படத்திற்கு நான் எழுதிய ஹைக்கூ ! கவிஞர் இரா இரவி !
கிளிகள் இணையாக
கன்னி தனியாக
காளை வரவு எப்போது ?
வழி மேல் விழி வைத்து
வஞ்சி காத்திருக்கிறாள்
தலைவன் வருகைக்கு !
பண்பாட்டு ஆடை அணிந்து
பாதையில் பார்வை வைத்து
பாவை காத்திருக்கிறாள் !
பேசுகின்றன கிளிகள்
கேட்கின்றன செவிகள்
விழிகள் வழி நோக்கி !
விழிகளின் வழி
வழங்குகிறாள் மின்சாரம்
பாதிப்பில் வாலிபர்கள் !
கருத்துகள்
கருத்துரையிடுக