இரா .மோகன், விருது பெரும் புகைப்படங்கள் .நன்றி திரு அகில் www.tamilauthors.com

பொங்கல் விழா புகைப்படங்கள்

2012-01-16T02:41:00.000-08:00

தமிழ்நாடு அரசு சுற்றுலாத்துறையின் சார்பில் , மதுரை திருமால்புரம் கிராமத்தில் நடந்த பொங்கல் விழா புகைப்படங்கள்

பொங்கல் விழா புகைப்படங்கள்

2012-01-16T02:34:00.000-08:00

'கூடுகள் சிதைந்தபோது' நூல் வெளியீட்டு விழா

2012-01-15T18:15:00.000-08:00

www.tamilauthors.com என்ற இணையத்தின் ஆசிரியர், இனிய நண்பர், கவிஞர் ,எழுத்தாளர் கனடா அகில் எழுதிய

'கூடுகள் சிதைந்தபோது' நூல் வெளியீட்டு விழா

அகில் எழுதிய 'கூடுகள் சிதைந்தபோது' சிறுகதைத் தொகுப்பு வெளியீட்டு விழா 15.01.2011 அன்று 35 ஆவது சென்னை புத்தகக் கண்காட்சியில் அரங்கு எண் 313> 314 இல் நடைபெற்றது. நூலை எழுத்தாளர் பாமா வெளியிட கவிஞரும்> விமர்சகரும்> இயக்குநருமான மிஷ்கின் பெற்றுக்கொண்டார். நிகழ்வில் மொழிபெயர்ப்பு எழுத்தாளர்களான கே.வி.ஷைலஜா> கே.வி.ஜெயஸ்ரீ> எழுத்தாளர் பவா செல்லத்துரை உட்பட மேலும் பல எழுத்தாள நண்பர்களும்> வாசகர்களும் கலந்து சிறப்பித்தனர்.

சுட்டும் விழி » Buy Tamil Books online, Audio Books online from நூல் உலகம்

2012-01-15T08:01:00.000-08:00

சுட்டும் விழி » Buy Tamil Books online, Audio Books online from நூல் உலகம்

கொலை வெறி பாடல் தடை செய்ய வேண்டும் மனிதத்தேனீ இரா .சொக்கலிங்கம் நன்றி மதுரைமணி நாளிதழ்

2012-01-15T06:49:00.000-08:00

கொலை வெறி பாடல் தடை செய்ய வேண்டும்

மனிதத்தேனீ இரா .சொக்கலிங்கம் நன்றி மதுரைமணி நாளிதழ்

அம்மா கவிஞர் இரா .இரவி

2012-01-15T06:32:00.000-08:00

அம்மா கவிஞர் இரா .இரவி

தன் முன்னேற்றப் பயிலரங்கமும் ,தமிழர் திருநாள் பொங்கல் விழாவும் நடைப்பெற்றது

2012-01-15T06:28:00.000-08:00

மதுரை தன்னம்பிக்கை வாசகர் வட்டம் சார்பில் 15.1.2012 இன்று தன் முன்னேற்றப் பயிலரங்கமும் ,தமிழர் திருநாள் பொங்கல் விழாவும் நடைப்பெற்றது .வாசகர் வட்டத்தின் தலைவர் எ .எஸ் .ராஜராஜன் வரவேற்றார். வாசகர் வட்டத்தின் செயலர் கவிஞர் இரா .இரவி தலைமை வகித்தார் ,ஒருங்கிணைப்பாளர் திருச்சி சந்தர் முன்னிலை வகித்தார் .திரு .பேனா மனோகரன் D.S.P. (ஒய்வு )திரு .முத்துக் கிருஷ்ணன் , திரு.ராமமூர்த்தி, வழக்குரைஞர் திரு .கணேசன் ஆகியோர் வாழ்த்துரை வழங்கினார்கள் .கவிஞர்கள் இரா .கல்யாண சுந்தரம், இரா. கணேசன் தன்னம்பிக்கை தலைப்பில் கவிதை வாசித்தனர் .தொலைக் காட்சிப் புகழ் திருச்சி திரு .கமலா ராமநாதன் ஏணிப்படி ஏன் ? இப்படி என்ற தலைப்பில் தன் முன்னேற்றப் பயிற்சி அளித்தார் .மதுரை தன்னம்பிக்கை வாசகர் வட்டதினர் பலர் கலந்து கொண்டு சிறப்பித்தனர் .

திரு ராமநாதன் அவர்களுக்கு நன்றி

2012-01-15T02:28:00.000-08:00

நேற்று மாலைமலர், தமிழ் முரசு ,இன்று தினத்தந்தி ,தினகரன் தினமலர் நாளிதழ்களில் தமிழகம் முழுவதும் படிக்கும் வாசகர்கள் அனைவருக்கும் அவரவர் அம்மாவை நினைவூட்டும் வண்ணம் உள்ள ,அம்மா என்ற எனது கவிதையை தங்களது பள்ளி விளம்பரத்துடன் வெளியிட்ட டால்பின் பள்ளி தாளாளர் திரு ராமநாதன் அவர்களுக்கு நன்றி
http://www.tamilauthors.com/03/366.html

படித்ததில் பிடித்தது நடைப்பயிற்சி மருத்துவர் K.R.சரவணன்

2012-01-14T02:33:00.000-08:00

படித்ததில் பிடித்தது
நடைப்பயிற்சி மருத்துவர் K.R.சரவணன்

சங்கம் வைத்துத் தமிழ் வளர்த்த மதுரையில் நிலா குழந்தைகள் அமைப்பின் புத்தாண்டு விழா

2012-01-14T02:26:00.000-08:00

சங்கம் வைத்துத் தமிழ் வளர்த்த மதுரையில் நிலா குழந்தைகள் அமைப்பின் புத்தாண்டு விழா புகைப்படங்கள். கவிஞர் இரா .இரவி ,கவிக்குயில் இரா .கணேசன் ,வழக்குரைஞர் கு .சாமிதுரை ,திருச்சி சந்தர் ,பி .வரதராசன் ,ராஜா

சங்கம் வைத்துத் தமிழ் வளர்த்த மதுரையில், தமிழ்நாடு அரசு சுற்றுலாத்துறையின் சார்பில் நடக்கும் பொங்கல் விழா அழைப்பிதழ்

2012-01-14T02:16:00.001-08:00

சங்கம் வைத்துத் தமிழ் வளர்த்த மதுரையில், தமிழ்நாடு அரசு சுற்றுலாத்துறையின் சார்பில் நடக்கும் பொங்கல் விழா அழைப்பிதழ்

தமிழ்த் தேனீ முனைவர் இரா .மோகன் அவர்களுக்குமுத்தமிழ்க் காவலர் கி .ஆ . பெ.விஸ்வநாதன் விருது

2012-01-14T01:29:00.000-08:00

தமிழ்த் தேனீ முனைவர் இரா .மோகன் அவர்களுக்கு தமிழக அரசு முத்தமிழ்க் காவலர் கி .ஆ . பெ.விஸ்வநாதன் விருது அறிவித்து உள்ளது . சென்னையில் 16.1.2012 அன்று விழா நடைபெறுகின்றது .
வாழ்த்த செல் 9443458286
eramohanmku@gmail.com
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

கவிதை உறவு மாத இதழின் ஆசிரியர் கவிஞர் கலைமாமணி ஏர்வாடி எஸ் .ராதாகிருஷ்ணன் அவர்களுக்கு புரட்சிக் கவிஞர் பாரதி தாசன் விருது

2012-01-14T01:25:00.001-08:00

கவிதை உறவு மாத இதழின் ஆசிரியர் கவிஞர் கலைமாமணி ஏர்வாடி எஸ் .ராதாகிருஷ்ணன் அவர்களுக்கு புரட்சிக் கவிஞர் பாரதி தாசன் விருது !

கவிதை உறவு மாத இதழின் ஆசிரியர் கலைமாமணி ஏர்வாடி எஸ் .ராதாகிருஷ்ணன் அவர்களுக்கு,(பாரத மாநில வங்கியின் ஒய்வுப் பெற்ற உயர் அதிகாரி ) ,தமிழக அரசு புரட்சிக் கவிஞர் பாரதி தாசன் விருது அறிவித்துள்ளனர் .விருது வழங்கும் விழா 16.1.2012 அன்று சென்னையில் நடக்க உள்ளது. வாழ்த்த செல் 9444107879
kavithaiuravu@yahoo.com
--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

தமிழர் திரு நாள் நல் வாழ்த்துக்கள் ! கவிஞர் இரா .இரவி

2012-01-13T07:11:00.001-08:00

தமிழர் திரு நாள் நல் வாழ்த்துக்கள் ! கவிஞர் இரா .இரவி

தமிழினப் பகைவர்கள் திருந்தட்டும்

தமிழர்கள் வாழ்வில் வசந்தம் வரட்டும்

உலகின் முதல் மொழிக்காரனின்

உன்னதத் திருவிழா பொங்கல் !

உழைப்பைப் போற்றும் பொன்னாள்

உயர்ந்த ஆதவனைப் போற்றும் நன்னாள்

உழுது நீர் பாய்ச்சி நாத்து நட்டு

உரம் போட்டு களை எடுத்து

வளர்த்து அறுத்து அடித்து அரைத்து

வளமான அரிசியில் வெல்லம் இட்டு

இனிதே படைக்கும் இனிக்கும் பொங்கல் போல

இனிமை பிறக்கட்டும் தமிழர் வாழ்வில்

கொலை வெறிப் பாடல் மோகம் ஒழியட்டும்

அன்பின் நெறியில் அகிலம் திரளட்டும்

மதுவின் மீதான மயக்கம் தெளியட்டும்

மதியைப் பயன்படுத்தி மனிதனாக மாறட்டும்

தொலைக் காட்சித் தொடர்களின் வக்கிரம் ஒழியட்டும்

தொலைக் காட்சிகள் நல்லதை மட்டும் ஒளிப்பரப்பட்டும்

வார இதழ்களின் ஆபாசம் அடியோடு அழியட்டும்

வாசகர்களைப் பண்படுத்தும் படைப்புகள் வரட்டும்

பெண்ணடிமைத்தனத்தை ஆண்களே வெறுக்கட்டும்

பெண்களின் கருத்துகளுக்கு மதிப்பு அளிக்கட்டும்

தனித் தமிழ் ஈழம் வெகு விரைவில் மலரட்டும்

தவிக்கும் ஈழத்தமிழர் வாழ்வு சிறக்கட்டும்

மைய அரசின் மாற்றான் தாய்ப் போக்கு மாறட்டும்

மடத் தனமான வெளியுறவுக் கொள்கை ஒழியட்டும்

கேரள அரசியல்வாதிகளின் பித்தலாட்டமான

கேவலமான அரசியல் முடிவுக்கு வரட்டும்

புதிய அணை என்ற வேதாளம் அழியட்டும்

பழைய அணையில் நீரின் உயரம் உயரட்டும்

கர்நாடகத்தின் கஞ்சத் தனம் காணாமல் போகட்டும்

காவிரியில் தண்ணீர் கரைப் புரண்டு ஓடட்டும்

எங்கும் தமிழ் எதிலும் தமிழ் என்றாகட்டும்

எங்கோ ஓடி ஒளிந்தார் தமிழ்ப்பகை என்றாகட்டும்

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

பெங்களுர்த் தமிழ்ச் சங்கம் நடத்தும் தமிழர் திரு நாள் விழா அழைப்பிதழ்

2012-01-13T05:59:00.001-08:00

பெங்களுர்த் தமிழ்ச் சங்கம் நடத்தும் தமிழர் திரு நாள் விழா அழைப்பிதழ்

2012-01-13T05:57:00.000-08:00

பெங்களுர்த் தமிழ்ச் சங்கம் நடத்தும் தமிழர் திரு நாள் விழா அழைப்பிதழ்

சோதிடம் கவிஞர் இரா .இரவி

2012-01-13T05:30:00.000-08:00

சோதிடம் கவிஞர் இரா .இரவி

உழைக்காமல் உண்ணும்
சோம்பேறிகளின் உளறல்
சோதிடம்

மடக் கட்டங்களால்
மனக் கட்டிடம் தகர்ப்பு
சோதிடம்

எந்த சோதிடனும்
சொல்ல வில்லை
சுனாமி வருகை

இடித்துக் கட்டியதில்
நொடித்துப் போனார்
வாஷ்துப் பலன்

கடவுளைப் போல
கற்பிக்கப்பட்ட கற்பனை
சோதிடம்

நீ நான் நிலா !நூலாசிரியர் கவிஞர் மயிலாடுதுறை இளையபாரதி

2012-01-12T05:25:00.000-08:00

நீ நான் நிலா !

நூலாசிரியர் கவிஞர் மயிலாடுதுறை இளையபாரதி

விமர்சனம் கவிஞர் இரா .இரவி

நூலின் அட்டைப்படம் அற்புதம் . நூலாசிரியர் கவிஞர் மயிலாடுதுறை இளையபாரதி சிங்காரச் சென்னையில் வாழ்ந்தாலும் பிறந்த மண்ணான
மயிலாடுதுறையை மறக்காதவர் .தன் பெயரோடு மயிலாடுதுறையை இணைத்துக் கொண்டவர் .கவிஒவியா என்ற மாத இதழின் ஆசிரியர் .மாத இதழை ஒவ்வொரு இதழையும் மாதாமாதம் வெளியீட்டு விழா வைத்து வெளியிட்டு வரும் சாதனையாளர் .மகா கவி பாரதிக்கு வாய்த்த செல்லம்மாள் போல இவரது மனைவி விழாக்களை முன் நடத்துபவர் .சென்ற மாதம் நானும் இந்த விழாவில் பங்குப் பெற்றேன் . விஞ்ஞானி நெல்லை சு .முத்து அவர்களும் கலந்து கொண்டார்கள் .

ஹைக்கூ உலகில் தொடர்ந்து இயங்கக் கூ டிய, துடிப்பு மிக்க இளைஞர் கவிஞர் கன்னிகோயில் ராஜா அவர்களின் அணிந்துரை அற்புத உரையாக உள்ளது . தொல்லைக்காட்சியாகி விட்ட தொலைக்காட்சித் தொடர்களுக்கு பலர் அடிமையாகி வரும் அவலத்தைச் சுட்டும் விதமாக ஒருஹைக்கூ.

அடுத்த வீடு
அந்நியப்படுகிறது
தொடரும் தொடர்கள்

தீயிற்கும் ,மண்ணிற்கும் இரையாகும் விழிகளை மனிதர்களுக்கு வழங்குங்கள் .என்று விழிதானம் பற்றி விழிப்புணர்வு விதைக்கும் விதமாக ஒரு ஹைக்கூ .

தின்னக் கொடுக்காதே !
தீயிற்கும் மண்ணுக்கும்
ஒளியாகும் விழி !

மக்களிடம் உள்ள மூட நம்பிக்கை நீங்கி ,எல்லோரும் கண் தானம் செய்ய முன் வர வேண்டும் .ஒருவர் தரும் விழிகள்தானம், பார்வையற்ற இருவருக்கு பார்வையாகும் என்பதை உணர வேண்டும் .விழிகள் தானம் படிவம் தந்து விடவேண்டும் .இறந்த உடன் உறவினர்கள் கண் வங்கி மருத்துவமனைக்கு தகவல் தர வேண்டும் .

நமது நாட்டில் அரசு நடத்தவேண்டிய கல்வித்துறை தனியார் வசம் ,தனியார் நடத்தும் மதுக் கடைகள் அரசு வசம் .அரசு பார் என்று விளம்பரப் பலகைகள் .கூடுதல் நேரங்கள் விற்பனை .இந்த விசித்திரப் பொருளாதாரம் பற்றி ,அவலம் பற்றி ஒரு ஹைக்கூ .

தெருவுக்குத் தெரு
புதைகுழிகள்
மக்களை விழுங்கும் மது !

நன்றாக எழுதக் கூடிய ஆற்றல் இருந்தும் குடும்ப சூழ்நிலை காரணமாக ஆற்றலை வெளிப்படுத்தாமல் போகும் படைப்பாளிகள் பற்றியும் ஒரு ஹைக்கூ .

குடும்ப சூழல்
நிறுத்தி வைக்கிறது
பலரின் இலக்கியப் பயணத்தை !

காதலைப் பாடாமல் ஒரு கவிஞர் இருக்க முடியமா ? நூலாசிரியர் கவிஞர் மயிலாடுதுறை இளையபாரதியும் காதலை பாடி உள்ளார் .
பிரியம் என்பது
உயிர்வதை தானோ ?
கலங்கும் காதல் !

இறுதி மூச்சு உள்ளவரை தமிழ்ச் சமுதாயத்திற்காக உழைத்த மாமனிதர் , பகுத்தறிவுப் பகலவன் ,வெண்தாடி வேந்தன் ,தந்தை பெரியார் பற்றி ஹைக்கூ .

சாதித் தீ பொசுக்கிய
வெண்தாடி
பெரியார் !

மதிய உணவில் ,சத்துணவில் சாப்பிட்டு கல்விக் கற்று உயிர் பதவியல் உள்ளனர் .கொடிதிலும் கொடிது வறுமை .ஏழை எளிய மக்களுக்கு ஆறுதல் சத்துணவு .ஏழை மழலைகளின் மனதைப் படம் பிடிக்கும் ஹைக்கூ ..

தொடர் மழை
பள்ளி விடுமுறை
பசியுடன் மாணவன் !

சில இளைஞர்கள் படித்து இருந்தும் மனித நேயத்துடன் நடந்து கொள்வது இல்லை .நிகழ்வைக் காட்சிப் படுத்தி புத்திப் புகட்டுகிறார் .

கூ ட்ட நெரிசல்
தடுமாறும் முதியவர்
இருக்கையில் இளைஞர்!

ஆட்சி மாறினாலும் காட்சி மாறவில்லை என்ற குடிமகனின் வேதனையை உணர்த்தும் கவிதை .

வளர்ச்சிப் பாதையில்
தமிழகம்
தொடரும் மின்வெட்டு !

காதல்உணர்வு அனைவருக்கும் உண்டு .ஒருதலைக் காதலாவது மனதிற்குள் ஒரு முறையாவது மலர்ந்து இருக்கும் .மலரும் நினைவை மலர்விக்கும் விதமாக ஒரு ஹைக்கூ .

தொலைந்து போனேன்
உன்னிடம்
ஒரு நிலாப் பொழுதில் !

நூலின் தலைப்பிற்கான ஹைக்கூ இறுதியாக இடம் பெற்றுள்ளது .

நிசப்த வேளை
கவிதை பிறக்கும்
நீ நான் நிலா

இப்படி பல்வேறு ஹைக்கூ கவிதைகள் படிக்கும் வாசகர்களின் மன உணர்வைஉணர்த்தும் விதமாக உள்ளது.ஹைக்கூ உலகில் தொடர்ந்து இயங்கி வரும் நூலாசிரியர் கவிஞர் மயிலாடுதுறை இளையபாரதி அவர்களுக்குப் பாராட்டுக்கள் .

நன்றி அன்புடன் கவிஞர் இரா .இரவி

2012-01-10T08:08:00.000-08:00

நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

வித்தகக் கவிஞர் பா .விஜய் அவர்களின் என் கிராமம் கவிதைகள் ஒலி ஒளி வடிவில்

2012-01-10T05:58:00.000-08:00

வித்தகக் கவிஞர் பா .விஜய் அவர்களின் என் கிராமம் கவிதைகள் ஒலி ஒளி வடிவில்

http://www.youtube.com/watch?v=swLnx-5iv9w&feature=youtu.be
--

என்னவள் ! கவிஞர் இரா .இரவி

2012-01-10T05:34:00.000-08:00

என்னவள் ! கவிஞர் இரா .இரவி

நிலவு ஒன்று என்று யார் ? சொன்னது .வானில் ஒரு நிலவு !
மண்ணில் என்னவள் முகம் ஒரு நிலவு !
அவள் இதழ்களின் உள்ளே 32 நிலவுகள் !
அவள் கை விரல் நகங்களில் 10 நிலவுகள் !
அவள் கால் விரல் நகங்களில் 10 நிலவுகள் !
ஆக மொத்தம் 54 நிலவுகள் !

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

குடத்து விளக்கு நூல் ஆசிரியர் கவிஞர் I .பரந்தாமன்

2012-01-09T07:25:00.001-08:00

நூலின் பெயர் குடத்து விளக்கு

நூல் ஆசிரியர் கவிஞர் I .பரந்தாமன்

அணிந்துரை கவிஞர் இரா .இரவி

கவிஞர் பரந்தாமன் அவர்கள் கோழி தன் முட்டைகளை அடைகாப்பதுப்போல ,தனுது கவிதைகளை அடை காத்து இன்று நூலாக்கி இருக்கிறார்கள்.
மணி விழா காணும்போது மணியான கவிதைகளைத் தொகுத்து கவிமாலை ஆக்கி உள்ளார்கள் . குடத்து விளக்காக இருந்து தன் கவிதைகளை குன்றத்து விளக்காக ஒளிர்ந்திட வைத்துள்ளார்கள் .உள்ளத்தில் உள்ளது கவிதை , உள்ளத்து உணர்வு கவிதை,சொற்களின் நடனம் கவிதை.நூலின் முதல் கவிதையிலேயே முத்திரைப் பதித்து உள்ளார்கள் .

தமிழுக்கு யாருண்டு ?
--------------------------------------------
விண்ணுக்கு முகிலுண்டு அழகைத் தீட்ட
விளக்கிற்கு ஒளியுண்டு இருளைப் போக்க
கண்ணுக்கு இமையுண்டு காவல் காக்க
கன்னித்தமிழுக்கு யாருண்டு புகழைச்சேர்க்க !

உலகின் முதல் மொழியான தமிழ் மொழிக்கு புகழைச்சேர்க்க வாருங்கள் என்று அழைக்கின்றார்.

ஒரு சுவர் பெண்ணாகிறது !
-----------------------------------------------------
நாலஞ்சு வருசமா நானிருந்தேன் நிம்மதியா
நாட்டில் தேர்தல் வந்தா நாந்தானா அகப்பட்டேன் .

சுவரின் மனதைப் படம் பிடித்துக் காட்டி வெற்றி பெறுகின்றார் நூல் ஆசிரியர் கவிஞர் I.பரந்தாமன்.

பெண்கள் படும்பாடு !
----------------------------------------
விடிஞ்சு எந்திருச்சா வெளக்குமாற எடுக்கனும்
வீடு பூரா சுத்தம் பண்ணி ,வெந்நீரும் போடனும் .

பெண்கள் படும் இன்னலை கவிதையில் நன்கு வடித்துள்ளார் .பட்டங்கள் படித்து பாரினைப் பெண்கள் ஆண்டபோதும் ,மிகப்பெரிய பதவிகளை அடைந்தபோதும் ,விமானப்படையில் பெண்கள் இடம் பெற்றபோதும் ,வீட்டில் இன்னும் அடிமையாகவே நடத்தப்படுகிறார்கள் .பெண்களுக்கு விடுதலை ஏட்டில் எழுத்தில் கொடுத்தோம் .நாட்டில், வீட்டில் நடைமுறையில் தந்தோமா ? என்று சிந்திக்க வைத்து வெற்றி பெறுகின்றார் .
நூல் ஆசிரியர் கவிஞர் I .பரந்தாமன்

பெண்கள் பார்க்கும் வேலையை ஆண்களும் பகிர்ந்து உதவ வேண்டும் என்ற எண்ணத்தை விதைக்கின்றார் .இதுபோன்ற விழிப்புணர்வுக் கவிதைகள் நூலில் பல உள்ளது .

குழந்தைப் பாட்டு !
------------------------------------
கோழி கோழி ,குஞ்சுக் கோழி
குருவி குருவி குஞ்சுக்குருவி
பட்டு விரலால் அதைத் தொட்டுப்பார் -- அவை
பறக்கும் அழகை ரசித்துப்பார் !

மகாகவி பாரதியார் போல பறவை நேசத்துடன் குழந்தைப்பாட்டும் பாடி உள்ளார் .

பாரதி இட்ட தீ
--------------------------
தனிமனிதனுக்கு உணவில்லைஎன்றால்
ஜெகத்தினை அழிக்கச் சொன்னாய் !
அழித்து விட்டார்கள் !
ஜெகத்தினை அல்ல மனிதர்களை !

இந்தக் கவிதையைப் படித்தப்போது ஈழத்திலே பல்லாயிரம் மக்கள் அழித்த கொடுமையான நிகழ்வு என் நினைவிற்கு வந்தது .அதுதான் படைப்பாளியின் வெற்றி .

என்றுமே காந்திதான் !
--------------------------------------
ஆண்டு மகாத்மாவின் அஹிம்சையும் உண்ணா நோன்பும்
ஆட்சியை மாற்றிக்காட்டியது !
இன்றும் மகாத்மாவின் படம் அச்சிட்ட காகிதம் கூ ட
(ரூபாய் நோட்டு ) ஆட்சியை ம மாற்றும் வல்லமை படைத்தது .

ஓட்டுக்கு நோட்டுக் கொடுக்கும் பழக்கத்தை சாடும் கவிதையாக உள்ளது . M.P., M.L.A.விலைபோவதையும் குறிப்பிடுவதாக உள்ளது .

நிலம்
-----------------
கூறு போட்டாலும்
சோறு போடும்
பொறுமை உள்ள தாய் !

பணம்
----------------------
இல்லாதவனுக்கு இறைவன்
இருப்பவனுக்கு அடிமை !

இது போன்று சுவைமிக்க துளிப்பாக்களும் நூலில் உள்ளது .

உரைகல் !
-----------------
தோல்வி எனக்கு மிகவும் பிடிக்கும்
ஏனென்றால்
முயற்சித்தவன் தான் தோல்வி அடைகிறான்.

தன்னம்பிக்கை விதைக்கும் கவிதையாக உள்ளது .
அணிந்துரையிலேயே அத்தனை கவிதைகளையும் எழுதிவிடக் கூடாது .என்பதால் இத்துடன் நிறுத்திக் கொள்கிறேன் .கவிதையில் தமிழ் உணர்வு, காதல் உணர்வு ,தத்துவம் ,விழிப்புணர்வு , தன்னம்பிக்கை என அனைத்தும் உள்ளது .பாராட்டுக்கள் .தொடர்ந்து நீங்கள் எழுத வேண்டுமென்ற என் ஆவலைச் சொல்லி முடிக்கின்றேன்.வாழ்த்த வயதில்லைவணங்கி மகிழ்கின்றேன் .

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

முனைவர் இரா .மோகன் ஆற்றிய உரையில் இருந்து தொகுப்பு கவிஞர் இரா .இரவி

2012-01-08T05:54:00.000-08:00

மதுரை வாசகர் குழுமத்தில் தமிழ்த்தேனீ முனைவர் இரா .மோகன் ஆற்றிய உரையில் இருந்து தொகுப்பு கவிஞர் இரா .இரவி முனைவர் இரா .மோகன் செல் 9443458286

தலைப்பு இன்று புதிதாய் பிறந்தோம் .நாள் 8.1.2012

இடம் .மதுரை அரவிந்த் மருத்துமனை அரங்கு .

என் உடம்பில் ஓடுவது மகா கவி பாரதி ரத்தம். பாரதியின் படைப்புகள் என் குருதியோடு கலந்தவை . பாரதியை நேசிப்பவன் நான் .அதனால்தான் பாரதி வரியை தலைப்பாகத் தந்தேன் .
நான் படித்து ரசித்த நகைச் சுவை ஒன்று .மருத்துவரிடம் பெண் நோயாளி, நீங்கள் தரும் மாத்திரைகள் எப்போது ? சாப்பிடுவது என்பது மறந்து விடுகிறது என்றார் .ஒரு தொலைக்காட்சித் தொடர் பெயர் சொல்லி அப்போது இந்த மஞ்சள் மாத்திரை ,மற்றொரு தொடர் பெயர் சொல்லி அப்போது இந்த வெள்ளை மாத்திரை சாப்பிடுங்கள் என்றார் .உடன் பெண் நோயாளி இனி மறக்காமல் மாத்திரை சாப்பிட்டு விடுவேன் என்றார் .
அந்த அளவிற்கு தொலைக்காட்சித் தொடர்கள் ஆதிக்கம் செலுத்துகின்றன .தொடர்ககளில் நல்ல விஷயம் சொல்வதே இல்லை .

பலரது வாழ்க்கை டென்ஷன் ,பென்ஷன் இரண்டிலுமே கழிந்து விடுகின்றது .
சிங்கப்பூரில் அடையாள அட்டை ,கடித முகப்பு இவற்றில் தமிழ் இலக்கிய பொன் வரிகளைப் பொறிக்கின்றனர்.நண்பர் ஒருவரது அடையாள அட்டையில் சிலப்பதிகார வரியை படித்தேன் .இந்த நல்ல பழக்கத்தை நாமும் கடைப் பிடிக்க வேண்டும்.
ஐன்ஷ்டீன் வரிகள் !
நேற்றில் இருந்து பாடம் கற்போம் !
இன்றே செயல் படுவோம் !
நாளை வரவேற்போம் !
சொல்லுக்கும் ,செயலுக்கும் ஒருமைப்பாடு வேண்டும் .வேறுபாடு
கூடாது .
சாதனைக்கு வயது இல்லை எந்த வயதிலும் சாதிக்கலாம் .
திருஞானசம்பந்தர் ,அப்பர் ,சுந்தரர் ,திருநாவுக்கரசர் நால்வரும் பல்வேறு வயதில் சாதனை புரிந்துள்ளனர் .
பாரதி இந்த மண்ணில் வாழ்ந்த காலம் 39 ஆண்டுகள் மட்டுமே . ஆனால் படைத்தது ஏராளம் .

பாரதி ஏன்? இளம் வயதில் இறந்தான் தெரியுமா ?அவன் மீசையில் கூட வெள்ளையை
அனுமதிக்க விரும்ப வில்லை .என்று ஒரு புதுக் கவிஞன் எழுதினான் .
இயல்பாக இருங்கள் என்பது ஜென் என்கிறோம் .ஆனால் ஈராயிரம் ஆண்டுகளுக்கு முன்பே நம் தமிழ் இலக்கியங்கள் இயல்பாக இருக்க வழி
சொல்லி உள்ளது .
உபகாரம் செய்யாவிட்டாலும் அபகாரம் செய்யாமல் இரு என்பார் என் அப்பா என்றார் .என்னை அறிமுகம் செய்த திரு. சூரிய நாராயணன் சொன்னார் .
இந்தக் கருத்து அன்றே தொல் காப்பியத்தில்உள்ளது . நல்லது செய்யாவிட்டாலும், அல்லது செய்யாதே !
நாம் கசப்பாக இருந்தால் துப்பி விடுவார்கள் .
நாம் இனிப்பாக இருந்தால் விழுங்கி விடுவார்கள்.சீன பழமொழி உண்டு .
32 பற்களுக்கு இடையே சிக்கி விடாமல் நாக்கு எவ்வளவு விழிப்பாக உள்ளது பாருங்கள் .அது போன்று விழிப்புணர்வுடன் நாம் வாழ வேண்டும் .
பொல்லாத உலகம் அதில் இனிமை உண்டு .இனிமை காணக் கற்றுக் கொள்ள வேண்டும் .சங்க காலத்தில் நாடாளும் மன்னன் ,சிறு குழந்தைப் பற்றி பாடி உள்ளான்.பாண்டியன் சோழன் நட்பைப் பற்றி பாடி உள்ளனர் . ஏழ்மையில் வாடிய புலவரும் ,நமக்கு சிலரைப் பிடிக்கும் ,நம்மை சிலருக்கும் பிடிக்கும் .உற்றார் உறவினர் உதவியவர் அனைவருக்கும் கொடு என்னை கேட்க என்று பாடி உள்ளார் .
மண்ணில் நல்ல வண்ணம் வாழலாம் ,வாய்த்தது ஒரு பிறவி ,இன்பமே எந்நாளும் இப்படி தன்னம்பிக்கை கருத்துக்கள் நேர்மறை சிந்தனைகள் ஏராளம் உள்ளது .நம் இலக்கியத்தில் .
பாரதி வறுமையில் வாடியபோதும் பாடுகிறான் பாருங்கள்
எத்தனை கோடி இன்பம் வைத்தாய் இறைவா !
கடவுளை நினைத்துக் கொண்டே இருப்பதை விட அடுத்தவன் துன்பக் கண்ணீர் துடைக்க நீளும் கரமே சிறந்தது .

தினமணியில் படித்தது பல்லிநேயம், ஜப்பானில் வீடு கட்டும் போது மரத்தில் ஆணி அடித்தபோது ஒரு பல்லி அந்த ஆணியில் மாட்டி கொண்டது. 5 வருடங்கள் கழித்துப் பார்த்த போதும் அந்த பல்லி உயிரோடு அதே இடத்தில இருந்தது .எப்படி என்று காத்து இருந்து பார்த்த போது மற்றொரு பல்லி உணவை தன் வாயில் சுமந்து கொண்டு வந்து ஊட்டியது. 5 வருடங்களாக இந்த பல்லி நேயம் தொடர்கின்றது . மனிதநேயம் இல்லாவிட்டாலும் இந்த பல்லிநேயமாவது மனிதனுக்கு வேண்டும் .

அடுத்தவர் துன்பத்தை துடைக்க விட்டால் அறிவு இருந்து என்ன பயன் ?உடன்பாட்டு சிந்தனை தமிழர் ரத்தத்தில் கலந்தது . நல்வழி என்பதற்கு எதிர்பதம் தீயவழி ஆனால் நம் இலக்கியத்தில் நல்வழிக்கு எதிர்பதமாக அல்வழி என்றே சொல்லே உள்ளது .
நடக்காது ,தெரியாது ,முடியாது போன்ற சொற்களை பயன் படுத்தாமல் இருப்பது சிறப்பு .

ஈரோடு தமிழன்பன் ஹைக்கூ

பத்தாவது தடவையாக விழுந்தவனுக்கு
முத்தமிட்டுச் சொன்னது பூமி
ஒன்பது முறை எழுதவனல்லவா நீ !

கண் மூடுதல் என்று சொல்லாமல் கண் வளர்தல் என்பார் கவியரசு கண்ணதாசன் .புத்தாண்டை மெழுகு ஊதி கொண்டாடுவது தமிழர் பண்பாடு இல்லை .

சிவாஜி கணேசன் போல ஒரு நடிகர் உலகில் இதுவரை பிறக்க வில்லை .நாம் தான் அவர் அருமை அறிய வில்லை .வெளிநாட்டினர் விருது தந்தார்கள் .சிவாஜி கணேசன் தில்லானா மோகனாம்பாள் திரைப்படத்தில் நாதஸ்வரக் கலைஞராகவே மாறி இருப்பார் .அற்புதமான நடிகர் . எம் .ஜி. ஆரையும், சிவாஜி கணேசனையும் ஆய்வு செய்து ஒருவர் எழுதி இருந்தார் .
திரைப்படத்திலும் அரசியலிலும் எம் .ஜி .ஆர் வெற்றிப்பெறக் காரணம் .நேர்மறை சிந்தனை என்று .எம் .ஜி .ஆர் , .நல்ல நல்ல பிள்ளைகளை நம்பி என்று குழந்தைகளைப் பார்த்துப் பாடுவார்.
சிவாஜி குழந்தைகளைப் பார்த்து ஏன்?பிறந்தாய் மகனே என்று பாடுவார்.
எம் .ஜி .ஆர். பாடுவார்,எங்கே போய் விடும் காலம் அது நம்மையும் வாழ வைக்கும் .நாளை நமதே ! இந்த நாளும் நமதே ! என்று
சிவாஜி பாடுவார் எங்கே நிம்மதி ! எங்கே நிம்மதி ! அங்கே எனக்கொரு இடம் வேண்டும் .என்று
எம் .ஜி .ஆர் .தாயைப் பார்த்துப் பாடுவார் தாயின் மடியில் தலை வைத்து இருந்தால் .என்று
சிவாஜி பாடுவார் தாயைப் பார்த்துப் பாடுவார் அவளா சொன்னாள் என்றுஇருவருக்குமே பல பாடல்கள் எழுதியது கவியரசு கண்ணதாசன்தான்

எம் .ஜி .ஆர் திருடனாக வரும் படத்தின் பெயர் பாசம் .
சிவாஜி படத்தின் பெயர் முரடன் முத்து.
இன்று வரும் திரைப்படங்களின் பெயர் மிக மோசம் திமிர் ,மிருகம் ,சிங்கம் ,சிறுத்தை ,நாய் என்று வைக்கின்றனர் .
இன்று கொலைவெறிப் பாடலை உலகப் புகழ் பாடல் என்கிறார்கள் .

மதுரையில் ஆட்டோக்களில் மிக சிறந்த வசனங்கள் இடம் பெறும்.
நேற்று என்பது உடைந்த பானை!
நாளை என்பது மதில் மேல் பூனை !
இன்று என்பதே கையில் உள்ள வீணை !
படுத்தால்பாய் கூட பகை !
பெட்ரோல் விலை ஏறிய மறு நாள் ஒரு ஆட்டோவில் படித்தேன்
கடவுள் ஆட்டோ டிரைவராகப் பிறக்க வேண்டும்
அவன் ஆட்டோ ஒட்டி வேதனையில் வாட வேண்டும்
மதுரையில் தெருவில் பழம் விற்பவர் சொல்கிறார் .பழம் கனிவு ,தெளிவு ,மலிவு என்று .
பொழுது பார்க்கும் கருவி பழுது நீக்கப் படும் என்று ஒரு கடிகாரக் கடையில் படித்தேன் .
திரு .வி .க பற்றி மு. வ. எழுதுவார் .உடல் நோயற்று இருப்பது இன்பம் ,மனம் கவலையற்று இருப்பது இன்பம்,உயிர் பிறருக்கு உதவியாக இருப்பது இன்பம்.இப்படி நாம் வாழ வேண்டும் .
அன்று திருவாசகம் படித்து விட்டு போப் அழுதார் .
இன்று மாணவன் தேர்விற்கு திருவாசகம் படிக்க வேண்டுமே என்று அழுகிறான் .
போப் 80 வயதில் திருவாசகத்தை ஆங்கிலத்தில் மொழி பெயர்க்கும் பணி செய்கிறேன் முடித்துவிட முடியுமா ?என்று தயங்கியபோது .கல்லூரி முதல்வர் சொன்னார் உங்களால் முடியும் .என்றார் .அதன்படி போப் திருவாசகத்தை ஆங்கிலத்தில் மொழி பெயர்க்கும் பணி முடித்து விட்டுதான் இறந்தார் .அவருக்கு முன்பாகவே கல்லூரி முதல்வர் இறந்து போனார் .

மு .வ .சொல்வார் தமிழன் நல்லவனாக இருந்தால் மட்டும் போதாது .வல்லவனாகவும் இருக்க வேண்டும் .என்று .
திருக்குறளில் தன்னம்பிக்கை கருத்துக்கள் ஏராளம் உள்ளது .இன்று நல்லவராக இருந்தால் பாவம் நல்லவர் என்கின்றனர் .

சிலரது கல்லறையில் 1900---1990
என்று இருக்கும் அதன் பொருள் இடையில் உள்ள கோட்டோடு வாழ்க்கை முடிந்தது என்பதாகும்
ஜென் கதை ஒன்று ,பணக்காரர் லட்சம் பொன்னிற்கு அதிபதியிடம் மரண தேவதை வந்து வா போகலாம் என்றால் . பணக்காரர் பாதிப்பொன் தருகிறேன் சில நாள் அவகாசம் தா !என்றார் மரண தேவதை முடியாது .என்றாள் .பொன் முழுவதும் தந்து விடுகிறேன் சில மணிநேரம் தா ! என்றார் முடியாது என்றாள்.இரண்டு வினாடி தருகிறேன் என்றாள் .பணக்காரர் எழுதி வைத்தார், எட்டு லட்சம் பொன்னிற்கு அதிபதியாக இருந்தும் சில நொடி கூட என்னால் வாங்க முடியவில்லை .எனவே, இதை மனதில் கொண்டு வாழ்ந்திடுங்கள் .
ஒவ்வொரு நாளும் அன்றுதான் இறுதி நாள் என்று எண்ணி பணியாற்றி வாழ வேண்டும் .
பிறப்பு இறப்பு ஒரு முறை அல்ல ஒவ்வொரு நாளும் பிறக்கிறோம் இறக்கிறோம் .இன்று புதிதாய் பிறந்தோம்! என்று எண்ணி வாழ வேண்டும் .கவியரசு கண்ணதாசன் ஆறு மனமே ஆறு பாடலில் சொன்ன கட்டளைகளை பின்பற்றி வாழ்ந்தால் வாழ்க்கை இனிக்கும் .
நமது தமிழ் இலக்கியங்களில் உள்ள கருத்துக்களை ஆழ்ந்து படித்து அதன் வழி நடந்தால் எந்நாளும் இன்பமே .
--

காதலே ! கவிஞர் இரா .இரவி

2012-01-07T01:25:00.000-08:00

பொதிகை மின்னல் மாத இதழ் தந்த தலைப்பிற்கான கவிதைகள் .

தலைப்பு ---- காதலே !   கவிஞர் இரா .இரவி

கை கூடியவர்களுக்கு
உன் அருமை புரியவில்லை
கை கூடாதவர்களுக்கு
உன் பெருமை மறக்கவில்லை
------------------------------------------------------
திரைப்படத்தில் கை தட்டுவோம்
சொந்த வீட்டில் கை முறிப்போம்
-------------------------------------------------------
அன்றும்இன்றும் என்றும்
கவிஞர்களின் பாடுபொருள்
---------------------------------------------- -------நிலவும் நீயும் ஒன்று
தூரத்தில் மிக அழகு
-----------------------------------------------
ஆண்களுக்கு மிகவும் பிடிக்கும்
சகோதரி , மகள் வயப்பட்டால்
பிடிக்கவே பிடிக்காது .
-----------------------------------------------
சமந்தப்பட்ட்வர்களுக்கு மகிழ்ச்சி
சமந்தமில்லாதவர்களுக்கு இகழ்ச்சி
---------------------------------------------------
கண் இல்லை உண்மை
கண் இல்லாதவர்களும்
வயப்படுகிறார்கள்
----------------------------------------------------
வென்றால் வாழ்க்கை
தோற்றால் சுவடு
-------------------------------------------------

காதலே !    என்ற தலைப்பில் நீங்களும் கவிதை அனுப்ப வேண்டிய முகவரி

ஆசிரியர்
பொதிகை மின்னல்
மின்னல் கலைகூடம்
117.எல்டாம்ஸ் ரோடு
சென்னை .18
6000018

கற்றறிந்த காக்கைகள் நூல் ஆசிரியர் கவிஞர் பேனா .மனோகரன்விமர்சனம் கவிஞர் இரா .இரவி

2012-01-06T06:22:00.000-08:00

கற்றறிந்த காக்கைகள்

நூல் ஆசிரியர் கவிஞர் பேனா .மனோகரன் ஒய்வு (D.S.P) penamanoharan@gmail.com செல் 9443561895

விமர்சனம் கவிஞர் இரா .இரவி

நியூ செஞ்சுரி புக் ஹவுஸ் விலை 35

காக்கை நாம் அடிக்கடி காணும் பறவை .கற்றறிந்த காக்கைகள் என்ற நூலின் தலைப்பே நம்மை சிந்திக்க வைக்கின்றது .நூல் ஆசிரியர் கவிஞர் பேனா .மனோகரன் இலங்கையில் பிறந்து வளர்ந்த இந்தியக் குடிமகன் .காவல்துறையில் ,மதுரை தொடர் வண்டி நிலையத்தில் D.S.P யாகப் பணியாற்றி ஒய்வு பெற்றவர் .

காக்கை சட்டை அணிந்து இருந்தபோது மனித நேயத்துடன் நடந்து கொண்ட சிறந்த மனிதர் .இவரது பணி ஒய்வு நாள் விழாவிற்கு சென்று இருந்தேன் .பலரும் பாராட்டினார்கள் .பெருக்கவிக்கோ வா .மு .சேது ராமன் ஒருமுறை மதுரையில் இருந்து அவசரமாக சென்னை செல்ல வேண்டும் என்று கேட்டார்கள் .உடன் நான் நூல் ஆசிரியர் பேனா .மனோகரன் அவர்களுக்கு தகவல் தந்தேன் .உடன் அவர் செல்ல ஏற்பாடு செய்து காவலர் உபசரிப்போடு அனுப்பி வைத்தார்கள் .தமிழ் பற்று மிக்கவர் .மகா கவி பாரதியை நேசிப்பவர் .இவர் பணியில் இருந்தபோது இலக்கியவாதிகள் சந்திக்க சென்றால் இன்முகத்தோடு வரவேற்றவர் .பதவிச் செருக்கு இல்லாமல் இருந்தவர் .

மரங்களையும் ,பறவைகளையும் நேசிப்பவர் .சிறந்த பண்பாளர் .காவல் துறையில் விதி விலக்கான மிக நல்ல மனிதர் .இவரது இரண்டாவது படைப்பு இந்த நூல் .மிகச் சிறந்த விமர்சகர் தி .க .சிவசங்கரன் ,சிறந்த கவிஞர் கழனியூரன் ஆகியோரின் அணிந்துரை அற்புத உரையாக உள்ளது. திரு .ரவீந்திர பாரதியின் வாழ்த்துரை முத்தாய்ப்பாக உள்ளது .

தனது கவிதைகளை பிரசுரம் செய்து அனைத்து இதழ்களுக்கும் மறக்காமல் நன்றியைப் பதிவு செய்துள்ளார் .என்னை எழுத்தில் நிறுத்திய பால்ய சிநேகிதன் அன்பு ஜவர்கர்சாவிற்கு(அனுராதபுரம் ,இலங்கை ) என்று பிரசுரம் செய்து நண்பனுக்குக் காணிக்கை ஆக்கி உள்ளார் .
இவரது தலைமையில் கவியரங்கில் நான் கவிதை பாடி உள்ளேன் .முத்தமிழ் அறக்கட்டளை விழா ,தன்னம்பிக்கை வாசகர் வட்ட விழா ,கலை இலக்கியப் பெருமன்ற விழா என ,மதுரையில் நடக்கும் பெரும்பாலான இலக்கிய விழாக்களுக்கு தவறாமல் வந்து விடுவார் .இந்நூல் கவிதைகள் சில வற்றை அவர் மொழியிலேயே கேட்டு இருக்கிறேன் .

அற்றைத்திங்கள்

கான்கிரீட் கூரைகளைக்
கட்டினார்கள் என்னவோ
வானத்தில் மழையும் இல்லை
கான்கிரீட் கூரைகளில் ஒழுக்கும் இல்லை
கவலைப் பட அம்மாவும் இல்லை !

உலகமயமானதால் மழையும் பொய்த்துவிட்டது .உணதமான உறவு அம்மாவும் இலை என்ற கவலையை கவிதையில் நன்கு பதிவு செய்துள்ளார் .

சுட்ட பழமும் சிறுகை அளாவிய கூழும்

கொழந்த எச்சி(ல் )
கூடாதா அப்பா என்றால் அடடா
குறள் தெறிக்கும் குரல்
நெஞ்சில் கனிகிறது
சுட்ட பழமும்
சிறுகை அளாவிய கூழும்

செல்ல மகள் வாங்கி வந்த இரண்டு ஐஸ்ல் எச்சில் படாததைத் தா! என்று அப்பா சொன்னதும் மகள் சொல்லும் பதில் போன்ற கவிதை .நமக்கு அவ்வையின் சுட்ட பழம் வேண்டுமா ? சுடாத பழம் வேண்டுமா ? என்ற வசனம் நம் நினைவிற்கு வருகின்றது ,

அக்கினிக் கோளம் ஆகும் பூமி

காணாமல் போய்விட்டன காடுகள்
மணல் உறவுகள் மழிக்கப்பட்டதால்
ஆறுகள் அனைத்தும் அநாதைகளாய்
எந்தையும் தாயும் மகிழ்ந்து குலாவிய
குன்றுகள் எல்லாம் குவாரிகளாய்
நெல் விளைந்து கட்டடங்கள்
மல்லிகை மஞ்சள் பதியன்களை
மறைத்துவிட்டு இறால் பண்ணைகள்

இயற்கையை மனிதன் அழிக்க அழிக்க இயற்கை மனிதனை அழிக்கும் என்று எச்சரிக்கும் விதமாக கவிதை உள்ளது. குவாரிகள்பெருகப் பெருக மனிதர்களுக்கு துன்பம் பெருகும் என்று கவிதையால் நினைப் படுத்துகின்றார். சுனாமி வந்ததற்கான காரணம் சொல்லும் கவிதை இது. பாராட்டுக்கள் .

சிறிய கவிதையின் மூலம் பல நிகழ்வுகளை நம் மனக்கண் முன் கொண்டு வது வெற்றிப் பெறுகின்றார் .

கீழ் வெண்மணியில் ஏர்வாடியில் தருமபுரியில்
கோத்ராவில் குடந்தையில் பானிபட்டில்
ஈழத்தில் ஈராக்கில் பூமிபந்தின்
எங்காவது ஒரு மூலையில்
நிகழ்ந்து கொண்டிருக்கிறது
மனித ஜீவிதம்
எரிதலும் உயிர்த்தலுமாய் !

வேம்பு

வீட்டின் முன்பாக வீரியம் காட்டி நிற்கிறது
வேதாளங்களால் வீழ்த்த முடியாத
வெப்ப மரம் .

வேம்பு பற்றிய விளக்கம் வித்தியாசமாக உள்ளது .
வரதட்சணைக் கொடுமை பற்றியும் கவிதை எழுதி உள்ளார் .

சீதனச் சிறைகளில் சீதைகள்

பார்த்தவர்களால் கூட
பேரங்கள் மட்டும்தான் பேசப்பட்டன
பாரங்கள் இன்னும்
பூர்த்தி செய்யப் படவே இல்லை .

இந்தக் கவிதையின் தலைப்பே சிந்திக்க வைக்கின்றது .பல திருமணங்கள் பேரங்கள் ஒத்து வராததால் பேச்சுவார்த்தை முறிந்து விடுவதும் உண்டு.
காவல்துறையில் பணி புரிந்து ஒய்வுப் பெற்றவர் என்பதால் காவலையும் கடவுளையும் இணைத்து ஒரு கவிதை எழுதி உள்ளார் .

கடவுளும் காவலும்
இருப்பது போலிருக்கும் இருக்காது
இருக்காதது போலிருக்கும் இருக்கும்

புதுக்கவிதைகளின் தொகுப்பு நூல் .மிக நல்ல கவிதைகள் .வாங்கிப் படித்து பயன் பெறுங்கள் .இலக்கியச் சுவை உணருங்கள் .தொடர்ந்த பல கவிதை நூல்களை எழுத வேண்டும் என்று வேண்டி முடிக்கின்றேன்

மணிவாசகர் பதிப்பகம் பொன் விழா மலர். விமர்சனம் கவிஞர் இரா .இரவி

2012-01-05T19:35:00.000-08:00

மணிவாசகர் பதிப்பகம் பொன் விழா மலர்

பதிப்பாசிரியர் ச .மெ.மீனாட்சி சோமசுந்தரம் ,தொகுப்பாசிரியர் திரு .ச .இராமச்சந்திரன்

மலர் விமர்சனம் கவிஞர் இரா .இரவி

மணிவாசகர் பதிப்பகம் விலை 150

உலகப்பொதுமறையான திருக்குறள் ,அவ்வையின் ஆத்திசூடி ,கொன்றை வேந்தன் ,நீதி நூல்கள், மகாகவி பாரதியார் கவிதைகள், புரட்சிக் கவிஞர் பாரதி தாசன் கவிதைகள் .இப்படி தமிழின் பொக்கிசங்களான நூல்களை மலிவுப் பதிப்பாக ,மக்கள் பதிப்பாக வெளியிட்டு ,ஏழை எளிய மக்கள் அனைவரிடமும் ,தமிழை சேர்த்தப் பெருமை ,வளர்த்தப் பெருமை மணிவாசகர் பதிப்பகதிற்கு உண்டு .சமரசத்திற்கு இடம் இன்றி கொண்ட கொள்கையில் உறுதியுடன் இருந்து ,தரமான நூல்களை மட்டுமே பதிப்பித்து வரும் பதிப்பகத்தின் ,பொன் விழா மலர் இந்நூல் .

தமிழ் மொழியை உயிர்ப்புடன் வைத்து இருக்கும் உன்னத பதிப்பகம் மணிவாசகர் பதிப்பகம்.தமிழ் ,தமிழ் இலக்கியம் தொடர்பாக இவர்களிடம் இல்லாத நூலே இல்லை என்றுதான் சொல்ல வேண்டும் .மெய்யப்பனார் அவர்கள் தமிழுக்குச் செய்த தொண்டு அளப்பரியது .புலிக்குப் பிறந்தது பூனையாகாது என்ற பொன் மொழிக்கு ஏற்ப அவர் தம் புதல்வர் திரு . ச .மெ.மீனாட்சி சோமசுந்தரம்அவர்கள், தந்தையின் அடிச்சுவட்டில் வெற்றி நடை போட்டு வருகிறார்கள் .

இந்த பொன் விழா மலரில் 106 படைப்பாளிகளின் கவிதைகள் கட்டுரைகள் வாழ்த்துரைகள் உள்ளது .இலக்கிய ஆர்வலர்கள் அனைவரும் படிக்க வேண்டிய மலர் .குறிப்பாக இன்றைய இளைய சமுதாயத்தினர் மெய்யப்பனார் என்ற ஆளுமையை அறிந்து கொள்ள இந்த மலரை படிக்க வேண்டும் .

இந்த பொன் விழா மலர் தமிழ்ச் சொற்களின் களஞ்சியமாக உள்ளது .மணிவாசகர் பதிப்பகத்தின் மெய்யப்பனார் பற்றி தவத்திரு ஊரன் அடிகளார் எழுதியுள்ள கருத்து மிகவும் நுட்பமானது .தொழில் கால், தொண்டு முக்கால் என்ற புது மொழியை நாம் இவருக்காகவே உண்டாக்கினோம் .
இந்த புது மொழியை இன்றைய பதிப்பாளர்கள் அனைவரும் கடைப்பிடிக்க முன் வர வேண்டும் .இந்த மலரில் பல பதிப்பாளர்கள் வாழ்த்துரை வலகி உள்ளார்கள் .

கவிஞர் சிற்பி
மலை என்றும் வெயில் என்றும் பாராமல்
செருப்பு கூட அணியாமல் நடந்து
சென்னைக்கும் சிற்றூர் பேரூர்களுக்கும் அலைந்து
மணிவாசகர் பதிப்பகத்தை வளர் பிறையாக்கி
முழுமதியாக்கி வளர்த்த காலம் .

மிகச் சிறந்த உழைப்பாளிக்கு ,சாகித்ய அகதமி விருது பெற்ற கவிஞர் சிற்பி கவிதையால் புகழாரம் சூட்டி உள்ளார் .
தமிழறிஞர் தமிழண்ணல் பதிப்புச் செம்மல் மெய்யப்பனார் அவர்களின் பன்முக ஆற்றலை விளக்கி உள்ளார் .மிகச் சிறந்த வாசகர் ,சுவைஞர், எழுத்தாளர் ,பேச்சாளர் ,பதிப்பாளர் .தொழில் அதிபர் இப்படி பல்துறை வல்லுனராக எப்படி சிறந்தார் .என்பதை மிக அழகாக விளக்கி உள்ளார் .
நாட்டுடைமையாக்கம் பெற்ற நூல்களின் தாயகம் மணிவாசகர் பதிப்பகம் என்றால் தரம் சொல்லாமலே விளங்கும் அனைவருக்கும் .
பணம் வருகின்றது என்பதற்காக என்றைக்கும் தரமற்ற நூல்களை பதிப்பித்தது இல்லை .தரமான பதிப்பகம் என்ற பெயரை 50 ஆண்டுகளாக தக்க வைத்துள்ளனர் .

ஹைக்கூ கவிதைகள் எழுதி புகழ்ப்பெற்ற ஓவியக் கவிஞர் அமுத பாரதி அவர்களின் கவிதை சிறப்பாக உள்ளது .
மணிவாசகர் பெயர் மாண்புடன் பொருந்திய
அணி வாழ் பதிப்பகம் ஆள் போல் தழைக்கவும்.

மலரில் வண்ண புகைப்படங்களும் ,அரிய புகைப்படங்களும் கருத்தைக் கவரும் வண்ணம் உள்ளது .பல்வேறு தகவல்களும் நூலில் உள்ளது. படித்து விட்டு பாதுகாக்க வேண்டிய சிறந்த மலர் .அரிய பொக்கிசமாக மலர்ந்துள்ளது .பதிப்பாசிரியர் ச .மெ.மீனாட்சி சோமசுந்தரம், தொகுப்பாசிரியர் திரு .ச .இராமச்சந்திரன் இருவரின் கடின உழைப்பால் மலர் உருவாகி உள்ளது .பல்வேறு அறிஞர்கள் ,நீதி அரசர்கள் ,புலவர்கள், கவிஞர்கள் ,எழுத்தாளர்கள் ,கட்டுரையாளர்கள் ,பதிப்பாளர்கள் ,ஆய்வாளர்கள் அனைவருக்கும் மடல் அனுப்பி படைப்பை வாழ்த்தை வாங்கி தொகுத்து அற்புத மலராக வெளியிட்டுள்ளனர் .பாராட்டுக்கள் .பதிப்புச் செம்மல் மெய்யப்பனார் அவர்கள் பெற்ற விருதுகளின் பட்டியல் நூலில் உள்ளது .

மலரில் உள்ள கட்டுரைகளின் தலைப்புகளே கவித்துவமாகவும் ,சித்திக்க வைக்கும் விதமாகவும் உள்ளது .எல்லாருக்கும் பெய்கின்ற இன்ப மாரி,என்றும் மெய்யப்பர் பணி சிறக்கும் ,பதிப்பகம் அணி சிறக்க ,மெய்யப்பர் நினைவுகள் ,அமரனாய் வாழ்வாய் என்றும் ,தழைத்தோங்கி வாழ்க, வகுப்பறைகளைத் தாண்டி ,உழைப்பின் சிகரம் ,நினைவும் நிகழ்வும் ,அறிவைப் பரப்பும் அரிய நிறுவனம் ,தமிழ் வளர்த்த சான்றோன் ,அறிவியல் தமிழ் உலகிலும் தழைக்கும் சுவடுகள் இப்படி பல்வேறு தலைப்புகளில் அற்புதமான கட்டுரைகள் ,கவிதைகள் நூலில் உள்ளது .
அரிய தமிழ் நூல்களை வெளியிடும் மணிவாசகர் பதிப்பகம் பணி பாராட்ட தக்கது .என்று அன்றே நூற்றாண்டு கண்ட இலக்கிய இமயம்
மு. வரதராசனார் பாராட்டி உள்ளார் .

தமிழ்த் தேனீ இரா .மோகன் ,பெயர் சொன்னால் போதும் ,தரம் எளிதில் விளங்கும் என ஊடகத்துறையில் வழங்கும் ஒரு வாசகம் உண்டு .அதற்கு நூற்றுக்கு நூறு பொருந்தி வருபவர் மெய்யப்பனார்.என்று பாராட்டி உள்ளார் .

முனைவர் சாரதா நம்பி ஆரூரன் அவர்கள்
அய்யாவின் கலை வண்ணம் மேடையில் கண்டோம்
ஆச்சியின் கை வண்ணம் இலையிலே கண்டோம்
என்று எழுதி அம்மாவின் சமயழ்க் கலை சிறப்பையும் பாரடி உள்ளார்கள் .

தமிழோடு வாழ்வார் என்று வெள்ளையாம் பட்டு சுந்தரம் வாழ்த்தி உள்ளார்கள் .பதிப்புத் துறையில் உள்ள பலரும் மனம் திறந்து பாராட்டி உள்ளனர் .
புலவர் கருணாநிதியின் மரபுக் கவிதை மிக நன்று .
விழித்திருந்து மெய்யப்பர் போல உழைத்தால்
விதிவானம் நம்வசந்தான் ஆகும் அன்றோ ?

மலரின் சிறப்பை எதை எழுதுவது எதை விடுவது என்றே தெரியவில்லை .அத்தனையும் அற்புதம் .பாராட்டுக்கள் படைப்பாளிகளுக்கும் , பதிப்பாசிரியர் ச .மெ.மீனாட்சி சோமசுந்தரம் அவர்களுக்கும் ,தொகுப்பாசிரியர் திரு .ச .இராமச்சந்திரன் அவர்களுக்கும்.அட்டை முதல் அட்டை வரை அழகு .மெய்யப்பனாரின் பெயர்த்தி மருத்துவர் மீனாட்சி தாத்தா பற்றி எழுதியுள்ள கட்டுரையில்
சாகவரம் பெற்றவர் .அவர் எழுத்துக்களின் மூலம் தமிழ் மொழி உள்ளவரை அவர் நம்முடன் இருப்பார் .
உண்மை முற்றிலும் உண்மை.பதிப்புச்செம்மல் மெய்யப்பனாருக்கு என்று மரணம் இல்லை என்பதை பொன் விழா மலர் சொல்கின்றது .

மருத்துவர்கள் வேலை நிறுத்தம் சட்டப்படி தடை செய்ய வேண்டும் கவிஞர் இரா .இரவி

2012-01-04T19:40:00.000-08:00

மருத்துவர்கள் வேலை நிறுத்தம் சட்டப்படி தடை செய்ய வேண்டும் கவிஞர் இரா .இரவி

மருத்துவர்கள் உயிர் காக்கும் உன்னதப் பணி செய்பவர்கள் ,யாரோ ஒரு காட்டுமிராண்டி மருத்துவரை வெட்டிவிட்டான் என்பதற்காக அனைத்து மருத்துவர்களும் வேலை நிறுத்தம் செய்வது அபத்தம் .படிக்காத பாமரர்கள் போல ,படித்த மருத்துவர்கள் உணர்ச்சிவசப் படுவது தவறு .இன்று மருத்துவர்கள் வேலை நிறுத்தம் செய்கின்றனர் .இன்று போகும் உயிர்களுக்கு யார் ?பொறுப்பு .எத்தனை கோடி கொட்டிக் கொடுத்தாலும் இறந்த உயிரை திருப்பி தர முடியுமா ?

பகுத்தறிவு கொண்டு சிந்திக்க வேண்டாமா? ஏன் ? இந்த கொலை வெறி .கொலை வெறி பாடல் பாடியவருக்கு ,பாரதப் பிரதமர் பாராட்டி விருந்து கொடுத்த காரணத்தால் ,கொலை வெறி மருத்துவர்களையும் பற்றிக் கொண்டதோ !
மருத்துவர்கள் மீதான நன் மதிப்பை குறைப்பதற்குதான் இந்த வேலை நிறுத்தம் உதவும் .சட்டப்படி மருத்துவரை கொலை செய்த கொலைகாரகளை கைது செய்து விட்டனர் .மருத்துவர்களுக்கு பாதுகாப்பு வேண்டும் என்றால் ஒவ்வொரு மருத்துவருக்கும் ஒரு காவலரை நியமிக்க வேண்டுமா ?மருத்துவர்களுக்கு அவர்களது செயல்தான் பாதுகாப்பு.

தன் உயிரைக் காப்பாற்றிய மருத்துவரை கடவுளாக வணங்கும் பலரை நான் பார்த்து இருக்கிறேன் .பணத்தை பெரிதாக எண்ணாமல் உயிர் காப்பதைக் கடமையாகக் கொண்ட மிகச் சிறந்த மருத்துவர்களை நான் சந்தித்து இருக்கிறேன் .பல நல்ல மருத்துவர்கள் என் நண்பர்கள் .எத்தனை கோடி கொடுத்தாலும் நான் பிறந்த மண்ணை விட்டு வர மாட்டேன் என்று சொல்லி, பிறந்த மண் மக்களுக்கு சேவை செய்யும் நல்ல மருத்துவர்களை நான் பார்த்து இருக்கிறேன் .இரவு, பகல் பாராமல் உயிர் காக்க உடனே வரும் மருத்துவர்கள் உண்டு .

மனைவி இறந்த கோபத்தில் கணவன் கொலை செய்து விட்டான் .மிகப் பெரிய தவறுதான் .தண்டிக்கப்பட வேண்டும் .மாற்றுக் கருத்து இல்லை. ஆனால் அவன் செய்த கொலைக்கு பதிலாக இன்றைக்கு வேலை நிறுத்தம் என்ற பெயரில் நடுக்கும் கொலைக்கு யாருக்கு தண்டனை கொடுப்பது? மருத்துவர்கள் எல்லோரும் உயர்ந்த பணி செய்பவர்கள் , ஆனால் வானில் இருந்து இறங்கி வந்த தேவ தூதர்கள் அல்லவே .பெரும்பாலான மருத்துவர்கள் மனசாட்சிப்படி நடந்தாலும் .ஒரு சில மருத்துவர்கள் ரமணா திரைப்படத்தில் வருவது போல செத்தப் பிணத்திற்கு வைத்தியம் பார்த்து கட்டணம் வாங்கிய வரலாறு உண்டு .இன்றைக்கும் ஸ்கேன், எக்ஸ்ரே போன்றவற்றில் கமிசன் வாங்காத மருத்துவர்களை விரல் விட்டு எண்ணி விடலாம் .

நடந்தது நடந்ததாக இருக்கட்டும் இனி நடப்பவை நலதாக இருக்கட்டும் .

கார்போரேட் மருத்துவமனைகளில் நடக்கும் பகல் கொள்ளை ,பணக் கொள்ளை உலகம் அறிந்த ஒன்று .மருத்துவர்கள் யாருமே தவறே செய்தது இல்லை என்று அறுதி இட்டுக்கூற முடியுமா? நல்வர்கள் கேட்டவர்கள் எல்லாத் தொழிலும் உண்டு .ஆனால் உயர்ந்த பணியான அல்ல அல்ல சேவையான மருத்துவம் பார்க்கும் மருத்துவர்கள் மனசாட்சியோடு மிகவும் கவனமாகவும் அர்ப்பணிப்புடனும் நடந்து கொள்ள வேண்டும் .சமுதாயத்தில் உயிர் காக்கும் உன்னதப் பொறுப்பு மருத்துவர்களுக்கு உண்டு . மருத்துவர்கள் மருத்துவம் படிக்க அரசாங்கமும் பல கோடி பணம் செலவழித்து வருகின்றது .எனவே மருத்துவர்கள் சமூக சிந்தையுடன் வேலை நிறுத்தத்தை வாபஸ் வாங்க வேண்டும் .இனி எப்பொதும் வேலை நிறுத்தம் செய்வது இல்லை என்ற முடிவுக்கு வர வேண்டும் .வர வில்லைஎன்றால் அரசு ,அவசியப் பணி புரியும் மருத்துவர்கள் வேலை நிறுத்தம் சட்டப்படி தடை செய்ய வேண்டும்.
--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!